მთავრობის შემცვლელი აქცია, მარიხუანას ექსპორტი, გადანომრილი კანდიდატები, სატელევიზიო ჩანაწერები და სხვა ბევრი თქმულიც

      დღევანდელ სიახლეებს შორის გამორჩეული იყო მამების აქცია, რომელიც სამართლიანობიდან და მთავრობის გადადგომამდე მივიდა. ასევე, ცნობილი გახდა საპრეზიდენტო ნომრები. იბერიის ჩანაწერები და ერთი სიახლეც - მარიხუანა შეიძლება ექსპორტზე გავიტანოთ.

საქართველოს და მსოფლიოს ამბები / 11 სექტემბერი, 2018 /

      საპრეზიდენტო მარათონი - ზაზა გაბუნია - სალომე ზურაბიშვილის საარჩევნო პროგრამა ისე იქნება ფორმულირებული, რომ მმართველი გუნდისთვის მისაღები იყოს. ირაკლი კობახიძე - სალომე ზურაბიშვილს ვუჭერთ მხარს, ვინაიდან ის პროდასავლური ორიენტაციის პოლიტიკოსია. დავით ბაქრაძის განცხადებით, საწვავზე აქციზის ფასის განახევრება პროდუქტების გაძვირების პროცესს შეაჩერებს. ირაკლი სესიაშვილი - არასწორია ოპოზიციის მხრიდან აპელირება, რომ სალომე ზურაბიშვილი არის „ქართული ოცნების" კანდიდატურა. დავით ბაქრაძე - ქმედით პრეზიდენტთან ერთად ქვეყანას აუცილებლად ექნება უკეთესი ხვალინდელი დღე. საპრეზიდენტო ნომრები ასე გამოიყურება:

  •       № 1 – „მოძრაობა სახელმწიფო ხალხისთვის“ - მიხეილ ანთაძე;
  •       № 2 – „ევროპული საქართველო - მოძრაობა თავისუფლებისთვის“ - დავით ბაქრაძე;
  •       № 4 – „ქრისტიან-დემოკრატიული მოძრაობა“ - ვახტანგ გაბუნია;
  •       № 5 – „ერთიანი ნაციონალური მოძრაობა“ - გრიგოლ ვაშაძე;
  •       № 10 – „საქართველოს ლეიბორისტული პარტია“ - შალვა ნათელაშვილი;
  •       № 17 - პარტია „საქართველო“ - გიორგი ლილუაშვილი;
  •       № 18 – „ქართველ ტრადიციონალისტთა კავშირი“- აკაკი ასათიანი;
  •       № 27 – „სამოქალაქო პლატფორმა - ახალი საქართველო“ - ზვიად ბაღდავაძე;
  •       № 28 – „სამართლიანობის აღდგენის კავშირი ხმა ერისა: უფალია ჩვენი სიმართლე“ - მიხეილ სალუაშვილი;
  •       № 31 – „თავისუფლება - ზვიად გამსახურდიას გზა“ - თამარ ცხორაგაული.

      ამასთან, ცესკოს ცნობით, წილისყრის პროცედურის შედეგების მიხედვით 9 პარტიას მიენიჭა შემდეგი რიგითი ნომრები: №13 – „საქართველოს ქრისტიან-კონსერვატიული პარტია” - ზვიად მეხატიშვილი; №21 – „თავისუფალი საქართველო” - კახა კუკავა; №22 – „მრეწველობა გადაარჩენს საქართველოს” - ოთარ მეუნარგია; №23 – „მოძრაობა თავისუფალი საქართველოსთვის” - ირაკლი გორგაძე; №25 – „თავისუფალი დემოკრატები” - დავით უსუფაშვილი; №30 – „ეროვნულ-დემოკრატიული პარტია” (ედპ) - ზვიად იაშვილი; №35 – „საქართველოს ძალოვან ვეტერანთა და პატრიოტთა პოლიტიკური მოძრაობა” - გელა ხუციშვილი; №36 – „გირჩი” - ზურაბ ჯაფარიძე; №40 – „ახალი ქრისტიან-დემოკრატები” - ლევან ჩხეიძე.

