საზღვრებს ვირუსი აწესებს, მინისტრი პარლამენტს არ სწყალობს, მარში ტაძრებს იცავს

      ახლა ისეთი ამბავია მსოფლიო პანდემიასთან დაკავშირებით, რომ ხვალ წვიმა იქნება თუ ელჭექი, აღარავის აინტერესებს. არადა, დღეს გაზაფხულის მშვენიერი დარი იდგა. მსოფლიოს ახლა კორონავირუსი ადარდებს და რაც დრო გადის, უფრო რთული ხდება მისგან თავდაცვა - სამეზობლო იკეტება და ჩვენი ქვეყანაც ამ ჩაკეტილობას შეუერთდა. დღის მთავარი ამბავი იყო მინისტრის პარლამენტში მიუსვლელობაც, აქცია საპატრიარქოსთან და ანას ბაღის მცველები ვარკეთილში.

საქართველოს და მსოფლიოს ამბები / 24 თებერვალი, 2020

      მსოფლიო ამბით უნდა დავიწყოთ - ჩაკეტილობა ვირუსით - სამხრეთ კორეაში კორონავირუსით დაავადებულთა რაოდენობა 763-მდე გაიზარდა. საქართველოს მთავრობის გადაწყვეტილებით, ირანიდან საქართველოში და პირიქით, ფიზიკური პირების გადაადგილება შეიზღუდა. შეზღუდვასთან დაკავშირებით სამოქალაქო ავიაციის სააგენტომ ირანული ავიაკომპანიები გააფრთხილა. ავიაკომპანიებს შესაძლებლობა ექნებათ, საქართველოში ცარიელი ბორტებით ჩამოფრინდნენ და ირანის მიმართულებით ტურისტების გადაყვანა უზრუნველყონ. საგარეო უწყება - თუ საჭიროება დადგა, არ გამოვრიცხავთ სახმელეთო საზღვარზე გადაადგილების შეზღუდვასაც. მსოფლიოში კორონავირუსით დაღუპულთა რაოდენობა 2 619-მდე გაიზარდა. კორონავირუსი მსოფლიოს მასშტაბით 33 ქვეყანასა და 2 ადმინისტრაციულ რეგიონში დაფიქსირდა. ამირან გამყრელიძის განცხადებით, კორონავირუსთან დაკავშირებით, ჩინეთთან შედარებით, შესაძლოა, მეტ საფრთხეს თეირანი წარმოადგენდეს. ამირან გამყრელიძე - ახალი კორონავირუსის შემთხვევების 82% მსუბუქად მიმდინარეობს. ამირან გამყრელიძე - იმედი გვაქვს, რომ გრიპის ვირუსის მეორე პიკი არ გვექნება, თუმცა, მედიცინაში გამორიცხული არაფერია. იტალიაში ახალი კორონავირუსით გარდაცვლილთა რაოდენობა 5-მდე გაიზარდა. ერაყში კორონავირუსის პირველი შემთხვევა დაფიქსირდა. ბათუმი-თბილისის რეისი ჩინეთის მოქალაქეების გარეშე, 40 წუთის დაგვიანებით შესრულდა. კორონავირუსის გამო, საქართველო ირანში ბოლო ორი კვირის განმავლობაში ნამყოფი პირების მიმართ კონკრეტული ღონისძიებების განხორციელებას იწყებს. ამირან გამყრელიძის განცხადებით, მიმდინარეობს მსჯელობა, კორონავირუსის გამო გადაიხედება თუ არა იტალიასთან საჰაერო მიმოსვლის საკითხი. ამირან გამყრელიძე მოსახლეობას რეკომენდაციით მიმართავს, გადაუდებელი აუცილებლობის გარდა, ჩინეთში, ირანში, სამხრეთ კორეასა და იტალიაში მოგზაურობისგან თავი შეიკავონ. მარინა ეზუგბაიას ინფორმაციით, ჩინეთის მოქალაქეებს, რომლებიც თბილისი-ბათუმის მატარებლიდან ინფექციურ საავადმყოფოში გადაიყვანეს ტემპერატურა არ უფიქსირდებათ.

      ოპოზიციის გეგმები - დავით ბერძენიშვილის ინფორმაციით, 4 აპრილს დაგეგმილ საპროტესტო აქციაზე, ოპოზიციამ შესაძლოა, თბილისის მასშტაბით მაჟორიტარი დეპუტატობის კანდიდატები დაასახელოს.

