ცხელი ზუგდიდი, ოჯახის სიწმინდე ქუჩაში და გადამდგარი მინისტრის ინტერვიუ

      დღემ კვლავინდებურად საარჩევნო არეულობებით და მერე ამ არეულობებზე კომენტარებით ჩაიარა - ისევ ზუგდიდიდან, ისევ დაძაბულობებით და ისევ არეულობით. დღის მეორე მთავარი ბლოკი იყო გადამდგარი მინისტრის ვრცელი ინტერვიუ. დღეს ასევე ოჯახების წმინდა მსვლელობის ამბავიც დაანონსდა.

საქართველოს და მსოფლიოს ამბები / 16 მაისი, 2019/

      ოჯახის სიწმინდის მსვლელობა - 17 მაისს, ოჯახის სიწმინდის დღის აღნიშვნასთან დაკავშირებით, საპატრიარქოს ორგანიზებით, სახალხო მსვლელობა გაიმართება. „ქართული მარში“ ოჯახის სიწმინდის დღის აღნიშვნასთან დაკავშირებულ სახალხო მსვლელობაში მიიღებს მონაწილეობას. დეკანოზი გიორგი კიკვაძე - ვფიქრობთ, 17 მაისის მსვლელობაში ბევრი ადამიანი მიიღებს მონაწილეობას, რადგან ოჯახი ის უპირველესი ღირებულებაა, რომელზეც სახელმწიფო დგას.

      გადამდგარი მინისტრი - გიორგი ქობულია - ჩემი სახლის ქურდობამდე დიდი ხნით ადრე მივიღე მინიშნება, რომ თანამდებობა უნდა დამეტოვებინა. თუკი საჯარო მოხელეების ხელფასებში ეკონომიას ვაკეთებთ და კვალიფიკაციის თვალსაზრისით კომპრომისზე მივდივართ, ათასობით მეტს ვკარგავთ ცუდი ხარისხის გადაწყვეტილებებით. მმართველ გუნდში დისკუსიისას მე ერთხელ მართლაც მიწოდეს "უცხო სხეული". მომხრე არ ვარ, რომ ჩვენს მიერ მომზადებული კადრები უცხოეთში გავუშვათ. ანაკლიის პროექტს შესაძლებელი პოლიტიკური პრობლემების გარდა, სერიოზული კომერციული პრობლემები აქვს. კორუფციული ინტერესი და კორუფციული გარიგება ჩემი თვალით არ მინახავს. დავით უსუფაშვილი გიორგი ქობულიას - თუ საჯაროობის ნაბიჯი გადადგით, გვითხარით, რა ელის ქვეყანას მმართველობის თვალსაზრისით? კითხვაზე, რატომ გამათავისუფლეს? - ეს არ იყო ერთი ან ორი საკითხი, ეს საკითხების კრებული იყო, რომელთა შესრულებას მე დაჟინებით ვითხოვდი. საქართველოს რეალობის ძალიან კარგი აღქმა მაქვს - დამერწმუნეთ, ბევრზე უკეთესად მესმის, რა არაფორმალური თამაშის წესები შეიძლება არსებობდეს. გიორგი ქობულია „ტოტალურ აბსურდს“ უწოდებს ინფორმაციას, თითქოს მინისტრად „მაკინზის“ მიერ ჩატარებული კვლევის გამო დანიშნეს. გიორგი ქობულია პოლიტიკური საქმიანობის გაგრძელებას არ გამორიცხავს. ლევან კობერიძე ქობულიასთან შეხვედრაზე - მოვისმინეთ საკმაოდ მკაფიო დიაგნოზი ქართულ ეკონომიკასთან მიმართებაში. პანკისში ასეთი პატარა ზომის ჰესთან დაკავშირებით ასეთი უსიამოვნო სიტუაციის ჩამოყალიბება ალბათ, არაოპტიმალურია. რომან გოცირიძე - მთავარ კითხვაზე პასუხი მივიღეთ - ქობულია იმის გამო მოხსნეს, რომ არაფორმალური მმართველობის წესებს არ დაემორჩილა. ლევან გოგიჩაიშვილი - ქობულიაში ის ადამიანი ვერ დაინახეს, რომელიც „ქართული ოცნების“ თავმჯდომარეს კომფორტს შეუქმნიდა, ისე როგორც მურუსიძე და ჩინჩალაძე უქმნიან. გიორგი ქობულიას განცხადებით, ფილარმონიასთან დაკავშირებით მისი პოზიცია იყო, რომ ის სახელმწიფო სიმფონიურ ორკესტს გადასცემოდა. თამარ ჩუგოშვილი ქობულიასთან შეკითხვებზე - მმართველ გუნდს, პოლიტიკური ჯგუფის შიგნით, არაერთხელ გვქონია მსჯელობა, ჩვენ საჯაროდ არაფერი გვაქვს გასარჩევი.

