მტკიცე ლუკაშენკო, ქართული ექსპერტიზა და რეზერვი ჯარის ნაცვლად

      მინსკსი ასიათაობით ადამიანი გამოვიდა ლუკაშენკოს გაპრეზიდენტების გასაპროტესტებლად. როგორც წესი მთელი მსოფლიოს ყურადღება ასეთი მასობრივი ამბებისკენ არის მიმართული. არც ქართველები ჩამორჩნენ და ქართული ყოვლისმცოდნეობით ბელარუსის შიდა საქმეების შეფასებებთან ერთად, განსხვავებული პოლიტ-გუნდების კრიტიკაც შეძლეს. ქვეყნის მთავარი ამბავი ეს იყო. მასთან ერთად კორონას ახალი შემთხვევები, არჩევნების სიახლოვე და სამწუხარო ამბები - გარდაცვლილი ადამიანების პოვნა.

საქართველოს და მსოფლიოს ამბები / 17 აგვისტო, 2020

      საქართველოში კორონავირუსის 5 ახალი შემთხვევა გამოვლინდა, 4 ადამიანი კი გამოჯანმრთელდა. კორონავირუსის 5 ახალი შემთხვევიდან 3 აჭარაში გამოვლინდა, აქედან ორი ე.წ. ქობულეთის კლასტერს უკავშირდება. მარინა ეზუგბაიას განცხადებით, კორონავირუსის 5 ახალი შემთხვევიდან 2 დადასტურებული შემთხვევის კონტაქტია, 1 იმპორტირებულია, ხოლო 2-ის წყარო ჯერჯერობით უცნობია.

      თურნავას ეკონომიკა - ნათია თურნავა - პანდემიისას განხორციელებული ინვესტიცია დასტურია, რომ ინვესტორებს ჩვენი ეკონომიკის სწრაფი გაჯანსაღების და ეკონომიკური პოლიტიკის სჯერათ. FitchRatings-ის მიერ საქართველოს სუვერენული საკრედიტო რეიტინგის უცვლელად დატოვებამ დაადასტურა, რომ ჩვენი ეკონომიკა სწრაფად შეძლებს აღდგენას. ბექა ლილუაშვილი Fitch-ის რეიტინგზე - ეს ძლიერი სიგნალია საერთაშორისო საინვესტიციო საზოგადოებისთვის, რომ ქვეყანაში მაღალი ხარისხის მაკროეკონომიკური მენეჯმენტია. ნიკოლოზ გაგუა - Fitch-ის რეიტინგი არის აღიარება, რომ ქვეყნის ეკონომიკური პოლიტიკა მზად შეხვდა გამოწვევებს. კობა გვენეტაძე - Fitch მიიჩნევს, რომ სებ-ის თანმიმდევრული და სანდო პოლიტიკის პრაქტიკა შემდგომშიც ხელს შეუწყობს მაკროეკონომიკური სტაბილურობის შენარჩუნებას.

      არჩევნების წელი - კელი დეგნანი - მაჟორიტარულ კანდიდატებს ეცნობიან, თუმცა ასევე მნიშვნელოვანია, ვინ არის წარმოდგენილი პროპორციულ სიაში. ძალიან მნიშვნელოვანია, რომ ოქტომბერში საქართველოში არჩევნები ჩატარდეს სამართლიანად და თავისუფლად. კიბერთავდასხმა მნიშვნელოვანი გამოწვევაა ყველა იმ ქვეყნისთვის, სადაც წელს არჩევნები ტარდება. თამარ ჟვანია - არჩევნებზე საერთაშორისო დამკვირვებლების ვიზიტთან დაკავშირებით კონკრეტული პროტოკოლი შემუშავდება. მიხეილ სააკაშვილი - საქართველო ივანიშვილმა 90-იანი წლების რუსეთს დაამსგავსა - არ მივატოვებ ჩვენს ხალხს და ახალგაზრდობას გასაჭირში.

      ჯარის ალტერნატივა - რეზერვი - 18-დან 22 წლის ჩათვლით სტუდენტებს, სარეზერვო სამსახურის ერთი კონტრაქტის ვადის გასვლის შემდეგ, სავალდებულო სამსახური მოხდილად ჩაეთვლება. აქტიურ რეზერვში მიიღებიან 18-დან 50 წლამდე ასაკის მოქალაქეები, როგორც ქალბატონები, ასევე მამაკაცები. საბრძოლო მომზადება თითოეული წლის განმავლობაში გახლავთ არაუმეტეს 45 დღისა, ხოლო რეზერვისტის მინიმალური წლიური ანაზღაურება შეადგენს 2700 ლარს.

