ბანკირი გაყინული ანგარიშებით, ტელევიზია უჟურნალისტოდ, შვებულება საქმით და ოკუპაცია ბოძებით

      ქვეყანაში ისე დაცხა, სრული არეულ დარეულობაა. საქმე იქამდეც კი მივიდა, რომ ერთ-ერთ უმსხვილეს ბანკირს საბანკო ანგარიშები აღარ აქვს, ყველაზე რეიტინგულ ტელევიზიას კი ჟურნალისტები გაექცნენ, პრეზიდენტი დასასვნებელად იყო (შვებულებით) და იქიდანაც მუშაობდა. ერთადერთი ლოგიკური რაც ხდება ისაა, რომ ასეთი ქვეყნის ოკუპაცია კვლავ გრძელდება.

საქართველოს და მსოფლიოს ამბები / 20 აგვისტო, 2019

      ოკუპაციის ბოძები - საოკუპაციო ძალების წარმომადგენლები გუგუტიანთკართან კვლავ გამოჩნდნენ. შიდა ქართლის გუბერნატორი - გამყოფ ხაზთან მიმდინარე პროცესი კიდევ ერთხელ ადასტურებს, რომ რუსეთი ოკუპანტია. გუბერნატორის განცხადებით, ყველაფერი კეთდება იმისთვის, რომ საოკუპაციო ძალების მიერ უკანონოდ დაკავებული 8 პირი უმოკლეს დროში გათავისუფლდეს. საოკუპაციო ძალების წარმომადგენლებმა გუგუტიანთკართან დღეს კიდევ რამდენიმე ლითონის ბოძი დაამონტაჟეს. კოტე კემულარია გუგუტიანთკარში მიმდინარე პროცესზე - რუსეთის ხელისუფლება 20 ივნისის შეუსრულებელი დაპირების გამო, საქართველოს ხელისუფლებას სჯის. საოკუპაციო რეჟიმის წარმომადგენლებმა საქართველოს 8 მოქალაქე გაათავისუფლეს. ევროკავშირის წარმომადგენლობა - „სამხრეთ ოსეთის“ დე ფაქტო ხელისუფლების მიერ სოფელ გუგუთიანთკარის მახლობლად ღობეების აღმართვა გადაადგილების თავისუფლებას აბრკოლებს. ოსური მედია - საქართველოს მოქალაქეები ჯარიმის გადახდის შემდეგ გააძევეს. საპატრულო პოლიციის დეპარტამენტის ხელმძღვანელი - ცხინვალის სასამართლოში სავარაუდოდ, დაკავებულების ახლობლების მიერ გადახდილია შესაბამისი ჯარიმა. ცხინვალის მილიციის იზოლატორიდან გათავისუფლებული საქართველოს რვა მოქალაქე შიდა ქართლის პოლიციის დეპარტამენტის შენობაში იმყოფებოდა.

      ბანკირი საბანკო ანგარიშების გარეშე - მამუკა ხაზარაძეს და ბადრი ჯაფარიძეს საბანკო ანგარიშები დაუყადაღეს. მამუკა ხაზარაძის შეფასებით, საბანკო ანგარიშების დაყადაღების მიზანი მის მიერ დაანონსებული საზოგადოებრივი მოძრაობისა და ანაკლიის პორტის პროექტის საბოლოო გაჩერებაა. პროკურატურა - სასამართლოს ხაზარაძის და ჯაფარიძის საბანკო ანგარიშებზე დანაშაულებრივი გზით მოპოვებული 16 664 000 დოლარის ეკვივალენტის ქონების დაყადაღების შუამდგომლობით მივმართეთ.