      გამეორება დაეზარა მინისტრს - ფინანსთა მინისტრი დარგობრივი ეკონომიკის კომიტეტის სხდომაზე არ მივიდა. ლევან გოგიჩაიშვილი უმრავლესობის დეპუტატებს - ტიკარაძე და მაჭავარიანი ვერ მოგყავთ პარლამენტში?! რა ფასი აქვს თქვენს დეპუტატობას. ლევან კობერიძე რომან კაკულიას - ბოდიში, მაგრამ თქვენს მინისტრებს სულ ცალ ფეხზე ჰკიდიათ პარლამენტიც და რეგლამენტიც. რომან კაკულია - ვცდილობდი, ფინანსთა მინისტრი დამერწმუნებინა გადაწყვეტილება რეგლამენტის სასარგებლოდ მიეღო - ვერ ვიძალადებდი. გედევან ფოფხაძე - მაჭავარიანი და ტიკარაძე არიან ადამიანები, რომელთაც სახელმწიფოებრივი აზროვნება არ გააჩნიათ, არანაირი მორალური უფლება არ აქვთ მინისტრის თანამდებობას იკავებდნენ. ბექა ნაცვლიშვილი - ეს ხალხი იმიტომ კი არ მოდის, რომ მაჭავარიანს ფეხი გადაუტრიალდა კიბეზე, ან ტიკარაძის მანქანაში საწვავი არ იყო და „მარშრუტკით“ ვერ წამოვიდა, მათ პასუხები არ აქვთ. დავით ჭიჭინაძე - ივანე მაჭავარიანს ეტყობა აერია, სად იმყოფება - თუ ძველბიჭობა და „ბლატაობა“ უნდა, მაშინ ისიც უნდა იცოდეს, რომ ვინც სიტყვას არ ასრულებს, ჭრელ პერანგს აცმევენ. რომან კაკულიას განცხადებით, პარლამენტი რეაგირების გარეშე არ დატოვებს იმ ფაქტს, რომ ფინანსთა მინისტრი საკომიტეტო მოსმენაზე არ მივიდა. გია ვოლსკი ფინანსთა მინისტრზე - იქნებ საჭიროა, ცოტა მეტი დრო მივცეთ, რომ არა მხოლოდ პასუხები გასცეს, არამედ რეაგირებაც მოახდინოს საკითხებზე, რომელიც მწვავედ იქნა დასმული. გედევან ფოფხაძე - საფუძველი მაქვს ვთქვა, რომ 100 მლნ აქტივების მოპარვასთან მაჭავარიანია დაკავშირებული და ის კი არ უნდა გადადგეს, არამედ ციხეში წავიდეს. მე არ დავარქმევდი, რომ პარლამენტში მისვლას თავი ავარიდე. მესმის, რომ რეგლამენტით შეიძლება ვალდებული ვარ მივიდე, თუმცა ჩემი აზრით, ამ საკითხს უნდა შევხედოთ შემდეგნაირად: სულ რამდენიმე დღის წინ „მინისტრის საათის" ფარგლებში ვიყავი პარლამენტში და დროის ნახევარზე მეტი პრაქტიკულად, შეკითხვებზე პასუხის გაცემას დავუთმე და მანამდე წერილიც კი გავაგზავნე კომიტეტში, რომ გამოვდიოდი „მინისტრის საათზე“ და იქ გავცემდი ყველაფერს პასუხს, თუ რამე დამატებითაც იქნებოდა საჭირო, თანახმა ვიყავი კიდევ მივსულიყავი. თქვენ ნახეთ, რომ პრაქტიკულად, დარბაზი დატოვეს, არც კი იყვნენ და არანაირი შეკითხვა არ დასვეს. ეს ნიშნავს, რომ პრაქტიკულად, პასუხი არ აინტერესებდათ, უფრო სწორად მიაჩნიათ, რომ საკომიტეტო მოსმენის ფორმატი ალბათ, იძლევა მეტი სპეკულირების საშუალებას. თამარ ჩუგოშვილი - როდესაც მინისტრი მასზე კანონით დაკისრებულ ვალდებულებას არ ასრულებს, ეს პარლამენტის პოლიტიკურ სისუსტესა და უუნარობაზე მეტყველებს.

      სიმართლე - დავით ჭიჭინაძე - საჭიროა, ამ პარლამენტს დიდი ბოქლომი დავადოთ - ხელფასებსაც ტყუილად ვიღებთ და საწვავსაც ტყუილად ვწვავთ.

