საქართველოს და მსოფლიოს ამბები /23 მაისი, 2017/

      დილის პირველი ინფორმაცია ეხებოდა, საქართველოში თურქეთის პრემიერ-მინისტრის ვიზიტს, რომელიც სწორედ დღეს დაიწყო და მთავრობის ადმინისტრაციაში დღეს თურქეთის პრემიერ-მინისტრის დახვედრის ოფიციალური ცერემონია გაიმართა. ვიზიტის შეფასება: „ეს არის უპრეცედენტოდ მაღალი დონის ვიზიტი ასეთი შემადგენლობით“. დღესვე, საქართველო-თურქეთის მაღალი დონის სტრატეგიული თანამშრომლობის საბჭოს მეორე სხდომა გაიმართა.

      კონსტიტუციის განხილვბის თემა, არ კარგავს აქტუალობას. მითუფრო, რომ ბერლინში საქართველოს კონსტიტუციაში ცვლილებების განხილვა გრძელდება. პარლამენტის თავმჯდომარე აცხადებს: „დარწმუნებულები ვართ, რომ გვექნება აბსოლუტურად პოზიტიური დასკვნა კონსტიტუციურ კანონის პროექტთან დაკავშირებით“, ამავე საკითხზე, პრეზიდენტი მიესალმება თომას მარკერტის განცხადებას საკონსტიტუციო ცვლილებებზე კონსენსუსის მიღწევასთან დაკავშირებით. ეროვნული უშიშროების საბჭოს მდივანი, დავით რაქვიაშვილი კი ამბობს, რომ კონსტიტუციის პროექტში რამდენიმე პრინციპული საკითხია, რომლის განხორციელების შემთხვევაში ეროვნული უსაფრთხოების სისტემა უდავოდ დაზარალდება. თინა ხიდაშელის განცხადებით, კონსტიტუციის პროექტის შემოთავაზებული მოდელი ქვეყნის სტაბილურობისთვის ძალიან საშიშია. მამუკა მდინარაძე ამბობს, რომ პრეზიდენტის თავთან დაკავშირებით, ვენეციის კომისიის ექსპერტების მხრიდან კრიტიკული შენიშვნა არ გამოთქმულა. საქართველოდან, ხუთი NGO რელიგიის თავისუფლებაზე დაგეგმილ ცვლილებებზე ვენეციის კომისიას მიმართავს.

      ეროვნული ბანკის პრეზიდენტი კობა გვენეტაძე მოსახლეობას მოუწოდებს, სავალუტო ჯიხურებში რაიმე დარღვევის აღმოჩენის შემთხვევაში, ეროვნულ ბანკს შეატყობინონ. აქვე მან განაცხადა, რომ საქართველოში მცურავი გაცვლითი კურსია და სხვადასხვა დროს ის, როგორც გამყარების, ისე გაუფასურების მხარეს შეიცვლება. შეგახსენებთ, დღეს დოლარი ოფიციალური გაცვლითი კურსი 2,4144 ლარი იყო. კიდევ ერთი საინტერსო სიახლე, საბანკო სფეროდან. საქართველოში ჩინური ბანკის დაარსებასთან დაკავშირებით ეროვნულ ბანკში კონსულტაციები გაიმართა

      დღის მთავარი მსოფლიო მოვლენა იყო, მანჩესტერში, არიანა გრანდეს კონცერტზე მომხდარი აფეთქება, რომელიც 23 წლის ლიბიელმა მამაკაცმა მოაწყო, მან თავი აიფეთქა. ხოლო პასუხისმგებლობა ტერაქტზე, ტრადიციულად, „ისლამურმა სახელმწიფომ“ აიღო. ტერაქტის შედეგად, 25-მდე ადამიანი გარდაიცვალა და 120-მდე დაშავდა. საქართველოს მთავრობის უმაღლესი წარმომადგენლები, პრემიერ მინისტრი, პრეზიდენტი, პარლამენტის თავმდომარე, შეუერთდნენ რა მსოფლიო ლიდერებს, უსამძიმრებენ ინგლისს და გმობენ ტერორიზმს. ამ ტერაქტის გამო, დიდი ბრიტანეთის პრემიერ-მინისტრი მთავრობის საგანგებო კომიტეტის COBRA-ს სხდომა გამართა. ორიგინალური იყო დონალდ ტრამპი: „ვინც ეს ჩაიდინა, მათ მონსტრებსაც კი არ ვუწოდებ, ისინი „ლუზერები“ არიან“.

