შემოდგომაც სრულდება და სუსხიან ზამთარს ველით კოვიდ და პოლიტ სარბიელზე

      გიორგობისთვე მიიწურა და მას გაჰყვა შემოდგომის მთელი ბედნიერებაც, ხვავ-ბარაქის დაგროვება მაინცდამაინც არ გამოვიდა წელს, მაგრამ შემოდგომა თავის ფერსა და სუსხს არ დაშურებია. ხვალიდან კარგად აცივდება და ზამთარს ვეღარაფერი შეაკავებს. ამასობაში მეათე მოწვევის პარლამენტი პირველი სხომისთვის ემზადება, ოპოზიცია კი პირველი პროტესტისთვის. კოვიდიც არსად აპირებს წასვლას - 135584 დადასტურებული, აქედან გამოჯანმრთელებული - 113986, გარდაცვლილი - 1267, კარანტინში - 2104. რაც შეეხება ვალუტას - დოლარი - 3.3253 ლარი ღირს.

საქართველოს და მსოფლიოს ამბები / 30 ნოემბერი, 2020

      #Covid19GEO - საქართველოში კორონავირუსის 3216 ახალი შემთხვევიდან 1622 - თბილისში, 313 - აჭარაში, 517 - იმერეთში დაფიქსირდა. 37 პაციენტი გარდაიცვალა. ამირან გამყრელიძე - არავინ მალავს, რომ მდგომარეობა რთულია, მაგრამ მართვადი, დილით დაახლოებით 350-მდე თავისუფალი საწოლი იყო. კოვაქს პლატფორმიდან ვაქცინის მიღება დაახლოებით მარტი-აპრილის თვეებში იქნება შესაძლებელი. პიკში ვართ ახლა, ეს პიკი რამდენ ხანს გაგრძელდება, დამოკიდებულია ბევრ ფაქტორზე. ჯანდაცვის მინისტრი - უკვე გავაფორმებთ ხელშეკრულებას მწარმოებელთან და ხელშეკრულების გაფორმებიდან ორ კვირაში „რემდესივირი“ იქნება ადგილზე. წინა კვირაში ჩვენ გვქონდა 6 ათასი საწოლი, ორშაბათიდან გვაქვს 7100. მსოფლიო ბანკისგან აღებული სესხით, შესყიდვების 40-45%-ია განხორციელებული - მოპედები, ჯერჯერობით, შეძენილი არაა. თენგიზ ცერცვაძე - ცალკეული ექიმები, რომლებიც ერთხელაც არ ყოფილან COVID კლინიკაში, გაუთავებლად აქვეყნებენ კრიტიკულ პოსტებს, რაც იგივეა ომის დროს ბუხართან მოკალათებულმა პირმა მებრძოლ ჯარისკაცებს თოფის დაჭერა ასწავლოს. საქართველოში კორონავირუსით 19 წლის გოგო გარდაიცვალა. ეკატერინე ტიკარაძის ინფორმაციით, ჟანგბადის წარმომქმნელი აგრეგატი რუხის საავადმყოფოში დამონტაჟდა, შემდეგი კი ბათუმის რესპუბლიკური საავადმყოფო იქნება. ივანე მაჭავარიანს კორონავირუსი დაუდასტურდა. ოკუპირებულ აფხაზეთში კორონავირუსის 87 ახალი შემთხვევა გამოვლინდა.

      კარგი ამბავი - საქართველოს კალათბურთის ნაკრებმა შვეიცარია დაამარცხა.

      უსარგებლო საუბრები - ელენე ხოშტარიას განცხადებით, აბაშიძე-კარასინის მოლაპარაკებების ფორმატი „საშიში და მავნებლურია”.

