აღსაყდრების დღე, ნაძვის ხე რესპუბლიკის მოედანზე, ცეცხლი ატენში და ინკასო ტელევიზიებს

      ტრადიციულად, 25 დეკემბერი საქართველოს პატრიარქს და საახალწლო ნაძვის ხეს მიეზღვნა - პატრიარქის აღსაყდრებიდან 42 წელი შესრულდა, ხოლო რესპუბლიკის მოედანზე ქვეყნის მთავარი საახალწლო სიმბოლ საზეიმო ღონისძიების ფარგლებში აინთო, განათდა და როგორც ხდება ხოლმე - შეიქო ან გაკრიტიკდა. დღის სხვა ამბები ატენში გაჩენილ ხანძარს, ჯანდაცვის მინისტრის თავდაჯერებულობას და ინკასო დადებულ ტელეკომპანიებს უკავშირდებოდა.

საქართველოს და მსოფლიოს ამბები / 25 დეკემბერი, 2019

      პატრიარქის აღსაყდრება - მამუკა მდინარაძე - უწმინდესს უდიდესი ღვაწლი აქვს ქართული ეკლესიისა და სახელმწიფოს წინაშე და ვალდებული ვართ, ეს ყველაფერი დავაფასოთ. ილია მეორე - მადლობელი ვარ ღვთისა და ჩვენი ერის - მადლობელი ვარ თქვენი სიყვარულისთვის. ბიძინა ივანიშვილი - ბედნიერია ჩვენი ქვეყანა, რომ ასეთი სულიერი მამა ჰყავს. პრემიერი - შეუძლებელია, შევაფასოთ პატრიარქის ღვაწლი ქვეყნის წინაშე, ეკლესიების მშენებლობაში, საგანმანათლებლო მიმართულებით და რაც მთავარია, მშვიდობის შენარჩუნების საქმეში. არჩილ თალაკვაძე - იყო წლები, როცა საქართველოში ბევრი რამ ინგრეოდა, მაგრამ პატრიარქი აშენებდა ხიდებს და გზებს ჩვენს შორის, რომ რწმენა და ერთმანეთი არ დაგვეკარგა.

      ცეცხლი ატენში - ატენის ხეობაში, ხანძრის სალიკვიდაციოდ მეხანძრე-მაშველების დამატებითი ძალების და სპეცტექნიკის მობილიზება დაიწყო - ცეცხლის ჩაქრობის სამუშაოებში ვერტმფრენებიც ჩაერთვებიან. ატენის ხეობაში ხანძრის სალიკვიდაციო სამუშაოებში თავდაცვის სამინისტროც ჩაერთო. ატენის ხეობის გარდა, ხანძრის კიდევ ერთი კერა რკონის ხეობაში გაჩნდა. ატენის ხეობაში ხანძრის 5 ზონიდან, 4 ლიკვიდირებულია.

      ინკასო ტელევიზიებს - ტელეკომპანიების „რუსთავი2“-ის, „ტვ პირველის“ და „კავკასიის“ ანგარიშებს ინკასო დაედო. პაატა სალია ტელეკომპანიის ანგარიშზე ინკასოს დადებაზე - ეს არის უპასუხისმგებლო ქმედება, რადგან, ამან შეიძლება გამოიწვიოს არხის საქმიანობის შეფერხება. ნინო ჯანგირაშვილი არხის ანგარიშზე ინკასოს დადებაზე - ტელევიზია აპირებს, რომ მუშაობა და ფუნქციონირება განაგრძოს-ინკასო ვერ შეგვაშინებს.

      მოსიარულე და მოლაპარაკე პრეზიდენტი - პრეზიდენტმა და მისმა ადმინისტრაციამ 10 თვეში, მივლინებებში, 1 400 000 ლარზე მეტი დახარჯა. გუშინ პრეზიდენტმა სალომე ზურაბიშვილმა „საზოგადოებრივი მაუწყებლის“ ეთერში განაცხადა, რომ „ჩვენ საზღვარი მხოლოდ კონფლიქტურ რეგიონებთან კი არ გვაქვს როგორც პრობლემური საზღვარი, ასევე აზერბაიჯანთან და სომხეთთან“. დავით ბაქრაძე პრეზიდენტის განცხადებაზე - ვიტყოდი, რომ ეს არის დიდი სიბრიყვე, მაგრამ, სამწუხაროდ, სიბრიყვის მიღმა, ეს არის საქართველოს ინტერესების ფუნდამენტურად დამაზიანებელი მავნებლობა. საქართველოს პრეზიდენტის, სალომე ზურაბიშვილის თქმით, ის უცხოელ პარტნიორებს აფრთხილებს, რომ თუ ქართულ საზოგადოებაში გაჩნდება განცდა დასავლეთის მხრიდან დაუბალანსებელ კრიტიკაზე, ეს ნეგატიურად აისახება ჩვენს ორიენტაციაზე, რაც არ უნდა დავუშვათ, ლაშა ტუღუში - რას ვეუბნებით ჩვენი პრეზიდენტის პირით თეთრ სახლს, რომ გააჩუმოს ცუკერბერგი? რომ კომპანიის ხელმძღვანელებს პირში ცხელი კარტოფილი ჩაუდონ?

