გლოვის დღე, კორონავირუსით გარდაცვალება, მოგებული ბანკები და მაუწყებლობის კანონი

      კორონავირუსით კიდევ ერთი პაციენტი გარდაიცვალა საქართველოში, მე-19. ეს ამბავი და შესაბამისად, კორონავირუსის ნიუსები დღის ერთ-ერთ მეინსტრიმს წარმოადგენდა. მასთან ერთად შატილის ტრაგედიის გლოვის დღე, პატრიოტების დაფინანსების წყაროები რუსეთიდან, მაწყებლობის კანონის ცვლილებების კომენტირება, არჩევნებისთვის ოპოზიციონერების პოზიციები. ბანკებმა ამოისუნთქეს და მილიონ-მილიარდებიც მოიგეს.

საქართველოს და მსოფლიოს ამბები / 25 აგვისტო, 2020

      ახალი კორონა-გარდაცვალება - კორონავირუსით ინფიცირებული თვენახევრის ჩვილის და მისი ოჯახის 5 წევრის მდგომარეობა დამაკმაყოფილებელია. საქართველოში კორონავირუსის 8 ახალი შემთხვევა გამოვლინდა, გამოჯანმრთელებულთა რიცხვი კი 13-ით გაიზარდა. 8 ახალი შემთხვევიდან 4 აჭარაში გამოვლინდა. საქართველოში კორონავირუსით მე-19 პაციენტი გარდაიცვალა. ინფიცირებულთა საერთო რიცხვი 1 429-ს შეადგენს, გამოჯანმრთელდა 1150 ადამიანი. ქუთაისის ინფექციურ საავადმყოფოში კორონავირუსის დიაგნოზით ახალგაზრდა მამაკაცი შეიყვანეს. მარინა ეზუგბაიას ინფორმაციით, კორონავირუსით გარდაცვლილი მე-19 პაციენტი მკურნალობას სახლში გადიოდა, რომელსაც ასევე ინფიცირებული და უვლიდა. კორონავირუსით ინფიცირებული 8 პაციენტიდან ერთის წყარო ლენჯერია, ერთი სამედიცინო პერსონალია, 4 შემოტანილი შემთხვევაა, 2 დაავადებულ პაციენტებთან კონტაქტია. საქართველოში კორონავირუსით გარდაცვლილი მე-19 პაციენტი კალათბურთელ ვიქტორ სანიკიძის დედაა. ვიქტორ სანიკიძის ძმა, მამა და დეიდა სტაციონარში გადაიყვანეს, თავად კალათბურთელი კი კარანტინში გადავიდა. ბათუმსა და ქობულეთში 4 დღეში კორონავირუსზე უფასო ტესტირებით 214-მა მსურველმა ისარგებლა. მარინა ეზუგბაია - პაციენტის კორონავირუსით რეინფიცირება ყოველთვის უფრო მსუბუქად და ხშირ შემთხვევაში უსიმპტომოდ მიმდინარეობს. მარინა ეზუგბაიას განცხადებით, ახალი პაციენტების მიღებას თბილისის ინფექციური საავადმყოფო ერთ კორპუსში, სავარაუდოდ, 4 დღეში განაახლებენ. ამირან გამყრელიძე - კორონავირუსზე დღეში საშუალოდ 4830 PCR ტესტირება ტარდება. ამირან გამყრელიძე - კორონავირუსით ინფიცირებულ მე-19 პაციენტთან უეცარი სიკვდილი განვითარდა.

      არჩევნებზე ოპოზიცია - ხათუნა გოგორიშვილი - თუ ფრენა არ იქნება, ევროპელი დამკვირვებელი ფეხით ვერ ჩამოვა, ფრენების აღდგენა აუცილებელია ამ პროცესისთვის. გიორგი ვაშაძე - პოლიტიკას სუფთა წარსულის მქონე ადამიანები უნდა აკეთებდნენ და არა საკუთარი ბიზნესინტერესების ლობისტი პირები. გიორგი ვაშაძე - ყველა ლიდერს მოვუწოდებ, სისულელეების ლაპარაკს მოვეშვათ - ირაკლი ოქრუაშვილი არ არის ყველა ოპოზიციონერის მიერ შეთანხმებული კანდიდატი. ვახტანგ ძაბირაძე - ოპოზიციაში დაპირისპირება იქნება.

