დავიწყოთ ორი საინტერესო მიმართულებით, პირველი ამინდის პროგნოზია და დღევანდელი წვიმა და მოსალოდნელი ავდრობა ერთ-ერთი მთავარ ამბად იქცა - საქართველოს უმეტეს რაიონში ნალექია მოსალოდნელი, მაღალმთაში კი თოვლი. მეორე ამბავია - ლარის დევალვაცია - 1 აშშ დოლარის ოფიციალური ღირებულება 2.9942 ლარი გახდა. ცხადია, ამ ამბების გვერდით, არ სრულდება მსოფლიოს მთავარი პრობლემა - კორონას პანდემია.

საქართველოს და მსოფლიოს ამბები / 13 მარტი, 2020

      კორონავირუსიანი მსოფლიო - დათო მუჯირის განცხადებით, ფედერაციას მჭიდრო კომუნიკაცია აქვს "უეფასთან", რათა კორონავირუსის გამო, საქართველო-ბელორუსის მატჩი გადაიდოს. ევროპის ჩემპიონატის მეხუთე ტურის შეხვედრა საქართველოსა და რუსეთის ნაკრებებს შორის 14 მარტს აღარ ჩატარდება. სოზარ სუბარის ინფორმაციით, კომპანიებთან, რომლებისგანაც საქართველომ მომავალში კორონავირუსის სამკურნალო პრეპარატი უნდა მიიღოს, მუშაობა დაწყებულია. ესპანეთში კორონავირუსით გარდაცვლილთა რიცხვი 86-მდე გაიზარდა. მთავრობამ, კორონავირუსის შესაძლო გავრცელების პრევენციის მიზნით, საჯარო დაწესებულებებში საქმიანობის განსაკუთრებულ ღონისძიებათა განსაზღვრის განკარგულება გამოსცა. ნორვეგიაში კორონავირუსით გარდაცვალების პირველი შემთხვევა დადასტურდა. საქართველოს ბანკი მომხმარებლებს სასესხო ვალდებულებებზე სამთვიან საშეღავათო პერიოდს სთავაზობს - დეტალურად მომდევნო კვირაში მოგიყვებითო. რუსმა დეპუტატმა თვითიზოლაციის წესი დაარღვია და დუმაში გამოცხადდა, სადაც ვლადიმერ პუტინიც იმყოფებოდა. ნიუ-იორკში კორონავირუსის გამო საგანგებო მდგომარეობა გამოცხადდა. რომში კორონავირუსის გამო კათოლიკური ეკლესიები დაიხურა. სამხრეთ კორეაში კორონავირუსისგან 110 პაციენტი დაინფიცირდა და 177 განიკურნა. კანადის პრემიერ-მინისტრის მეუღლეს კორონავირუსი დაუდგინდა, რის გამოც ჯასტინ ტრიუდო თვითიზოლაციაში რჩება. ემანუელ მაკრონის განცხადებით, კრიზისის საწყის ეტაპზე, საფრანგეთი სასწავლო დაწესებულებებს დროებით დახურავს. „თიბისი“ ფიზიკურ პირებს, მიკრო, მცირე და საშუალო ბიზნესმსესხებლებს სესხების შენატანზე სამთვიან საშეღავათო პერიოდს უწესებს. ემანუელ მაკრონი - ვირუსს პასპორტი არ აქვს. დღეიდან თბილისის საქალაქო სასამართლო მუშაობის დისტანციურ რეჟიმზე გადავიდა. მერი მაღლაფერიძე - თავშესაფრებსა და ბავშვთა სახლებში ჰიგიენის ნორმები და დეზინფექციის წესები გამკაცრებულია. მთავრობის ადმინისტრაცია მოქალაქეების განცხადებებსა და ოფიციალურ კორესპონდენციას ახალი წესით მიიღებს. მარინა ეზუგბაია - პაციენტი, რომელსაც კორონავირუსი გუშინ დაუდგინდა, ინფიცირების ახალ წყაროს არ წარმოადგენს და იტალიასთან კონტაქტში მყოფი პირია. შსს მოქალაქეებს მოუწოდებს, მომსახურების ცენტრებსა და მიგრაციის დეპარტამენტში მისვლისგან თავი შეიკავონ. ავსტრალიის შინაგან საქმეთა მინისტრს კორონავირუსი დაუდგინდა. განათლების მინისტრის მოადგილე - სკოლებში არდადეგების კიდევ გახანგრძლივებაზე ამ დროისთვის საუბარი არაა. მედიის ინფორმაციით, კორონავირუსის პირველი შემთხვევები ჩინეთში 17 ნოემბერს დაფიქსირდა. მომხმარებელთა ფედერაციის თავმჯდომარე - პური უნდა იყოს შეფუთული - მნიშვნელოვანია, რომ ე.