მულტიმილიონერების ბიზნესი, იუსტიცია და მოსამართლეობა, გრიპის საშიშროება და სასწრაფო ავარიაში

      საახალწლ ზეიმებიდან, ძველი ახალი წლის ზეიმებამდე საქმიანი დღეები ნელ-ნელა უფრო აქტიურდება. 10 იანვრის ძირითადი მიმართულებები ბიზნესის ამბებს და ორ მთავარ ბიზნესმენს უკავშირდებოდა, ასევე იუსტიციის და მოსამართლეობის ამბავს, მთავარია გადაუდებელი ვირუსები და სასწრაფოს მძღოლის ავარია.

საქართველოს და მსოფლიოს ამბები / 10 იანვარი, 2019/

      ბიზნეს გარჩევები - გიგი უგულავა - ფაქტია, მამუკა ხაზარაძეს ბიძინა ივანიშვილი პერსონალურად დაემუქრა. ბიზნესომბუდსმენის აპარატი - ვიმედოვნებთ პროცესი იქნება სამართლიანი, არსებული შეკითხვები პასუხგაცემული და „თიბისი ბანკი“ გააგრძელებს აქტიურ განვითარებას. საქართველოს საბანკო ასოციაცია - არ დავუშვებთ ქვეყნის წამყვანი ფინანსური ინსტიტუტის წინააღმდეგ მიზანმიმართულ ცილისმწამებლურ კამპანიას. „თავისუფალი დემოკრატები“ „თიბისი ბანკზე“ - ესაა ივანიშვილის მცდელობა, იერიში მიიტანოს უმსხვილეს ფინანსურ ინსტიტუტზე, მასზე კონტროლის მოპოვების მიზნით. ზვიად კორძაძე - სინამდვილეში 80 მილიონამდე მოხმარდა „თიბისი ბანკის“ ლიკვიდურობის გაზრდას, რადგან ომის მერე ბანკი გადასარჩენი იყო. იმედია პროკურატურა ნახავს „თიბისი ბანკის“ მიერ გადაცემულ დოკუმენტაციას დეტალურად და მეტი კითხვა არ დარჩება. გია ხუხაშვილი "თიბისის" საქმეზე - საქმე არ გვაქვს იმ შემთხვევასთან, როდესაც ჟურნალისტი მოიპოვებს ექსკლუზიურ ინფორმაციას - მას ჰქონდა გამოძიების მასალები. ვერც იმას გამოვრიცხავ, ვიღაცას უნდა აქციების ფასის დაგდება და მერე ლონდონში იაფად რაღაცის ყიდვა. გიგი უგულავა - განცხადებიდან კარგად ჩანს, რაც ისედაც ვიცოდით - სია ივანიშვილმა წარმოადგინა და არსად არავის გაუწვევია - ეს წითელი ხაზია! მამუკა ხაზარაძის ადვოკატი - ფული რომ გათეთრდეს, ის უნდა იყოს შავი, ანუ შემოსავალი უნდა იყოს უკანონო.