      მაუწყებლობის კანონი - საზოგადოებრივი ორგანიზაციები „მაუწყებლობის შესახებ“ კანონში ცვლილებებს ეხმაურებიან და პარლამენტს მიმართავენ. შემოთავაზებული ინიციატივა ძალაში 2020 წლის 1-ელი სექტემბრიდან შევა და დაკავშირებულია მედიაში ინფორმაციის გავრცელებასთან. ერთი შეხედვით, ცვლილება დაკავშირებულია ისეთ მნიშვნელოვან საკითხებთან, როგორებიცაა სუიციდი, ძალადობის გაშუქება, ნარკოტიკები, აზარტულ თამაშები და სექსუალური სცენები. თუმცა, ახალ რეგულაციებში გამოყენებულია არაერთი ბუნდოვანი ტერმინი („სოციალიზაციის ხელშეწყობა“, „შეუფერებელი პროგრამა“, „შეურაცხმყოფელი ლექსიკა“ და სხვა), რომელთა განსაზღვრაც რთული, სუბიქტური და შეფასებითია. შემოთავაზებული ნორმებით იზღუდება საქართველოს კონსტიტუციით განმტკიცებული მასობრივი ინფორმაციის საშუალებების თავისუფლების და ცენზურის დაუშვებლობის ძირითადი უფლება. გარდა ამისა, შეზღუდვა ბუნდოვანია და იძლევა მედიის კონტროლისა და ცენზურის მნიშვნელოვან შესაძლებლობას.

      შატილის ტრაგედია - საქართველოში ევროკავშირის წარმომადგენლობა - ევროკავშირის დროშა დაშვებულია, რადგან შატილის გზაზე ტრაგიკულად დაღუპულებს ვგლოვობთ. კარლ ჰარცელი - ვგლოვობთ მათ, ვინც შატილის გზაზე ტრაგიკულად დაიღუპა, ფიქრებით დაღუპულთა ოჯახებსა და მეგობრებთან ვართ. საქართველოს ებრაელთა მსოფლიო კონგრესი შატილის გზაზე მომხდარი ტრაგიკული შემთხვევის გამო წუხილს გამოთქვამს. ლევან რატიანი - შატილის გზაზე ავარიისას დაშავებულ პაციენტებთან დადებითი დინამიკა გვაქვს - ვინარჩუნებთ იმედს, რომ სამივე მათგანი გადარჩება. ავარიისას დაშავებული ერთი პაციენტის მდგომარეობა, რომელსაც ოპერაცია ჩაუტარდა, მძიმეა, თუმცა უარყოფითი დინამიკა არ ვლინდება. საგზაო უსაფრთხოების პრიორიტეტად გამოცხადების მოთხოვნით, არასამთავრობო ორგანიზაციებმა აქცია გამართეს. შატილის გზაზე მომხდარი ტრაგედიისას დაღუპულთა ოჯახების წევრებს, რომლებიც საზღვარგარეთიდან ბრუნდებიან, საზღვრის კვეთისა და შემდგომ პროცედურებში მთავრობა დაეხმარება. დუშეთის მუნიციპალიტეტში, შატილის გზაზე მომხდარი ავტოსაგზაო შემთხვევის ადგილზე, გადაუდებელი დახმარების ეკიპაჟები ცენტრში გამოძახების დაფიქსირებისთანავე იქნა მობილიზებული.

      გალაღებული ბანკები - პირველი აგვისტოს მდგომარეობით, კომერციული ბანკების მთლიანი აქტივები 1.9 მლრდ ლარით გაიზარდა. საბანკო სექტორში განთავსებული არასაბანკო დეპოზიტების მოცულობამ 30.54 მლრდ ლარი შეადგინა. ივლისში კომერციული ბანკების მიერ გაცემული სესხების მოცულობა წინა თვესთან შედარებით 694.04 მლნ ლარით გაიზარდა.

