როგორც ჩანს კიდევ დიდხანს უნდა ვისმინოთ არჩევნების გამოხმაურებები, მიუხედავად კოვიდის რეკორდული წინსვლისა ჩვენს ქვეყანასა და დანარჩენ მსოფლიოში, ახლა ხმები და არჩევნები უფრო მნიშვნელოვანია, ვიდრე კოვიდი და ჯანმრთელობა. აქციებმა პარლამენტიდან ცესკოში კოვიდით დადასტურებული რიცხვები - 49218, გამოჯანმრთელებული - 33459, გარდაცვლილი - 401, კარანტინში - 3160. დოლარმა ისევ მოიმატა - 3.4 ლარი გახდა.

საქართველოს და მსოფლიოს ამბები / 5 ნოემბერი, 2020

      #Covid19GEO - საქართველოში კორონავირუსის 2401 ახალი შემთხვევა დაფიქსირდა, საიდანაც 976 თბილისში, 328 აჭარაში და 368 იმერეთში გამოვლინდა. 20 ადამიანი გარდაიცვალა. კორონავირუსით ინფიცირებული 638 მძიმე პაციენტია, მათ შორის 293 პირი ხელოვნური სუნთქვის აპარატზე იმყოფება. შსს - საპატრულო პოლიცია კორონავირუსის გავრცელების წინააღმდეგ მოქმედი წესებისა და რეკომენდაციების აღსრულების მიზნით აქტიურ მონიტორინგს აგრძელებს. გიორგი გახარია - როცა ადამიანს პირველი სიმპტომი უჩნდება, მაშინვე უნდა გადავიდეს თვითიზოლაციაში, რადგან ეს არის ჯაჭვის გაწყვეტის ყველაზე ეფექტური საშუალებაა. პაატა იმნაძე - ვერც ერთი სისტემა, ექიმი და საავადმყოფო ვერ გაუძლებს, თუ ყველა ავად გახდება - ეს მოხდება, თუ ელემენტარულ წესებს არ დავიცავთ. ზვიად შალამბერიძე პირველადი ჯანდაცვის სექტორის წარმომადგენლებს შეხვდა. პრემიერი - ჰოსპიტალიზაციის მაჩვენებლის 15%-მდე დაწევა არის ერთადერთი მნიშვნელოვანი ფაქტორი, რომელმაც კრიზისი უნდა გადაგვალახინოს. ქუჩაში მიმდინარე პოლიტიკური პროცესის გამო დღეს ცოტა სხვა სიტუაციაა, ამიტომ წერტილოვანი შეზღუდვების ეფექტურობა გადასახედი გვექნება.

