ასეთ არეული იანვარში ყველაფერია მოსალოდნელი და ნალექი ისედაც არ გვაკლდა, მაგრამ 29 იანვარს, ტემპერატურა შესაძლოა -11 გრადუსამდეც დაეცესო. რაც შეეხება დღის მთავარ თემას, ერთმნიშვნელოვნად რეზოლუციის თემა იყო, რომელზეც პოზიცია და ოპოზიცია ერთად მუშაობდა თუმცა საბოლოოდ მაინც არაფერი გამოუვიდათ და მხოლოდ ქართული ოცნების ტექსტი გავრცელდა. ლარის ამბავი - დოლარის ღირებულება - 3.0720 ლარია.

საქართველოს და მსოფლიოს ამბები | 26 იანვარი, 2022

qwellynews, სიახლეები, ნიუსები, ამბები, იანვარი

      #კოვიდსაქართველო - საქართველოში კორონავირუსით ინფიცირების 17 530 ახალი შემთხვევა დაფიქსირდა, გარდაიცვალა კიდევ 39 პაციენტი. ჯანდაცვის მინისტრი - არანაირი ტესტირების შეჩერება არ ხდება - ამირან გამყრელიძემ საკითხზე სარეკომენდაციო ხასიათის მოწოდება გააკეთა. ზურაბ აზარაშვილი - ვაპირებთ სარეკლამო კამპანია დავიწყოთ თუ როგორ უნდა იმკურნალონ „ომიკრონის“ დროს სახლში, როგორც სხვა ქვეყნის გამოცდილებამაც აჩვენა, ეს მიმდინარე სეზონური გრიპია. ქვეყანაში ამ ეტაპზე „ფაიზერის“ ვაქცინის 500 000 დოზის მარაგია და დამატებით დოზებთან დაკავშირებით მოლაპარაკება მიმდინარეობს. დიმიტრი ხუნდაძე - თუ ადამიანს კლინიკური გამოვლინება აქვს, მათ შორის ტემპერატურული რეაქცია ან სხვა ჩივილები, უმჯობესია, რომ ტესტი გაიკეთოს, რაც შეეხება კონტაქტებს, თუ ოჯახის წევრს აქვს ტესტით დადასტურებულია კოვიდი, აუცილებლობა, რომ სხვა ოჯახის წევრების შემთხვევაშიც ტესტით დადასტურდეს, არ არის. თავდაცვის მინისტრი კორონავირუსისგან გამოჯანმრთელდა, მინისტრთა კაბინეტის დანარჩენი 3 წევრი კი მკურნალობას კვლავ სახლში განაგრძობს. ზურაბ აზარაშვილი - ჰოსპიტალიზაციის მაჩვენებელი 20%-დან 4.5 %-მდე შეგვიმცირდა - პედიატრიული კუთხით საწოლების დატვირთვა, ვფიქრობთ, გამოწვეული იყო უფრო ნერვიულობით.

      თურქული წამლები - ჯანდაცვის მინისტრმა ფარმაცევტული კომპანიების წარმომადგენლებთან შეხევდრაზე GMP სტანდარტზე გადასვლის გეგმა მოისმინა. ჯანდაცვის მინისტრის განცხადებით, თურქეთის ბაზრის გახსნის შემდეგ მომავალი კვირიდან სამინისტროში თურქული წამლების რეგისტრაციის კუთხით განაცხადები შევა. დავით სერგეენკოს განცხადებით, მხოლოდ თურქული ბაზრის გახსნა მედიკამენტების გაიაფებისა და ხარისხის შენარჩუნებისთვის საკმარისი არაა და ეს საკითხი რამდენიმე ფაქტორზეა დამოკიდებული.

