ზღაპარში თუ არა, ჰოლივუდურ ფილმში გაღვიძებულივით მაინც იგრძნობდა თავს ის ადამიანი რომელსაც ეტყოდნენ - შენ გეკისრება უდიდესი მისია შენი ქვეყნის და მომავლის წინაშე! შენ ხარ ის პირველი და ის საძირკველი, რომელზეც უნდა აშენდეს თანამედროვე სამყარო იმ გამოწვევებით, რომელსაც მომავალი შემოგვთავაზებს. დღევანდელი შენი შრომა, იქნება მომავალში გამარჯვების მიზეზი.

      უკეთ, რომ მიგახვედროთ რა ჟანრის ფილმია, იმას ჰგავს - 2 საათის განმავლობაში, მთავარი გმირი სულ რომ გაკიცხული ან სასაცილოდ აგდებულია გარშემომყოფთა მიერ, რადგან ის რაღაც იდეას ემსახურება, სწამს მომავლისა და სიკეთის, სწამს ქვეყნის წინაშე მისიის ... და მხოლოდ ფილმის დასასრულს, გარშემომყოფები ქედს იხრიან მის (ცოცხალისა და მკვდრის, რა მნიშვნელობა აქვს მაყურებლისთვის) წინაშე.

      ასეთ ფილმში არ გამიღვიძია, გზად შემომხვდა და გავაგრძელე მასთან ერთად ცხოვრება.

მილოცვა იუბილე, ქველიდღე, ქველის დაბადების დღე, Qwelly, ბლოგი

      დღეს ქველის დაბადების დღეა! 2012 წლის 24 აპრილს ინტერნეტ სივრცის უკიდეგანო სამყაროს ქართული შემეცნებითი სოციალური ქსელი შეემატა, არა იმით რომ სადმე რესურსზე დაიწერა, არამედ ქველზე პირველი წევრები დარეგისტრირდნენ - ასე იწყება ქველის ისტორია, ადამიანებით და არა ფურცლებით და დოკუმენტებით.

      ზუსტად 5 წლის წინ, ქველმოქმედების იდეა, ვირტუალურ სივრცეშიც განქსელურდა და ადამიანებისთვის დამატებით შესაძლებლობის გაჩენა დაიდო მიზნად. ქველმოქმედების, რომლის საშუალებაც და შესაძლებლობაც უკლებივ ყველას აქვს, რადგან არ მოითხოვს არც ჯიბეში ხურდების ჩხრიალს და არც სადმე ლარის გადარიცხვას; ქველმოქმედების, როდესაც დაგროვებული ცოდნას უსასყიდლოდ, უშურველად უზიარებ სხვას და ეს ცოდნა და გაზიარება შენს ქვეყანას რჩება. დამატებითი, ვახსენე სწორედ იმიტომ, რომ ქველი მხოლოდ ინტერნეტ სახელების მიღმა დამალული უცნობი ადამიანების ერთობა არ არის - ეს რეალური ხალხია, რეალური ქველმოქმედებით.

      5 წლის თავზე არ იფიქროთ, საფილარმონიე კონცერტი დავაანონსო, ან სხვა ქსელებივით ერთნაირი ვიდეო დაგიმზადოთ, ან რომელიმე ორგანიზაციის აქცია გადმოვიტანო - „დაალაიქე და მიიღებ აიფონს“, არა - ქველი არ არის ორგანიზაცია, ქველი ორგანიზმია, ერთიანი ადამიანების და თუ არა ადამიანები, ქველი მოშორდება თავის იდეას. როდესაც ვთქვი - გავაგრძელე მასთან ერთად ცხოვრებათქო, ეს ურთიერთკავშირი ყველა ქველს ეხება - რადგან ჩვენ ორგანიზმის მსგავსად, ერთმანეთის დახმარებით გაგვაქვს ზემოხსენებული იდეის რწმენა.

• პრობლემა: თუკი, ადამიანების თანაცხოვრების ერთადერთ ფორმად იქცა მომხვეჭელობა; თუკი ადამიანის გაცნობისას, იმაზე კი არ ფიქრობენ, რა გავუკეთო მას, არამედ იმას იკვლევენ - ამ ადამიანს, რაში გამოვიყენებო, მაშინ რომელ ორგანიზმზე და ქველობაზეა საუბარი?
• პასუხი: მხოლოდ რწმენის სიმტკიცე!

