დავუშვათ, რომ ვცხოვრობთ

წამოდი, ნამდვილი ცხოვრება გაჩვენო!

ნამდვილი და არა ზუსტი.

მე არ მინდა, რომ შენ ხედავდე უშეცდომოდ,

სხვისი გამოცდილების ხარჯზე სპეკულირებით

წუთებს აგროვებდე.

"დრობუსში" საათის ანაბარა გახსნა და

155 წლის ასაკში ბედნიერებისაგან გაკოტრდე.

არ დაიჯერო, რომ იმ სხვებმაც ის განიცადეს,

რასაც შენ განიცდი.

როცა მათ გამოცდილებებს ჩაყლაპავ

არაფრის გემოს იგრძნობ.

და თუ მაინც გაჯიუტდები

ყლაპე ყოველ დილით უგემოვნების ნერწყვები.

რა საჭიროა ზუსტად მიყვე თეზისებს

გამოცდილების სახელით,

რომ უშეცდომობა გარანტირებული გქონდეს?!

დავუშვათ

ყველა ადამიანი გამოცდილებით ცხოვრობს და ბედნიერია, 

მაგრამ ბედნიერია ყველა ვინც გამოცდილებით ცხოვრობს?

თუ ერთი ადამიანი მაინცაა უბედური

ცდა არაზუსტია.

წამოდი და მე გაჩვენებ,

რომ დედამიწა იმხელაა

რამხელაც შენ გინდა რომ იყოს.

შეიძლება წლების მატებასთან ერთად

გაფართოვდეს ან შეიკუმშოს,

მაგრამ ამას მხოლოდ შენ აღმოაჩენ.

წამოდი და არაზუსტად ვიაროთ.

დავუშვათ, რომ ვცხოვრობთ...

თამარ ჭყოიძე

ნახვა: 260

ტეგები: Qwelly

Ana: აპრილი 27, 2014||7:40pm

ადამიანი უნდა ცდილობდეს რომ ყურადღებით იყოს, სხვისი შეცდომებს გამეორება არ მოუხდეს, აქ კი ყველაფერი სხვანაირად არის დანახული :((

თა _ მო: აპრილი 28, 2014||1:22am

ყველა თავისებურად უყურებს ამ სამყაროს :) ამ შემთხვევაში ასე დაინახა ავტორმა და გადმოგვცა ჩვენ :)

David Jafaridze: აპრილი 28, 2014||2:43am

"წამოდი და მე გაჩვენებ,

რომ დედამიწა იმხელაა

რამხელაც შენ გინდა რომ იყოს.

შეიძლება წლების მატებასთან ერთად

გაფართოვდეს ან შეიკუმშოს,

მაგრამ ამას მხოლოდ შენ აღმოაჩენ.

წამოდი და არაზუსტად ვიაროთ."


მომეწონა :) 

თა _ მო: აპრილი 28, 2014||2:48am

მეც ეგ ნაწილი მომწონს განსაკუთრებით :)

David Jafaridze: აპრილი 28, 2014||2:50am

თა _ მო ვისი დაწერილია? 

თა _ მო: აპრილი 28, 2014||2:57am

ბოლოში წერია ავტორის ვინაობა :) თამუნა ჭყოიძე,ილიაუნის მე4 კურსის სტუდენტია :)

Black block: აპრილი 28, 2014||12:05pm

შევეხმიანები იმ კომენტარის ავტორს, ვინც თვლის რომ მხოლოდ სხვისი შეცდომების თვალყურის დევნა და უშეცდომობაზე აქცენტირებაა საყურადღებო. კი ბატონო, ესეც უნდვა ვცადოთ, მაგრამ არა იმ დოზით, რომ ჩვენი, საკუთარი გამოცდილებები ვერ დავაგროვოთ. მაშინ რაღა აზრი აქვს ცხოვრებას? არც ჩვენ აღარ დავიბადებოდით,რადგან იმ ,,სხვებმა" ხომ გაიარეს უკვე თავიანთი გასავლელი? მაგრამ ჩნდება კითხვა: მათ ჩვენს მაგივრადაც იცხოვრეს?

