გამოცდების განრიგი, ამერიკული რჩევა-დარიგებები და პორტის ამბები

      როგორც ხშირად ხდება ხოლმე, საქართველოს შესახებ გაჟღერებულ ყოველ ამერიკულ ხმას, მეორე დღეს მთელი ქვეყნის აჟიოტაჟი მოჰყვება ხოლმე. არც გუშინდელი ამბავი იყო გამონაკლისი. ამიტომ, დღის მთავარი თემა ბახტაძის ამერიკა და პომპეოს გამოსვლა იყო. სხვა ამბები ანაკლიის პორტსა და გამოცდების განრიგს უკავშრდებოდა.

საქართველოს და მსოფლიოს ამბები / 12 ივნისი, 2019/

      ტაქსის რეფორმა და თბილისის ამბები - კახა კალაძე - ტაქსის მძღოლებს ექნებათ შესაძლებლობა, აიღონ იაფი სესხი, რათა ჩაანაცვლონ ავტომობილები. თბილისში საცხოვრებელი ფართები სიმბოლურ ფასად - 1 ლარად კიდევ 21 ოჯახს გადაეცემა. ეკა ლალიაშვილი - ვფიქრობ, იაფი სესხით ტაქსის მძღოლებს არამხოლოდ ავტომობილების ჩანაცვლება, მათი მოწესრიგების საშუალებაც უნდა მიეცეთ.

      პრემიერი ამერიკიდან - მამუკა ბახტაძე - ჩვენ ასე ახლოს ნატო-სთან არასოდეს ვყოფილვართ. აშშ-საქართველოს სტრატეგიული პარტნიორობის 10 წლის იუბილეზე მიღებული ერთობლივი დეკლარაცია ისტორიული მნიშვნელობის მქონე დოკუმენტია. ჩვენ ვართ წარმატებული დემოკრატიული რეფორმების მიმართულებით და გვსურს, ეს წარმატება კიდევ უფრო გავაძლიეროთ. აშშ-საქართველოს სტრატეგიული პარტნიორობის 10 წლის იუბილეზე მიღებული დეკლარაცია ისტორიული მნიშვნელობის მქონეა. ანაკლიის პროექტს აქვს სრული მხარდაჭერა ჩვენი მხრიდან და ვეხმარებით კონსორციუმს, რომ ვალდებულებები მათაც შეასრულონ. მთავრობა „ანაკლიის კონსორციუმის“ თხოვნას ფინანსური დოკუმენტის წარდგენის გადავადებაზე მხარს დაუჭერს. საპარლამენტო მოდელი გაზრდილი საპარლამენტო როლით საუკეთესო მოდელი იქნებოდა, რომ საქართველო კიდევ უფრო წარმატებული იყოს. ამერიკა გააგრძელებს თავის ძალისხმევას, რომ რაც შეიძლება დროულად საქართველომ მიიღოს ის, რაც ეკუთვნის. პრემიერ-მინისტრმა სენატორ გრემს საქართველოს მტკიცე მხარდაჭერისთვის მადლობა გადაუხადა. ლევან ბოძაშვილი - პომპეოს განცხადება ნიშნავს, რომ ანაკლიის პორტი აშშ-ს სტრატეგიული ინტერესია. დავით ზალკალიანი - აშშ-ს სახელმწიფო მდივნის მხრიდან პოზიტიურად იყო აღიარებული ის რეფორმები, რომელსაც საქართველოს ხელისუფლება ახორციელებს. ეკა ბესელია - როგორც არ უნდა ეცადოს მმართველი პარტია, რომ მაიკ პომპეოს ღია გზავნილი სასურველად შეფუთოს, არ გამოვა - ეს 2020 წლისთვის ბოლო გაფრთხილებაა. გია ვოლსკი - მაიკ პომპეოს განცხადებაში დამაიმედებელი განმარტებებია გაკეთებული ეკონომიკური ურთიერთობის მთელ რიგ მიმართულებებზე. მამუკა ბახტაძე - წარმატებით განხორციელებული რეფორმები საქართველოში ბევრ ახალ ინვესტორს იზიდავს. დავით ბაქრაძე - რაც უფრო კარგად გაიგებს დღევანდელი ხელისუფლება იმ სიგნალებს, რაც ასე საჯაროდ განაცხადა აშშ-ის სახელმწიფო მდივანმა, მით უკეთესია მისთვის. მამუკა ბახტაძე - ინტენსიურად ვმუშაობთ აშშ-სა და საქართველოს შორის პირდაპირი ფრენების დაწყებაზე.