      რეიტინგული ტელევიზია უჟურნალისტოდ - გია ხუხაშვილი - ქიბარ ხალვაშს ხელში გავარვარებული ნაკვერჩხალი შერჩა, რომელიც ხელს სწვავს, თუმცა, გადაგდებაც არ შეუძლია. დავით უსუფაშვილი - როცა ტელევიზია ერთი პოლიტიკური დაჯგუფებიდან მეორე დაჯგუფების ხელში გადადის, ამით საზოგადოება ვაი-ს გაეყრება და ვუი-ს შეეყრება ხოლმე. პაატა სალია - ქიბარ ხალვაშმა გადაწყვიტა, რომ „რუსთავი 2“ არ გაკოტრდეს, ის იყოს წარმატებული და მაქსიმალურად კრიტიკული ტელეკომპანია. პაატა სალია - შეუძლებელია იმ ჟურნალისტებთან საქმიანი ურთიერთობა გვქონდეს, რომლებიც თვლიან, რომ არხის ახალ მენეჯმენტთან ბრძოლის რეჟიმში არიან. პაატა სალია - ყარამანიშვილებს არანაირი საფუძველი არ აქვთ, იუსტიციის სამინისტროს ედავონ. ნოდარ მელაძე - ინტენსიურად ეძებდნენ ჩემი გათავისუფლების საბაბს, თუმცა ამ საბაბის მოძებნა ძალიან გაუჭირდათ. ნოდარ მელაძე - სამართლებრივ დავას ვაპირებ. პაატა სალია ადასტურებს, რომ "რუსთავი 2"-ის საინფორმაციო სამსახურის უფროსად ნინო შუბლაძე განიხილება. სალია ჟურნალისტებს - თუ თვლით, რომ ნოდარ მელაძის გარეშე საქმიანობა არ შეგიძლიათ, გადაწყვეტილება თქვენ თვითონ უნდა მიიღოთ. ნოდარ მელაძე - შემომთავაზეს, რომ თანამდებობაზე არ შემეხებოდნენ, უბრალოდ მათთვის უნდა მიმეცა საკომუნიკაციო არხი - მე ამ წინადადებაზე უარი ვუთხარი. „კურიერის“ წამყვანებმა დიანა ჯოჯუამ და მიხეილ სესიაშვილმა „რუსთავი 2“ დატოვეს. მიხეილ სესიაშვილი - წითელი ხაზები გადაკვეთილია, „რუსთავი 2“ - ში ტოტალური წმენდა დაიწყო. არასამთავრობო სექტორი - ეჭვგარეშეა, რომ “რუსთავი 2”-ის ჟურნალისტების ბუნდოვანი მიზეზებით გაშვება არხის სარედაქციო პოლიტიკის ცვლილებაა. ნიკა გვარამია „რუსთავი 2“-ის თანამშრომლებს - დარჩენა თუ გინდათ, ღიად უნდა თქვათ, რომ რჩებით ივანიშვილის ტელევიზიაში - გეყოფათ მაიმუნობა. გიორგი გაბუნია - ვიცოდით, რომ იპოვიდნენ საბაბს, თავიდან მოვეშორებინეთ. საზოგადოება აუცილებლად მიხილავს „მთავარ არხზე", სადაც გადაცემა მექნება. ომბუდსმენი მზადყოფნას გამოთქვამს, შეაფასოს ამ საქმესთან დაკავშირებული ნებისმიერი მასალა. პაატა სალია - „რუსთავი 2“-ზე მიხეილ სააკაშვილის დავალებების შესრულება დამთავრდება. ნანუკა ჟორჟოლიანი - პაატა სალიამ გამათავისუფლა, რადგან ქიბარ ხალვაში არ მიყვარს, თუმცა კონტრაქტში არ მიწერია, რომ მფლობელი უნდა მიყვარდეს.

      სიმბოლოებით სავსე გამოცდები - „ჯორჯიან მანგანეზი“ - „ჯორჯიან მანგანეზის“ მხარდაჭერით, წელს, 41-მა აბიტურიენტმა ერთიანი ეროვნული გამოცდები წარმატებით ჩააბარა.

      აფხაზეთის ქართული მთავრობა - ვახტანგ ყოლბაია მიიჩნევს, რომ აფხაზეთის მთავრობაში შექმნილ დევნილთა სამინისტროს ცენტრალური მთავრობიდან ფუნქციები უნდა გადაეცე.

      ღარიბი ფონდის პრეზიდენტი - სალომე ზურაბიშვილის ინიციატივით შექმნილ ფონდში ამ დროისთვის მხოლოდ პრეზიდენტის მიერ გადარიცხული ხელფასის ნაწილია აკუმულირებული.

      კულტურა ახალ საფეხურზე - კულტურული მემკვიდრეობის დაცვის მიმართულებით ამერიკასთან თანამშრომლობის ახალი პლატფორმა შეიქმნა.

      ნარკომძღოლები - ეკა ლალიაშვილის შეფასებით, ნარკოტესტის შედეგები, რომლის მიხედვითაც, გადამოწმებული მძღოლების ნახევარი მანქანას ნარკოტიკების ზემოქმედების ქვეშ მართავდა, საგანგაშოა. პატრულის მიერ ნარკოტესტით 74 მძღოლი გადამოწმდა, რომელთაგან 34-ს ნარკოტიკების ზემოქმედების ქვეშ მანქანის მართვა დაუდასტურდა.

      შვებულება მუშაობით - პრეზიდენტის ადმინისტრაცია - სალომე ზურაბიშვილი, როგორც მისი კოლეგა პრეზიდენტები, დასვენების ადგილიდან მუშაობდა. დიმიტრი ლეჟავას პრეზიდენტის მრჩევლის თანამდებობაზე დანიშვნისას მისი გამოცდილებიდან გამომდინარე ვიხელმძღვანელეთ. პრეზიდენტს უკანონო ბორდერიზაციის საკითხთან დაკავშირებით, სხვადასხვა ქვეყნის პრეზიდენტებთან კომუნიკაცია ჰქონდა. ზაალ უდუმაშვილი - სუკ-ის ყოფილი ოფიცრის ზურაბიშვილის მრჩევლად დანიშვნა ქვეყნისა და სახელმწიფო ინსტიტუტების შეურაცხყოფაა.

საზღვარგარეთულები:

      სოც მედიის ძალა - სოც მედიის ძალა - „ტვიტერი“ და „ფეისბუქი“ - ჩინეთი ჰონგ-კონგის საპროტესტო აქციების დისკრედიტირებისთვის „ფეიქ ექაუნთებს“ იყენებდა.

