პირბადე როგორც ფარი, ენაწყლიანი პრემიერი და საოცივნისე სამზადისი

      კორონამ გადაიარაო და ავიწყვიტეთ, მაგრამ კორონამაც აიწყვიტა და გაურკვეველი წარმომავლობის ინფიცირებულები გამოჩნდნენ. შესაბამისად დაიწყო პირბადეებით სიარულზე და მკაცრ დისციპლინაზე საუბრები, მაგრამ ეს არ არის მთავარი ამბავი - მედიაში დღე მთავარია პრემიერმა რა თქვა მთელი დღის განმავლობაში, ოპოზიცია როგორ ემზადება 20 ივნისისთვის, პოსტპანდემია პერიოდში კრიზისიდან როგორ გამოვიდეთ და ქალაქს როგორ მართავს კალაძის გუნდი. სიცხე ნარჩუნდება, დოლარი მერყეობს - ახლა 3.0393 ლარი ღირს.

საქართველოს და მსოფლიოს ამბები / 10 ივნისი, 2020

      კორონასთან თანაცხოვრება - მარინა ეზუგბაიას ინფორმაციით, კორონავირუსით ინფიცირების 4 ახალი შემთხვევიდან 2 იმპორტირებულია, ერთი „საბურთალოს კლასტერიდანაა“ და 1 სამედიცინო პერსონალია. თსსუ-ს პირველ საუნივერსიტეტო კლინიკაში 3 კოვიდინფიცირებული პაციენტი მკურნალობს. ბოლნისის მუნიციპალიტეტის სოფელ გეტაში მოსახლეობის გაფართოებული ტესტირება ჩატარდა. ამირან გამყრელიძე - შეინიშნება შემთხვევათა რაოდენობის ზრდის ტენდენცია, პირველწყაროს იდენტიფიცირება კი რთულია - ნუ მოვეშვებით! საქართველოში კორონავირუსის 5 ახალი შემთხვევა გამოვლინდა და დაინფიცირების წყარო უცნობია. იქმნება ილუზია, რომ კორონავირუსი უკვე დავამარცხეთ, გავიმარჯვეთ, არა ბატონებო, პანდემია გრძელდება. საქართველოში კორონავირუსის შემთხვევების რაოდენობა 827-მდე გაიზარდა. თენგიზ ცერცვაძე - რაღაც ძალიან ჩქარა დამშვიდდა ჩვენი საზოგადოება, სრულ თავისუფლებაზე გადაერთო, მოდით, შევირგოთ, რასაც მივაღწიეთ და ზედმეტად ნუ ავიწყვეტთ.

      პრემიერის ფართო ტრიბუნა - პრემიერი - იმდენი წუწუნი მესმის ჯანიანი ბიჭების ქალაქში, ტურისტი აღარ არის, რა გვეშველება, მთავრობა ეს ქენით და ის ქენით - საქმის კეთება ვისაც უნდა, ყოველთვის შეძლებს აკეთოს. სოფლის მეურნეობა არის ის დარგი, რომელსაც შეუძლია არა მარტო გამოკვებოს ქვეყანა, არამედ ექსპორტის მიმართულებით პოტენციალი ჰქონდეს. ეს წელი წლის ბოლომდე საკმაოდ რთული იქნება. შიდა ტურიზმის მიმართულებით მაგრად უნდა ვიმუშაოთ - პირველ რიგში ქართველებმა უნდა ვიმოგზაუროთ საქართველოში. ვერანაირი ტურისტის მიღების ფასად ჩვენი მოქალაქის ჯანმრთელობას კითხვის ნიშნის ქვეშ ვერ დავაყენებთ. კარგად მესმის, რომ 300 მილიონის ნაცვლად სოფლის მეურნეობის დახმარების ბიუჯეტში შეიძლება 600 მილიონი გვჭირდებოდეს - დღეს ეს ის მინიმუმია, რისი გაკეთებაც შეგვიძლია. ტურისტების მისაღებად საქართველო მოლაპარაკებებს ბალტიისპირეთის ქვეყნებთან, პოლონეთთან, ჩეხეთთან და ავსტრიასთან მართავს. პოლიტიკური სპექტრი, არჩევნებიდან გამომდინარე, ძალიან ტოქსიკურია. ბოლო პერიოდში, მედია სივრციდან შინაარსობრივი პოლიტიკური ნიუსი გაქრა, არის „მხოლოდ და მხოლოდ „ფეიკი“ და პროპაგანდა“. მთავრობის ანტიკრიზისული გეგმის მიზანია, რომ მიუხედავად კრიზისისა, სოფლის მეურნეობაში დასაქმებულ ადამიანებს სამუშაო ადგილები შეუნარჩუნდეთ. პრემიერი კითხვაზე, იქნება თუ არა „ქართული ოცნების“ სიის პირველი ნომერი - ყველაფერი შესაძლებელია ან არ არის შესაძლებელი, ნუ ვჩქარობთ - არც მიფიქრია ამ სიაზე. რატომ გიკვირთ, რომ პარტიის თავმჯდომარის აზრს ჰქონდეს განმსაზღვრელი მნიშვნელობა სიაში ვინ მოხვდება? - როცა ეს განხილვები დაიწყება, ჩემს სათქმელს ვიტყვი.

