დაკარგული მეზღვაური, მოსამართლეების განცხადება, განათლების ინფრასტრუქტურა და ჟურნალისტის გარდაცვალება

      ყინვიანი ღამეებისა და მეტნაკლებად მზიანი იანვრის ფონზე, დღის მთავარი ამბები განსაკუთრებული სიჭრელი არ გამოირჩევიან. ორი ძირითადი მიმართულებით იყო დღეს მედია აქტიური - ერთი, ეს გახლავთ იუსტიციის გარშემო განვითარებული ამბები და მეორე, განათლების მინისტრის ვრცელი ტრიბუნა მომავალ გეგმებზე. დღის სამწუხარო ამბად იქცა ტევე პირველის ჟურნალისტის, ლევან ჩხაიძე გარდაცვალება. რაც შეეხება ხვალინდელ ამინდს, ნალექიანი სამშაბთია ნაწინასწარმეტყველები - 22 იანვარს დასავლეთ საქართველოს უმეტეს და აღმოსავლეთ საქართველოს ზოგიერთ რაიონში მცირე ნალექია მოსალოდნელი.

საქართველოს და მსოფლიოს ამბები / 21 იანვარი, 2019/

      დაკარგული მეზღვაური - 22 წლის ქართველ მეზღვაურს ორი კვირაა ოჯახთან კომუნიკაცია არ ჰქონია. თორნიკე რიჟვაძე - მაქსიმუმს ვაკეთებთ, რომ გაუჩინარებული მეზღვაური ვიპოვოთ. ქართველი მეზღვაური დავით რაზმაძე ლიბიაში გარდაცვლილი იპოვეს.

      ლიეტუვაში სტუმრობა - მამუკა ბახტაძე ოფიციალური ვიზიტით ლიეტუვას რესპუბლიკას ეწვია. საქართველოსა და ლიეტუვას პრემიერებმა ეკონომიკური ურთიერთობების გაღრმავებისა და რეგიონული მნიშვნელობის პროექტების ერთობლივად განხორციელების პერსპექტივა განიხილეს. ლიეტუვას პრემიერ-მინისტრი - საერთაშორისო ურთიერთობებში დაუშვებელია ძალის გამოყენება ან ძალის გამოყენების მუქარა. მამუკა ბახტაძემ ლიეტუვაში დაკრძალული ქართველი კაპიტნის, დათიკო მაჭავარიანის ხსოვნას პატივი მიაგო. დალია გრიბაუსკაიტე - ლიეტუვა მომავალშიც განაგრძობს საქართველოს მტკიცე მხარდაჭერას ევროპული და ევროატლანტიკური ინტეგრაციის გზაზე. მამუკა ბახტაძე - ლიეტუვის პრემიერთან შეხვედრაზე განვიხილეთ რუსეთის მიერ ოკუპაციისა და ანექსიისკენ გადადგმული ნაბიჯების მძიმე შედეგები.