      არჩევნების საპროტესტო შედეგები - ლევან კობერიძე - „ოცნება“ დაკავებულია ადამიანების გატაცებით, ეს ტერორიზმთან გათანაბრებული მოვლენაა, როცა ხელისუფლება ადამიანებს იტაცებს, ეს არ არის უბრალოდ ხმები. ლევან თარხნიშვილი - თამარ ჟვანია დაუყოვნებლივ უნდა გადადგეს ყველა იმ ქმედების გამო, რომელიც მან ჩაიდინა არჩევნების შედეგების გამოცხადების დღიდან დღემდე. თამარ კორძაია, ზურაბ ხარატიშვილი და თინა ბოკუჩავა ნინო ლომჯარიას, ეკა გიგაურს, ელენე ნიჟარაძესა და სულხან სალაძეს შეხვდნენ. სერგი კაპანაძე - სრული აგონიაა, ისე იქცევიან, როგორც ავტორიტარული რეჟიმების პოლიცია და ხელისუფლება თავისი არსებობის ბოლო დღეებში. DRI - საჩივრების გაუმჭვირვალე და დაუსაბუთებელი გადაწყვეტა არჩევნების შედეგების მიმართ კრიტიკულად დაბალ ნდობას უფრო მეტად ამცირებს. ლანა გალდავა - არჩევნები ისნის საოლქო კომისიაში კრიმინალურად დასრულდა. სერგო ჩიხლაძე - 3800 უბნიდან 200 000-მდე ხმა გაყალბებულია, ხმების 10%-ის ქურდობა საქართველოში არც ერთი ხელისუფლების დროს არ მომხდარა. ლევან კობერიძე - ხელისუფლება ეცდება ოპოზიციას დააბრალოს, რომ თითქოს, რაღაც რევოლუციური სცენარები არსებობს. ხატია დეკანოიძე - დილას გაათავისუფლეს დაკავებული ნაცვალაძე, საოლქო კომისიის თავმჯდომარის თანაშემწე, რომელმაც წიხლი ჩაარტყა და იძალადა ჩვენს დამკვირვებელზე. ცესკო - საოლქო კომისიებს სხდომების ჩატარება და საჩივრების განხილვა ზეწოლის ფონზე უწევთ, რიგ შემთხვევებში ადგილი აქვს არაუფლებამოსილი პირების მიერ სხდომებზე შეჭრის მცდელობას. კახა კალაძე - მონაცემების გადათვლა ადასტურებს, რომ ოპოზიციის საუბარი არჩევნების გაყალბებისა და მოპარვის შესახებ ფარსია და მას არავითარი საფუძველი არ გააჩნია. ცესკო - ამ დროისთვის გადათვლა განხორციელდა 15 საოლქო საარჩევნო კომისიაში. კახა კალაძე - მეორე ტური ჩვეულებრივად ჩატარდება. მაია ცქიტიშვილი - არავის აუკრძალავს გამოხატვის თავისუფლება, მაგრამ გამოვხატოთ ჩვენი აზრი ისე, რომ არ ვავნოთ სხვას და დავიცვათ ჩვენი თანამოქალაქეები. მაია ცქიტიშვილი - თუ გვინდა აქციის ჩატარება, ჩავატაროთ პირბადით და წესების დაცვით - პოლიტიკური ლიდერები უნდა აძლევდნენ მაგალითს საკუთარ ამომრჩევლებს. ოპოზიციური პარტიების წარმომადგენლები მსვლელობას მართავენ და მოსახლეობას 8 ნოემბრის აქციაზე მისვლისკენ მოუწოდებენ. მაია ცქიტიშვილი - შედგა თავისუფალი, ღია და კონკურენტული არჩევნები. ოპოზიციური პარტიების ლიდერები და მათი მხარდამჭერები მეტროსადგურ „დელისიდან” ვაჟა-ფშაველას გამზირის მიმართულებით მსვლელობას მართავენ. კახა კალაძე - მე, როგორც ამ ქვეყნის მოქალაქეს, გამიხარდებოდა ოპოზიციის შესვლა პარლამენტში, დანარჩენი დაველოდოთ, თუ როგორ განვითარდება მოვლენები. ბადრი ჯაფარიძე პრემიერის განცხადებაზე - თუ შეზღუდვა სპეციალურად არის გათვალისწინებული იმისთვის, რომ მანიფესტაცია არ ჩატარდეს, ოპოზიცია ამ შეზღუდვას არ დაემორჩილება. დავით ბაქრაძე - „ქართული ოცნების“ ხელისუფლება კიდევ უფრო აღრმავებს კრიზისს ქვეყანაში და თვითონაც უფრო ღრმად შედის კრიზისში. ხატია დეკანოიძე - ვაჩვენოთ ოლიგარქს, რომ ჩვენ ვართ ძალიან ბევრი და არ გაუვა არჩევნების მიტაცება. ამირან გამყრელიძე - პოლიტიკური პროცესი მნიშვნელოვანია, მაგრამ ვიყოთ უფრო მოკრძალებულად, რათა ერთმანეთს ინფექცია არ გადავდოთ. ბადრი ჯაფარიძე - მეორე ტური კი არა, პირველი ტურის შედეგები უნდა გაუქმდეს. კახა კალაძის განცხადებით, ხელახალი არჩევნების ჩატარების საფუძველი არ არსებობს. ირმა ნადირაშვილი - კოვიდზე საშიში ჩვენი ქვეყნისთვის ივანიშვილია, რომელიც პირდაპირ პუტინთან მიგვათრევს. ელენე ხოშტარია - ახლა რაც ხდება საოლქოებში და ცესკო-ში, ეს არის სახელმწიფოს მიტაცებაში მონაწილეობის მიღება. ირმა ინაშვილის განცხადებით, თავისუფლების მოედნის ნაცვლად, პირველი აქცია 9 ნოემბერს ქუთაისში გაიმართება. გია ვოლსკი - საჩივრების რაოდენობა გაცილებით მცირეა, ვიდრე 2016 წელს იყო. გია ვოლსკი - ცესკო-ს თავმჯდომარეს გაყალბების არანაირი რესურსი არ აქვს, რომც ჰქონდეს სურვილი - ცესკო-ში ოქმების შეჯამება ხდება. სერგი კაპანაძე - არჩევნები „ოცნებამ“ გააყალბა, ოქმები და სტატისტიკა ამაზე მეტყველებს. ბადრი ჯაფარიძე - მშვიდობიანი პროტესტები უწყვეტად გაგრძელდება. მიხეილ სააკაშვილი - ყველას, ვინც გამოვა და მოყვება, როგორ ხდებოდა გაყალბება, მოგეცემათ არა მხოლოდ სრული ხელშეუხებლობის გარანტიები, არამედ ყველანაირად წახალისდებით. ცესკოსთან ოპოზიცია საყვირების აქციას მართავს. ირაკლი სესიაშვილი - ეკლესია ლამის თავის ანათემას გადასცეს, აღდგომას რას შვებითო?! დღეს ეს პოლიტიკური სპექტრი მოწოდებებს აკეთებს, კოვიდი არაფერი არ არის, მთავარი პოლიტიკური მიზნებიაო.