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

ბილბორდების ბედი, საიას სარჩელი და ფარული საქმის კომისია

გამოაქვეყნა Giorgi_მ.
თარიღი: სექტემბერი 20, 2021.
საათი: 11:20pm 0 კომენტარი

      სანამ არჩევნები არ ჩატარდება, მოგვიწევს ასეთი ამბები ავიტანოთ - ჩანაწერები და მიყურადებები, კომპრომანტების გამოქვეყნება და მერე მათზე კომენტარები, ახალი გამოძიებები და ასე წრეზე სიარული. დღეს ბილბორდების თემაც აქტუალური იყო - ე.წ. სისხლიანი ბილბორდები. ასევე მეგის ქარდავა და საიას სარჩელი. ვალუტის კურსი - 1 აშშ დოლარი - 3.1099 ლარია.

საქართველოს და მსოფლიოს ამბები | 20 სექტემბერი,…

გაგრძელება

თითებზე ასხმული ქალაქები

გამოაქვეყნა Tamila Moshiashvili_მ.
თარიღი: სექტემბერი 19, 2021.
საათი: 10:24pm 1 კომენტარი

      დიდი ხანია ოქრომჭედელი არ ყოფილა ჩვენი ბლოგის სტუმარი. დღეს ოლა შეხტმანი (Ola Shekhtman) უნდა გავიცნოთ. ოლას უყვარს მოგზაურობა და მოგზაურობისას, ამა თუ იმ ქალაქის სუვენირების შეგროვება. ერთხელაც გადაწყვიტა რომ თავად შეექმნა მუდმივი თანამგზავრი სუვენირი. ქალაქში ჩასვლისას, ოლა ფართო პეიზაჟებს აკვირდება, სწავლობს, ხატავს და ერთ სიბრტყეზე გადააქვს. შემდეგ იწყება ყველაზე რთული. თითოეული მისი ბეჭედი ხელით არის დამუშავებული, დახერხილი,…

გაგრძელება

ექსტრადირების ამბავი, კოკაინი და მიყურადება

გამოაქვეყნა Giorgi_მ.
თარიღი: სექტემბერი 17, 2021.
საათი: 11:00pm 1 კომენტარი

      ნელ-ნელა იწყება კოვიდის მეხუთე ტალღაზე საუბარი და შესამზადებლად ვაქცინაციის წახალისება. დღის მთავარ ამბებში კვლავ საარჩევნო „სისუფთავეა“, ასევე ფარული ჩანაწერები ნელ-ნელა გამომზეურება მტყუან-მართლის გარკვევის პარალელურად. მეგის ქარდავას ექსტრადაცია განხორცილდება. ვალუტის კურსი - 1 აშშ დოლარი - 3.1129 ლარია.

საქართველოს და მსოფლიოს ამბები | 17 სექტემბერი, 2021…

qwellynews, სიახლეები, ნიუსები, ამბები, სექტემბერი

გაგრძელება

სახელმწიფო უსაფრთხოების სამსახური და პროტესტები საარჩევნოდ

გამოაქვეყნა Giorgi_მ.
თარიღი: სექტემბერი 16, 2021.
საათი: 11:30pm 0 კომენტარი

      როგორც ჩანს დაანონსებული წვიმები მხოლოდ ქობულეთს აუხდა მძიმედ - ძლიერმა წვიმამ სახლები დაიტბორა, რამდენიმე სოფელში კი მეწყრული პროცესები განვითარდა. ქვეყანაში ისევ მოსმენების ამბავია აქტუალური და კვლავ სუს მიმართ ისმის კითხვები და პროტსტები. ცხადია, ყველაფერი არჩევნებს უკავშირდება და მის გარშემო ტრიალებს. ვალუტის კურსი - 1 აშშ დოლარი - 3.1141 ლარია.

საქართველოს და მსოფლიოს ამბები | 16…

გაგრძელება

Qwelly World

free counters