      იუსტიციის გარშემო - იუსტიციის უმაღლეს საბჭოსთან ადვოკატები და არასამთავრობოების წარმომადგენლები სასამართლო სისტემაში განვითარებულ მოვლენებთან დაკავშირებით საპროტესტო აქციას მართავენ. გიორგი მიქაუტაძე - კონკრეტული მოსამართლეების და იუსტიციის უმაღლესი საბჭოს წევრების მიმართ მიზანმიმართული დევნა ხორციელდება. დიმიტრი გვრიტიშვილი - ე.წ. სამოქალაქო სექტორი სრულიად ლეგიტიმურად არჩეული იუსტიციის უმაღლესი საბჭოს დაშლას ითხოვს. დავით უსუფაშვილი - ყველა, ვინც უზენაეს სასამართლოში დასანიშნი მოსამართლეების სიას მხარს უჭერს, მხარს უჭერს ივანიშვილის მოსაზრებას და არა - საკუთარს. ნაზი ჯანეზაშვილის განცხადებით, მნიშვნელოვანია, რომ სამოქალაქო საზოგადოება არის აქტიური სასამართლო სისტემაში განვითარებულ მოვლენებთან დაკავშირებით. სულხან სალაძე - მოსამართლის თანამდებობიდან გადადგეს იუსტიციის საბჭოს ყველა მოსამართლე წევრი და ჩინჩალაძე-მურუსიძემ სისტემა დატოვონ. გაერთიანებული ოპოზიცია იუსტიციის უმაღლეს საბჭოსთან უცხოელ ექსპერტთა საბჭოს შექმნის ინიციატივით გამოდის. ანა დოლიძე - აუცილებლად მივაღწევთ იმას, რომ სასამართლოში გვყავდეს მხოლოდ სუფთა სინდისის ადამიანები. გია ჟორჟოლიანი - აუცილებელია, რომ მოსამართლეები, რომლებიც უვადოდ იქნებიან გამწესებულნი, სარგებლობდნენ მაღალი რეპუტაციით და მაღალი საზოგადოებრივი ნდობით. გიორგი მშვენიერაძე - მოსამართლეების გადაწყვეტილების მიზანი დროებით უკან დახევაა, რათა კლანმა საბოლოოდ მაინც მოახერხოს თანამდებობების უზენაეს სასამართლოში დაკავება. უზენაესი სასამართლოს მოსამართლეობის 10-ვე კანდიდატი პარლამენტს მიმართავს, მათი კანდიდატურების განხილვა არ მოხდეს. ეკა გიგაური მოსამართლეობის კანდიდატების განცხადებაზე - ეს არის ძალიან კარგი მაგალითი ჩინჩალაძე-მურუსიძის კლანისთვის. ანა დოლიძე მოსამართლეობის კანდიდატების განცხადებაზე - შესაძლოა ეს იყოს ახალი გარიგების ნაწილი „კლანსა“ და ხელისუფლებას შორის. რომან გოცირიძე 10 მოსამართლის განცხადებაზე - ეს არის საზოგადოების შუალედური გამარჯვება, მაგრამ ამან არ უნდა მოგვადუნოს. ეკა ბესელია - მოსამართლეების განცხადება კიდევ უფრო მეტად ამყარებს ჩემს რწმენას, რომ არ შეიძლებოდა ამ სიის მხარდაჭერა. თამარ ალანია - ჩვენი დღევანდელი განცხადების მიზეზი გახლდათ ის არაჯანსაღი სიტუაცია და აჟიოტაჟი, რომელიც მოსამართლეების სიასთან დაკავშირებით შეიქმნა. მამუკა ბახტაძე - საზოგადოებას და თითოეულ ჩვენგანს უნდა ჰქონდეს განცდა, რომ არსებობს ობიექტური კრიტერიუმები და პროცედურები, რითაც ხდება მოსამართლეების შერჩევა. არჩილ თალაკვაძე - ეს არის ჯანსაღი რეაქცია და სახელმწიფოებრივი პოზიცია მოსამართლეების მხრიდან.

      სკოლებში მობილიზება - მიხეილ ბატიაშვილი - საათობრივ რეჟიმში ვიქნებით ჩართული სკოლებთან, შესაბამის ორგანოებთან და ნებისმიერი საფრთხის შემთხვევაში მზად ვართ, მივიღოთ გადაწყვეტილება. მიხეილ ბატიაშვილი - განათლების სამინისტროს მხრიდან ახალი რეკომენდაციები გავრცელდა, რომელიც სასწავლო დაწესებულებებში ჰიგიენური წესების მაქსიმალურ დაცვას ეხება. მიხეილ ბატიაშვილი - სკოლებში არსებობს პრობლემები, რომელიც შეიძლება ადგილზე გადაიჭრას და ამას სჭირდება კეთილი ნება, ან მეტი პასუხისმგებლობა დირექტორების მხრიდან. 22 მუნიციპალიტეტში 27 სკოლის მშენებლობა იგეგმება. განათლების მინისტრის მოადგილე - 2019 წელს ინფრასტრუქტურული პროექტებისთვის ბიუჯეტი გასამმაგდა. მიხეილ ბატიაშვილი - უნდა ვაღიაროთ, რომ სერიოზული ინფრასტრუქტურული პრობლემები არსებობს და მათ მოგვარებას სამინისტრო სისტემური მიდგომით იწყებს. სკოლების რეფორმის ფარგლებში, სადაც ამის შესაძლებლობაა, უნდა მოხდეს არამარტო სკოლამდელი, ასევე პროფესიული განათლების ინტეგრაცია. სისტემური მიდგომით შევქმენით საჭიროებების ბაზა და მოვახდინეთ პრიორიტეტების სწორად განსაზღვრა. განათლების მინისტრის მოადგილე - დარწმუნებულები ვართ, რომ მშენებლობა-რეაბილიტაციის პროცესში ენერგოეფექტურობა იქნება სავალდებულო კომპონენტი ყველა სკოლასთან მიმართებით. ილია ელოშვილი - სასწავლო პროცესის დაწყებას ყველა ბაღი ინფრასტრუქტურულად და ჰიგიენის კუთხითაც მომზადებული ხვდება - მშობლებს ღელვის საფუძველი არ აქვთ.