      სამართის სფეროდან, კვლავ აქტიურად შუქდება მამა გიორგი მამალაძის საქმე. დეკანოზი მამალაძე საეკლესიო სასამართლოს შექმნას და მის საკითხთან ერთად იმ მღვდელმთავრების საკითხის განხილვასაც მოითხოვს, რომლებიც ბიზნეს და სამეწარმეო საქმიანობას ეწევიან. დეკანოზის ადვოკატის მტკიცებით, მამა გიორგი მამალაძე 50 მილიონი ევროს გამოყენებას საპატრიარქოს კლინიკისა და ჩაქვის საეკლესიო სკოლის რეაბილიტაციაზე გეგმავდა. იქვე, „გრანტების მოძიება ორი მეუფის ლოცვა-კურთხევით ხორციელდებოდა და შორენა თეთრუაშვილიც საქმის კურსში იყო“. გუშინ, მამა გიორგიც აპირებდა სასამართლოში ჩივილს, რაზეც მამა კახაბერ გოგოტიშვილმა განაცხდა, რომ - მღვდელს საერო სასამართლოსადმი მიმართვის უფლება არ აქვს. ბათუმის ეპარქია ამბობს, რომ მამალაძის კერძო სამეწარმეო საქმიანობაზე ინფორმაცია არ გააჩნიათ, მეტიც, არანაირ საქველმოქმედო პროექტებთან დაკავშირებით დეკანოზ გიორგი მამალაძეს ეპარქიის მღვდელმთავართან საუბარი არ ჰქონია. გუშინვე ვრცელდებოდა ინფორმაცია დეკანოზის ადვოკატების ცვილებებზე, ადვოკატი მია ზოიძე ამბობს, დეკანოზი გიორგი მამალაძე ითხოვს, რომ მისი უფლებების დაცვა იმ ადვოკატებმა გააგრძელონ, ვინც აქამდე მონაწილეობდნენ. პროცესში.

      გუშინ, კიდევ ერთი აქტუალური თემა იყო ფარცხალაძს საქმე, რომლის ადვოკატიც დღეს აცხადებს, რომ სიცრუეა, რომ მას შემდეგ, რაც კომპანია ოთარ ფარცხალაძის საკუთრება გახდა, მერიამ მას მიწის ნაკვეთები 45 დღის ვადაში გადაუფორმა. იგივე ადვოკატი, „კადრებიდან ჩანს, რომ ლაშა თორდიას მხრიდან ხდება ფიზიკური ანგარიშსწორების მცდელობა ოთარ ფარცხალაძის მიმართ“.

      ლანცეტის დირექტორმა პაციენტები ღვიძლის გადანერგვის რისკებზე არ გააფრთხილა. მაგრამ პროკურატურა შპს ”ლანცეტი”-ს დირექტორს პაციენტებისგან დიდი ოდენობით თანხის მოტყუებით დაუფლებას ედავება და კლინიკა „ლანცეტის“ დირექტორის წინააღმდეგ აღმკვეთი ღონისძიების სახედ პატიმრობას ითხოვს. ისევ, სამედიცინო სფერო: ორი ჩვილის გარდაცვალების გამო, კლინიკა „რუსთავში" ექსპერტ-კრიმინალისტები მუშაობენ.

      ოპოზიცია არჩევნებს ითხოვს - „ნაციონალური მოძრაობა“ პრეზიდენტს მოუწოდებს, არჩევნების თარიღი სასწრაფოდ დანიშნოს. იგივე პარტია, ზურაბ პატარაძეს კორუფციულ გარიგებებში ადანაშაულებს. ამით არ ჩერდებიან, ქალაქ ზუგდიდის საკრებულოს თავმჯდომარეს კანონდარღვევაში ადანაშაულებენ.

