კონგრესმენის კრიტიკა, ჩინური ვირუსი და ხორავას ქუჩაზე დაპირისპირებულები

      ჩვენი სწრაფვა დასავლეთისკენ იმდენად დიდია, რომ საკმარისია რომელიმე კონგრესმენმა 535_დან, რამე დაწერს ჩვენზე, მთელი დღის მეინსტრიმი სწორედ კონგრესმენის წერილს ეძღვნება - ასე იყო დღესაც, როდესაც კონგრესმენისგან კრიტიკული წერილი დავიმსახურეთ ბევრი სხვადასხვა მიმართულებით. დღის ამბებში აქტიურად დაბრუნდა სარალიძე-კალანდიების ამბები, ასევე, ავსტრალიიდან უკვე ჩინეთში გადავიდა მსოფლიო ყურადღება და ამჯერად ახლადგამოჩეკილი ვირუსის გამო.

საქართველოს და მსოფლიოს ამბები / 23 იანვარი, 2020

      კრიტიკული კონგრესმენი - ბადრი ჯაფარიძე - კონგრესმენები პირდაპირ ამბობენ, რომ „ქართულმა ოცნებამ“ პოლიტიკურ სამიზნედ აირჩია ანაკლიის განვითარების კონსორციუმი. რატი იონათამიშვილი - ოპონენტები ცდილობენ, რომ 4 კონგრესმენის წერილი და კონგრესის ორპარტიული მხარდამჭერი რეზოლუცია ლამის ერთ სიბრტყეში დააყენონ, რაც მცდარია. დავით ჭიჭინაძე - ისღა დარჩენიათ ამერიკელი იმპერიალისტებიო დაამატონ და „ოცნების“ წევრების გამონათქვამი კომკავშირელთა გამონათქვამების იდენტური იქნება. ქეთევან ციხელაშვილი - ჩვენი პარტნიორების მხრიდან გვაქვს ძალიან ერთსულოვანი და მყარი მხარდაჭერა. ანრი ოხანაშვილი - შესაძლოა, ზოგიერთი კონგრესმენი შეცდომაში იყოს შეყვანილი, ან არ ფლობდეს ზუსტ ინფორმაციას. სულხან სალაძე კონგრესმენების წერილზე - არ ვიცი, რამდენად სერიოზულად უყურებს ხელისუფლება, მაგრამ ყოველი მომდევნო განცხადება უფრო მკვეთრი ხდება. სერგი კაპანაძე - ჩვენს პარტნიორებში ძალიან დიდია შეშფოთება საქართველოში მიმდინარე მოვლენებით და კონგრესმენების წერილი ამის მორიგი დადასტურებაა. „თავისუფალი საქართველო“- ამერიკელი და ევროპელი პარტნიორების რეკომენდაციები გასათვალისწინებელია. რომან გოცირიძე - მერამდენე სულელური განცხადებების კომენტირება გვიწევს - თურმე კონგრესმენები შეცდომაში შეჰყავთ.

      პატრიარქი საავადმყოფოში - ექიმი - გაუგებარია, პატრიარქის ჯანმრთელობაზე ეს უსაფუძვლო ხმაური რატომ ატყდა. პატრიარქს ბათუმში, ერთ-ერთ კლინიკაში გამოკვლევა უტარდება.

      ერთგულება და გაყიდვა - გიორგი ვაშაძე - როდესაც საპარლამენტო არჩევნები ჩატარდება, თეა წულუკიანი იქნება ის პირველი, ვინც სამჯერ კი არა, ოცდაათჯერ უარყოფს ივანიშვილსაც და „ქართულ ოცნებასაც“.

      გაუარესებული კორუფცია - ეკა გიგაურის განცხადებით, კორუფციის აღქმის ინდექსში საქართველოს შედეგის გაუარესება განპირობებულია იმით, რომ ქვეყანაში ეფექტური ანტიკორუფციული რეფორმები არ ტარდება.

      საგარეო უწყება - ნატო-საქართველოს კომისიამ წლიური ეროვნული პროგრამის შესრულებას მაღალი შეფასება მისცა და ოკუპირებულ რეგიონებში არსებული ვითარების გამო შეშფოთება გამოთქვა.