      ბაღის მცველები - მოსახლეობა „ანას ბაღის" მიმდებარე ტერიტორიაზე მოწყობილი სკვერის დანგრევას აპროტესტებს. კახა კალაძე - “ანას ბაღს” არანაირი პრობლემა არ გააჩნია და ვერავინ გაბედავს, რომ სკვერებსა და ბაღებში მშენებლობა განახორციელოს. მერიაში „ანას ბაღის“ დასაცავად მისულ „შეცვალეს“ წევრებს არ უშვებენ. გიგა მაქარაშვილი აცხადებს, რომ თუ თბილისის მერიისგან პასუხს არ მიიღებენ, „ანას ბაღის“ მიმდებარედ სკვერის მშენებლობას ამაღამ ისევ დაიწყებენ.

      ძირითადი გუნდით 90 წუთის ბოლომდე - კახა კალაძე - გუნდში არანაირ ცვლილებებზე არ არის საუბარი - ქვეყანას ჰყავს ძლიერი პრემიერი, ჰყავს მთავრობა, რომელიც მუშაობს ყოველდღიურ რეჟიმში. ბექა ნაცვლიშვილი - „ქართულ ოცნებას" არანაირი საკადრო ცვლილება არ უშველის. გია ვოლსკი - მე ვამბობ, არავითარი ცვლილებები - სტაბილურობაა ქვეყანაში და მთავრობა მუშაობს გამართულად.

      თანასწორობის რეალიზება - სახალხო დამცველი - თანასწორობის უფლების რეალიზაციის მხრივ საქართველოში მდგომარეობა კვლავ კრიტიკულია.

      მარში საპატრიარქოსთან - საზოგადოებრივი მოძრაობა „ქართული მარშის“ წევრებმა საპატრიარქოსთან აქცია გამართეს. აქციის მონაწილეები საპატრიარქოს საზოგადოებასთან ურთიერთობის სამსახურის ხელმძღვანელის, დეკანოზ ანდრია ჯაღმაიძის განცხადებას აპროტესტებდნენ. როგორც აქციის მონაწილეებმა აღნიშნეს, „დეკანოზის განცხადება იმის შესახებ, რომ ბერთუბნის მონასტერი გავლებული სასაზღვრო ზოლის მიხედვით აზერბაიჯანის სიღრმეში მდებარეობს, სიმართლეს არ შეესაბამება“. მათი თქმით, მონასტერი საქართველოს ტერიტორიაზე მდებარეობს. „როგორც ჩიჩხიტურის, ასევე ბერთუბნის მონასტერი არის დავით გარეჯის კომპლექსის ნაწილი, ხოლო დავით გარეჯი საქართველოს ნაწილი. ამიტომ მსგავსი უპასუხისმგებლო განცხადებები, მითუმეტეს საპატრიარქოს პრესსამსახურის უფროსისგან არ უნდა კეთდებოდეს. ეს აზიანებს საქართველოს სახელმწიფო ინტერესებს“, - განაცხადა აქციის ერთ-ერთმა მონაწილემ ბექა რევაზიშვილმა.

      ქურდობა - სამეგრელოში საფლავების გაქურდვის ბრალდებით ორი პირი დააკავეს.

      კარგი ამბავი - წითელი ნუსხის სახეობა ნაკადულის კალმახის ლიფსიტები გამოიჩეკა.

საზღვარგარეთულები:

      თოვლის ბაბუა - დონალდ ტრამპი - ვისურვებდი, რომ უკრაინა და რუსეთი დაახლოვდნენ - ეს ძალიან მაგარი იქნებოდა მთელი მსოფლიოსთვის.

წყაროები: ქართული ინტერნეტ საინფორმაციო პორტალები

◄ წინა ამბები მომდევნო ამბები ►

ნახვა: 1092

ტეგები: qwellynews, ამბები, ბლოგი, თებერვალი, ნიუსები, სიახლეები

ლაშა: თებერვალი 24, 2020||10:28pm

ის რომ საფლავების ქურდები არსებობენ, ამ ქურდების სულმდაბლობის ბრალია თუ „მოოქროვილი“ საფლავების? (( 

George: თებერვალი 24, 2020||10:35pm

თუ წიე მომპარავია, საფლავი გრეხი არაა (c)