      მამუკა ხაზარაძე - ჩვენი ხელისუფლება სწრაფი ტემპით მიემართება ჩრდილოეთის ვექტორისკენ, ქვეყნის ორიენტაციის შეცვლისკენ.

      ევროპული ჯანდაცვა - ჯანდაცვის მინისტრი - ჩვენი ექიმების კვალიფიკაცია ნამდვილად უტოლდება ევროპელი ექიმების კვალიფიკაციას და ამის დამტკიცებას შევძლებთ. პანიკის საფუძველი არ არსებობს - გრიპის ვირუსი არის ყოველ წელს და ყველა ქვეყანაში, ჩვენც როგორმე გადავიტანთ. ჯანდაცვის მინისტრი - კლინიკები, რომლებიც ზედმეტად ორიენტირებულია სამედიცინო ჩარევებზე, ან გავლენ საყოველთაო ჯანდაცვის პროგრამიდან, ან განახორციელებენ მანიპულაციებს სახელმწიფოს მიერ დადგენილი ტარიფებით.

      რესპუბლიკური ნაძვის ხე - მთავარი ნაძვის ხის ანთების ღონისძიების გამო, გზის რამდენიმე მონაკვეთზე სატრანსპორტო მოძრაობა შეიზღუდა. კახა კალაძე - ნაძვის ხის ანთების ცერემონიაზე მინდა დავპატიჟო ყველა, განურჩევლად პოლიტიკური შეხედულებებისა. კახა კალაძე - მშრალ ხიდსა და ზაარბრიუკენის ხიდზე სამუშაოები ისეა შესრულებული, გულზე შემოგეყრებათ - დღესვე დაიბარეთ კომპანია და თავისივე ხარჯებით გამოასწორებინეთ. თბილისის მთავრობა საკრებულოს შესათანხმებლად გადაუგზავნის მერიის ხელშემწყობი ღონისძიებების ნუსხას, „სვეტის“ ყოფილი მშენებლობების დასრულების მიზნით. ირაკლი ბენდელიანი კატეგორიულად უარყოფს გავრცელებულ ინფორმაციას, რომ ოპერისა და ბალეტის თეატრის შენობას ნგრევის საფრთხე ემუქრება. ზაარბრიუკენის და მშრალი ხიდების სარეაბილიტაციო სამუშაოების შემსრულებელ კომპანიას მერიაში დღესვე დაიბარებენ. რაკლი ბენდელიანი - ალვის ხე შეიძლება ვიღაცის ფანტაზიის ნაწილი იყოს, ვიღაცამ შეიძლება ჭადრის ხესაც მიამსგავსოს, თუმცა ეს არის საუკეთესო ნაძვის ხე, რაც კი თბილისს ჰქონია. დედაქალაქის მთავრობის წლის ბოლო სხდომაზე კახა კალაძემ წელი შეაჯამა და მუნიციპალიტეტის სტრუქტურების ყველა თანამშრომელს, ასევე მედიას მადლობა გადაუხადა. კახა კალაძე - ტრენდია მსოფლიოში, ცდილობენ, რომ მსგავსება იყოს ნატურალურ ნაძვის ხეებთან - მომავალი წლისთვის ვეცდებით, ნატურალური ნაძვის ხე ჩამოვიტანოთ ნორვეგიიდან.

      ბაბილოვის კანონები - ანატოლი ბიბილოვი ვაჟა გაფრინდაშვილზე - სასჯელი არ არის სასტიკი, როცა ადამიანი არღვევს კანონს და ამას განზრახ აკეთებს, დაუსჯელი არ უნდა დარჩეს.

      დღეს, სრულიად საქართველოს მუფთის არჩევნები გაიმართა და ეს წოდება ადამ შანთაძეს ერგო.