      იუსტიციის ამბების მომიჯნავედ - ნაზი ჯანეზაშვილი - იუსტიციის უმაღლესი საბჭოს დაშლაზე განცხადებები არასერიოზული და უპასუხისმგებლოა. გია ვოლსკი ირწმუნება, რომ უზენაესი სასამართლოს მოსამართლეების დამტკიცებასთან დაკავშირებით სწრაფი და დაუფიქრებელი ნაბიჯების გადადგმას არავინ აპირებს. ლევან კობერიძე - პატივცემულო მეთოფიშვილო, ხალხისა და პარლამენტის დაცინვა ის არის, რომ იუსტიციის საბჭომ საახალწლო სუფრის პროდუქტების სიასავით ჩამოწერა მოსამართლეების სია და შემოაგდო დასამტკიცებლად. ლევან გოგიჩაიშვილი - იუსტიციის საბჭოს წევრები ამდენ უფლებას რომ აძლევენ თავს, პარლამენტის თავმჯდომარის ბრალეულობაა, მათ ასე ლაპარაკის უფლებას არ მივცემთ! ნაზი ჯანეზაშვილი უზენაესი სასამართლოს მოსამართლეების შერჩევის პროცედურებთან დაკავშირებით, ყოფილ მოსამართლეებს ხვდება. ყოფილი მოსამართლეების განცხადებით, მოსამართლეთა სიის წარდგენა ფართო საზოგადოების მონაწილეობით უნდა მოხდეს. იუსტიციის საბჭოს წევრი შოთა ქადაგიძე - ანა დოლიძის და ნაზი ჯანეზაშვილის მიზანი არ არის საქართველოში მართლმსაჯულების ხარისხის გაუმჯობესება. დავით ჭიჭინაძე - ჩემი ეჭვები გამართლდა - მოსამართლეთა სიის უკან დგას ბიძინა ივანიშვილი და იგი მხარს კობახიძის გუნდს უჭერს. გედევან ფოფხაძე - მთავარი შეკითხვა იყო, უჭერს თუ არა ბიძინა ივანიშვილი მხარს მოსამართლეობის კანდიდატების სიას და ამ შეკითხვაზე პასუხი გაცემული არ არის. ნაზი ჯანეზაშვილი - „ქართული ოცნების" თავმჯდომარის განცხადებას შენიშვნის სახით ვერ მივიღებ. სჯობს, რომ იუსტიციის საბჭოს არამოსამართლე წევრმა შოთა ქადაგიძემ გიორგი მიქაუტაძის კაბინეტში იშვიათად იაროს. ბექა ნაცვლიშვილი - ივანიშვილის განცხადებაში დავინახე, რომ მოლაპარაკების რესურსი არსებობს და მოსამართლეობის კრიტერიუმების დადგენას თავადაც უჭერს მხარს. გიორგი მშვენიერაძე - იმედია, ხელისუფლება დახურულ კარს მიღმა არ დაწერს მოსამართლეობის კანდიდატების შესარჩევი პროცესის პროექტს და შემდეგ ფაქტის წინაშე არ დაგვაყენებს. მაია მწარიაშვილი - იუსტიციის საბჭოს მდივანმა კეთილი უნდა ინებოს და თქვას, ფურცელზე ვინ დააწერინა მოსამართლეობის კანდიდატის ათი სახელი და გვარი. გიგი უგულავა - ხალხს აინტერესებს ეს უვადო მონსტრები დაინიშნებიან თუ არა უვადოდ სასამართლოში, ჩვენ შეიძლება პოლიტიკაში აღარ ვიყოთ, ივანიშვილის ხსენებაც აღარ იყოს, მაგრამ ეს ადამიანები შეგვრჩნენ. მამუკა ახვლედიანი - კლანი არ არის მხოლოდ სასამართლო სისტემაში - მათი ნაწილი არის პარლამენტში, ნაწილი პროკურატურაში და სხვადასხვა უწყებაში. ვახუშტი მენაბდე - სასამართლო სისტემის გაჯანსაღებისთვის საჭიროა გადადგეს იუსტიციის უმაღლესი საბჭოს ყველა ის წევრი, რომელმაც სიას მხარი დაუჭირა. ლაშა ტუღუში - საქმეს მხოლოდ მოსამართლეთა სიის შეცვლა არ უშველის, არამედ საჭიროა სასამართლო სისტემის კარდინალური შეცვლა. ნიკა ჩიტაძე - ივანიშვილის განცხადებაში ჩანდა, რომ ის მხარს უჭერს ირაკლი კობახიძის გუნდს და ამ მოსამართლეების წარდგენას. დავით უსუფაშვილი - მმართველს მართლა და გულწრფელად არ ესმის, რას აშავებს, როდესაც “მურუსიძის“, “ფარცხალაძის“, “სალომეს“, “გუნდის“, “ხაზარაძის“ საქმეებს “აკეთებს“.