      რეზოლუციაზე მუშაობა - გივი მიქანაძე - ოპტიმისტურად ვართ განწყობილი, რომ უკრაინის მხარდამჭერი რეზოლუციის ტექსტზე შეჯერება შესაძლებელი იქნება. გიგი წერეთელი - საქართველო კარგავს შესაძლებლობებს, წარმოჩინდეს, როგორც პრინციპების ერთგული ქვეყანა - უკრაინელები სოლიდარობას ელოდებიან და არ ჩანს, რომ გული გვტკივა, რომ ეს ჩვენი საფრთხეცაა. ირაკლი ქადაგიშვილი - თუ ვინმე პარლამენტის რეზოლუციაში ნონსენსების ჩაწერას არ მოინდომებს, გაწონასწორებული და აზრიანი რეზოლუციის მიღების პრობლემა არ უნდა არსებობდეს. გიორგი ვაშაძე - რეზოლუციაში ძირითადი გზავნილები უნდა იყოს, რომ რეგიონში მშვიდობა გვინდა, არ გვინდა ომი, სრული მხარდაჭერა უნდა იყოს უკრაინის ტერიტორიულ მთლიანობასთან დაკავშირებით. პარლამენტში უკრაინის მიმართ მხარდამჭერი რეზოლუციის პროექტთან დაკავშირებით კონსულტაციები მიმდინარეობდა. ბადრი ჯაფარიძე - თითოეული პარტია რომ ვიღებდეთ გადაწყვეტილებას, შეიძლება განსხვავებული რეზოლუცია მიგვეღო, მაგრამ ახლა მთავარია ჩვენმა მეგობრებმა დაინახონ, რომ უკრაინასთან დაკავშირებით ყველა პოლიტიკური ძალა თანხმდება. ხათუნა სამნიძის ინფორმაციით, უკრაინის მხარდამჭერი რეზოლუციის პროექტი პრინციპების დონეზე შეთანხმებულია. ანა ბუჩუკური - უკრაინის მხარდამჭერ რეზოლუციასთან დაკავშირებით პრინციპულ საკითხებზე პოზიციები შეჯერდა - წესით, რეზოლუციის პროექტი დღეს უნდა დარეგისტრირდეს. თინა ბოკუჩავას განცხადებით, ოპოზიციას რეზოლუციასთან დაკავშირებით რამდენიმე პრინციპული საკითხი აქვს, მათი შენიშვნები საპარლამენტო უმრავლესობამ მოინიშნა და გუნდში განიხილავენ. მამუკა მდინარაძე - თუ უკრაინის შესახებ რეზოლუციის ტექსტი დაცლილი იქნება ოპონენტების პოპულიზმისა და პროვოკაციული რიტორიკისგან, შეთანხმება მარტივია. გიორგი ხელაშვილის განცხადებით, უკრაინის მხარდასაჭერ რეზოლუციასთან დაკავშირებით ოპოზიციის წარმომადგენლების შენიშვნები ძირითადად სარედაქციო ხასიათისაა. უკრაინის მხარდამჭერ რეზოლუციის პროექტთან დაკავშირებით პარლამენტში პოლიტიკურ ჯგუფებს შორის კონსულტაციები განახლდა. ხათუნა სამნიძე - „ქართულმა ოცნებამ“ დილით წარმოდგენილი რეზოლუციის ტექსტი შეცვალა - ოპოზიციის მხრიდან იყო მოთხოვნილი უფრო მკაცრი ფორმულირებები, რუსეთის როლზე ხაზგასმა, რაც რეზოლუციაში არ არის. ხატია დეკანოიძე - გავაგრძელებთ მსჯელობას, არ არის გამორიცხული ოპოზიციამ უკრაინის მხარდამჭერი ალტერნატიული რეზოლუციის პროექტი დაარეგისტრიროს. მამუკა მდინარაძემ განმარტა, რა წერია „ქართული ოცნების“ მიერ მომზადებულ უკრაინის მხარდამჭერი რეზოლუციის ტექსტში - პარლამენტი გამოხატავს ღრმა შეშფოთებას უკრაინაში შესაძლო სამხედრო ესკალაციის გამო და გმობს ყოველგვარ განზრახვას, რომელიც სუვერენული სახელმწიფოს სუვერენიტეტის და ტერიტორიული მთლიანობის წინააღმდეგ შეიძლება იყოს მიმართული, რაც ახალ საფრთხეს უქმნის არა მხოლოდ უკრაინის, არამედ რეგიონულ მშვიდობას და უსაფრთხოებას. აცხადებს, რომ ჩრდილოატლანტიკურ ალიანსში გაწევრიანება არის სახელმწიფოს სუვერენული უფლება და სამხედრო-პოლიტიკური არგუმენტებით ამ უფლების შეზღუდვის ყოველგვარი მცდელობა კატეგორიულად მიუღებელია. მიიჩნევს, რომ უკრაინაში ომის არდაშვება უნდა იყოს საერთაშორისო თანამეგობრობის უმთავრესი საზრუნავი. სოლიდარობას უცხადებს მეგობარ უკრაინელ ხალხს, რომელსაც ყოველგვარი შესაძლო სამხედრო ესკალააციით მძიმე ზიანი შეიძლება მიადგეს. ყოველივე ზემოთაღნიშნულის გათვალისწინებით, საქართველოს პარლამენტი მოუწოდებს საქართველოს მთავრობას, დიპლომატიური ინსტრუმენტების გამოყენებით და სტრატეგიულ პარტნიორებთან მჭიდრო კოორდინაციით განაგრძოს თავისი წვლილის შეტანა უკრაინაში ომის არდაშვებაში. მამუკა მდინარაძე - 5-6 შენიშვნიდან 2 იყო გათვალისწინებული - სჯობს, რეზოლუცია მრავალპარტიული იყოს, მგონია, რომ ოპოზიციამ საბოლოო ჯამში მხარი უნდა დაუჭიროს ამ ვარიანტს, რადგან თითოეული სიტყვა გაზომილია. ბადრი ჯაფარიძე - უკრაინის მხარდამჭერი რეზოლუციის ტექსტზე ვერ შევთანხმდით იმის გამო, რომ ვერსია, რომელიც დღეს განიხილებოდა და ძალიან ახლოს ვიყავით შეთანხმებასთან, უარყოფილი იქნა „ქართული ოცნების“ მიერ. მამუკა მდინარაძე - ყველა სიტყვა, ყველა ფრაზა გამომდინარეობს საქართველოს ეროვნული ინტერესებიდან - რეზოლუცია მთლიანად დაცლილია პროვოკაციული და პოპულისტური რიტორიკისგან. კელი დეგნანი - ძალიან გაგვიხარდება თუ მმართველი გუნდი და ოპოზიცია ერთად იმუშავებენ ინიციატივებზე, რომლებიც ქვეყნის საუკეთესო ინტერესებს გამოხატავენ. რომან გოცირიძე - რეზოლუციის ტექსტი შეიცვალა ისე, რომ ნახსენები არაა სიტყვა „რუსეთი“ - ეს ნიშნავს, რომ რაღაც ცუდი ხდება საქართველოს ხელისუფლებაში. დავით ბერძენიშვილი - რეზოლუციის ტექსტი ინტელექტისგან დაცლილია - ვინ არის უკრაინის მტერი, ვინ ემუქრება, უცხოპლანეტელები ჩამოვიდნენ? ბათუ ქუთელია - „ქართული ოცნება“ ვერ ახსენებს რუსეთს - თითქოს მარსიდან შეიჭრნენ უკრაინაში და ისინი ემუქრებიან ქვეყნის სუვერენიტეტს. გიგა ბოკერია - დღეს გვაქვს სამარცხვინო ვითარება, რადგან არ გვყავს მთავრობა, რომელიც ეროვნულ ინტერესებს დაიცავს და უკრაინელ ხალხს გვერდში დაუდგება.