Kakha: თებერვალი 25, 2020||2:26pm

4 აპრილამდე კარანტინი თუ გამოცხადდება აქციაზე 2 ნტრედი და 5 პოლიეთილენის პარკი მივა ))

ლაშა: თებერვალი 25, 2020||4:07pm

მაინც მარტო ეგენი არიან და )) 

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

მოდა კორონას ხანაში

გამოაქვეყნა Tamila Moshiashvili_მ.
თარიღი: ოქტომბერი 24, 2020.
საათი: 10:59pm 1 კომენტარი

      იტალიური დიზაინი ანტიკური ხანიდან ცნობილი, პოპულარული და დაფასებულია. თანამედროვე სამყაროშიც ბევრი არაფერი შეცვლილა - იტალიური დეფილეები, მოდის კვირეულები, დიზაინერები და მოდელები მსოფლიოს მოდის სტანდარტს ქმნიან. ცნობილი ბრენდები მათ გარშემო ტრიალებს, მაგრამ კორონამ აქაც შეიტანა თავისი კვალი. დეფილე ძალიან განსახვავებულად და დისტანციის სრული დაცვით ჩატარდა - საუბარია მოსკინოს (Moschino) კოვიდ-დეფილეზე. წარმოიდგინეთ ამდენი ახალი…

გაგრძელება

ტერაქტიც საარჩევნოა, კოვიდიც, ავტობუსებიც და ყველაფერი არჩევნებს უტრიალებს

გამოაქვეყნა Giorgi_მ.
თარიღი: ოქტომბერი 23, 2020.
საათი: 11:28pm 0 კომენტარი

      საარჩევნოდ ტერორისტული ამბავი თუ ასეთ გამოხმაურებებს გამოიწვევდა და ამდენი დღე დარჩებოდა მეინსტრიმში, ბევრი ვერ წარმოიდგენდა ალბათ, მაგრამ ფაქტია ასე მოხდა. კორონა უკვე 1700 კაცს ითვლის ყოველდღიურად, უფრო ჩაშლილი კოვიდ ამბავი ასეთია - დღეის მდგომარეობით დადასტურებული შემთხვევა - 24562, გამოჯანმრთელებული - 9751, გარდაცვლილი - 183, კარანტინში - 4408. ლარის ამბავი - აშშ დოლარის ფასია 3.2202 ლარი.

საქართველოს და მსოფლიოს ამბები / 23…

გაგრძელება

ტერორისტი სამეგრელოში და არჩევნებამდე ერთ კვირაზე ცოტა მეტი

გამოაქვეყნა Giorgi_მ.
თარიღი: ოქტომბერი 22, 2020.
საათი: 10:30pm 2 კომენტარი

      რთული და დაძაბული იყო ზუგდიდის ტერორისტული აქტი - საქ. ბანკში შევარდნილმა 4 მილიონი ჩაიდო და წავიდა, მაგრამ ინტერნეტ სივრცეს დიდი ხანია ამდენი არცერთ თემაზე არ უხუმრია რაც გუშინდელმა ტერაქტმა გამოიმუშავა. დღის მთავარია ამბავი დღესაც ეს იყო, კორონა უკვე 1500-ზეა ასული და არჩევნებამდე 10-ზე ნაკლებ დღეში, მხოლოდ ურთიერთბრალდებებია დარჩენილი. ადგილობრივი კორონა რიცხვებში - დადასტურებული შემთხვევა - 22803, გამოჯანმრთელებული - 9401, გარდაცვლილი -…

გაგრძელება

დაკარგული სახეები

გამოაქვეყნა nunu qadagidze_მ.
თარიღი: ოქტომბერი 21, 2020.
საათი: 2:30pm 0 კომენტარი

      - მე ერთხელ ძალიან მაგრად გამიმართლა...

      ასეთი სიტყვები ანკესივითაა, აუცილებლად მიიპყრობს ყურადღებას. აბა, ვინ არ ოცნებობს ასეთ რამეზე? მეც ძალაუნებურად მივუგდე ყური. ვიღაც ჭაღარა მამაკაცი ყვებოდა თავის ამბავს, ხის მერხზე ჩამომჯდარი.

      - აეროპორტში ვიყავი, საქონელს ველოდებოდი. სტიუარდესა მყავდა ერთი შეგულებული. გამოაცხადეს, რეისი იგვიანებსო. მოსაცდელ დარბაზს მივაშურე, იქ მებუფეტესთან მქონდა რაღაც ანგარიშები…

გაგრძელება

Qwelly World

free counters