      საშიში, გადაუდებელი გრიპი - მიხეილ ბატიაშვილი - ჩვენი ბავშვებისა და მასწავლებლების ჯანმრთელობა მნიშვნელოვანია და ამიტომ მივიღეთ სწავლის გადადების გადაწყვეტილება. „112" მოსახლეობას მოუწოდებს, სასწრაფო დახმარება მხოლოდ გადაუდებელი საჭიროების შემთხვევაში გამოიძახონ. თბილისის მერია მოუწოდებს ყველას, პატივი სცენ ადამიანებს, რომლებიც 24 საათის განმავლობაში ყველაფერს აკეთებენ ხალხის სიცოცხლის გადასარჩენად. ამირან გამყრელიძე - გამორიცხული არ არის, რომ გრიპის ვირუსით დაავადებული ადამიანების რიცხვის ზრდა იანვრის ბოლოს ან თებერვალში მოხდეს. დავით სერგეენკო ფარმაცევტულ კომპანიებს მიმართავს, ანტივირუსულ პრეპარატ „ტამიფლუზე“ ფასები დაწიონ. თუკი ყველასთვის ცნობილი გაციების სიმპტომები იწყება სწრაფად, რამდენიმე საათის განმავლობაში, ან ყველასთვის კარგად ცნობილი გაციების სიმპტომები იწყება უჩვეულოდ აგრესიულად, თუკი ადამიანი ამბობს, რომ გავციებულვარ, თავი ადრეც მტკიებია, მაგრამ ასე არასოდეს, გავციებულვარ, ყელი მტკიებია, ან ხველა მქონია, თუმცა ასე არასოდეს, ეს მოცემულობები არის ჩვენება იმისათვის, რომ ადამიანმა კონსულტაციისთვის მიმართოს ოჯახის ექიმს. დავით სერგეენკო - დღეის მდგომარეობით, გრიპის ვირუსით გარდაცვალების 13 შემთხვევაა დაფიქსირებული.

      სასწრაფო ავარიაში - ჭავჭავაძეზე მომხდარ ავარიაში მონაწილე სასწრაფო დახმარების მანქანის მძღოლი საავადმყოფოში გადაიყვანეს. ჭავჭავაძის გამზირზე მომხდარ ავარიაში მონაწილე სასწრაფო დახმარების ავტომანქანის მძღოლს ბრალს, სავარაუდოდ, კლინიკაში დღეს წარუდგინეს. ავარიაში მონაწილე სასწრაფოს მძღოლის ადვოკატი ბრალდებულის ფსიქოლოგიურ და ფსიქიკურ ექსპერტიზებს მოითხოვს. სასწრაფოს მძღოლის ადვოკატი - არავითარი ზომები არაა მიღებული იმისთვის, რომ სასწრაფო დახმარების პერსონალი უზრუნველყოფილი იყოს დასვენებით, ყოველ წუთში გამოძახებებია.

საზღვარგარეთულები:

      ფუჭი მოლაპარაკებები - დონალდ ტრამპმა მექსიკის საზღვარზე კედლის მშენებლობის საკითხზე „დემოკრატებთან“ შეხვედრას „დროის ფუჭად ხარჯვა“ უწოდა და მოლაპარაკებები დატოვა.