      ქართული ოცნების რეზოლუცია - საქართველოს პარლამენტი - ეყრდნობა რა საქართველოს კონსტიტუციას, კანონმდებლობას და საერთაშორისო ხელშეკრულებებს; მიესალმება რა საერთაშორისო ურთიერთობებში მშვიდობისა და თანამშრომლობის პრინციპების აღიარებასა და დამკვიდრებას; ერთგულია რა საერთაშორისო სამართლის პრინციპებზე დაფუძნებული საერთაშორისო წესრიგისა და საერთაშორისო საზოგადოების საყოველთაოდ აღიარებული ნორმებისა, მათ შორის საზღვრების ურღვევობისა და ტერიტორიული მთლიანობის და სახელმწიფოს სუვერენიტეტის პრინციპებისა; გამოხატავს ღრმა შეშფოთებას უკრაინაში შესაძლო სამხედრო ესკალაციის გამო და გმობს ყოველგვარ განზრახვას, რომელიც სუვერენული სახელმწიფოს სუვერენიტეტისა და ტერიტორიული მთლიანობის წინააღმდეგ შეიძლება იყოს მიმართული, რაც ახალ საფრთხეს უქმნის არა მხოლოდ უკრაინის, არამედ რეგიონულ მშვიდობასა და უსაფრთხოებას; აცხადებს, რომ ჩრდილოატლანტიკურ ალიანსში გაწევრიანება არის სახელმწიფოს სუვერენული უფლება და სამხედრო-პოლიტიკური ინსტრუმენტებით ამ უფლების შეზღუდვის ყოველგვარი მცდელობა კატეგორიულად მიუღებელია; მიიჩნევს, რომ უკრაინაში ომის არდაშვება უნდა იყოს საერთაშორისო თანამეგობრობის უმთავრესი საზრუნავი; სოლიდარობას უცხადებს მეგობარ უკრაინელ ხალხს, რომელსაც ყოველგვარი შესაძლო სამხედრო ესკალაციით მძიმე ზიანი შეიძლება მიადგეს. ყოველივე ზემოაღნიშნულის გათვალისწინებით, საქართველოს პარლამენტი მოუწოდებს საქართველოს მთავრობას, დიპლომატური ინსტრუმენტების გამოყენებითა და სტრატეგიულ პარტნიორებთან მჭიდრო კოორდინაციით, განაგრძოს თავისი წვლილის შეტანა უკრაინაში ომის არდაშვებაში.