      ღამენათევი მამების აქცია - ზაზა სარალიძე და მალხაზ მაჩალიკაშვილი პარლამენტის შენობის წინ მთელი ღამის განმავლობაში დარჩნენ. ზაზა სარალიძე - აღარ არის უკვე საუბარი რომელიმე კონკრეტულ მაღალჩინოსანზე, მოვითხოვ ხელისუფლების გადადგომას. მალხაზ მაჩალიკაშვილი - თუ ხელისუფლებას დანაშაულის აღიარება არ უნდა, მოგვიწევს სხვა გზას მივმართოთ. დავით მათიკაშვილი - სარალიძის მიმართ პატივისცემისა და ხორავას ქუჩაზე დატრიალებული ტრაგედიის მიუხედავად, ხელისუფლების გადადგომაზე მოთხოვნა, გადამეტებულია. ხორავას ქუჩაზე მოზარდების მკვლელობის საქმეზე დაკავებული არასრულწლოვნის დ.ღ.-ს ადვოკატები გამამართლებელი განაჩენის გამოტანას ითხოვენ. მალხაზ მაჩალიკაშვილი - შოთაძეზე უკეთესი პროკურატურაში არ მივა, ყველანი ნაძირლები არიან. ადვოკატი - სამართალდამცველები ცდილობენ საზოგადოებას აჩვენონ, ვითომ დ.ღ.-ს მიერ მიცემული ჩვენებით დავით სარალიძის მკვლელი არ დადგინდა, რაც აბსურდია. პარლამენტის წინ აქციის მონაწილეებს პოლიციამ კარვები არ გააშლევინა.

      იბერიას ჩანაწერები - აკაკი ზოიძე „იბერიას“ შესახებ - უნდა დადგინდეს, გავრცელებული ჩანაწერი ავთენტურია თუ არა, დიდი შანსია, რომ თაღლითობა იყოს. თამარ ჩუგოშვილის ინფორმაციით, გავრცელებული ჩანაწერი, რომელშიც სავარაუდოდ, ლევან ყიფიანი და ზაზა ოქუაშვილი საუბრობენ, 5 წლის წინანდელია. დავით მათიკაშვილი - არ შეიძლება ტელეკომპანია, მედიის თავისუფლება გამოყენებული იყოს ფარად, რომლის უკან გადასახადების გადაუხდელობა იმალება. არჩილ თალაკვაძე გავრცელებულ ჩანაწერზე - ღიმილის მომგვრელია ბრალდებები, თითქოს ხელისუფლებას რომელიმე ტელევიზიის მითვისება სურს. ანა ნაცვლიშვილი - განცხადებები, რომლებიც ტელეკომპანია „იბერიას” წარმომადგენლების მხრიდან გაკეთდა, ძალიან საყურადღებოა. დავით ბაქრაძე - ტელეკომპანია „იბერიასთან” დაკავშირებულ ჩანაწერებზე აუცილებლად უნდა დაიწყოს გამოძიება. ნატო ჩხეიძე - „იბერიასთან“ დაკავშირებით გავრცელებული ჩანაწერები არ არის არც 5, არც 3 წლის და არც 2 წლის წინანდელი. კახა კალაძე „იბერიასთან“ დაკავშირებულ ჩანაწერზე - თუ არსებობს კითხვები, შესაბამისი სამსახურები დაინტერესდებიან, მე რას მეკითხებით, ქალაქის მერს?! ანა ნაცვლიშვილი - "იბერიას" წარმომადგენლებს აქვთ ნათელი სურათი, რომ შემთხვევით არ დაგროვილა დავალიანება.

      მარიხუანა ექსპორტზე - არჩილ თალაკვაძე არ აკონკრეტებს, იყო თუ არა საუბარი უმრავლესობის სხდომაზე მარიხუანას ექსპორტზე გატანის საკითხზე. დავით ჭიჭინაძე - საკონსტიტუციო სასამართლოს გადაწყვეტილება შესაძლოა მძიმე ნარკოტიკებზეც გავრცელდეს და მძიმე ნარკოტიკების წარმოება უნდა დავიწყოთ? ნინო წილოსანი - კონკრეტულ დეპუტატებს შორის მარიხუანას მოყვანაზე საუბარი შესაძლოა, იყო, თუმცა ეს საკითხი, უმრავლესობის ფორმატში არ განიხილებოდა. საქართველოში კანაფის წარმოება მკაცრად ლიცენზირებული იქნება

      ნატოს დასანახად - მამუკა ბახტაძე - ჩვენ გვინდა, ნატო-ს წევრებმა დაინახონ, რომ საქართველო იმსახურებს სრულუფლებიანი წევრის სტატუსს. დავით ზალკალიანი - ჩვენი პოზიცია ნათელია - ვითხოვთ ნატო-ს წარმომადგენლობას საქართველოში, რათა ეს იყოს დემონსტრირება, რომ ჩვენი მოკავშირეები ჩვენთან არიან.