წყაროები: ქართული ინტერნეტ საინფორმაციო პორტალები

◄ წინადღის ამბები მომდევნო დღე ►

ნახვა: 80

ტეგები: qwellynews, ამბები, ბლოგი, იანვარი, ნიუსები, სიახლეები

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

კორონას რიცხვები, 2 მლრდ ბიუჯეტიდან და მლოცველი მრევლი ეზოში

გამოაქვეყნა Giorgi_მ.
თარიღი: აპრილი 1, 2020.
საათი: 11:00pm 0 კომენტარი

      აპრილი დადგაო და წვიმა-ქარი გაძლიერდაო - 3 აპრილამდე ასეა ნათქვამი წინაპართაგან. რაც შეეხება კორონას რიცხვებს ამ დროისთვის - დავიწყოთ საქართველოდან - 117 აღრიცხული შემთხვევა, აქედან 23 განკურნებული. მსოფლიოში - 918,126 და 193, 350 განკურნებული. ყველაზე მეტი, აქტიური პაციენტის ათეული: ამერიკა ~ 192k; იტალია ~ 81k; ესპანეთი ~ 70k; გერმანია ~ 57k; საფრანგეთი ~ 42k; ირანი ~ 29k; დიდი ბრიტანეთი ~ 27k; თურქეთი ~ 15k; შვეიცარია ~ 14k და ნიდერლანდები…

გაგრძელება

ჩიტების სახლი

გამოაქვეყნა nunu qadagidze_მ.
თარიღი: აპრილი 1, 2020.
საათი: 7:30pm 0 კომენტარი

      იმ დღეს მათი ჩხუბი მოწმენდილ ცაზე მეხის გავარდნას ჰგავდა. უფრო შეხმატკბილებულ ძმაკაცებს ვერსად შეხვდებოდით, ბოლო ხანებში კიდევ უფრო დაუტკბნენ ერთმანეთს... თუ სადმე ახსენებდნენ შაშვის სახელს, იქ კაკაბიც უნდა ყოფილიყო, ანდა პირიქით. მგონი მამლების ჩხუბის გამო წაკამათდნენ, ერთი „ხტუნიას“ აქებდა, მეორე „ძიძგილას“. საუბედუროდ, სხვადასხვა ფალავნის თაყვანისმცემლები იყვნენ განუყრელი ძმაკაცები. თუმცა უწინ თურმე ორივე ერთ ფალავანს ეთაყვანებოდა, მაგრამ…

გაგრძელება

კომენდანტის საათამდე გამკაცრებული აკრძალვები, საეკლესიო ამბები და მსოფლიო ვირუსომი

გამოაქვეყნა Giorgi_მ.
თარიღი: მარტი 30, 2020.
საათი: 11:00pm 2 კომენტარი

      კორონანიუსი არის დღის, კვირის, თვის და ისე მიდის საქმე, წლი მთავარი ამბავი. სიახლე რიცხვებში - 100 ინფიცირებული და აქედან 20 გამოჯანმრთელებული, მთელი მსოფლიოს მასშტაბით, ინფიცირებულთა რიცხვმა 770 K-ს გადააჭარბა, აქტიური შემთხვევები 570 K-ზე მეტი. დღეს ჩვენს ქვეყანასი თითქმის კომენდანტის საათი გამოცხადდა და რიგი შეზღუდვები დაწესდა და აკრძალვები გამკაცრდა.

საქართველოს და მსოფლიოს ამბები / 30 მარტი, 2020

     …

გაგრძელება

სოციალური დისტანცია ალბომებზე

გამოაქვეყნა Tamila Moshiashvili_მ.
თარიღი: მარტი 29, 2020.
საათი: 11:00pm 0 კომენტარი

      სოციალური დისტანცია ყველას შეეხო. სამწუხაროა, რომ ძველი პერიოდის ეპიდემიების - გიგანტების მძვინვარები დროს, ხალხის გართობის საშუალებებზე ძალიან ცოტა ვიცით, მაგრამ ახლა ინტერნეტის, ტექნოლოგიების და ფოტოშოპის ხანაში რამდენიმე საინტერესო კოლაჟი გვაქვს. დღეისთვის კი ლოს-ანჯელესში მოღვაწე ჯგუფის, აქტივისტას (Activista) ერთი პროექტი უნდა წარმოგიდგინოთ. 6 ფუტის დისტანცია, ან ჩვენებურად, 2 მეტრიანი დისტანცია ცნობილი ალბომების ქოვერების…

გაგრძელება

Qwelly World

free counters