      პრეზიდენტის ბლოკი - სალომე ზურაბიშვილი - რუსეთმა შეიძლება ვეტო დაადოს საქართველოსთან დაკავშირებულ რეზოლუციებს, მაგრამ საქართველოსა და ქართველ ხალხს ვეტოს ვერ დაადებს. საქართველოს პრეზიდენტი ლატვიის პრემიერს შეხვდა. სალომე ზურაბიშვილის განცხადებით, რუსეთის აგრესიული პოლიტიკით საქართველო უფრო ძლიერდება თავის ევროატლანტიკურ მისწრაფებებში. სალომე ზურაბიშვილი - რუსეთმა შეიძლება ვეტო დაადოს საქართველოსთან დაკავშირებულ რეზოლუციებს, მაგრამ რუსეთი ვეტოს ვერ დაადებს საქართველოს და მის მისწრაფებებს. სალომე ზურაბიშვილი - რუსეთის მიერ საქართველოს ტერიტორიების ოკუპაციის მიუხედავად, ჩვენი ქვეყნის ეკონომიკა და დემოკრატია კვლავ ვითარდება.

      მილიონი ტურისტი - 2019 წლის პირველ კვარტალში საერთაშორისო ვიზიტორების რაოდენობამ მილიონს მიაღწია, ყველაზე მეტი ვიზიტორი რუსეთიდან შემოვიდა.

      ზუგდიდური დაძაბულობები ანუ #არჩევნები2019- ზუგდიდის სამხარეო ადმინისტრაციის შენობაში ნიკა მელია და პოლიციელები, ასევე, საკრებულოს წევრები და ოპოზიციის წარმომადგენლები ერთმანეთს სიტყვიერად დაუპირისპირდნენ. ზუგდიდის საკრებულოს თავმჯდომარე ოპოზიციის მოთხოვნაზე - არ არსებობს სამართლებრივი საფუძვლები, რომ დეპუტატ გია დანელიას შეუწყდეს უფლებამოსილება. ზუგდიდში მყოფმა მანანა არჩვაძე-გამსახურდიამ სანდრა რულოვსის ინტერვიუს დროს მომხდარ ინციდენტში მონაწილე გელა კვარაცხელიას გათავისუფლება მოითხოვა. დავით ბერძენიშვილი - ზუგდიდში ივანიშვილისთვის არჩევნების სანდრა რულოვსთან წაგება ნგრევის ინდიკატორი იქნება. დავით ბერძენიშვილი - ლადო კახაძე, რომელსაც უამრავი პარტია აქვს გამოცვლილი, „ვინც მოვიდა, გაუმარჯოს“ კანდიდატია. ზუგდიდის საოლქო საარჩევნო კომისიის თავმჯდომარემ პოლიციას გაერთიანებული ოპოზიციის წევრების, მათ შორის თინა ბოკუჩავას სხდომიდან გაყვანა მოსთხოვა. სანდრა რულოვსი - რუსეთს გადაეცემა ეს ქვეყანა ძალიან მალე - ნახევარი უკვე შპს „ივანიშვილის“ ხელშია. ზუგდიდში „ქართული ოცნების“ მერობის კანდიდატი გიორგი შენგელია - ჩვენი ოპონენტების მოქმედებები უკვე ისტერიაში გადაიზარდა. საია - წინასაარჩევნო პერიოდში გამოვლინდა ძალადობის ფაქტები, ადგილი ჰქონდა საბიუჯეტო რესურსის საარჩევნო მიზნით გამოყენებას. თამარ ჩუგოშვილი - მოვუწოდებთ დამკვირვებელ ორგანიზაციებს, საელჩოებს, განსაკუთრებული ყურადღება ზუგდიდის საარჩევნო ოლქს მიაპყრონ. სანდრა რულოვსი - გპირდებით, რომ 19 მაისს დროულად ვერ დაიძინებს ივანიშვილი, ის მთელი ღამე ინერვიულებს.

      სასამართლო - ანა დოლიძე - სასამართლოს გარდა „მურუსიძე-ჩინჩალაძე“ გვყავს შესყიდვებში, რკინიგზაში, წიაღისეულში, სხვა სფეროებშიც - ყველა უწყებაში ანტიკლანური მოძრაობაა დასაწყები. ირაკლი კობახიძე - ჩვენს მიერ მიღებული კანონი იძლევა უზენაესი სასამართლოს მოსამართლის პოზიციაზე მაღალკვალიფიციური და კეთილსინდისიერი კანდიდატების არჩევის გარანტიას. ნინო ლომჯარია - მოსამართლეების შერჩევასთან დაკავშირებული პროცესი დაგვანახებს, რა ხარვეზებია კანონში, არ გამოვრიცხავ, რომ პარლამენტს კანონის გადახედვა მოუწიოს.