წ. თონეებში, ერთი და იგივე ადამიანი არ ახდენდეს ფულთან კონტაქტს და პურის რეალიზაციას. მარინა ეზუგბაიას ინფორმაციით, კორონავირუსით ინფიცირებული 12 წლის მოზარდის ჯანმრთელობის მდგომარეობა დამაკმაყოფილებელია. საქართველოს ყველა მოქალაქე lit.ge-ს 2093 ელექტრონული წიგნით უფასოდ ისარგებლებს. სრულიად საქართველოს მუფთი - მეჩეთებში კორონავირუსის შემთხვევების გამო ღვთისმსახურების მხრივ ცვლილება არ იგეგმება და პარასკევის ლოცვები მკაცრი რეკომენდაციების დაცვით ჩატარდება. მარინა ეზუგბაია - თუ მძიმედ მყოფი პაციენტის შემთხვევაში გადავლახეთ 13 დღე და ის იქნება სტაბილურად, თანდათანობით დაიწყება გაუმჯობესება. მარინა ეზუგბაიას ინფორმაციით, კორონავირუსით ინფიცირებული პირველი პაციენტის შემთხვევაში, მე-16 დღეს ჩატარებული ტესტირებით, პასუხი „სუსტად დადებითია“. გამომცემლობა "პალიტრა L-მა" გადაწყვიტა, არდადეგებზე მყოფი ბავშვებისთვის, აუდიოწიგნები უფასოდ ხელმისაწვდომი გაეხადა. „თბილისის მიკროავტობუსი“ მძღოლებს და მგზავრებს ურჩევს, კორონავირუსისგან დაცვის მიზნით, ნაღდი ფული ნაკლებად გამოიყენონ. კორონავირუსის გამო შექმნილი ვითარებიდან გამომდინარე, თბილისში 15-მდე სასტუმრო დროებით დაიხურა. ბენიამინ ნეთანიაჰუ - ისეთი გლობალური მოვლენის წინაშე ვდგავართ, როგორიც ჩვენი სახელმწიფოს არსებობის მანძილზე არასდროს გვინახავს. თურქეთში კორონავირუსის კიდევ ერთი შემთხვევა გამოვლინდა. ვახტანგ ბუცხრიკიძე - 3-თვიანი საშეღავათო პერიოდი ყველა სასესხო პროდუქტს, მათ შორის განვადებასაც ეხება და ეს შეთავაზება მოქალაქეებს პროცენტებს არ გაუზრდის. ამირან გამყრელიძე - ბავშვები ეზოში და ჰაერზე უნდა გავიყვანოთ, მაგრამ სასურველია, საქანელები და სკამები დღეში ერთხელ მაინც სველი წესით დამუშავდეს. ყაზახეთში კორონავირუსის 2 შემთხვევა დაადასტურეს. ვახტანგ ბუცხრიკიძის განცხადებით, „თიბისი ბანკი" დაწესებული 3-თვიანი საშეღავათო პერიოდის გასვლის შემდეგ დავალიანების გადახდის ორ ვერსიაზე ფიქრობს - დაგროვილი სამთვიანი გადასახადი გადანაწილდება მომდევნო პერიოდზე ან სესხის დასრულების ვადა სამი თვით გახანგრძლივდება. იტალიაში ჩინეთის სამედიცინო ჯგუფები ჩავიდნენ, რომლებმაც სამედიცინო დახმარება ჩაიტანეს. ევროკავშირი-საქართველო ბიზნეს საბჭო მთავრობას მიმართავს, ბიზნესს 3-თვიანი საშეღავათო გადაწყვეტილებები შესთავაზოს. ესპანეთის ოთხ ქალაქში