      საჯარიმო პირბადე - ეკა ბესელია გამოდის ინიციატივით, რომ მოქალაქეს პირბადის ტარების წესის დარღვევისთვის, პირველ ჯერზე, ჯარიმის გამოწერის ნაცვლად, გაფრთხილება მიეცეს. ანრი ოხანაშვილი - გამიხარდებოდა მესაუბრა, რომ ხვალიდან შეზღუდვები იხსნება, დაშვებულია ქორწილები, იუბილე, სოციალური ღონისძიებები, თუმცა ამას ვერ გეტყვით, თვალი უნდა გავუსწოროთ იმას, რის წინაშე ვდგავართ. პირებს, რომელთაც ჯანმრთელობის მდგომარეობის გამო, პირბადის ტარება არ შეუძლიათ, შესაბამისი ცნობა მუდმივად თან უნდა ჰქონდეთ და დაჯარიმებას არ დაექვემდებარებიან. არჩილ თალაკვაძე - მტკიცებულებებით არის დასაბუთებული, რომ პირბადე იცავს ადამიანს ინფექციისგან. ეკა ბესელია - ხალხს გადარევთ ცოტა ხანში, ისეთ რეპრესიულ კანონმდებლობას იღებთ, ეს დაცვა არ არის, ეს არის დასჯა. ანრი ოხანაშვილი ეკა ბესელიას - თქვენთან დისტანცირებული ვართ დიდი ხანია, დისტანცია დაცულია ჩვენს შორის. ამირან გამყრელიძე - პირბადეები დახურულ დაწესებულებებში, საზოგადოებრივ ტრანსპორტში, მეტროში, ტაქსებში, სამარშრუტო ტაქსებში - ყველგან პირბადის ხმარება! ნუკრი ქანთარია - პარლამენტში დღეში 700 ლარს მაინც მოვაგროვებთ იმიტომ, რომ ხან გვიკეთია ნიღაბი, ხან - არა, გამოვდივართ და ლაპარაკის დროს ვიხსნით, იგივე რომ გაიმეოროს საზოგადოებამ დაჯარიმდება, არა? ეკა ბესელია ოხანაშვილს - ბატონო ანრი, ისეთი დრამატიზმით საუბრობდით პირბადის აუცილებლობაზე, მიკვირს, პირბადე რომ არ გიკეთიათ. ანრი ოხანაშვილი - კანონისმიერი ვალდებულება იმასთან დაკავშირებით, რომ პარლამენტში პირბადეები ვატაროთ, არ არსებობს, ვემორჩილებით რეკომენდაციებს და მაღალი პასუხისმგებლობით ვეკიდებით.