      ინტერპელაცია პრემიერს - „ევროპულმა საქართველომ“ მამუკა ბახტაძე ინტერპელაციის წესით პარლამენტში დაიბარა

საზღვარგარეთულები:

      საგანგებო მდგომარეობა ამერიკაში - დონალდ ტრამპმა ქვეყანაში არსებული ტექნოლოგიური საფრთხეების გამო, საგანგებო მდგომარეობა გამოაცხადა. პენტაგონმა მექსიკის საზღვარზე კედლის რეაბილიტაციისთვის 646 მილიონი აშშ დოლარი გამოყო.

      ულტრამემარჯვენეობა - ფრანგი ულტრამემარჯვენეები მიიჩნევენ, რომ საფრანგეთმა შენგენის ზონა უნდა დატოვოს.

წყაროები: ქართული ინტერნეტ საინფორმაციო პორტალები

◄ წინადღის ამბები მომდევნო დღე ►

ნახვა: 51

ტეგები: qwellynews, ამბები, ბლოგი, მაისი, ნიუსები, სიახლეები

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

RSGOLDB2C Provide you with quality services

გამოაქვეყნა wedfdg_მ.
თარიღი: მაისი 25, 2020.
საათი: 6:49am 0 კომენტარი

Not only is OSRS Gold used to purchase powerful upgrades it can also be used to further enhance your skills within the game to unlock more content such as new areas within the game and new quests to complete. So if you are looking to purchase OSRS Gold today Follow the instructions given in our step by step guide on how to purchase OSRS Gold and give yourself an edge on the competition. Your RuneScape success story begins here at…

გაგრძელება

რწმენის ფერადი ადგილები

გამოაქვეყნა Tamila Moshiashvili_მ.
თარიღი: მაისი 24, 2020.
საათი: 9:19pm 0 კომენტარი

      მეჩეთების ფერადოვნებასა და სიჭრელეზე სტატიები არ აკლია ინტერნეტს, მაგრამ ასჯერ გაგონილს ერთხელ ნანახი სჯობსო. ვიდრე პირდაპირ ნახვას შეძლებთ, იქამდე სჯობს კარგი ფოტოგრაფის კარგი ფოტოხელოვნება იპოვოთ - ფატემ ჰოსეინ აღაი (Fatemeh Hosein Aghaei) მეჩეთების სილამაზესა და მრავალფეროვნებას ირანში დაჰყვება. ისპაჰანი ამ მხრივ გამორჩეული ქალაქია ამიტომ ფოტოების უმრავლესობა სწორედ ამ ქალაქიდანაა. სპარსული კულტურა და აღმოსავლური ფერები დღევანდელი…

გაგრძელება

ბოლო კორონასებური წყნარი საღამო და ტყეების საპატრიარქოს

გამოაქვეყნა Giorgi_მ.
თარიღი: მაისი 22, 2020.
საათი: 10:43pm 0 კომენტარი

      დღის ყველა ამბავი საღამოს სიგრილემ გადაფარა და თორმეტი საათის მოლოდინმა, რომლის შემდეგ კვლავ გაიგონებთ ქუჩებში ავტომობილების ხმას. იქამდე კი ისიამოვნეთ. დღის მთავარია ამბები სწორედ ამ შეზღუდვების მოხსნა-დატოვებას ეხებოდა და პროექტის მესამე მოსმენით დამტკიცებას, რეზიდენტისგან ხელმოწრას და საბოლოოდ გაკანონებას. ხმაურიანი გამოდგა საპატრიარქოს ბალანსზე ეკლესიების გადაფორმების გამარტივებული წესებიც და პრემიერსაც, თავის მხრივ, აქტიური დღე…

გაგრძელება

კანონით შეზღუდვის ხმაური, ბანკების სამი თვე და დახმარება-კომპენსაციები

გამოაქვეყნა Giorgi_მ.
თარიღი: მაისი 21, 2020.
საათი: 11:00pm 1 კომენტარი

      შეზღუდვები იხსნება, მაგრამ შეზღუდვები რჩება. მოკლედ, ნაწილობრივი შეზღუდვების კანონი წარადგინა დღეს დიმიტრი ხუნდაძემ პარლამენტში, პარლამენტმა ხმაურიანად, დაპირისპირებულად და ურთიერტკრიტიკით მოუსმინა მაგრამ საბოლოოდ მაინც დაამტკიცა. ეს ნაწილობრივი შეზღუდვები არავინ იცის როდემდე გაგრძელდება, ახლა უკვე კანონით ვიქნებით შეზღუდულები და არა დროებითი რეგულაციებით. ეს იყო დღის მეინსტრიმი. ასევე ბანკების დამატებითი 3 თვე პროცენტების გადასავადებლად და…

გაგრძელება

Qwelly World

free counters