      პარლამენტმა ხმაურის დასაშვები ნორმების გადამეტებისთვის ადმინისტრაციულ-სამართლებრივი პასუხისმგებლობის წესებზე იმსჯელა და დაადგინა, რომ ხმაურის დასაშვები ნორმების გადამეტებისთვის მოქალაქე თავდაპირველად გაფრთხილებას მიიღებს, სამართალდარღვევის მეორედ ჩადენის შემთხვევაში კი, დაჯარიმდება.

      სახალხო დამცველმა შშმ ბავშვის სავარაუდო დისკრიმინაციასთან დაკავშირებით სასამართლოს მეგობრის მოსაზრება წარადგინა, ასევე, ომბუდსმენმა ვაკანსიების შესახებ განცხადებებში დისკრიმინაციული შეზღუდვების გამოყენების თავიდან აცილების მიზნით წინადადება შეიმუშავა.

      ”ბავშვთა სამყაროში“ გაჩენილი ხანძრის შედეგად დაზარალებულებმა ირაკლი შოთაძის გადადგომის მოთხოვნით საპროტესტო აქცია გამართეს. საპროტესტო აქცია იყო ბათუმშიც, სადაც სუვენირებით მოვაჭრეები გამოვიდნენ.

      დიმიტრი ქუმსიშვილი - დიმიტრი მედვედევთან არანაირი შეხვედრა არ ყოფილა, უბრალოდ, პროტოკოლით გათვალისწინებული ფოტოს გადაღებისას მის გვერდზე მოვხვდიო. ისევ ქუმსიშვილის განცხადება: „ქვეყნის სუვერენიტეტი და ტერიტორიული მთლიანობა იყო ერთ-ერთი ძირითადი გზავნილი, რომელიც BSEC-ის სამიტზე გაჟღერდა.“

      თბილსის მერია აცხადებს, რომ დედაქალაქში გარევაჭრობის საწინააღმდეგო ღონისძიებები დასრულებულია. გუშინ, მეტრო „დიდუბეს“ მიმდებარე ტერიტორია „გაიწმინდა“.

      საქართველო-აშშ-ის სტრატეგიული პარტნიორობის ქარტიის კომისიის დემოკრატიისა და მმართველობის სამუშაო ჯგუფის შეხვედრა გაიმართა დღეს საგარეო უწყებაში.

      ქალაქების სტატუსის ჩამორთმევა, კვლავ განსჯის საგანია. პრეზიდენტი აცხადებს, რომ ქალაქისთვის სტატუსის ჩამორთმევა ევროპულ მართვას ეწინააღმდეგება.

      შავ ზღვაში უნიკალური და იშვიათი თევზის სახეობები დააფიქსირეს, მეორე მხირვ, იმავე ზღვაში, ძუძუმწოვრების ჯოგები მცირდება.

      მეუფე დანიელმა სვიმონ კანანელის ხსენების დღესთან დაკავშირებით სიონის ტაძარში პარაკლისი გადაიხადა. 23-ს აღინიშნება ასევე „აფხაზეთის დღე“.

      საგადასახადო სამართალდარღვევში ნამდვილად ვლიდერობთ, ერთ კვირაში დარღვევის 1 013 ფაქტი გამოვლინდა.

      თბილისის ზღვის მიმდებარედ მიწის ნაკვეთების თაღლითურად დაუფლების ფაქტზე სამი პირი დააკავეს.

      დონალდ ტრამპი ისრაელის პრემიერს - ჩვენ გაცილებით მეტი ვართ, ვიდრე მეგობრები, ჩვენ დიდი მოკავშირეები ვართ.

      თავდაცვის ინსტიტუციური აღმშენებლობის სკოლაში კორუფციის რისკების შემცირების თემაზე იმსჯელეს.

თითოხაზინი ამბები:

      გერმანიის მოქალაქე აფხაზეთში ე.წ. საზღვრის უკანონოდ გადაკვეთის გამო დააკავეს.

      რუსთავში მიკროსაფინანსო ორგანიზაცია ლენდო დააყაჩაღეს.

      „გრუზვინპრომმა“ ჩინურ კომპანიასთან 15-წლიანი თანამშრომლობის მემორანდუმი გააფორმა.

      რიგ სკოლებში სპორტის გაკვეთილი კლასში ტარდება, ასეთია აუდიტის დასკვნა.