      დოლარი გარბის - ფინანსთა მინისტრი ლარის კურსზე - ეს ერთმნიშვნელოვნად იმ მოლოდინებითაა გამოწვეული, რაც დაკავშირებულია რადიკალიზმთან და პოლიტიკურ დაძაბულობასთან. გია ვოლსკი - ოპონენტების დღის წესრიგში დაუმორჩილებლობის სურათის, ეკონომიკური სირთულეების შექმნის, ავადმყოფობის გავრცელების ამოცანა დგას.

      თოვის გამო ფშაველი-აბანო-ომალოს გზაზე ავტოტრანსპორტის მოძრაობა აკრძალულია.

საზღვარგარეთულები:

      #WorldCorona2020 - გერმანიაში კორონავირუსის 19 990 ახალი შემთხვევა დადასტურდა და 118 ადამიანი გარდაიცვალა. სომხეთში კორონავირუსის 2 413 ახალი შემთხვევა გამოვლინდა და 28 ადამიანი გარდაიცვალა. მოსკოვის სკოლებში სწავლის დისტანციური რეჟიმი 2 კვირით გახანგრძლივდა. აშშ-ში კორონავირუსის 102 831 ახალი შემთხვევა დადასტურდა, რაც რეკორდული მაჩვენებელია. რუსეთში კორონავირუსის 19 404 ახალი შემთხვევა გამოვლინდა და 292 პაციენტი გარდაიცვალა. პოლონეთში კორონავირუსის 27 143 ახალი შემთხვევა დადასტურდა, 367 ადამიანი გარდაიცვალა. სერბეთის პატრიარქს კორონავირუსი დაუდასტურდა. შვედეთში კორონავირუსის 4 034 ახალი შემთხვევა დადასტურდა, რაც რეკორდული მაჩვენებელია.

      აშშ-ის ქალაქებში გამართულ საპროტესტო აქციებზე სამართალდამცავებმა ათობით ადამიანი დააკავეს, დემონსტრანტები ხმების დათვლის პროცესის შეუფერხებლად გაგრძელებას მოითხოვდნენ. ბოლო მონაცემებით, ჯო ბაიდენს ამომრჩეველთა კოლეგიის 264 ხმა აქვს, დონალდ ტრამპს კი - 214. ჯო ბაიდენი - აშშ პარიზის კლიმატის შეთანხმებას დაუბრუნდება. დონალდ ტრამპი - იურიდიულად გავასაჩივრებთ ყველა შტატის მონაცემებს, სადაც ბაიდენი იმარჯვებს.

წყაროები: ქართული ინტერნეტ საინფორმაციო პორტალები

◄ წინა ამბები მომდევნო ამბები ►

ნახვა: 112

ტეგები: qwellynews, ამბები, ბლოგი, ნიუსები, ნოემბერი, სიახლეები

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

Methods To Pick the Suitable Sports activities Betting Website

გამოაქვეყნა EFTcheat_მ.
თარიღი: თებერვალი 20, 2024.
საათი: 4:30pm 0 კომენტარი







Are you currently a sporting activities admirer seeking to choose your really like for the sport to the following stage? Maybe you’re keen on sports betting, however, you’re undecided exactly where to start out. With lots of sports betting internet sites available, realizing which just one to choose could be mind-boggling. That’s where by we are available. Within this final information, we’ll stop working all the things you have to know to find the right sports activities…

გაგრძელება

These dark fantasy warriors have the cutest

გამოაქვეყნა taoaxue_მ.
თარიღი: თებერვალი 20, 2024.
საათი: 9:30am 0 კომენტარი

—clicking across the map so you can follow your scout's exploring on the identical time as maximising efficiency in your base and preserving your warriors alive as they clear out a nest of spiders. There must be masses of intensity there for method fans, however for me the very hands-on technique feels a bit at odds with the dark management sim premise. Stressing out about maintaining my human beings secure is amusing, demanding about whether I've left someone status idle someplace less…

გაგრძელება

Let me begin by defining the exact

გამოაქვეყნა taoaxue_მ.
თარიღი: თებერვალი 19, 2024.
საათი: 6:00am 0 კომენტარი

Our website is the most popular Wrath Classic Gold provider, players can use our site to get their hands on

Wrath Classic Accounts, Wrath Classic Powerleveling, and Wrath Classic Boost.

What is the best class of producer to be in Wrath Classic? -- WOTLK News

Let me begin by defining the exact nature of our farming. We're harvesting mines and herbs, and it's either to auction everything on Auction House Auction House or to WoW Classic SoD Gold maybe mill the herbs using…

გაგრძელება

ბონუს პოლიტიკა

გამოაქვეყნა EFTcheat_მ.
თარიღი: თებერვალი 11, 2024.
საათი: 3:30pm 0 კომენტარი

In the event you’re keen on trading with Pocket Alternative, it’s significant to know the rules of their bonus method. This fashion, you’ll be capable of make the most of your respective working experience with them.



This type of reward is made to motivate new traders to make use of the broker’s platform and start creating trades. They offer a apply account that permits you to trade with virtual money till you’re comfy With all the platform.



How you can execute a…

გაგრძელება

Qwelly World

free counters