      ან ნიუსს ჰქვია - „სად ჩოურტყა!“ - ვლადიმერ პუტინი აცხადებს, რომ არ სურს მოსკოვში „ყვითელი ჟილეტების“ მოძრაობის მსგავსი საპროტესტო გამოსვლები, რამაც საფრანგეთი მოიცვა.

წყაროები: ქართული ინტერნეტ საინფორმაციო პორტალები

◄ წინადღის ამბები მომდევნო დღე ►

ნახვა: 67

ტეგები: qwellynews, აგვისტო, ამბები, ბლოგი, ნიუსები, სიახლეები

Kakha: აგვისტო 21, 2019||12:22am

ყველაფერი კარგად არის

ლაშა: აგვისტო 21, 2019||12:59am

როგორი საინტერესო ფენომენია, ფეროშენადნობის დახმარება გამოცდებში ))

Kakha: აგვისტო 22, 2019||8:01pm

სტუდენტებს სხვა ვინ უნდა ეხმარებოდეს თუ არა მძიმე ინდუსტრია და ფოლადის ქარხანა :D

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

ამბები კორონასა და არჩევნებზე

გამოაქვეყნა Giorgi_მ.
თარიღი: სექტემბერი 24, 2020.
საათი: 10:06pm 1 კომენტარი

      ორი მთავარი თემის გარშემო ტრიალებს მედია და სავარაუდოდ, ყოველგვარი წინასწარმეტყველების ნიჭის გარეშეც ცხადია, რომ მომავალშიც ასე გაგრძელდება. ერთი კორონას გაზრდილი შემთხვევები და მკურნალობის შესაძლო შეუძლებლობა და მეორე მხრივ, წინასაარჩევნო გარემო თავისი სრული სისასვსით, თუმცა შედარებით მცირე არეულობით. კორონავირუსის დადასტურებული 4399 შემთხვევაა, მათ შორის გამოჯანმრთელებული - 1705 და გარდაცვლილი - 26. 1 დოლარის ოფიციალური ფასი დღეს 3.2897…

გაგრძელება

რას უნდა ველოდოთ არჩევნების მერე?!

გამოაქვეყნა Giorgi_მ.
თარიღი: სექტემბერი 23, 2020.
საათი: 11:00pm 0 კომენტარი

      რაც უფრო ახლოვდება არჩევნები, მით უფრო მეტი ამბავი ისმის პარტიებიდან. თან, წელს ბევრს აქვს პარლამენტში მოხვედრისა და შესაბამიასდ, ფულის შოვნის შანსი (ან წინარე შანსები მაინც) და შესაბამიად გააქტიურება არ აკლია. კორონავირუსის დადასტურებული 4140 შემთხვევაა, მათ შორის გამოჯანმრთელებული - 1643 და გარდაცვლილი - 25. 1 დოლარის ოფიციალური ფასია 3.2641 ლარი ლარი, რაზეც ეროვნული ბანკი ამბობს რომ, დიდი ალბათობით, დღეს ლარი წონასწორულზე მეტად…

გაგრძელება

ასეული შემთხვევები კორონას სარბიელზე

გამოაქვეყნა Giorgi_მ.
თარიღი: სექტემბერი 22, 2020.
საათი: 11:00pm 0 კომენტარი

      მართალია არჩევნები სულ უფრო ახლოვდება და პარტიებიც მეტ ფულს ხარჯავენ ამომრჩევლებისთვის თავის მოწონებაში, მაგრამ დღის მთავარი ამბავი ასეულობით ახალი შემთხვევაა კორონა ვირუსის ორბიტაზე. კორონამ, თავისი ახალი გააქტიურებითა და განსაკუთრებული აქტივობით შესავალ ნაწილში გადმოინაცვლა, ამ დროისათვის - კორონავირუსის დადასტურებული 3913 შემთხვევაა, მათ შორის გამოჯანმრთელებული - 1574 და გარდაცვლილი - 23. დოლარის გაფრენაც გრძელდება - 1 დოლარის ოფიციალურად…

გაგრძელება

დახატული სახეები რეალური თმებით

გამოაქვეყნა Tamila Moshiashvili_მ.
თარიღი: სექტემბერი 20, 2020.
საათი: 9:07pm 0 კომენტარი

      ამას ხომ მეც მოვიფიქრებდი და გავაკეთებდი?! - ყველაზე ხშირი გაფიქრება, როდესაც რაიმე მსგავსს ვნახულობ - მარტივსა და საინტერესოს. ხელოვანი ტაილერ კლარკი (Tyler Clark) რომელიც აქამდე მხოლოდ მხატვრობით ირჩენდა თავს, ახლა ხატვასთან ერთად მინი დეკორაციების კეთებას შეუდგა. საქმე ისაა, რომ შავი გოგონების პორტრეტების ხატვით გატაცებულს ცოტა უფრო მეტის და დასამახსოვრებლის შექმნა უნდოდა - გადაწყვიტა რეალიზმი შეეძინა საკუთარი ნამუშევრებისთვის.…

გაგრძელება

Qwelly World

free counters