სიზმრების ბლოგად არ მინდა გადავაკეთო ჩემი დღიური, მაგრამ რა ვქნა თუ ყოველ ჩაძინებაზე საღ აზრს მოკლებულ საშინელებებს ვხედავ.

      ჯერ წინა სიზმარიც ვერ მომინელებია, კიდევ არ გამოვსულვარ იქაური ბურანიდან, ახალი დამეტაკა.

blog, deactivate, husbend, internet, life, life_style, networking, qwelly, social_networks, wedding, wife, გაუქმება, დეაქტივაცია, დღიური, თავისუფლება, ინტერნეტი, ნებართვა, ოჯახი, რეალობა, სიზმარი, სიყვარული, სოციალური_ქსელები, ტვირთი, უფლებები, უღელი, ქველი, შეუღლება, შეყვარებული, ცოლ-ქმრობა, ცხოვრება, ცხოვრების_სტილი, ცხოვრების_წესი

      სიზმარი ასეთი იყო: ერთი ახალგაზრდა გოგონა ქველზე მოღვაწეობდა აქტიურად, ლამაზი და ფოტოგენური გოგონაა და თავისი ფოტოებით ხშირად ახარებდა მრავალთა თვალებს, გამოხმაურებაც მუდამ დადებითი და პოზიტიური ჰქონდა მის ფოტოსესიებს, ტკბილი მოკითხვები, შექებები, კომპლიმენტები და ა.შ. შემდეგ, როგორც მის მსგავს ლამაზ და მშვენიერ გოგოებს სჩვევიათ, ახალგაზრდა ასაკშივე გათხოვდა, ოჯახი შექმნა და ღმერთმა დალოცა მისი სიყვარული მრავალჟამიერ (ეს ამ სიზმარის ის სასიამოვნო დასაწყისია, რომელმაც ბედნიერების ღიმილი მომგვარა). მაგრამ ხანგრძლივ თურმე არც ეს სოფელი და არც სიზმარლენდი არავის არ გაახარებს. როდესაც უკვე ბეთჰოვენის 50-ე სიმფონიის პირველმა აკორდებმა გაიჟღერა გონებაში, მივხვდი რამე საავდრო მოხდებოდა და აჰაა - გოგონა ქველზე შემოვიდა, ფოტოები წაშალა და მისი გვერდი გააუქმა. შემდეგ მომაგონდა რომ ეს ოპერა უკვე ნანახი მქონდა და თურმე იქაც ანალოგიური შემთხვევა იყო - გათხოვდა და გაუქმა.

      თავზარდაცემულს და ბეთჰოვენისგან კიდევ უფრო შეშინებულს გამომეღვიძა. ოფლში ვცურავდი. დიდხანს ვერ ვხუჭავდი თვალებს.

      ბოლოს, კლავიატურას მივუჯექი და აი, ეს პოსტიც აქ არის.

      ერთი შეკითხვა მაქვს და მერე რჩევაც - თქვე დალოცვილებო, შეყვარებულებმა ერთმანეთის ინტერნეტ გვერდების პროფილების პაროლები რომ უნდა იცოდეთ და ეს რომ აუცილებლობაა ერთგულების, სიყვარულის და მარადიული ტრფობის დასამტკიცებლად ეს გავიგე (გავიგე როგორც კანონი, რომლის ლოგიკასაც ვერ ვწვდები), ქორწილის შემდეგ საერთო აკაუნტების გაკეთება ფეისბუკზე (ალი და ნინო, ჯამბული და ხატია, თეკლა და დავითი, ზეზვა და მზია) და ა.შ. როგორც იქნა გავითავისე, თუმცა სიმართლე გითხრათ ამის იდეასაც ვერ ვხვდები ბოლომდე, ალბათ ჯვირსწერისას მღვდელმა გაკურთხათ - ერთ ხორც და ერთ ფეისბუკო, შეიძლება ახალი კურთხევანი გამოვიდა და ჯერ არ ვიცი, მაგრამ კარგი - ესეც გასაგებია, იმ წინა შეყვარებულობის დროინდელი კანონის ლოგიკურ გაგრძელებად ჩავსვათ.