      ტექდაუთვალიერებელი ავტოები - ე.წ. ჭკვიანი კამერების ჩართვის შედეგად, ტექინსპექტირების არგავლის გამო, 4 დღეში 6 654 ჯარიმა გამოიწერა. ტექდათვალიერებაგაუვლელი ავტომობილების დაჯარიმების პროცესში „ჭკვიანი კამერების“ ჩართვის შემდეგ, ინსპექტირების ცენტრებში მიმართვიანობა 5-ჯერ გაიზარდა.

      გაზრდელი ფასების ინდექსი - საქსტატი - დეკემბერში სამრეწველო პროდუქციის მწარმოებელთა ფასების ინდექსი წინა თვესთან შედარებით 0,1 %-ით გაიზარდა.

      ტვ პირველის ჟურნალისტის გარდაცვალება - ტელეწამყვანი ლევან ჩხაიძე გარდაიცვალა. 33 წლის ჟურნალისტი უცხოეთში მეგობრებთან ერთად იმყოფებოდა. ირაკლი კობახიძე ჟურნალისტ ლევან ჩხაიძის გარდაცვალების გამო მწუხარებას გამოთქვამს.

      ხახვისა და კარტოფილის მოსარგებლენი - დავით უსუფაშვილი - თუ ვინმე ორჯერ მეტ კარტოფილს და ხახვს იშოვის, დაურიგებს ხალხს და ამით დაამარცხებს ივანიშვილს, ორჯერ უარეს ხელისუფლებას მივიღებთ.

      ქაოტური განაშენიანება - მაია ცქიტიშვილის ინფორმაციით, ბაკურიანსა და გუდაურში ინფრასტრუქტურული პრობლემებია, რაც ქაოტური განაშენიანებით არის განპირობებული.

      გენგეგმის განახლება - ირაკლი ხმალაძე - თბილისს დავპირდით, რომ გენგეგმა განახლდებოდა და აუცილებლად განახლდება.

      დიღმის აფეთქება - მუნიციპალური ინსპექციის ხელმძღვანელი - ექსპლუატაციაში იქნებოდა თუ არა კორპუსი, სადაც აფეთქება მოხდა, ამას მნიშვნელობა არ აქვს, მოხდა უბედური შემთხვევა.

      დანაზოგები - საქართველოს ბიზნეს აკადემიის დირექტორი - სახელმწიფო და კონსტიტუცია მყარი გარანტია იმის, რომ ჩვენი დანაზოგი საიმედო ხელშია.

      მიმართვა მერიას - ლევან ხაბეიშვილი - თბილისის მერს მივმართავთ, შპს „ნილთან“ ხელშეკრულება გააუქმოს, რადგან 60 000 ბავშვს რისკის ქვეშ აყენებენ.

      წარმოდგენა ეუთოზე - გიგი წერეთელი ეუთო-ს მუდმივმოქმედი საბჭოს სხდომაზე - მე წარმოვადგენ იმ ქვეყანას, რომელსაც საკუთარი კონფლიქტი აქვს „ძლიერ“ მეზობელთან.

      სატარიფო ზრდის მოლოდინში - კახა ბექაური - ოპერატორებს არ მივცემთ უფლებას, რომ საკუთარი ძალაუფლება მომხმარებლებზე ბოროტად გამოიყენონ. კომუნიკაციების კომისია „მაგთიკომსა“ და „სილქნეტს“ მიმართავს, საკითხის საბოლოოდ შესწავლამდე, ტარიფების ცვლილება შეაჩერონ.

      პრეზიდენტი პირველად ბრიუსელში - პრეზიდენტი პირველი სამუშაო ვიზიტით ბრიუსელს ეწვია.

საზღვარგარეთულები:

      მოჩხუბარი მიტინგი - ათენში 60 ათასკაციან მიტინგზე მომიტინგეები და პოლიციელები დაშავდნენ.

      ევროგამოსვლის გეგმა ბ - ტერეზა მეი პარლამენტში ევროკავშირიდან გასვლის ალტერნატიულ გეგმას წარადგენს.

      საფასური გაშვებული რაკეტებისთვის - ისრაელის დაზვერვის მინისტრი - ვინც ისრაელის მიმართულებით რაკეტებს უშვებს, საფასურის გადახდა მოუწევს.

      აფეთქება მექსიკაში - მექსიკაში აფეთქების შედეგად დაღუპულთა რიცხვი 85-მდე გაიზარდა.