      მთაწმინდაზე ავტომანქანას ცეცხლი გაუჩნდა.

      ბონდიანის მოყვარულებს, სამწუხარო ამბავი, 89 წლის ასაკში სერ როჯერ მური გარდაიცვალა.

წყაროები: ქართული ინტერნეტ საინფორმაციო პორტალები

◄ წინადღის ამბები მომდევნო დღე ►

ნახვა: 143

ტეგები: qwellynews, ბლოგი, მაისი, ნიუსები

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

The second part about the DL shedding boils down

გამოაქვეყნა Megaomgchen_მ.
თარიღი: ივლისი 3, 2020.
საათი: 4:30am 0 კომენტარი

The second part about the DL shedding boils down to each snap basically being a coin flip between OL and DL and we notice those awful pitches more because they technically shouldn't be occurring but they sadly do. It wraps around to Madden 20 coins the bad coding and how OL/DL interactions have not been updated in a couple of years. Even the folks working on Madden nfl have confessed that they do not understand how they work because it's code in addition to legacy code and it is sadly…

გაგრძელება

ფეხბურთელის იდუმალი გარდაცვალება და პრემიერის ვრცელი გამოსვლა პარლამენტში

გამოაქვეყნა Giorgi_მ.
თარიღი: ივნისი 26, 2020.
საათი: 11:05pm 12 კომენტარი

      პრემიერის პარლამენტში მისვლა, ყოველთვის დღის მეისნტრიმული ამბავია და დღესაც ასე იყო - მთელი დღე, ყველა მედიასაშუალება სწორედ პრემიერის გამოსვლის გარშემო საუბრობდა, წერდა და გადმოსცემდა. ამასთანავე, ბოლო დღეების ყველაზე გაურკვეველი და მძიმე საქმე - ახალგაზრდა ფეხბურთელის გარდაცვალების საქმე.

საქართველოს და მსოფლიოს ამბები / 26 ივნისი, 2020

      კოვიდჯორჯია - მარინა ეზუგბაიას განცხადებით, კოვიდ 19-ით…

გაგრძელება

ნამდვილი მეთევზე

გამოაქვეყნა ბექა ხოჯავა_მ.
თარიღი: ივნისი 25, 2020.
საათი: 11:30am 0 კომენტარი

      თევზაობა არ არის ჰობი, ეს ავადმყოფობაა. ნამდვილი მეთევზე იმით იცნობა, როგორ ჰყვება. თუ ექვსგირვანქიანი წვერას აღწერისას ფეხზე წამოდგა, ხელები გაშალა და ოთახის მთელ სიგრძეზე გადახტა, არ ყოფილა ნამდვილი მეთევზე, მაგრამ თუ მღელვარებისგან ხმა უწყდება, ცრემლი სდის და მთელ ტანში ჟრუანტელი უვლის - ჩვენიანია. ნამდვილი მეთევზეები მარტონი არიან თავიანთ ავადმყოფობასთან, როგორც ჩინელები - ოპიუმის ჩიბუხთან. მზისა და ქაშაყის ქერცლიდან არეკლილი სინათლის…

გაგრძელება

არეული ამინდი, არეული ოპოზიცია, არეული ახალგაზრდები და გადარეული კორონა

გამოაქვეყნა Giorgi_მ.
თარიღი: ივნისი 24, 2020.
საათი: 11:00pm 2 კომენტარი

      პრემიერის მადლობით დაიწყო დღე - ამჯერად, მადლობა ლუგარის ლაბორატორიას და მის მკვლევარებს გადაუხადა. დღის მთავარი ამბავი სწორედ ესაა და მასთან ერთად, ცხადია კორონა ვირუსიც. გახმაურებულია ახალგაზრდა ფეხბურთელის გარდაცვალების იდუმალი საქმე, სადაც შესაძლო დანაშაულებებზე მიუთითებენ მოწმეები, ასევე ოპოზიციაში მაჟორიტარების გაყოფის თემა და ლიდერად მოვლენილი რურუა და მის გარშემო ეპისტოლარული ჟანრი. ცხადია, გაბუნიას საქმეც არ მიჩქმალულა. ამინდს რაც…

გაგრძელება

Qwelly World

free counters