კარანტინი გამოცხადდა. მთავრობის გადაწყვეტილებით, ფართოვდება იმ დაწესებულებების ჩამონათვალი, სადაც მოქალაქეებისთვის მომსახურების პირდაპირი წესით მიწოდება შეიზღუდება. გიგა ბოკერია - მდგომარეობა ყოველდღე მძიმდება - გლობალური, უზარმაზარი პრობლემაა, მაგრამ ქვეყნებს მთავრობები იმიტომ ჰყავს, რომ ასეთი გამოწვევის დროს იმოქმედოს. ბულგარეთში საგანგებო მდგომარეობა გამოცხადდა. ამირან გამყრელიძე მოქალაქეებს მოუწოდებს, ტემპერატურის ქონისას აფთიაქსა და მაღაზიაში არ მივიდნენ, მარტოხელა პირების დახმარებას კი მოხალისეებს სთხოვს. გიორგი გახარია - ახლა არ არის პანიკის დრო, ახლა ეფექტური ნაბიჯების და ქმედებების დროა. პრემიერის განცხადებით, საჭიროების შემთხვევაში კომერციული ბანკები კომპანიების სესხების რესტრუქტურიზაციას მოახდენენ. ესტონეთი და ლატვია საგანგებო მდგომარეობას აცხადებენ. ხარაგაულში, მოქალაქე, რომელმაც თვითიზოლაციის წესი დაარღვია, კარანტინში გადაიყვანეს. იტალიაში საქართველოს ელჩი - იტალიაში საქართველოს მოქალაქეებისთვის 5 ცხელი ხაზია ამოქმედებული და საელჩო მუდმივ კომუნიკაციაშია მათთან. მაია ცქიტიშვილი შეზღუდვებზე - რუსეთი იქნება თუ ნებისმიერი სხვა ქვეყანა, თუ ეპიდემიოლოგების მხრიდან რისკი იქნება დასახელებული, შესაბამისი გადაწყვეტილებები მიიღება. ირანი - ჩვენ ამერიკელი ექიმები არ გვჭირდება - დაასრულეთ ეკონომიკური და სამედიცინო ტერორიზმი. უკრაინაში კორონავირუსით გარდაცვალების პირველი შემთხვევა დაფიქსირდა. ბრაზილიის პრეზიდენტს კორონავირუსი დაუდგინდა. ქეთევან ციხელაშვილი - ჩვენ არ ვაპირებთ, აფხაზეთისა და ცხინვალის რეგიონებში ჩვენი მოსახლეობის მიტოვებას ამ ძალიან სერიოზულ გამოწვევასთან, მსოფლიო პანდემიასთან გამკლავებისას. პრემიერი არ გამორიცხავს, რომ ზომები კიდევ რამდენიმე ქვეყანასთან, მათ შორის რუსეთთან მიმართებითაც გამკაცრდეს. გიორგი გახარია - თუ ეკონომიკის სტიმულირებისთვის დამატებითი რესურსები გახდება საჭირო, მთავრობა მიმართავს ყველას, მათ შორის პირველ რიგში ფონდ „ქართუს“. ეროვნული ბანკი მოსახლეობას ნაღდი ფულის გამოყენებისას ჰიგიენის რეკომენდირებული ნორმების დაცვისკენ მოუწოდებს. ინფექციურ საავადმყოფოში აცხადებენ, რომ კორონავირუსით ინფიცირებულ 7 პირს პნევმონია აქვს, საშუალოზე მძიმედ კი მხოლოდ ერთი პაციენტის მდგომარეობა ფასდება. 14 მარტიდან, 10 დღის განმავლობაში საქართველო-სომხეთსა და საქართველო-აზერბაიჯანს შორის მოქალაქეების გადაადგილება დროებით შეჩერდება. იტალიაში კორონავირუსით დაღუპულთა რიცხვი გასული დღე-ღამის განმავლობაში 250-ით გაიზარდა. ამირან გამყრელიძე - კორონავირუსის ეპიდსიტუაცია უარესდება, ჩვენ ვართ გლობალური სამყაროს ნაწილი და შემთხვევათა მატება ჩვენთანაც დაფიქსირდება - არ უნდა მივეცეთ პანიკას, ინფექციას მსოფლიო დაძლევს.