      ოცივნისელთა აქცია - სერგი კაპანაძე - 20 ივნისის აქციაზე 200-ზე მეტი ადამიანი იქნება და არც მარტო „ნაციონალები“ იქნებიან - ერთხელ ხომ მაინც შეიძლება რაიმეს „გაარტყას“ კობახიძემ. 20 ივნისის აქციაზე - თუ არავის მოუვა აზრად ექსტრემალური ნაბიჯების გადადგმა, გამოხატვის თავისუფლება არის გარანტირებული. რომან გოცირიძე - განცხადება, რომ 20 ივნისს თავებს დაითვლიან, შეიძლება გააკეთოს მხოლოდ უთავო ადამიანმა. „ლელო“ 20 ივნისის აქციას შეუერთდება. გიგა ბოკერია - ეს აქცია არ უკავშირდება მაჟორიტარულ ოლქებზე ოპოზიციის შეთანხმებას, ეს აქცია არის 1 წლის შემდეგ, რაც საზოგადოებამ აჩვენა თავისი ძალა.

      გამქაჩავი კანდიდატი - გიგი უგულავა - ევროპული საქართველო ისეთ კანდიდატს წარადგენს, რომელიც გამქაჩავია და პირველ ტურში მოგებაზე იმუშავებს.

      სარფიანი გაცვლა - ქართუ ბანკმა და ქონების ეროვნულმა სააგენტომ მიწის ნაკვეთები ისე გაცვალეს, რომ ივანიშვილმა 14-ჯერ დიდი ტერიტორია მიიღო.

      ამბები ქვეყნის ფინანსების გამგებლებისგას - გიორგი კაკაურიძე - 170 000 ადამიანი იყო, ვისაც აპრილში ხელფასი არ მიუღია და კომპენსაცია ეკუთვნოდა, თუმცა კომპანიებმა ინფორმაცია ნახევრად, დაახლოებით 95 000 ადამიანზე წარმოადგინეს. თავდაცვის სამინისტროს ბიუჯეტი ხარჯვით ნაწილში ორი მიმართულებით უმცირდება, მათ შორის საერთაშორისო პროექტების მიმართულებით. დიმიტრი შაშკინი - სეკვესტრი იწყება და პირველი განათლების სამინისტროს მიადგნენ, მისი ბიუჯეტი 127 მილიონით მცირდება. ირაკლი სესიაშვილი - თავდაცვის სამინისტროს 75 მლნ ლარით უმცირდება ხარჯი, აქედან 30 მლნ საერთაშორისო ხელშეკრულებაა, რომლის ფარგლებშიც საფრანგეთს სამხედრო პროდუქცია უნდა მოეწოდებინა, მაგრამ გადაიდო. გიორგი აბაშიშვილი მთავრობას ურჩევს, ხარჯების შესამცირებლად, მუშაობის მაქსიმალურად დისტანციურ რეჟიმზე გადავიდეს. გიგლა მიქაუტაძე - 200-ლარიან დახმარებას ვერ იღებენ ადამიანები, ვინც მარტის ხელფასი აპრილში მიიღო.

      ავტობუსების შესყიდვა, მგზავრობა და ქალაქის მართვა - კახა კალაძის განცხადებით, მომდევნო დღეებში გამოაცხადებენ მიკროავტობუსებზე შესყიდვას და პირველ ეტაპზე 300 ერთეულს შეისყიდიან. მნიშვნელოვანია, რომ მეტროში იყოს უსაფრთხოება, ძალიან ბევრი ადამიანი გადაადგილდება - ახალი ვაგონების შეძენაზე ტენდერია გამოცხადებული. მოსკოვის გამზირზე არსებულ გზაგამყოფ ზოლზე, რეკრეაციული სივრცე მოეწყობა. გვაქვს ადგილები, სადაც გადასასვლელი ხიდების არსებობა არ გვჭირდება, თუმცა არის ისეთი ადგილები, სადაც საჭიროა ასეთი ხიდების გაკეთება.

საზღვარგარეთულები:

      მიკროსკოპული მტერი - ანტონიო გუტერეში - პანდემიამ ჩვენი სისუსტის დემონსტრირება მოახდინა, იმან, რაც მხოლოდ მიკროსკოპში ჩანს, დაგვაჩოქა. სომხეთში კორონავირუსის 428 ახალი შემთხვევა დადასტურდა, 10 ადამიანი გარდაიცვალა. რუსეთში ბოლო 24 საათში კორონავირუსით 8 404 ადამიანი დაინფიცირდა და 216 დაიღუპა.