      ნაცების გვერდით - დავით ჭიჭინაძე - „ნაცმოძრაობის“ გვერდით მჯდომი ოპოზიცია უნდა დაფიქრდეს, რომ ეს ძალა მათ ყოველთვის „გადააგდებს“.

      ხორავას საქმის შედეგები - მიხეილ კალანდიას ძმა - ორი წელია კალანდიები ჩუმად ვიყავით და ყველამ თავზე გადაგვიარა, დღეიდან ყველას გაეცემა პასუხი სამართლებრივად. მიხეილ კალანდიას მამა - ზაზა სარალიძემ ჩემი შვილის დაჭერა გაინაღდა, ეჭვი მაქვს, რომ ბევრი ფული აქვს აღებული. სერგი კაპანაძე - ხორავას საქმე არის კარგი მაგალითი, როგორ შეიძლება პროკურატურამ სისტემას ზიანი მიაყენოს, მაშინ პროკურატურას ირაკლი შოთაძე ხელმძღვანელობდა. ხორავას ქუჩის საქმის პროკურორი - თითოეული მოწმის ჩვენება შეფასდება, მხოლოდ ერთი მტკიცებულებით და ჩვენებით საქმეზე გადაწყვეტილების მიღება არ ხდება.

      ხარჯები დედაქალაქისთვის - ირაკლი ზარქუა - 2020 წელს დედაქალაქისთვის მილიარდ ნახევარი დაიხარჯება, რაც უპრეცედენტო და რეკორდული თანხაა. ოთარ გრიგოლია - 2020 წლის ბიუჯეტის ხარჯვითი ნაწილი მილიარდ 500 მილიონ ლარამდე იზრდება.

      წვიმა-ქუხილი სასამართლოში - მზია თოდუა სასამართლო სისტემის კრიტიკაზე - არც ისე წვიმს, როგორც ქუხს.

      თოვლი მთაში - ხაიში-უშგულის მონაკვეთზე გადაადგილება მოცურების საწინააღმდეგო ჯაჭვებითაა შესაძლებელი.

      წყალტუბოს საქმე - ზვიად შალამბერიძე - წყალტუბოს რეაბილიტაციის პროექტმა შედეგი უკვე დაწყებამდე მოიტანა

საზღვარგარეთულები:

      აპოკალიფტი - გაერო-ს გენერალური მდივანი - მე ვხედავ აპოკალიფსის ოთხ ცხენოსანს - ჩვენი პლანეტა იწვის!

      აშშ-ს სპეციალური წარმომადგენელი - თუ ყასემ სოლეიმანის მემკვიდრე გენერლის გზას გააგრძელებს, მასაც იგივე ბედი ელის.

      გაეროს საერთაშორისო სასამართლომ მიანმარში როჰინჯა მუსლიმების გენოციდის შესაჩერებლად რეზოლუცია მიიღო.

      ვირუსი ჩინეთიდან - კორონავირუსი - ამჟამად, დაინფიცირებულია 22 ადამიანი და არც ერთი გარდაცვლილი; ცხელი ხაზი მუშაობს 24 საათი. სხვა ქვეყნებში მიმავალი მგზავრების ტემპერატურა მოწმდება ჩინეთშივე. საჯარო სივრცეებში, სასტუმროებში, სკოლებში გამკაცრდა სანიტარული ნორმები. არ ყოფილა საჭიროება, რაიმე დაწესებულება დახურულიყო. ხვალიდან ჩინური ახალი წელი იწყება და პეკინი თითქმის დაცარიელებულია. დღეს შეჩერდა სატრანსპორტო მოძრაობა, ფრენები ვუხანში და ვუხანიდან. საღამოს დაიწყება ქალაქის გასუფთავება და შეწამვლა. ახალი კორონავირუსით გარდაცვლილთა რაოდენობამ 17-ს მიაღწია. ჯანდაცვის მსოფლიო ორგანიზაციის წარმომადგენელი ახალ კორონავირუსზე - ყველა ქვეყნისთვის მნიშვნელოვანია, რომ მოემზადოს და შეამოწმოს თავისი შესაძლებლობები.