      შაქარაშვილის საქმე - ექსპერტი შაქარაშვილის საქმეზე - მაღალი ალბათობით, დასაშვებია, რომ დაზიანება განვითარებულიყო ხელკეტის მსგავსი საგნის ზემოქმედებით. გიორგი შაქარაშვილის გარდაცვალების საქმეზე ბრალდებული მორაგბის ადვოკატები დამოუკიდებელი საგამოძიებო მოქმედებებისა და ექსპერიმენტების ჩატარებას გეგმავენ.

      ბაჩალიაშვილის საქმე - თეონა თამაზაშვილი - თამარ ბაჩალიაშვილის მკვლელობის საქმეს პროკურატურა გამოიძიებს. თამარ ბაჩალიაშვილის ოჯახის ადვოკატი - თვის ბოლოს უცხოელი ექსპერტები ჩამოვლენ, რომლებიც სასამართლო-სამედიცინო ექსპერტიზას გაეცნობიან. თამარ ბაჩალიაშვილის გარდაცვალების საქმის გამოძიების ფარგლებში პროკურატურაში სპეციალური სამუშაო ჯგუფი შეიქმნება. რამიშვილი - თვის ბოლოს ჩამოვლენ უცხოელი სპეციალისტები და სამედიცინო ექსპერტიზას გაეცნობიან.

      გარდაცვალების ახალი ფაქტები - ურეკში ზღვაში დაკარგული ახალგაზრდა მამაკაცის ცხედარი იპოვეს. მაშველებმა მტკვარში, ბარ „ბაუჰაუსის“ მიმდებარე ტერიტორიაზე, ბარის ორივე თანამშრომლის გვამები იპოვეს, რომლებიც 15 აგვისტოს, გამთენიისას გაუჩინარდნენ.

      ნატოში ფინიშიც გადავკვეთეთ - ფილიპ ბრიდლოვი - საქართველომ ყველა მოლოდინს გადააჭარბა და ნატოში წევრობის „ფინიშის ხაზი“ დიდი ხნის წინ გადაკვეთა.

      ზარალის ანაზღაურება - „ირაომ“ ვარკეთილის ბაზრობაზე ხანძრის შედეგად გამოწვეული ზარალი ყველა დაზარალებულს აუნაზღაურა.

საზღვარგარეთულები:

      კორონა სამეზობლოში - სომხეთში კორონავირუსის 38 ახალი შემთხვევა გამოვლინდა, 6 ადამიანი გარდაიცვალა. რუსეთში კორონავირუსის 4 892 ახალი შემთხვევა გამოვლინდა და 55 გარდაიცვალა. აზერბაიჯანში კორონავირუსის 124 ახალი შემთხვევა დადასტურდა, 2 ადამიანი გარდაიცვალა.

      ბელარუსის პროტესტი - ნატო ბელარუსის საზღვართან სამხედრო ძალების მობილიზებას უარყოფს. სვეტლანა ტიხანოვსკაია - მზად ვარ ვიმოქმედო როგორც ეროვნულმა ლიდერმა. დომინიკ რააბი - დიდი ბრიტანეთი ბელარუსის საპრეზიდენტო არჩევნების შედეგებს არ ცნობს. სერგი კაპანაძე ხელისუფლებას - ბელარუსის ისტორიაში ასეთი მნიშვნელოვანი დღეების დროს, როგორ მოახერხეთ, რომ საქართველოს ელჩი ისვენებდა და თურმე ადგილზე არ იმყოფებოდა?! ნათია თურნავა - ჩვენი ელჩი ბრუნდებოდა ბელარუსში, დანიშნულების ადგილზე, რაც ბუნებრივია - არ მესმის, ამ საკითხზე ატეხილი აჟიოტაჟი რა მიზანს ისახავდა. გიორგი ვაშაძე - საპრეზიდენტო არჩევნები ბელორუსში არ იყო გამჭვირვალე, თავისუფალი და სამართლიანი. ალექსანდრე ლუკაშენკო - ვიდრე არ მომკლავთ, სხვა არჩევნები არ იქნება. გერმანიის პრეზიდენტი - მოვუწოდებ ბელარუს სამხედროებს, არ გამოიყენონ ძალა საკუთარი ხალხის წინააღმდეგ. კელი დეგნანი - აშშ თვლის, რომ ბელარუსში თავისუფალი და სამართლიანი არჩევნები არ ჩატარდა. ევროსაბჭოს წევრები ბელარუსში არსებულ სიტუაციას განიხილავენ. ვანო მაჭავარიანი - რაც ბელარუსში ხდება „ხავერდოვანი რევოლუციაა“, რადგან ხალხს ლუკაშენკოსთან უძრაობის პერიოდში ყოფნა არ უნდა. ლევან ბოძაშვილი - არ არის გამორიცხული ლუკაშენკოს წინააღმდეგ მოვლენებში პუტინის ხელიც ერიოს, რათა ბელარუსზე გავლენა გარანტირებულად მიიღოს. მარია ზახაროვა ემანუელ მაკრონის განცხადებას ბელარუსი დემონსტრანტების მხარდაჭერის შესახებ „თვალთმაქცობად“ აფასებს. „დოიჩე ველე“ - ბელარუსმა გროდნოს რეგიონში სამხედრო წვრთნები დაიწყო, ლიეტუვა და პოლონეთი საზღვარზე სიტუაციას აკონტროლებენ. სალომე ზურაბიშვილი - ვემიჯნებით ყველანაირ ძალადობას - გვჯერა, რომ ბელარუსი და მისი ხალხი შეძლებს საკუთარი მომავლის დემოკრატიულად გადაწყვეტას. ევროპარლამენტარები ბელარუსში ხელახალი არჩევნების ჩატარებას უჭერენ მხარს და ლუკაშენკოს ევროკავშირში პერსონა ნონ გრატად მიიჩნევენ. დონალდ ტრამპი - საშინელი სიტუაციაა ბელარუსში, ჩვენ ძალიან ყურადღებით ვადევნებთ თვალს. ალექსანდრე ლუკაშენკო მოწოდებით გამოდის, სახელისუფლებო უფლებამოსილების გადანაწილება საკონსტიტუციო გზით მოხდეს.