საზღვარგარეთულები:

      პარიზის ღვთისმშობლის ტაძარში წელს, ორი საუკუნის განმავლობაში პირველად საშობაო მესა არ ჩატარდება.

      დონალდ ტრამპი ფხენიანის „საშობაო საჩუქარზე“ - შესაძლოა, კიმ ჩენ ინმა რაკეტების გამოცდის ნაცვლად ლამაზი საყვავილე გამომიგზავნოს.

      რომის პაპი მრევლს მოუწოდებს, ეკლესიის სისუსტეების გამო ქრისტეს სიყვარულზე უარი არ თქვან.

      ალექსანდრე ლუკაშენკო - დასავლეთი და ნატო არ დაუშვებს, რომ მოსკოვმა დაარღვიოს ბელარუსის სუვერენიტეტი.

წყაროები: ქართული ინტერნეტ საინფორმაციო პორტალები

◄ წინა ამბები მომდევნო ამბები ►

ნახვა: 1176

ტეგები: qwellynews, ამბები, ბლოგი, დეკემბერი, ნიუსები, სიახლეები

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

ჩხუბი ამერიკის ტერიტორიაზე და ელჩობისგან გადადგომა

გამოაქვეყნა Giorgi_მ.
თარიღი: ივლისი 1, 2022.
საათი: 11:00pm 0 კომენტარი

      ეს ორი დღე ისევ აცივდებაო, წვიმებიც იქნება, სეტყვა-ქარბორბალაც, ჭექაც და ქუხილიც. მოკლედ, ზაფხული დაიწყო და ცხელი ივლისიც, „ამერიკაში“ ქართველების ჩხუბით გაიხსნა - გუშინ იჩხუბეს, დღეს განიხილეს. პარლამენტარი და ტელევიზიის დამფუძნებელი პირდაპირ საელჩოში დაეტაკნენ ერთმანეთს - კადრები ჯერ არ გასაჯაროვებულა. ცხადია, მთელი დღე ამ თემას დაეთმო. ასევე საფრანგეთის ელჩის განცხადებას წასვლაზე და ევროპული აგიტაციის დახვედრას რეგიონებში. ლარის ამბავი - 1…

გაგრძელება

ჩრდილოელები ნატოში და ჩვენ კვლავ ჭიშკართან

გამოაქვეყნა Giorgi_მ.
თარიღი: ივნისი 29, 2022.
საათი: 11:00pm 0 კომენტარი

      ნატომ მოსაწვევები დააგზავნა, მაგრამ არც კი უფიქრია ჩვენთვის გამოეგზავნა - შვედეთი და ფინეთი არიან მიწვეულები ჩახო-ში გასაწევრიანებლა. ნატოს სამიტზე ჩვენი პრემიერიც იმყოფებოდა და დღის ამბებში ეგეც აქტუალური იყო. ცხადია ოცნება ხმაურიანად დატოვო და მეორე დღეს მეინსტრიმი არ მიიღო, არ გამოდის - ასე მოხდა სამ დეპუტატსაც. დღეს ასევე აქტუალური იყო უკრაინაში ომი და მესა პეტრეს ტაძარში. ლარის ამბავი - 1 დოლარის ღირებულება - 2.9289 ლარია.…

გაგრძელება

ისტორიები ბენგალის მასწავლებელთან

გამოაქვეყნა Mosely_მ.
თარიღი: ივნისი 29, 2022.
საათი: 12:30pm 0 კომენტარი

C. J. Uzomah went toward Twitter toward chat in excess of the Cincinnati Bengals' Director of Rehabilitation and Efficiency, Nick Cosgray. "My gentleman acquired me again towards my Achilles problems in the direction of include the least difficult period of my occupation Isaiah Prince Jersey. "Uzomah was sidelined for 14 online games previous period with an Achilles harm, and disregarded highest of the year. Yet he arrived back again inside of 2021 towards background vocation highs within…

გაგრძელება

ცინცინატის მოგზაური

გამოაქვეყნა Mosely_მ.
თარიღი: ივნისი 29, 2022.
საათი: 12:00pm 0 კომენტარი

The 2022 NFL offseason is made up of now been the craziest a single in just existing memory, quite possibly at any time. This offseason is made up of been total of the equilibrium of electrical power transforming, trades and currently unheard of monster contracts. Several franchises comprise devoted towards heading all-inside of, and the unforgiving pendulums of standards are within comprehensive swing. There seems to be towards contain been a recognizable transfer within just staff…

გაგრძელება

Qwelly World

free counters