      მრგვალი მაგიდის წევრები - ნიკა მელია - უპრეცედენტოა, როცა განსხვავებული პარტიები, რომლებიც ხშირად, რბილად რომ ვთქვათ, ვერ ვთანხმდებით, დღეს ვთანხმდებით ფუნდამენტურ - სასამართლო რეფორმის საკითხზე. ალეკო ელისაშვილი - ოპოზიციური სპექტრი ხელს ვაწერთ, ერთგვარად ფიცს ვდებთ, თუ როგორი უნდა იყოს არჩევნების შემდეგ საქართველო. დავით ბაქრაძე - ზარ-ზეიმით საჯარო განხილვების პროცესის შემდეგ „ქართულმა ოცნებამ“ ჩააგდო პროპორციული სისტემა, ამიტომ, იგივე წრეზე წაყოლას არ ვაპირებთ. დიმიტრი ხუნდაძე - ოპოზიცია ცდილობს, დესტრუქციული გზით დაარღვიოს შეთანხმება და პროცესი ისევ ქაოსში გადაიყვანოს.

      აშშ სახელმწიფო დეპარტამენტი ჩვენზე - გრიგოლ გეგელია - სახელმწიფო დეპარტამენტის განცხადებაში ნათქვამია, რომ საქართველოს მთავრობა ჯეროვნად ვერ ასრულებს მოქალაქეებისა და თანამეგობრობის წინაშე ნაკისრ ვალდებულებებს. ანა ნაცვლიშვილი - აშშ-ის სახელმწიფო დეპარტამენტის ანგარიში ზუსტად იმ პრობლემებს აჩვენებს, რომლის გამოც ქართული სახელმწიფო სუსტი და არასტაბილურია.

      სტატისტიკა - „საქსტატის“ ექსპრეს მონაცემებით, 2020 წლის ორ თვეში საქართველოში საქონლით საგარეო სავაჭრო ბრუნვა 6.1%-ით გაიზარდა.

      ვლადიმერ პუტინი ანატოლი ბიბილოვს შეხვდა.

საზღვარგარეთულები:

      ტრამპის ვირუსობანა - დონალდ ტრამპი - ნავთობის ფასი ახლა ისეთია, რაზეც შემეძლო მეოცნება, რადგან ბენზინზე ფასი სერიოზულად დაიწევს. დონალდ ტრამპი 2020 წლის ტოკიოს ოლიმპიადის ერთი წლით გადადებას მიზანშეწონილად მიიჩნევს. დონალდ ტრამპი უშვებს შესაძლებლობას, რომ ევროკავშირს ამერიკაში შესვლაზე დაწესებული შეზღუდვები გაუხანგრძლივოს, ან ვადაზე ადრე გაუუქმოს.

      აშშ-მ ერაყში „ქათაიბ ჰეზბოლას“ პოზიციებზე ავიაიერიშები განახორციელა.

      ძველი ყნოსვა - მიხეილ გორბაჩოვი - ჰაერში ომის სუნი დგა.

წყაროები: ქართული ინტერნეტ საინფორმაციო პორტალები

◄ წინა ამბები მომდევნო ამბები ►

ნახვა: 36

ტეგები: qwellynews, ამბები, ბლოგი, მარტი, ნიუსები, სიახლეები

Kakha: მარტი 13, 2020||11:56pm

გორბაჩოვს რა ჭირს?

Kakha: მარტი 14, 2020||10:32am

ბიბილოვს შეხვდა ეხლა, ეგეც ნარკომან ჩეგევარას შეხხვდა რა :D ძონძებში გამოწყობილი ბიუ ბიუს ბარკალია :D

Kakha: მარტი 14, 2020||6:14pm

ნამდვილი ქართველები დამითაგეთ, ე.წ. სამოქალაქი სექტორი, ქვეყანას გაუჭირდა და დაიმალნენ? :D რუხაძეც მოთაგეთ იქნებ სადმე გაქცეული იპოვოთ :D გულ ანთებულ ქართველებს რომელსაც არჩევნების მერე სკამებს პირდებიან ჩუმად არიან ნწ ნწ 

Kakha: მარტი 14, 2020||8:13pm

მთავარია თქვენ არ დაბერდეთ დანარჩენს ეშველებოდეს ეშველება! )