      მხარდაჭერა - აშშ-ის ელჩი ეუთო-ში - რუსულმა ჯარმა საქართველო უნდა დატოვოს, გვსურს სტაბილური ევროპის, სტაბილური კავკასიისა და დამოუკიდებელი და თავისუფალი ქართველი ხალხის ხილვა.

      ფლოიდის სიმბოლიზმი - ჰასან რუჰანი - ამერიკას წლების განმავლობაში ჰქონდა ირანის კისერზე მუხლი დაჭერილი, თუმცა ჩვენმა ხალხმა ეს მუხლი გადატეხა.

წყაროები: ქართული ინტერნეტ საინფორმაციო პორტალები

◄ წინა ამბები მომდევნო ამბები ►

ნახვა: 115

ტეგები: qwellynews, ამბები, ბლოგი, ივნისი, ნიუსები, სიახლეები

vako: ივნისი 14, 2020||5:39pm

შენმდეგ არჩევნებს ტრამპი ბიძია მოიგებს და აუცილებლად
ომში ჩაერთობა

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

აქტიური თავმჯდომარე, პირომანი მოზარდის საქმე და სხვ.

გამოაქვეყნა Giorgi_მ.
თარიღი: მარტი 28, 2024.
საათი: 11:35pm 0 კომენტარი

ევროპულ მუნდიალზე საქართველოს ეროვნული ნაკრების საგზურის მიღების შემდეგ, ქვეყანა ნელ-ნელა გამოერკვია სიხარულის ემოციიდან და როგორც იქნა ცხოვრება ძველ კალაპოტს დაუბრუნდა. ჯერ კიდევ პენალტების, გოლების, ემოციების, ჟივილ-ხივლის პერიოდია, მაგრამ დღის ამბები, ასე თუ ისე მოგროვდა ნიუს-მწერლებში. აქტიური იყო შალვა პაპუაშვილის მრავალმხრივი კომენტარები და ინტერვიუები, მათ შორის საკონსტიტუციო ცვლილებებზე და სასამართლო…

გაგრძელება

Dive In to the Beat: An Introduction to Hearing Rap Audio

გამოაქვეყნა EFTcheat_მ.
თარიღი: მარტი 28, 2024.
საათი: 4:30am 0 კომენტარი







Rap tunes, with its infectious beats, poetic lyrics, and charming storytelling, happens to be a dominant pressure within the audio business and a cultural phenomenon throughout the world. From its humble beginnings from the streets of New York City to its latest standing as a worldwide genre influencing vogue, language, and social actions, rap has progressed into a diverse and dynamic art type embraced by hundreds of thousands. For anyone who is new to rap or seeking to…

გაგრძელება

Study Recombinant Protein Creation

გამოაქვეყნა EFTcheat_მ.
თარიღი: მარტი 27, 2024.
საათი: 12:00am 0 კომენტარი







Proteins tend to be the workhorse molecules that generate nearly each Organic program. Using the escalating recognition of the purpose of proteins in numerous investigate and production things to do, basically isolating them from their natural host cells are unable to meet the escalating need of the market. Chemical synthesis can be not a practical option for this endeavor a result of the size and complexity of proteins. As a substitute, the developments manufactured…

გაგრძელება

Gradient Media in Biomedical Investigate

გამოაქვეყნა EFTcheat_მ.
თარიღი: მარტი 26, 2024.
საათი: 11:30pm 0 კომენტარი







In the realm of biomedical study, the quest for precise separation and isolation methods has led scientists to explore revolutionary solutions. Among these, Axis-Protect Density Gradient Media stands out to be a formidable Device, revolutionizing the best way we isolate cells, organelles, and particles in various applications starting from medical diagnostics to standard analysis.



Density gradient centrifugation has extended been a cornerstone system in Organic…

გაგრძელება

Qwelly World

free counters