      ოკუპაციის საშინელება - მამუკა ბახტაძე - ის, რაც საქართველოს ოკუპირებულ ტერიტორიებზე ხდება, არის ჰუმანიტარული კატასტროფა.

      შემოდგომის ვირუსი - პაატა იმნაძე - შემოდგომის სეზონის დაწყებასთან ერთად, წითელა-წითურას ვირუსის გააქტიურებაა მოსალოდნელი. პაატა იმნაძე ფერმერებს აფრთხილებს, საქონელი ჯილეხის საწინააღმდეგო ვაქცინით აცრან.

      კვლევა საწვავზე - კვლევის მიხედვით, საქართველოში საწვავში დაშვებულია 100 მილიგრამი გოგირდის შემცველობა, როდესაც ევროპაშია - 10.

      ელჩის შეგონება - ბრიტანეთის ელჩი - ძალისხმევა არ უნდა დაიშუროთ, რომ საქართველოში ჩამოყალიბდეს საზოგადოება, სადაც კანონის უზენაესობაა მთავარი და კანონი ყველასთვის არის კანონი.

      ბასილაშვილი მსოფლიო რეიტინგში - ნიკოლოზ ბასილაშვილი მსოფლიო რეიტინგში მის კარიერაში საუკეთესო, 31-ე პოზიციაზე დაწინაურდა.

      გამოძიება თუ მონანიება - სალომე სამადაშვილი ირაკლი კობახიძეს - ივანიშვილმა თქვა, რომ ყოფილი პრემიერი კორუფციულ გარიგებებში იყო ჩართული, ამას გამოიძიებთ თუ მონასტერში გაუშვებთ ცოდვების მოსანანიებლად? გიგა ბოკერია - ყოფილი პრემიერები რომ შეიძლება პოლიტიკურად გაქრნენ, ეს საქართველოს პრობლემაა.

      განათლების სივრცე - გია მურღულია - განათლების სისტემის ერთიანი სივრცე უნდა შეიქმნას, სადაც ყველა კომპონენტი სინქრონულად იმოქმედებს.

      ღვინის ანაზღაურება - ღვინის ეროვნული სააგენტო - კახეთში მევენახეების შემოსავალმა 70 მლნ ლარს გადააჭარბა.

      ქურდობა აჭარულად - ხულოში ორი ეკლესია გაქურდეს.

საზღვარგარეთულები:

      საგანგებო ამერიკა - ამერიკაში საგანგებო მდგომარეობა კიდევ ერთი წლით გახანგრძლივდა. ქარიშხალ „ფლორენსის“ გამო, აშშ-ს პრეზიდენტმა ჩრდილოეთ და სამხრეთ კაროლინას შტატებში საგანგებო მდგომარეობა გამოაცხადა.

      ტრამპული ანონსი - დონალდ ტრამპისა და კიმ ჩენ ინის მორიგი შეხვედრა, შესაძლოა, მიმდინარე წლის ბოლომდე შედგეს. ტრამპის ადმინისტრაცია ჰააგის სასამართლოს სანქციებით ემუქრება.

      ერდოღანი სირიის გეგმებზე - რეჯეფ თაიფ ერდოღანი - სირიის ხელისუფლება ტერორიზმთან ბრძოლის ცრუ საბაბით იდლიბის პროვინციაზე შეტევას გეგმავს, რასაც სისხლისღვრა მოჰყვება.