      პორტის გადავადება - მაია ცქიტიშვილის განცხადებით, მთავრობა „ანაკლიის განვითარების კონსორციუმს" ფინანსური დახურვის ვადას მეექვსედ, ამჯერად 6 თვის ვადით გადაუვადებს. იმედია, რომ აღარ დაგვჭირდება გადავადება - არავისთვის არაა სასურველი პორტის მშენებლობის ვადების გადავადება. სალომე სამადაშვილი - შემაშფოთებელია, როცა ჩვენს სტრატეგიულ პარტნიორს პრემიერის გაფრთხილება უწევს, რომ ანაკლიის პორტის მნიშვნელობა დასავლეთისთვის. დავით ზალკალიანი - მთავრობა ყველაფერს აკეთებს იმისთვის, რომ ხელი შეუწყოს კონსორციუმს ანაკლიის პროექტის განვითარებაში. რომან გოცირიძე - იმედია, აშშ-ის სახელმწიფო მდივნის მკაცრი განცხადება ანაკლიის პროექტის მტრებს გონს მოიყვანს. ნათია თურნავა - ანაკლიის პორტის პროექტის ეკონომიკურ-ტექნიკური დასაბუთება სოლიდურია და ეს არის ჩვენთვის სტრატეგიული, კომერციულად მიმზიდველი პროექტი.

      გამოცდების განრიგი:

      საბაკალავრო გამოცდები:

  • 1-2 ივლისი (პირველი და მეორე სესია) - ქართული ენა და ლიტერატურა;
  • 1 ივლისი (პირველი სესია) - აფხაზური ენა;
  • 1 ივლისი (პირველი სესია) - ოსური ენა;
  • 3-4 ივლისი (პირველი და მეორე სესია) - ზოგადი უნარები;
  • 5 ივლისი (პირველი სესია) - მათემატიკა;
  • 5 ივლისი (მეორე სესია) - სტუდენტთა საგრანტო კონკურსი;
  • 8-9 ივლისი (პირველი და მეორე სესია) - ინგლისური ენა;
  • 8 ივლისი (პირველი სესია) - რუსული ენა;
  • 8 ივლისი (მეორე სესია) - გერმანული ენა;
  • 8 ივლისი (მეორე სესია) - ფრანგული ენა;
  • 10 ივლისი (მეორე სესია) - ქიმია;
  • 11 ივლისი (მეორე სესია) - ბიოლოგია;
  • 12 ივლისი (მეორე სესია) - სახვითი და გამოყენებითი ხელოვნება;
  • 15 ივლისი (პირველი და მეორე სესია) - ისტორია;
  • 16 ივლისი (პირველი და მეორე სესია) - გეოგრაფია;
  • 19 ივლისი (მეორე სესია) - სამოქალაქო განათლება;
  • 22 ივლისი (პირველი სესია) - ლიტერატურა;
  • 23 ივლისი (პირველი სესია) - ფიზიკა.

      საერთო სამაგისტრო გამოცდები:

  • 17 ივლისი (მეორე სესია) - წაკითხულის გააზრება, ანალიტიკური წერა;
  • 18 ივლისი (მეორე სესია) - ლოგიკური მსჯელობა, რაოდენობრივი მსჯელობა;
  • 22 ივლისი (მეორე სესია) - წაკითხულის გააზრება, ანალიტიკური წერა;
  • 23 ივლისი (პირველი სესია) - წაკითხულის გააზრება, ანალიტიკური წერა;
  • 23 ივლისი (მეორე სესია) - ლოგიკური მსჯელობა, რაოდენობრივი მსჯელობა;
  • 24 ივლისი (პირველი სესია) - ლოგიკური მსჯელობა, რაოდენობრივი მსჯელობა.

      განკურნება სულაც არ უნდათ! - ზურაბ ჭიაბერაშვილი - ათასობით ადამიანს ხელთ აქვს ანალიზის პასუხი, რომ აქვს C ჰეპატიტი და მკურნალობის პროცესში არაა ჩართული.

      სარაგბო წარმატება - საქართველოს 20 წლამდე მორაგბეთა ნაკრებმა მსოფლიო ჩემპიონატზე შოტლანდია დაამარცხა.

საზღვარგარეთულები:

      დემონსტრაციები ჰონგ-კონგში - ჰონგ კონგში სამართალდამცველებმა დემონსტრანტების წინააღმდეგ ცრემლსადენი გაზი გამოიყენეს. ჰონგ კონგში საპროტესტო აქციის მონაწილეებსა და სამართალდამცველებს შორის შეტაკება მოხდა.

      სიკვდილით დასჯა კორეაში - ჩრდილოეთ კორეაში 318 ადგილი აღმოაჩინეს, სადაც ოჯახის წევრები ახლობლების სიკვდილით დასჯას ესწრებიან.

      უსაფრთხო მექსიკა - აშშ მექსიკის უსაფრთხო ქვეყნად გამოცხადებას გეგმავს.