      აი, ეს პროფილების გაუქმება რას მივაწერო ჯერ ვერ ვხვდები. იქნებ, გათხოვებამდე გაარკვიოთ რისი უფლება გაქვთ კომპიუტერთან (გათხოვებამდე რადგან, სტატისტიკა გვიჩვენებს რომ მსგავი ქმედებით ძირითადად მდედრები არიან დაკავებულნი, საკუთარ აკაუნტებს აუქმებენ და ქმრების აკაუნტებზე ორპატრონობას აწესებენ). აი, მაგალითად ჰკითხეთ თქვენს შეყვარებულებს - დავით, მე შენ მიყვარხარ, მაგრამ მე მაქვს qwelly-ზე გახსნილი ჩემი გვერდი. როგორ გგონია, ეს გვერდი ჩვენს სიყვარულს დაანგრევს? აღარ გეყვარები? - თუ გითხართ კიო, მაშინ იცოდეთ რომ არ უყვარხართ და ეს ყველაფერი ტყუილი იყო. ან, ვიდრე დარეგისტრირდებით, მანამდე ჰკითხეთ შეყვარებულს - ძვირფასო, როგორ გგონია, ამ საიტზე რომ დავრეგისტრირდე სამუდაოდ დაგკარგავ? არ ვიცი, თუ მეტყვით როგორ ურთიერთობთ ასეთ შეყვარებულებთან, მეც მოვიფიქრებ ფორმულირებას როგორ აიღოთ ნებართვა მსგავს გვერდებზე რეგისტრაციისა, მოღვაწეობისა და ფოტოების განთვსებისა.

      ვფიქრობ ხომ არ სჯობს ახალრეგისტრირებულებს ვკითხო - უკაცრავად თქვენ გათხოვილი ხართ? და ქმარმა იცის აქ რომ ხართ?

აქვე იხილეთ წინა კოშმარი:

სიზმრად ნანახი ცხადი

ნახვა: 758

ტეგები: Qwellyland, ბლოგი, დაოჯახება, ინტერნეტი, სოც.ქსელი, ღირებულებები

jina: სექტემბერი 25, 2015||11:07pm

ადამიანები არ აძლევენ ერთმანეთს განვითარების საშუალებას,ნამდვილი სიყვარული თითქმის არ არსებობს...

khatuna zitanishvili: სექტემბერი 25, 2015||11:17pm

ეს წინა კოშმარზე უარესია))))

salome: სექტემბერი 25, 2015||11:49pm

ზეზვა და მზია ჯერ არ შემხვედრია :D:D კახაც კი იმდენად შეშფოთდა, რომ არც კი ხუმრობს :დდდ

ლაშა: სექტემბერი 26, 2015||12:52am

khatuna, ეგ ლოგიკურიცაა, ავადმყოფი უჯრედები უფრო სწრაფად მრავლდებიან, ვირუსები უფრო ეფექტურები ხდებიან და აქ რატომ იქნება სხვანაირად? რაც დრო გავა მით უფრო უარესობისკენ წავალთ და ჩემი სიზმრებიც კოშმარზე უფრო კოშმარულები გახდება. 

BrOliKa: სექტემბერი 26, 2015||1:13pm

ლაშ მაპატიე, მაგრამ ძალიან კარგად გამეციინა :D :D ისე ეგ კი მართლა დასაფიქრებელია თუ აუქმებენ ესეიგი გონიათ, რომ დაოჯახებულებმა აღარ უნდა მიიღონ კომპლიმენტები, რადგან ქმრები იეჭვიანებენ ამისდა გამო, მაგრამ თუ შეყვარებულობის პერიოდში არ აუქმებენ ეს რას ნიშნავს? მანამდე ააქვთ უფლება?

ლაშა: სექტემბერი 26, 2015||1:29pm

არ მგონია ასე ჩახლართული იყოს ეს ამბავი ბროლიკ, თუმცა ქალების ლოგიკას (თუ არსებობს) ისევ ქალი თუ მიხვდება (თუ არის შესაძლებელი საერთოდ), ამიტომ დიდად არ შეგედავები, მაგრამ მე მაინც მგონია, რომ შეყვარებულობის პერიოდში მეტი თავისუფლებაა, ცოლ-ქმრობის პერიოდში კი იმაზე მეტი შეზღუდვები, ვიდრე ეს აქამდე იყო. თუმცა ერთ რამეს უნდა დავეთანხმო - იდიოტობაა და მეტი არაფერი, სასაცილო კი არა, სატირალი და ორ აგურ საძებარი ამბავია ((

საქმე სწორედ ისეა, რასაც ჯინა წერდა და უნდა დავეთანხმო - სიყვარულში კი არა, ეს სიყვარულის ილუზიაში ცხოვრებაა.