      ქართლი - სანატორიუმ „ქართლში“ მცხოვრები დევნილები ჯანდაცვის მინისტრს მიმართავენ და ხვალ, 15:00 საათამდე ვადას აძლევენ. დევნილთა სააგენტო - სააგენტოს ხელმძღვანელობა მზად არის, შეხვდეს სანატორიუმ „ქართლის“ შენობაში მცხოვრებ იძულებით გადაადგილებულ ოჯახებს.

      ქალაქური ამბები - კახა კალაძის განცხადებით, მომავალი თვიდან უსახლკაროს სტატუსის მქონე 15-16 ოჯახი მუნიციპალური საცხოვრისით დაკმაყოფილდება. ვერც ერთ ფაქტს ვერ მომიყვანთ, რომ რეკრეაციული სივრცეების ან სპორტული მოედნების ხარჯზე სამშენებლო ნებართვები გავეცით. 1-ელი მარტიდან ზონალურ-საათობრივი პარკირების სისტემა მთაწმინდის, ჩუღურეთისა და დიდუბის რაიონებში ამოქმედდება. მთაწმინდის, ჩუღურეთისა და დიდუბის რაიონებში ზონალურ-საათობრივი პარკირებისთვის 1 703 ადგილი გამოიყოფა, საბურთალოს რაიონს კი 135 ადგილი დაემატება. ვარკეთილის მეტროს მიმდებარე ტერიტორიაზე გარევაჭრობა აიკრძალება. თბილისის მერიამ მიუსაფარი ცხოველების საკითხის მოსაწესრიგებლად კანონპროექტზე მუშაობა დაასრულა.

      მიშას ბლოკი - ადვოკატის ინფორმაციით, გორის სამხედრო ჰოსპიტალმა სააკაშვილის მიმართ ფიზიკური ძალის გამოყენებასთან დაკავშირებული კადრები წაშალა ან განზრახ არ შეუნახავს. ადვოკატი - დარწმუნებული ვარ, სუს-ს ჰქონდა პირდაპირი წვდომა ვიდეომასალაზე და არ აძლევს ამ ჩანაწერს ინსპექტორის სამსახურს, რადგან ცდილობს, დამალოს დანაშაულის კვალი, რომელიც განხორციელდა სააკაშვილის წინააღმდეგ.