      სააკაშვილის გაერთიანება - მიხეილ სააკაშვილი ანატოლი გრიცენკოსთან გაერთიანდა. მიხეილ სააკაშვილი - პარტიები თავის საარჩევნო სიაში ადგილებს ყიდიან. მიხეილ სააკაშვილი მოლდოვის პრემიერს - თქვენ მხოლოდ დაუსტვინეთ და ჩვენ მზად ვართ დაგეხმაროთ.

წყაროები: ქართული ინტერნეტ საინფორმაციო პორტალები

◄ წინადღის ამბები მომდევნო დღე ►

ნახვა: 65

ტეგები: qwellynews, ამბები, ბლოგი, ივნისი, ნიუსები, სიახლეები

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

მეთორმეტე წელი აგვისტოს ომიდან

გამოაქვეყნა Giorgi_მ.
თარიღი: აგვისტო 7, 2020.
საათი: 11:25pm 0 კომენტარი

      როგორც ტრადიციულად აგვისტოში ხდება - დღევანდელი დღე სრულად მიეძღვნა 2008 წლის ომს, გახსენებებს, ურთიერთ ბრალდებებს, ოკუპანტის ლანძღვას, მუქარას და თითის ქნევას, ევროპელების შეგულიანებასა და სიტყვიერ მხარდაჭერას.

საქართველოს და მსოფლიოს ამბები / 7 აგვისტო, 2020

      საკორონე ამბები - საქართველოში კორონავირუსის 7 ახალი შემთხვევა გამოვლინდა, 7-ით გაიზარდა გამოჯანმრთელებულთა რაოდენობაც. მარინა ეზუგბაიას…

გაგრძელება

პრემიერის ანონსები და დარიგებული ფულები, ბაჩალიაშვილის საქმე და არჩევნობანა

გამოაქვეყნა Giorgi_მ.
თარიღი: აგვისტო 6, 2020.
საათი: 11:00pm 0 კომენტარი

      პრემიერმა გადაწყვიტა ხალხს ფული დაურიგოს. ახლა 17 წლის ჩათვლით მოზარდები, ახალგაზრდები დაფინანსდებიან 200 ლარით, ამას გარდა სხვა სოციალური პაკეტებიც მუშავდება ფულის დასარიგებლად. თუმცა ეკონომიკური პროგნოზები ერთმნიშვნელოვნად მძიმეა - ზამთარსა და მომავალ წელს უარესი იქნებაო. ცხადია არჩევნები და კორონა ლიდერობენ და ბაჩალიაშვილის საქმე კვლავ მეინსტრიმულია. აგვისტოს ამბავი - ომიდან კიდევ ერთი წელი.

საქართველოს და მსოფლიოს ამბები / 6…

გაგრძელება

აქტივისტი

გამოაქვეყნა Kakha_მ.
თარიღი: აგვისტო 6, 2020.
საათი: 9:30pm 0 კომენტარი

   როცა ტემპი დამოუკიდებელია შენგან( ანუ ვექტორზე დადექი, რომელიც მხოლოდ წინ მიდის ისეთი სიჩქარით რომ შენი გონება ვერ ოპერირებს და ვერ ეწევა ტემპს, ასეთი მდგომარეობა ან დაგღუპავს ან ხელმოცარული დარჩები, ის გკარნახობს ნაბიჯებს და ასე უსასრულოდ, შენ კი შეგიძლია მხოლოდ იჯდე და რომანტიზმის ფოტოები ათვალიერო, (როცა უკვე ჩამორჩი) მყუდრო კოტეჯებზე, ზღვაზე დასვენებაზე, მოგზაურობაზე და ასე შემდეგ. ადამიანი შემგუებელი არსებაა, ის ეგუება და ყოველ ჯერზე მეტ "დოზას" ითხოვს…

გაგრძელება

ჟურნალისტური სტანდარტები შეყვარებულს, ბეირუთის აფეთქება და პირველი ტურისტები

გამოაქვეყნა Giorgi_მ.
თარიღი: აგვისტო 5, 2020.
საათი: 11:00pm 0 კომენტარი

      ცხელი აგვისტო ცხელი ამბებით დაიწყო - ოკუპაციის პრობლემაზე საზღვარგარეთული გამოხაურებები, კორონას ახალი შემთხვევები და კორონას ხანის მოსწავლეობა, სტუდენტობა და პოსტკორონული პირველი ტურისტები თბილისში, თბილისის ამბებში - ჭავჭავაძეზე გადაადგილების გაურკვევლობა ჭარბობდა. ცხადია სასამართლოები და გამოძიებები გაუჩინარება-დაკარგვა-გარდაცვალებაზე კვლავაც აქტუალურია. ბეირუთის ტერაქტშიც საქართველო გაჟღერდა - აფეთქებული ტანკერი ბათუმიდან…

გაგრძელება

Qwelly World

free counters