BrOliKa: სექტემბერი 26, 2015||1:42pm
შეზღუდვები მესმის,შეიძლება მეტი იყოს ესეც ჩემი აზრით იმის ფონზე, რომ ოკახს მეტი დრო სჭირდება, მაგრამ ასეთი შეზღუდვა რა სულელობააა :-((
Ann: სექტემბერი 26, 2015||10:45pm

არა და ეგეთებს რომ ჰკითხო ყველაზე თანამედროვეები არიან, ძველი ტრადიციები და წეს-ჩვეულებები, მშობლის რჩევები ეზიზღებათ.. და თვითონ რაღაც ახალი იდიოტური წესები რომ შემოაქვთ არაუშავს ? :)) სულელურ შეზღუდვებს ვგულისხმობ:))) ჩემი აზრით, ეს საერთოდ სიყვარულთან არანაირ კავშირში არარის .. ახლოსაც არარის :(  

ლაშა: სექტემბერი 27, 2015||11:38pm

ქეთევან, საინერესო იქნება იმ მიხვედრების წაკითხვა ))

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

A variety of online games attempt to take over your life

გამოაქვეყნა MacMillanwu_მ.
თარიღი: სექტემბერი 29, 2022.
საათი: 12:00pm 0 კომენტარი

While you're making your way to Lumbridge and begin to explore the town, all of the stage-playing addicts could be your in the future. It's intoxicating. "More than the other games I've played, the avatar is me - it's an amalgamation from the entire that I've accomplished in and is important to us gamers."

A variety of online games attempt to take over your life, but RuneScape is the maximum sincere about it. The magic isn't the quests or stories. If people talk about the…

გაგრძელება

ლუკაშენკოს ხავერდოვანი სეზონი და სამასპინძლო აქციები ლარსთან

გამოაქვეყნა Giorgi_მ.
თარიღი: სექტემბერი 28, 2022.
საათი: 11:30pm 0 კომენტარი

      გუშინ რომ სოხუმის დაცემა გაიხსენეს, დღეს ბელარუსის პრეზიდენტი სწორედ აფხაზეთში ჩავიდა ოფიციალური ვიზიტით და დაარღვია საქართველოს სახელმწიფოს კანონი. აქამდე ჯერ კიდევ მეგობართა სიაში იმყოფებოდა ოფიციალურ დონეზე მაინც. დღეს ასევე აქციები მოეწყო ლარსთან და ხოშტარიას დროამ „მასპინძლობა“ გაუწია რუსეთიდან გამოქცეულებს, რომლებაც რატომღაც დეზერტირებს ეძახიან ანუ ჯობდა ეომათ?! დღის მთავარ ამბებში კვლავ ომბუდსმენიც ფიგურირებს და კალაძის თბილისიც. დღეს…

გაგრძელება

სოხუმის დაცემის დღეს რუსების შემოსვლის აქტუალობა

გამოაქვეყნა Giorgi_მ.
თარიღი: სექტემბერი 27, 2022.
საათი: 11:30pm 0 კომენტარი

      რუსეთში გამოცხადებული სამხედრო მობილიზაცია არის მეინსტრიმული მთავარი თემა საქართველოშიც, რადგან ბოლო დღეებია ვრცელდება კადრები კილომეტრიანი რიგების და საცობების ჩვენს ჩრდილოელ მეზობელ-მტერთან - გამორბიან და გამორბიან ომს განრიდებული რუსები და ახლა აქ მთავარი თემა ისაა, უნდა მივიღოთ თუ საზღვარი ჩავუკეტოთ. დღეს ასევე სოხუმის დაცემის დღეა და როგორც სექტემბრის ყოველ მიწურულს, დღესაც კადრები, მოგონებები, ყვავილები და გახსენებები ისმოდა-იკითხებოდა…

გაგრძელება

ჰიჯაბის ბუნტი

გამოაქვეყნა Tamila Moshiashvili_მ.
თარიღი: სექტემბერი 25, 2022.
საათი: 10:13pm 0 კომენტარი

      ბოლო კვირაა ირანში არეულობებია - ბუნტი, რევოლუციის, გადადგომის მოთხოვნები და ა.შ. ყველაფერი კი მას შემდეგ დაიწყო, რაც ირანის მორალის პოლიციამ მაჰსა ამინი ჰიჯაბის არასწორად ტარების გამო დააპატიმრა, შემდეგ კი ამინი გარდაიცვალა. ამას მთელი ირანის მასშტაბით აქციები მოჰყვა. აქციების მონაწილეები ჰიჯაბებს წვავენ და ყვირიან: „სიკვდილი დიქტატორს!“ ამ ფონზე ინტერნეტში არაერთი ფოტო კოლაჟი მომზადდა, სადაც ქალების ფოტოებს წარწერა აქვთ - ქალები ირანში…

გაგრძელება

Qwelly World

free counters