      პატრიოტების დაფინანსების ამბავი - „ტვ პირველმა“ და „მთავარმა არხმა“ დღეს შექმნეს სიუჟეტი, რომელიც ძალზედ სერიოზულად ცდება და არღვევს ჟურნალისტურ სტანდარტს. სიუჟეტში საუბარია N სააგენტო „დოსიეზე“. მე არ ვიცი, ეს რა სააგენტოა - რუსეთში ასობით ასეთი სააგენტო არსებობს და სააგენტო „დოსიეს“ მიერ შეთხზული ე.წ. ინფორმაცია ან გამოტანილი დასკვნები არანაირად არ შეიძლება განიხილებოდეს ფაქტად! მითუმეტეს, რომ, როგორც ფაქტს, ამ ე.წ. ინფორმაციას აფასებს მიხეილ სააკაშვილისა და გიგა ბოკერიას მეგობარი ვინმე იგორ კუროპტევი. ჩვენ ნამდვილად ვთანამშრომლობთ რამდენიმე საკონსულტაციო კომპანიასთან. ჩვენ ნამდვილად გვყავს ამერიკაში ოთხი კომპანია, რომლებიც წლების მანძილზე გვიწევდნენ კონსულტაციას და ახლაც გვეხმარებიან რჩევებით. სწორედ ამ კომპანიების დახმარებით გვქონდა შეხვედრები ამერიკელ კონგრესმენებთან და სენატორებთან! ჩვენ გვყავს ასევე ორი ებრაული კომპანია, რომლებიც გვიწევენ კონსულტაციას. და მხოლოდ ერთია რუსული კომპანია, რომელიც ჩვენ კონსულტაციას გვიწევს!

საზღვარგარეთულები:

      #WorldCorona2020 - დონალდ ტრამპი - პანდემიის გამო რთულ ეკონომიკურ მდგომარეობაში მყოფი ოჯახების დასახმარებლად დამატებით მილიარდი დოლარი გამოიყოფა. სომხეთში კორონავირუსის 111 ახალი შემთხვევა გამოვლინდა და 4 ადამიანი გარდაიცვალა. რუსეთში კორონავირუსის 4 696 ახალი შემთხვევა გამოვლინდა და 120 ადამიანი გარდაიცვალა. აშშ-ში კორონავირუსის 38 949 ახალი შემთხვევა გამოვლინდა და 474 ადამიანი გარდაიცვალა. კორონავირუსის შემთხვევების მატების გამო სეულში სკოლები და ბაღები დაიხურა. იულია ტიმოშენკო, რომელსაც კორონავირუსი დაუდგინდა, მართვით სუნთქვაზეა.

      ნიუსები ბელარუსიდან - სვეტლანა ტიხანოვსკაია ევროპარლამენტარებს - ბელარუსმა გაიღვიძა, ქვეყანაში არა პოლიტიკური, არამედ დემოკრატიული რევოლუციაა. რუსეთის სინოდმა ბელარუსის ეკლესიის წინამძღვარი შეცვალა.

      ნავალნის მდგომარეობა - ჯოზეფ ბორელი - ევროკავშირი მკაცრად გმობს იმას, რაც ალექსეი ნავალნის მკვლელობის მცდელობას ჰგავს. დიმიტრი პესკოვი - კრემლი საფუძველს ვერ ხედავს, რომ ალექსეი ნავალნის საქმეზე გამოძიება დაიწყოს.

წყაროები: ქართული ინტერნეტ საინფორმაციო პორტალები

◄ წინა ამბები მომდევნო ამბები ►

ნახვა: 50

ტეგები: qwellynews, აგვისტო, ამბები, ბლოგი, ნიუსები, სიახლეები

Kakha: აგვისტო 27, 2020||10:53am

ქართველი განდეგილი ფილმოგრაფი რომელმაც(ემიჯნება ყველაფერს მდაბიურს და მხოლოდ მეტაფიზიკურ რჩვებს იძლევა:D) 2 რეცენზია დაწერა ონლაინ ფილმების საიტზე: "დიდი კორპორაციების(Apple, Facebook, Google) ბიუჯეტიდან იღებენ ფილმს, ამიტომ ცენზურას ვერ დაადებენ, მათ შეუძლიათ იყიდონ არამარტო ადამიანი არამედ ქვეყნებიც კი, მათ ყველანაირი ომის მოგება შეუძლიათ" შე უპატრონო :D შენ რო 9ცალი აიფონი გამოწერე მერე იბაქი-ბუქე მეგობრებში და ასე მთელმა ქვეყანამ ფული გაზიდა რო გაემდიდრება ასეთი მონსტრი კორპორაციები და დღე და ღამე რო სქროლავ ფეისბუქს და სხვა, ხომ არ გგონია რომ დაიძინეს გაიღვიძეს და ასეთი კორპორაციები გახდნენ? შენ გააძლიერე და შენ გამოგიყენეს მარიონეტივით და ახლა კიდე უნუგეშოდ მიგდებული რო დარჩი ახლა გაახილე თვალი? :D ვაი ამათ პატრონს :D ხვალ რუსთაველზე გამოვლენ და დაწერენ რუსეთი ოკუპანტიააა :D ამათი დაბრუნებული ტერიტორია კიარა იქეთ დაკარგავენ რაც აქვთ ((( 