      თურქეთის შეძლება - რეჯეფ თაიფ ერდოღანი - თურქეთს დამოუკიდებლად შეუძლია „ისლამური სახელმწიფოს“ დამარცხება, საკმარისია აშშ-მ ანკარას მატერიალურ-ტექნიკური მხარდაჭერა გაუწიოს.

წყაროები: ქართული ინტერნეტ საინფორმაციო პორტალები

◄ წინადღის ამბები მომდევნო დღე ►

ნახვა: 91

ტეგები: qwellynews, ამბები, ბლოგი, იანვარი, ნიუსები, სიახლეები

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

თითებზე ასხმული ქალაქები

გამოაქვეყნა Tamila Moshiashvili_მ.
თარიღი: სექტემბერი 19, 2021.
საათი: 10:24pm 1 კომენტარი

      დიდი ხანია ოქრომჭედელი არ ყოფილა ჩვენი ბლოგის სტუმარი. დღეს ოლა შეხტმანი (Ola Shekhtman) უნდა გავიცნოთ. ოლას უყვარს მოგზაურობა და მოგზაურობისას, ამა თუ იმ ქალაქის სუვენირების შეგროვება. ერთხელაც გადაწყვიტა რომ თავად შეექმნა მუდმივი თანამგზავრი სუვენირი. ქალაქში ჩასვლისას, ოლა ფართო პეიზაჟებს აკვირდება, სწავლობს, ხატავს და ერთ სიბრტყეზე გადააქვს. შემდეგ იწყება ყველაზე რთული. თითოეული მისი ბეჭედი ხელით არის დამუშავებული, დახერხილი,…

გაგრძელება

ექსტრადირების ამბავი, კოკაინი და მიყურადება

გამოაქვეყნა Giorgi_მ.
თარიღი: სექტემბერი 17, 2021.
საათი: 11:26pm 1 კომენტარი

      ნელ-ნელა იწყება კოვიდის მეხუთე ტალღაზე საუბარი და შესამზადებლად ვაქცინაციის წახალისება. დღის მთავარ ამბებში კვლავ საარჩევნო „სისუფთავეა“, ასევე ფარული ჩანაწერები ნელ-ნელა გამომზეურება მტყუან-მართლის გარკვევის პარალელურად. მეგის ქარდავას ექსტრადაცია განხორცილდება. ვალუტის კურსი - 1 აშშ დოლარი - 3.1129 ლარია.

საქართველოს და მსოფლიოს ამბები | 17 სექტემბერი, 2021…

qwellynews, სიახლეები, ნიუსები, ამბები, სექტემბერი

გაგრძელება

სახელმწიფო უსაფრთხოების სამსახური და პროტესტები საარჩევნოდ

გამოაქვეყნა Giorgi_მ.
თარიღი: სექტემბერი 16, 2021.
საათი: 11:30pm 0 კომენტარი

      როგორც ჩანს დაანონსებული წვიმები მხოლოდ ქობულეთს აუხდა მძიმედ - ძლიერმა წვიმამ სახლები დაიტბორა, რამდენიმე სოფელში კი მეწყრული პროცესები განვითარდა. ქვეყანაში ისევ მოსმენების ამბავია აქტუალური და კვლავ სუს მიმართ ისმის კითხვები და პროტსტები. ცხადია, ყველაფერი არჩევნებს უკავშირდება და მის გარშემო ტრიალებს. ვალუტის კურსი - 1 აშშ დოლარი - 3.1141 ლარია.

საქართველოს და მსოფლიოს ამბები | 16…

გაგრძელება

საარჩევნო ტრადიცია - მოსმენები, მიყურადებები და ჩანაწერების გამომზეურება, მერე კომენტარები

გამოაქვეყნა Giorgi_მ.
თარიღი: სექტემბერი 15, 2021.
საათი: 10:30pm 1 კომენტარი

      გამოდარებას არ შეგარგებენ რა, ხვალ და ზეგ წვიმა და ძლიერი ქარი გველოდებაო. დღეს კი მეინსტრიმული აღმოჩნდა ჩვენი საარჩევნო ტრადიცია - ფარული მიყურადების, მოსმენოების, ჩანაწერების მოულოდნელი გამომზეურება და სკანდალ-სკანდალ ნიუსები. დღის მთავარი თემა სწორედ ეს იყო. მეორე მთავარი ამბავია მოახლოებული არჩევნები. ვალუტის კურსი - 1 აშშ დოლარი - 3.1129 ლარია.

საქართველოს და მსოფლიოს ამბები | 15…

გაგრძელება

Qwelly World

free counters