      ოპოზიციის მორიგი შეკრება - „ლელოს“ ოფისში ოპოზიციური პარტიების მორიგი შეხვედრა შედგა. გიგი უგულავას განცხადებით, ოპოზიცია პარლამენტის სხდომის პირველ დღეს ცალკე ღონისძიებებს გეგმავს, რომელზეც რამდენიმე დოკუმენტს მოეწერება ხელი. ზაალ უდუმაშვილის განცხადებით, ახალი მოწვევის პარლამენტის პირველი სხდომის გამართვის პარალელურად ოპოზიციის მხრიდან აქცია, პიკეტირება და მსგავსი პროტესტი არ განიხილება. სერგო ჩიხლაძე - ახალი მოწვევის პარლამენტის პირველი სხდომის დღეს, ოპოზიცია მეტეხის ეკლესიის ეზოში შეიკრიბება და მის გადაწყვეტილებას ხელმოწერით დაადასტურებს. ზაალ უდუმაშვილის განცხადებით, ოპოზიციის შეხვედრაზე მათ მიერ შემუშავებული სამოქმედო გეგმა განიხილეს. ტყუილად ნუ ექნება იმედი ხელისუფლებას, რომ რეგულაციებით შეზღუდავს აქციებს. საბა ბუაძე - „ქართულ ოცნებას“ არ აქვს კონტრშემოთავაზება, რაც არის მთავარი დამაბრკოლებელი ფაქტორი, თუ რატომ არ იმართება ხელისუფლებასა და ოპოზიციას შორის შეხვედრები. გიგი უგულავა - ჩვენი ფასილიტატორები ზედმეტად არ უნდა გადავღალოთ, თუ არ არის რეალური წინადადება ხელისუფლების მხრიდან - ტყუილუბრალოდ ჩაიზე არავინ შეიკრიბება. სერგი კაპანაძე - წინადადებები სხვა რაღაცებზე, შესაძლოა, საინტერესო იყოს, მაგრამ არ არის ის, რაც კრიზისს განმუხტავს და არჩევნების ლეგიტიმაციას გამოიწვევს, ამიტომ მოთხოვნაა, ახალი არჩევნები! ალეკო ელისაშვილი - თუ შოთაძე არ იქნება პროკურორი და ნამდვილი სასამართლო გვეყოლება, ქსოვრელებსაც დავუძახებ და პარლამენტში ეგრე შევალ.

      დამნაშავეებად დარჩენილები - ივერი მელაშვილი და ნატალია ილიჩოვა კვლავ პატიმრობაში რჩებიან. ადვოკატი - წარვადგენთ ექსპერტიზის ახალ დასკვნას, რომელიც ადასტურებს, რომ ის სადაო რუკები, რომლის არგამოყენებისთვისაც მისცეს პასუხისგებაში ივერი მელაშვილი და ნატალია ილიჩოვა, კარტოგრაფიულად უვარგისია. ადვოკატი - მოლოდინი გვაქვს, რომ ნატალია ილიჩოვასა და ივერი მელაშვილის დაუყოვნებლივ გათავისუფლება მოხდება. ელენე ხოშტარია - დაკავებული კარტოგრაფები არა პოლიტიკური, არამედ სინდისის პატიმრები არიან. ლევან სამუშია - ივერი მელაშვილი და ნატალია ილიჩოვა ივანიშვილის პოლიტიკური ტყვეები არიან. საქართველოს ტერიტორიების საწინააღმდეგოდ ჩადენილ ქმედებებში ბრალდებულების საქმის პროკურორებს სასამართლოსთან შეკრებილი სამოქალაქო აქტივისტები სტვენით დახვდნენ. ხატია დეკანოიძე ე.წ. კარტოგრაფების საქმეზე - სასამართლოსგან დადებითი მოლოდინი არ მაქვს, მაგრამ ყველაფერი უნდა ვცადოთ იმისთვის, რომ ეს 2 ადამიანი გავათავისუფლოთ. საქალაქო სასამართლოში ივერი მელაშვილსა და ნატალია ილიჩოვას პროცესი მიმდინარეობს. ე.წ. კარტოგრაფების საქმის პროკურორი - ჩვენი პოზიცია კატეგორიული იქნება, რადგან ეს საქმე სახელმწიფოს წინააღმდეგ მიმართული დანაშაულია. ივერი მელაშვილის მეუღლე - უსამართლობა მოხდა! კიდევ ერთხელ დავრწმუნდი, რომ ჩვენ სასამართლო არ გვაქვს. ადვოკატის განცხადებით, სასამართლოს გადაწყვეტილებას, ივერი მელაშვილის პატიმრობაში დატოვების თაობაზე, გაასაჩივრებს. ე.წ. კარტოგრაფების საქმის პროკურორი - ექსპერტიზის დასკვნა, რომელიც დაცვის მხარემ წარმოადგინა, მხოლოდ ერთი პირის შედგენილია, არც შინაარსობრივად, არც რეკვიზიტებით ის ექსპერტიზის დასკვნა არ არის და ვერც იქნება.

      ფიტნესი, როგორც სახლი - ზურა ჯაფარიძე - მე ვარ დაზარალებული, გუშინ საკუთარ სახლში არ შემიშვეს - მინდა გავარკვიო, რის საფუძველზე გამომაგდეს. „რეფორმერ ფიტნესის" მფლობელი - არც ჯარიმის გადახდას ვაპირებ და არც იმ პროცესებთან შეგუებას, რაც ახლა ხდება.

      აკრძალვების ბიუჯეტი - ბოლო 24 საათში, შეზღუდვების დარღვევის 1244 ფაქტი გამოვლინდა, საიდანაც იზოლაციის ან კარანტინის წესის დარღვევისთვის 67 პირი, პირბადის ტარების წესის დარღვევაზე კი 1177 ადამიანი დაჯარიმდა.