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

დრაკონის კოსმოსური კვერცხები

გამოაქვეყნა Tamila Moshiashvili_მ.
თარიღი: აპრილი 11, 2021.
საათი: 11:27pm 1 კომენტარი

      ყველა ნამდვილ მეოცნებეს აუცილებლად უფიქრია კოსმოსში გაფრენაზე. მრავალფეროვანი, უსასრულოდ ვრცელი სამყაროსთვის თვალის შევლებაზე. ოცნება რეალისტური მას შემდეგ გახდა, რაც უკვე მარსზეც კი დავიწყეთ ადგილების შემოკავება, რაც მათი რელიეფის და მარსიდან გადაღებული ფოტოების სურათები ჩვენი ყოველდღიურობის ნაწილი გახდა. ნასას მისიებმა კოსმოსის ჩვენი ხელოვნების ნაწილად აქცია, ამიტომ მეოცნებე ხელოვანები ცდილობენ კოსმოსი მათ გარშემო შექმნან. ჩვენი დღევანდელი…

გაგრძელება

ფოსგრაფია ანუ სინათლის აღბეჭდვა

გამოაქვეყნა Tamila Moshiashvili_მ.
თარიღი: აპრილი 10, 2021.
საათი: 11:17pm 0 კომენტარი

      მზის სხივზე ლამაზი რა უნდა იყოს? მაგრამ მისი აღბეჭდვა ცოტა რთულია. განსაკუთრებით სხივის მოძრაობის აღბეჭდვაა რთული, მისი ხვეულების ან სწორხაზოვნობის. მზის სხივის შემდეგ, ბუნებრიობიდან უკვე ხელოვნურ სინათლეზე უნდა გადავინაცვლოთ. აქ შედარებით მარტივად არის საქმე, მაგრამ დღეს რაც უნდა გაჩვენოთ ისეთი სინათლეა, რომელიც ფოტოაპარათითაა დახატული და არა სხივით. ბრაზილიელმა ფოტოგრაფმა ვიტორ შიეტიმ (Vitor Schietti) სრულად მოიცვა სინათლის ბუნება…

გაგრძელება

Nerubian Swarmer -- After the Helm of Domination shattered

გამოაქვეყნა Weiweismart_მ.
თარიღი: აპრილი 9, 2021.
საათი: 4:00am 0 კომენტარი

Blizzard is inviting World of Warcraft: Shadowlands players to choose which mount they get Wow gold classic after the expansion releases on October 27.

Mounts, that are an vital way of transport in the massive world of Azeroth, are becoming a favorite part of the MMO experience: many players accumulate as many as you can whilst others excitement after super rare ones.

In Q1 2021, Blizzard will be adding a new mount to the game -- and this time players get to select which one of…

გაგრძელება

ხარება, როგორც გამოხსნის ზეიმი

გამოაქვეყნა ლაშა_მ.
თარიღი: აპრილი 7, 2021.
საათი: 9:41pm 0 კომენტარი

      ეს დღესასწაული ასეთ მცირე ბლოგს არ იმსახურებს, მაგრამ ახლა ემოციამ ისე მომაბჯინა ყელში ბურთი, რომ მეტი ვერ დავწერე. დღეს ხარებაა ხალხო, ხარება...

      ეს სამყარო არსებობს სამ კატეგორიაში - დრო, სივრცე, მატერია (ნებისმიერი თანმიმდევრობა მისაღებია, რადგან ერთმანეთის გარეშე უბრალოდ არ არსებობენ). ყველაფერი რაც ამდენი საუკუნის მანძილზე მეცნიერებამ, ამ ღმრთაებრივმა ანარეკლმა გვასწავლა, ამ სამი კატეგორიიდან ერთ-ერთის შემეცნებაა - ან დროის,…

გაგრძელება

Qwelly World

free counters