      ციურიხის პოლიციამ მომიტინგეების დასაშლელად რეზინის ტყვიები და წყლის ჭავლი გამოიყენა.

      დონალდ ტრამპი ერაყში დაშავებულ სამხედროებზე - გავიგე, რომ თავის ტკივილები აწუხებთ, მაგრამ სერიოზული არაფერია.

      ავსტრალიაში სახანძრო თვითმფრინავმა კატასტროფა განიცადა, რის შედეგად აშშ-ის სამი მოქალაქე დაიღუპა

წყაროები: ქართული ინტერნეტ საინფორმაციო პორტალები

◄ წინა ამბები მომდევნო ამბები ►

ნახვა: 1320

ტეგები: qwellynews, ამბები, ბლოგი, იანვარი, ნიუსები, სიახლეები

George: იანვარი 23, 2020||11:57pm

მართლა რა უუნარო დეპუტატები გყვავ - ერთხელ ვერაფერი დაწერეს: ვერც ბანგლადეშის დემოკრატიაზე, ვერც ბურკინა-ფასოს არჩევნებზე,ვერც ანგოლის ეკონომიკურ ზრდაზე.. ამისთვის ხომ სულ არაა საჭირო იმ ქვეყნებში ჩასვლა ანდა ცოდნა რომელიმე, თუნდაც მოერეხარისხოვან, დარგში...

Kakha: იანვარი 24, 2020||12:57am

საჭიროა ყველა გაერთიანდეს ვაი ოპოზიცია ვუი პოზიცია და ჩარტერულად ჩერნობილში გადასახლდნენ იქ კაი პარლამენტის შენობებია 1-2-3 რეაქტორები ჯერ ცოცხალია და მოეწყობიან კომფორტულად!

ლაშა: იანვარი 24, 2020||12:11pm

#qwellynews: გუშინ გავრცელდა სიუჟეტი, სადაც პოლიციის მოქმედი მაიორი ვიდეო ჩანაწერებს ტელევიზიას გადასცემს, ხოლო ვიდეო ჩანაწერში ნაჩვენებია, ერთ-ერთი მაღალი თანამდებობის პირის, ძმის დაკავების და შემდეგ, მაღალჩინოსანთა ჩარევით გათავისუფლების ამბავი. სიუჟეტი, მართლაც ხმაურიანი, სკანდალური და დანაშაულის ნიშნებით სავსეა. პოლიციის მაიორი, სინდისის ხმას აჰყვა და გადაწყვიტა ეს ამბავი ტელევიზიის საშუალებით მოეყოლა საზოგადოებისთვის (როგორც ერთგან თავად ამბობს, პოლიციის მუნდირის შეურაცხყოფა ვერ ავიტანეო).

პრობლემა - სიუჟეტში ნათქვამია, რომ საქმეზე გამოძიება 2019 წლის 7 ნოემბერს დაიწყო (ამ დროს შიეტანა სარჩელი მაიორმა, ეს კი იმიტომ გააკეთა, რომ 2019 წლის გაზაფხულზე, ამ ვიდეოს გადაგზავნა მოსთხოვეს). იმავე სიუჟეტში, ერთხელაც არ თქმულა, რომ ვიდეო ჩაწერილია არც მეტი, არც ნაკლები - 2014 წელს.

Kakha: იანვარი 24, 2020||12:23pm

მთავარია მუნდირი არ შეუწაცხო! დაიცვა და ემსახურება საქართველოს! სასწრაფოდ აქციები რუსთაველზე და დააბოქლომეთ ყველაფერი! ეს სიმბოლურად გამოხატავს რომ ქვეყანა ჩამოიშალა და მხოლოდ ერთ ადამიანს შეუძლია ხსნა, უფსკრულში გადაჩეხილს საკუთარი მხრებით ამოიტანს :D გავარდით რუსთაველზე! :D ხო იქვე არ დაგავიწყდეთ პროპორციულიც მოითხოვეთ იქნებ ლუზერ შალიკოს ეხლა მაინც ეღირსოს პარლამენტი :D