      კრემლის ინფორმაციით, ვლადიმერ პუტინმა და რეჯეფ თაიფ ერდოღანმა ლიბიისა და სირიის კონფლიქტები განიხილეს.

      ანტალიის მერს კორონავირუსი დაუდასტურდა.

      სიცხე რეკორდით - კალიფორნიის შტატში 54.4 გრადუსი დაფიქსირდა, რაც ბოლო 90 წელიწადში, შესაძლოა, დედამიწაზე ყველაზე მაღალი ტემპერატურა იყოს.

წყაროები: ქართული ინტერნეტ საინფორმაციო პორტალები

◄ წინა ამბები მომდევნო ამბები ►

ნახვა: 106

ტეგები: qwellynews, აგვისტო, ამბები, ბლოგი, ნიუსები, სიახლეები

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

Density Gradient Centrifugation

გამოაქვეყნა EFTcheat_მ.
თარიღი: მარტი 29, 2024.
საათი: 5:30am 0 კომენტარი







Nycodenz, a broadly applied reagent in laboratory options, holds important significance in the field of mobile biology and biochemistry. In the following paragraphs, we will take a look at the multifaceted mother nature of Nycodenz, its programs, and how it revolutionizes density gradient centrifugation techniques.



What is Nycodenz?

Nycodenz is a non-ionic, iso-osmotic iodinated density gradient medium commonly used in cell separation and purification…

გაგრძელება

აქტიური თავმჯდომარე, პირომანი მოზარდის საქმე და სხვ.

გამოაქვეყნა Giorgi_მ.
თარიღი: მარტი 28, 2024.
საათი: 11:35pm 0 კომენტარი

ევროპულ მუნდიალზე საქართველოს ეროვნული ნაკრების საგზურის მიღების შემდეგ, ქვეყანა ნელ-ნელა გამოერკვია სიხარულის ემოციიდან და როგორც იქნა ცხოვრება ძველ კალაპოტს დაუბრუნდა. ჯერ კიდევ პენალტების, გოლების, ემოციების, ჟივილ-ხივლის პერიოდია, მაგრამ დღის ამბები, ასე თუ ისე მოგროვდა ნიუს-მწერლებში. აქტიური იყო შალვა პაპუაშვილის მრავალმხრივი კომენტარები და ინტერვიუები, მათ შორის საკონსტიტუციო ცვლილებებზე და სასამართლო…

გაგრძელება

Dive In to the Beat: An Introduction to Hearing Rap Audio

გამოაქვეყნა EFTcheat_მ.
თარიღი: მარტი 28, 2024.
საათი: 4:30am 0 კომენტარი







Rap tunes, with its infectious beats, poetic lyrics, and charming storytelling, happens to be a dominant pressure within the audio business and a cultural phenomenon throughout the world. From its humble beginnings from the streets of New York City to its latest standing as a worldwide genre influencing vogue, language, and social actions, rap has progressed into a diverse and dynamic art type embraced by hundreds of thousands. For anyone who is new to rap or seeking to…

გაგრძელება

Study Recombinant Protein Creation

გამოაქვეყნა EFTcheat_მ.
თარიღი: მარტი 27, 2024.
საათი: 12:00am 0 კომენტარი







Proteins tend to be the workhorse molecules that generate nearly each Organic program. Using the escalating recognition of the purpose of proteins in numerous investigate and production things to do, basically isolating them from their natural host cells are unable to meet the escalating need of the market. Chemical synthesis can be not a practical option for this endeavor a result of the size and complexity of proteins. As a substitute, the developments manufactured…

გაგრძელება

Qwelly World

free counters