საზღვარგარეთულები:

      #კოვიდმსოფლიო - ჯანმო - მსოფლიოში, გასულ კვირაში, კორონავირუსის 21 მილიონი შემთხვევა გამოვლინდა. ევროკავშირის საბჭოს რეკომენდაციით, პანდემიის დროს მოგზაურობისას ზომები მოქალაქეების ინდივიდუალური სიტუაციიდან და არა წარმოშობის რეგიონში არსებული მდგომარეობიდან გამომდინარე უნდა გამოიყენონ. ჩეხეთსა და ბულგარეთში კორონავირუსით ინფიცირების რეკორდული დღიური მაჩვენებელი დაფიქსირდა. სომხეთში კორონავირუსის 1900 ახალი შემთხვევა დადასტურდა და 1 ადამიანი გარდაიცვალა. რუსეთში კორონავირუსის 74 692 ახალი შემთხვევა გამოვლინდა და 657 პაციენტი გარდაიცვალა. აზერბაიჯანში კორონავირუსის 3 192 ახალი შემთხვევა გამოვლინდა, გარდაიცვალა 18 ადამიანი. გერმანიასა და პოლონეთში კორონავირუსის რეკორდულად მაღალი დღიური მაჩვენებლები დაფიქსირდა.

      უკრაინული ამბები - რუსეთის დუმის სპიკერი - აშშ-ს სურს რუსეთის პრეზიდენტი, რომელიც მართვადი და ლოიალური იქნება. ხორვატიის პრემიერი ქვეყნის პრეზიდენტის განცხადებაზე - მთავრობის სახელით, ბოდიშს ვიხდი უკრაინელების წინაშე - ხორვატიის პრეზიდენტმა, ზორან მილანოვიჩმა განაცხადა, რომ უკრაინა ერთ-ერთი ყველაზე კორუმპირებული ქვეყანაა და მისი ადგილი ნატო-ში არ არის. მისივე თქმით, რუსეთთან ესკალაციის შემთხვევაში, ზაგრები რეგიონიდან საკუთარ ჯარისკაცებს გაიყვანს. აშშ-ის სახელმწიფო მდივნის მოადგილე აცხადებს, რომ აშშ-ში ხედავენ ყველა ინდიკატორს საიმისოდ, რომ ვლადიმერ პუტინი უკრაინის წინააღმდეგ სამხედრო ძალის გამოყენებას თებერვლის შუა რიცხვებში აპირებს. სერგეი ლავროვი - თუ დასავლეთი აგრესიულ კურსს გააგრძელებს, მაშინ მოსკოვი აუცილებელ საპასუხო ზომებს მიიღებს.

წყაროები: ქართული ინტერნეტ საინფორმაციო პორტალები

◄ წინა ამბები მომდევნო ამბები ►

ნახვა: 108

ტეგები: qwellynews, ამბები, ბლოგი, იანვარი, ნიუსები, სიახლეები

vako: იანვარი 27, 2022||8:50pm

მე რასაც ვუყურე ყველაზე სწორად იზრაელი მოიქცა ვინაიდან უკრაინაშიც და რუსეთშიც უამრავი ჩვენი მოქალაქე ცხოვრობს და არ გვინდა დავაზუანოთ თავს შევიკავებთ პოზიციის დაფიქსირებისგანო :))))

George: იანვარი 27, 2022||9:46pm

არც ასე მარტივადაა საქმე, ვაკო, - 1. ისრაელის რეგიონში( ახლო აღმოსავლეთში) რუსეთი ერთ-ერთი ძლიერი მოთამაშეა, უკრაინა კი ნოლი(ამიტომ ეს კიევის ღალატია( ცინიკურად გათვლილი)), 2. ისრაელი- იშვიათ სახელმწიფოთაგანია, სადაც სახელმწიფო ერთი ერის ინტერესებს ემსახურება და არა მოქალაქეებს (შეადარე: ბევრი უკრაინის მოქალაქე პრორუსულადაა განწყობილი და ბევრი უკრაინაში მცხოვრები რუსი მზადაა შეერკინოს პუტინის აგრესიას)

vako: იანვარი 28, 2022||7:51pm

გერმანიაზე უარესები ყოფილან იმათ პორდაპირ მაინც თქვეს :))))

იქნება ომი ბატონო გიორგი როგორ ფიქრობთ?