George: იანვარი 24, 2020||12:47pm

მუნდირის შეურაწყოფაზე ხანდაზმულობის ვადა არ ვრცელდება ! )

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

ბილბორდების ბედი, საიას სარჩელი და ფარული საქმის კომისია

გამოაქვეყნა Giorgi_მ.
თარიღი: სექტემბერი 20, 2021.
საათი: 11:20pm 0 კომენტარი

      სანამ არჩევნები არ ჩატარდება, მოგვიწევს ასეთი ამბები ავიტანოთ - ჩანაწერები და მიყურადებები, კომპრომანტების გამოქვეყნება და მერე მათზე კომენტარები, ახალი გამოძიებები და ასე წრეზე სიარული. დღეს ბილბორდების თემაც აქტუალური იყო - ე.წ. სისხლიანი ბილბორდები. ასევე მეგის ქარდავა და საიას სარჩელი. ვალუტის კურსი - 1 აშშ დოლარი - 3.1099 ლარია.

საქართველოს და მსოფლიოს ამბები | 20 სექტემბერი,…

გაგრძელება

თითებზე ასხმული ქალაქები

გამოაქვეყნა Tamila Moshiashvili_მ.
თარიღი: სექტემბერი 19, 2021.
საათი: 10:24pm 1 კომენტარი

      დიდი ხანია ოქრომჭედელი არ ყოფილა ჩვენი ბლოგის სტუმარი. დღეს ოლა შეხტმანი (Ola Shekhtman) უნდა გავიცნოთ. ოლას უყვარს მოგზაურობა და მოგზაურობისას, ამა თუ იმ ქალაქის სუვენირების შეგროვება. ერთხელაც გადაწყვიტა რომ თავად შეექმნა მუდმივი თანამგზავრი სუვენირი. ქალაქში ჩასვლისას, ოლა ფართო პეიზაჟებს აკვირდება, სწავლობს, ხატავს და ერთ სიბრტყეზე გადააქვს. შემდეგ იწყება ყველაზე რთული. თითოეული მისი ბეჭედი ხელით არის დამუშავებული, დახერხილი,…

გაგრძელება

ექსტრადირების ამბავი, კოკაინი და მიყურადება

გამოაქვეყნა Giorgi_მ.
თარიღი: სექტემბერი 17, 2021.
საათი: 11:00pm 1 კომენტარი

      ნელ-ნელა იწყება კოვიდის მეხუთე ტალღაზე საუბარი და შესამზადებლად ვაქცინაციის წახალისება. დღის მთავარ ამბებში კვლავ საარჩევნო „სისუფთავეა“, ასევე ფარული ჩანაწერები ნელ-ნელა გამომზეურება მტყუან-მართლის გარკვევის პარალელურად. მეგის ქარდავას ექსტრადაცია განხორცილდება. ვალუტის კურსი - 1 აშშ დოლარი - 3.1129 ლარია.

საქართველოს და მსოფლიოს ამბები | 17 სექტემბერი, 2021…

qwellynews, სიახლეები, ნიუსები, ამბები, სექტემბერი

გაგრძელება

სახელმწიფო უსაფრთხოების სამსახური და პროტესტები საარჩევნოდ

გამოაქვეყნა Giorgi_მ.
თარიღი: სექტემბერი 16, 2021.
საათი: 11:30pm 0 კომენტარი

      როგორც ჩანს დაანონსებული წვიმები მხოლოდ ქობულეთს აუხდა მძიმედ - ძლიერმა წვიმამ სახლები დაიტბორა, რამდენიმე სოფელში კი მეწყრული პროცესები განვითარდა. ქვეყანაში ისევ მოსმენების ამბავია აქტუალური და კვლავ სუს მიმართ ისმის კითხვები და პროტსტები. ცხადია, ყველაფერი არჩევნებს უკავშირდება და მის გარშემო ტრიალებს. ვალუტის კურსი - 1 აშშ დოლარი - 3.1141 ლარია.

საქართველოს და მსოფლიოს ამბები | 16…

გაგრძელება

Qwelly World

free counters