წყაროები: ქართული ინტერნეტ საინფორმაციო პორტალები

◄ წინადღის ამბები მომდევნო დღე ►

ნახვა: 83

ტეგები: qwellynews, ბლოგი, ნიუსები, სექტემბერი, სიახლეები

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

კოვიდ 19-ის მილიონიანი პოპულაცია

გამოაქვეყნა Giorgi_მ.
თარიღი: აპრილი 2, 2020.
საათი: 11:31pm 0 კომენტარი

      აპრილი კორონას თვე იქნება, უნდა ვიბრძოლოთ რომ მაისიც არ იყოს - ასეთია WHO-ს და საქართველოს მთავრობის მიდგომაც. მსოფლიო სტატისტიკა ~ 1M-ზე მეტი ინფირიცრებული, ~ 52K-მდე გარდაცვლილი, ~ 211K-მდე განკურნებული. ამჟამად აქტიური ~ 742K. საქართველოში - 134 შემთხვევა და 26 განკურნებული.

საქართველოს და მსოფლიოს ამბები / 2 აპრილი, 2020

      კორონავირუსის ქართული ამბები - მარინა ეზუგბაიას განცხადებით, მათ კლინიკაში…

გაგრძელება

კორონას რიცხვები, 2 მლრდ ბიუჯეტიდან და მლოცველი მრევლი ეზოში

გამოაქვეყნა Giorgi_მ.
თარიღი: აპრილი 1, 2020.
საათი: 11:00pm 0 კომენტარი

      აპრილი დადგაო და წვიმა-ქარი გაძლიერდაო - 3 აპრილამდე ასეა ნათქვამი წინაპართაგან. რაც შეეხება კორონას რიცხვებს ამ დროისთვის - დავიწყოთ საქართველოდან - 117 აღრიცხული შემთხვევა, აქედან 23 განკურნებული. მსოფლიოში - 918,126 და 193, 350 განკურნებული. ყველაზე მეტი, აქტიური პაციენტის ათეული: ამერიკა ~ 192k; იტალია ~ 81k; ესპანეთი ~ 70k; გერმანია ~ 57k; საფრანგეთი ~ 42k; ირანი ~ 29k; დიდი ბრიტანეთი ~ 27k; თურქეთი ~ 15k; შვეიცარია ~ 14k და ნიდერლანდები…

გაგრძელება

ჩიტების სახლი

გამოაქვეყნა nunu qadagidze_მ.
თარიღი: აპრილი 1, 2020.
საათი: 7:30pm 0 კომენტარი

      იმ დღეს მათი ჩხუბი მოწმენდილ ცაზე მეხის გავარდნას ჰგავდა. უფრო შეხმატკბილებულ ძმაკაცებს ვერსად შეხვდებოდით, ბოლო ხანებში კიდევ უფრო დაუტკბნენ ერთმანეთს... თუ სადმე ახსენებდნენ შაშვის სახელს, იქ კაკაბიც უნდა ყოფილიყო, ანდა პირიქით. მგონი მამლების ჩხუბის გამო წაკამათდნენ, ერთი „ხტუნიას“ აქებდა, მეორე „ძიძგილას“. საუბედუროდ, სხვადასხვა ფალავნის თაყვანისმცემლები იყვნენ განუყრელი ძმაკაცები. თუმცა უწინ თურმე ორივე ერთ ფალავანს ეთაყვანებოდა, მაგრამ…

გაგრძელება

კომენდანტის საათამდე გამკაცრებული აკრძალვები, საეკლესიო ამბები და მსოფლიო ვირუსომი

გამოაქვეყნა Giorgi_მ.
თარიღი: მარტი 30, 2020.
საათი: 11:00pm 2 კომენტარი

      კორონანიუსი არის დღის, კვირის, თვის და ისე მიდის საქმე, წლი მთავარი ამბავი. სიახლე რიცხვებში - 100 ინფიცირებული და აქედან 20 გამოჯანმრთელებული, მთელი მსოფლიოს მასშტაბით, ინფიცირებულთა რიცხვმა 770 K-ს გადააჭარბა, აქტიური შემთხვევები 570 K-ზე მეტი. დღეს ჩვენს ქვეყანასი თითქმის კომენდანტის საათი გამოცხადდა და რიგი შეზღუდვები დაწესდა და აკრძალვები გამკაცრდა.

საქართველოს და მსოფლიოს ამბები / 30 მარტი, 2020

     …

გაგრძელება

Qwelly World

free counters