      ხილის ექსპორტი - საქართველოდან 4.8 მლნ აშშ დოლარის ხურმისა და კარალიოკის ექსპორტი განხორციელდა. 1-ელი აგვისტოდან 29 ნოემბრამდე ექსპორტირებული ვაშლის ღირებულებამ 2.4 მლნ აშშ დოლარი შეადგინა. 1 აგვისტოდან - 29 ნოემბრამდე პერიოდში თხილის ექსპორტის ღირებულებამ 59.3 მლნ აშშ დოლარი შეადგინა.

საზღვარგარეთულები:

      #WorldCorona2020 - სომხეთში კორონავირუსის 356 ახალი შემთხვევა გამოვლინდა და 22 ადამიანი გარდაიცვალა. რუსეთში კორონავირუსის 26 338 ახალი შემთხვევა დაფიქსირდა, 368 პაციენტი გარდაიცვალა. აზერბაიჯანში კორონავირუსის 2 981 ახალი შემთხვევა დადასტურდა, 31 ადამიანი გარდაიცვალა.

      დაბრუნება - სომხური მედია - მთიან ყარაბაღში 55 000 მოქალაქე დაბრუნდა.

      ნიგერიაში ფერმერებზე მომხდარი თავდასხმის შედეგად დაღუპულთა რაოდენობა 110-მდე გაიზარდა.

წყაროები: ქართული ინტერნეტ საინფორმაციო პორტალები

◄ წინა ამბები მომდევნო ამბები ►

ნახვა: 61

ტეგები: qwellynews, ამბები, ბლოგი, ნიუსები, ნოემბერი, სიახლეები

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ბლოგ პოსტები

Three ways to get Final Fantasy XIV Gil for players

გამოაქვეყნა Selena_მ.
თარიღი: ნოემბერი 30, 2021.
საათი: 6:30am 0 კომენტარი

Final Fantasy XIV players have many things to do in the game, such as completing a wonderful storyline, participating in PvP and so on. At the same time, they also have a decent quality of life, and this requires players to have some FFXIV Gil to embark on a journey in this fantastic land. FFXIV Gil is the currency in Final Fantasy XIV. Just like the British Pound or Japanese Yen, FFXIV Gil is the basis for all legal transactions in Final Fantasy XIV.

FFXIV Gil has too many functions,…

გაგრძელება

ომიკრონი მსოფლიოში, სააკაშვილი საქართველოში და აზარტის მართვა

გამოაქვეყნა Giorgi_მ.
თარიღი: ნოემბერი 29, 2021.
საათი: 10:30pm 0 კომენტარი

ბერძნული ანბანის სიდიადე ვირუსსმა გაისიგრძეგანა - მსოფლიო კოვიდვირუსის ახალმა შტამმა დაზაფრა - ომიკრონი. ჩვენთან კი მიხეილ სააკაშვილის პროცესს უფრო დიდი გამოხმაურება აქვს, ვიდრე სხვა ყველაფერ დანარჩენს. დღეს სასამართლოს დამნაშავე პრეზიდენტიც დაესწრო და სიტყვით მიმართა მოსახლეობას. დღე სულ მას მიეძღვნა და ასევე აზარტული თამაშების აკრზალვას. რაც შეეხება მოახლოებულ ზამთარს - საქართველოში 2 დეკემბრამდე წვიმაა მოსალოდნელი. დოლარის ღირებულება - 3.0867 ლარია.

საქართველოს და მსოფლიოს ამბები |…

გაგრძელება

რეალობის აღქმა

გამოაქვეყნა Kakha_მ.
თარიღი: ნოემბერი 28, 2021.
საათი: 7:00pm 1 კომენტარი

   რეალობა პირობით მოვლენაა, თან ცვლადი და არც ისე შორს არ იძლევა გახედვის საშუალებას, რაც დღეს მონაპოვარი და განმტკიცებული და სწორი გვგონია ის ხვალ არა, ზეგ უკვე დიდი შეცდომააა, ადამიანის ფსიქიკა ძალიან სენსიტიური მოვლენაა, რაც იმას ნიშნავს მეგობრებო რომ დღეს უცებ რომ ვინმემ გვითხრას 18 წლის უკან მომხდარი ფაქტი რაც ყველას ჰგონია რომ…

გაგრძელება

DR8926-300 Nike Air Max 90 "Green Snakeskin" will be released in 2022

გამოაქვეყნა W Y_მ.
თარიღი: ნოემბერი 27, 2021.
საათი: 6:30am 0 კომენტარი

As the Nike Air Max 90 inches approaches its 32nd anniversary, it has some non-original but eye-catching styles. Recently, Tinker Hatfield's iconic design incorporates green snakeskin panels and pink-style children's exclusive suits. Although the new surface layer retains the model's standard mesh sole, synthetic leather and TPU components, most of its upper also has a scaly covering layer. This detail can pay tribute to the upcoming animal-inspired Nike Sportswear series, as other Air Max…

გაგრძელება

Qwelly World

free counters