      ვულოცავ ქველს 5 წლის იუბილეს, ვულოცავ თითოეულ ნამდვილ ქველს და ვუსურვებ ერთგულებას, მხნეობას, მადლიერებას და სიმკიცეს.

მრავალჟამიერ ქველნო!

ნახვა: 293

ტეგები: Qwellyland, იუბილე, მილოცვა, ქველიდღე

თათია: აპრილი 25, 2017||12:38pm
კიიიდევ მრავალი წელი ერთად, ქველობით!!

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

თითებზე ასხმული ქალაქები

გამოაქვეყნა Tamila Moshiashvili_მ.
თარიღი: სექტემბერი 19, 2021.
საათი: 10:24pm 1 კომენტარი

      დიდი ხანია ოქრომჭედელი არ ყოფილა ჩვენი ბლოგის სტუმარი. დღეს ოლა შეხტმანი (Ola Shekhtman) უნდა გავიცნოთ. ოლას უყვარს მოგზაურობა და მოგზაურობისას, ამა თუ იმ ქალაქის სუვენირების შეგროვება. ერთხელაც გადაწყვიტა რომ თავად შეექმნა მუდმივი თანამგზავრი სუვენირი. ქალაქში ჩასვლისას, ოლა ფართო პეიზაჟებს აკვირდება, სწავლობს, ხატავს და ერთ სიბრტყეზე გადააქვს. შემდეგ იწყება ყველაზე რთული. თითოეული მისი ბეჭედი ხელით არის დამუშავებული, დახერხილი,…

გაგრძელება

ექსტრადირების ამბავი, კოკაინი და მიყურადება

გამოაქვეყნა Giorgi_მ.
თარიღი: სექტემბერი 17, 2021.
საათი: 11:26pm 1 კომენტარი

      ნელ-ნელა იწყება კოვიდის მეხუთე ტალღაზე საუბარი და შესამზადებლად ვაქცინაციის წახალისება. დღის მთავარ ამბებში კვლავ საარჩევნო „სისუფთავეა“, ასევე ფარული ჩანაწერები ნელ-ნელა გამომზეურება მტყუან-მართლის გარკვევის პარალელურად. მეგის ქარდავას ექსტრადაცია განხორცილდება. ვალუტის კურსი - 1 აშშ დოლარი - 3.1129 ლარია.

საქართველოს და მსოფლიოს ამბები | 17 სექტემბერი, 2021…

qwellynews, სიახლეები, ნიუსები, ამბები, სექტემბერი

გაგრძელება

სახელმწიფო უსაფრთხოების სამსახური და პროტესტები საარჩევნოდ

გამოაქვეყნა Giorgi_მ.
თარიღი: სექტემბერი 16, 2021.
საათი: 11:30pm 0 კომენტარი

      როგორც ჩანს დაანონსებული წვიმები მხოლოდ ქობულეთს აუხდა მძიმედ - ძლიერმა წვიმამ სახლები დაიტბორა, რამდენიმე სოფელში კი მეწყრული პროცესები განვითარდა. ქვეყანაში ისევ მოსმენების ამბავია აქტუალური და კვლავ სუს მიმართ ისმის კითხვები და პროტსტები. ცხადია, ყველაფერი არჩევნებს უკავშირდება და მის გარშემო ტრიალებს. ვალუტის კურსი - 1 აშშ დოლარი - 3.1141 ლარია.

საქართველოს და მსოფლიოს ამბები | 16…

გაგრძელება

საარჩევნო ტრადიცია - მოსმენები, მიყურადებები და ჩანაწერების გამომზეურება, მერე კომენტარები

გამოაქვეყნა Giorgi_მ.
თარიღი: სექტემბერი 15, 2021.
საათი: 10:30pm 1 კომენტარი

      გამოდარებას არ შეგარგებენ რა, ხვალ და ზეგ წვიმა და ძლიერი ქარი გველოდებაო. დღეს კი მეინსტრიმული აღმოჩნდა ჩვენი საარჩევნო ტრადიცია - ფარული მიყურადების, მოსმენოების, ჩანაწერების მოულოდნელი გამომზეურება და სკანდალ-სკანდალ ნიუსები. დღის მთავარი თემა სწორედ ეს იყო. მეორე მთავარი ამბავია მოახლოებული არჩევნები. ვალუტის კურსი - 1 აშშ დოლარი - 3.1129 ლარია.

საქართველოს და მსოფლიოს ამბები | 15…

გაგრძელება

Qwelly World

free counters