George: იანვარი 28, 2022||8:29pm

გერმანია უარესია, იმიტორო უკრაინაში მშვიდობაზე პასუხისგებლობა აქვს აღებული ...ომის ალბათობა დიდია, მაგრამ უარესი იქნება თუ მშვიდობას მოიგებენ პუტლერთან დათმობებით

vako: იანვარი 29, 2022||3:29am

მემგონი დათმობა ნებისმიერ შემთხვევაში მოუწევთ თუ დაუთმო მოგებულია თუ არ დაუთმო სამხედრო გზით გააკეთებს არამგონია შეიარაღების გაგზავნამ უშველოთ ძალიამ დიდი სხვაობაა ძალებს შორის და თვითონ თქვეს არ ჩავერევითო და ერთი მხარე ამბობს რო ომზეა წამსვლელი მეორემ მაქსიმუმ სანქციები და ანგარიშებს გავყინავთო და სვიფტიდან გამოვრთავდო და ასე შეკდეგ მარა სიტყვაზე გაუყინეს 200 მილიარდი მაშინ უკრაინა თუ დაიპყრო უკრაინა რა ღირს თავისი ტერიყორიებით სანაპიროთი და ინდუსტრიული ზონებით? 

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

საკალათბურთო ამინდი

გამოაქვეყნა Breezespring_მ.
თარიღი: მაისი 19, 2022.
საათი: 5:30am 0 კომენტარი

The challenge for the developers was to impose NBA 2K in the history of video simulation games. But, the latest game was a disappointment due to its shaky gameplay and troubling flaws in shooting optimization. It's good to know that the developers of NBA 2K22 have been able to learn through their failures.

Released in September, Visual Concept's latest creation is a celebration of what is currently the NBA season. In no way is it surprising that fans from all over the world are…

გაგრძელება

Most Elden Ring players have likely seen the famed red-haired helmet

გამოაქვეყნა Nfkjasfas_მ.
თარიღი: მაისი 18, 2022.
საათი: 7:00am 0 კომენტარი

These slashes also infuse with blood loss and fire damage, which could quickly initiate the deadly proc to reduce blood loss on your opponents Elden Ring Runes. This well-known status effect immediately causes potentially many thousands of point of injury every time it is activated, making it a guaranteed way to win most PvP fights.

If you've managed the way you load out to keep the overall weight of equipment low and you'll be able to maintain an advantage on your adversaries in most…

გაგრძელება

მეინსტრიმული პატიმრები

გამოაქვეყნა Giorgi_მ.
თარიღი: მაისი 17, 2022.
საათი: 11:24pm 0 კომენტარი

      სავარაუდოდ, მაისმა ვერ გაიაზრა რომ მაისია და კვლავინდებურად ცდილობს იმარტოს. ხან ცივა, ხან ცხელა, ახლა კიდევ 19-20 მაისს საქართველოში წვიმა და ქარია მოსალოდნელიო. ქვეყნის შიგნით, დღის მთავარი ამბავი ნიკა გვარამიას დაკავებაა. დაკავებები ძალიან ხმაურიანად გამოგვდის. ასევე ღარიბაშვილის ევროპული ტურნე და ცხადია არავის დავიწყებია უკრაინის ომიანობა. ლარის ამბავი - 1 დოლარის ღირებულება - 2.9769 ლარია.…

გაგრძელება

ფინეთი ევროპაში და სააკაშვილი საავადმყოფოში

გამოაქვეყნა Giorgi_მ.
თარიღი: მაისი 12, 2022.
საათი: 11:30pm 0 კომენტარი

      როცა ჩვენს ქვეყანაში სამუშაო დღე არ არის, დღის მთავარი ამბები საზღვარგარეთიდან ისმის. ცხადია, მსოფლიოს მთავარი ამბავი კვლავ უკრაიანში მიმდინარე ომი და მის გარშემო მსოფლიო გამოხმაურებებია. ამას დაემატა, ომიანობი ფონზე, ფინეთის საკითხი და მისი ევროპული მომავლის გარკვევა, რაზეც რუსეთი ამბობს რომ საფრთხეა. საქართველოში მთავარი ამბავი მიხეილ სააკაშვილის ჯანმრთელობა და მისი ვივამედში სამკურნალოდ გადასვლაა. ლარის ამბავი - 1 დოლარის ღირებულება -…

გაგრძელება

Qwelly World

free counters