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

დიდი ხელოვან-გამომგონებელი გარდაიცვალა - კრისტო

გამოაქვეყნა Tamila Moshiashvili_მ.
თარიღი: ივნისი 6, 2020.
საათი: 11:08pm 0 კომენტარი

      გასულ კვირას, 31 მაისს, თითქმის 85 წლის ასაკში, გარდაიცვალა მსოფლიოში ერთ-ერთი ყველაზე ცნობილი თანამედროვე ხელოვანი, არტისტი კრისტო (Christo). კრისტო ყველას თავისი გრანდიოზული (პირდაპირი მნიშვნელობით გრანდიოზული) ნამუშევრებით დაამახსოვრდა ხალხს და ასეც შევა ხელოვნების ისტორიაში. მისი გარდაცვალებით, მსოფლიომ ერთ-ერთი დიდი ინოვატორი და იდეატორი დაკარგა - ასე გამოეხმაურა ხელოვანთა საზოგადოება კრისტოს…

გაგრძელება

საერთო კანდიდატის გამონახვა და ცვლილებების დამტკიცების პრობლემა

გამოაქვეყნა Giorgi_მ.
თარიღი: ივნისი 3, 2020.
საათი: 11:11pm 3 კომენტარი

      ივნისის სითბო ქარმა და წვიმა-გრიგალმა გადაფარა, მაგრამ ხვალ ისევ გამოიდარებს. პოლიტიკური ასპარეზი და ნიუსები სრულად ეთმობა არჩევნებისთვის სამზადისს და კანონპროექტის დამტკიცებას. ოპოზიციას კანდიდატის პრობლემები აქვს, მთავრობას კანონპროექტის მიღების, რურუას თორაძეების საქმის და ჯანდაცვის მინისტრის დროის გამონახვის.

საქართველოს და მსოფლიოს ამბები / 3 ივნისი, 2020

      კოვიდ-ამბები - მარინა ეზუგბაია - ინფექციურ…

გაგრძელება

ტყის კოდექსის დამტკიცება, რურუა კონსტიტუციის მეტერი, კორონას ახალი კლასტერები

გამოაქვეყნა Giorgi_მ.
თარიღი: ივნისი 1, 2020.
საათი: 11:00pm 0 კომენტარი

      ყველაზე თბილი სეზონი ქრისტიანული ზეიმით და ბავშვთა დღით დაიწყო და ალბათ ყველაზე ლოგიკური გადასვლაა ზაფხულის სეზონზე. ცხადია დღი მთავარი ამბები ასეთი ხალისიანი და ბედნიერი არ ყოფილა. დავიწყოთ საამინდო ამბებით - ივნისის პირველი ხუთეული წვიმიანი, თუმცა ცხელ-თბილი იქნებაო. ჩვენთან კორონას ახალი კლასტერები ვლინდება, მაგრამ აკრძალვები მაინც მცირდება - მეტიც, რესტორნები ამუშავდნენ. ტყის კოდექსიც დაამტკიცეს და რურუას პატიმრობა წყვეტს ახლა…

გაგრძელება

დაბარებული პრემიერის ვრცელი გამოსვლა, ლუგარის რუსული რევიზია და გამოხმაურებები

გამოაქვეყნა Giorgi_მ.
თარიღი: მაისი 28, 2020.
საათი: 11:00pm 2 კომენტარი

      გილოცავთ ამაღლების დღესასწაულს! დამოუკიდებლობის დღე გადაგორდა თუ არა, კვირის მთავარ ამბად იქცა პრემიერ მინისტრის საპარლამენტო სტუმრობა. ბოლო ორი დღეა ყველა სიახლე ამ სტუმრობის გარშემო იტრიალებდა, რომ არა ჩრდილო მეზობელი და მეორე მთავარი თემა - ლუგარის ლაბორატორიის რუსეთული ჩაკირკიტება. კოვიდ სტატისტიკა - საქართველოში: 738 შემთხვევა, გამოჯანმრთელებული - 573, გარდაცვლილი - 12. მსოფლიოში: დადასტურებული შემთხვევა - 5 929 312, გამოჯანმრთელებული -…

გაგრძელება

Qwelly World

free counters