დამტკიცებული ბიუჯეტი, პრეზიდენტის კუდი, კარასინის სიჯიუტე, პენსიის დაგროვება და ბახალას განაჩენები

      ქართული ამბები განსაკუთრებულად რეიტინგულ ამბებს არ მოიცავდა, თუ არ ჩავთვლით იმას, რომ 2019 წლის ბიუჯეტიც დამტკიცებული გვაქვს, ავად თუ კარგად ფული იქნება 2019-ში. დღეს პრეზიდენტი იყო აქტიური და ერთგვარ შეფასებებს აკეთებდა, მერე ტრადიციული ოპონენტები მას აფასებდნენ. ასევე იყო ბახალს ამბების განხილვა და ტეროტირული მთლიანობა ნატოსკენ.

საქართველოს და მსოფლიოს ამბები / 13 დეკემბერი, 2018 /

      შორეული მოლოცვები და ახლობლური იდეები - ჩინეთის სახალხო რესპუბლიკის პრეზიდენტი სალომე ზურაბიშვილს საპრეზიდენტო არჩევნებში გამარჯვებას ულოცავს. ირაკლი კობახიძე - სალომე ზურაბიშვილი იქნება ნეიტრალური და ზეპარტიული პრეზიდენტი.

      ადმინისტრაციის ბედ-იღბალი - არჩილ თალაკვაძე - პრეზიდენტის ადმინისტრაციის თანამშრომლების საკითხზე გუნდში კონსენსუსი არ არსებობს და ამ მოცემულობით გადაწყვეტილებას არ მივიღებთ. ნინო ლომჯარია - არის მცდელობა კანონის გვერდის ავლით მოხდეს პრეზიდენტის ადმინისტრაციაში თანამშრომლების გათავისუფლება ან დასაქმება, რაც არაკონსტიტუციურია. სალომე ზურაბიშვილი - როგორც პრეზიდენტი, კანონის უზენაესობის გარანტორი ვარ - „საჯარო სამსახურის კანონი“ ჩემს ადმინისტრაციაში სრულად იქნება დაცული. ირაკლი კობახიძე - პრეზიდენტის ადმინისტრაციაში რეორგანიზაცია უნდა ჩატარდეს, ეს გარდაუვალია, რაც კანონში ცვლილების გარეშეც შესაძლებელია.

      პრემიები ბაგა-ბაღებში - ბაგა–ბაღების თანამშრომლები საახალწლოდ ხელფასის 80% -ის ოდენობის პრემიას მიიღებენ.

      ბიუჯეტი პარლამენტში - ირაკლი კოვზანაძე - ბიუჯეტში ცვლილებების შეტანა წლის ბოლოს ცაიტნოტში აყენებს როგორც პარლამენტს, ასევე მთავრობას. პარლამენტმა 2019 წლის სახელმწიფო ბიუჯეტი დაამტკიცა. ძირითადი პარამეტრები 2019 წლისათვის შემდეგია: ეკონომიკური ზრდა - 4.5%; მშპ-ს დეფლატორი - 3.5%; ინფლაცია - 3.0%; საბიუჯეტო დეფიციტი - 2.6%.

      პარლამენტის გაცდენა - ირაკლი კობახიძე - პარლამენტის სხდომების ნახევარზე მეტის გაცდენა, დეპუტატის უფლებამოსილების შეწყვეტის საფუძველი გახდება.

      პენსიის დაგროევბა - დაგროვებითი პენსიის შესახებ ბიზნეს ასოციაციების წარმომადგენლებთან შეხვედრა გაიმართა. მომავალ წელს საპენსიო რეფორმაში ჩართულ პირებს სისტემის დატოვება მხოლოდ ერთხელ შეეძლებათ. ირაკლი კობახიძე - ვფიქრობ, საპენსიო რეფორმა დიდი წარმატებით განხორციელდება.

      ბახალას განაჩენის გადაუდებლობა - ადვოკატი - გიორგი გიორგანაშვილის საქმეზე წლის ბოლომდე განაჩენი უნდა დადგეს - ერთადერთი მოლოდინი, მისი უდანაშაულოდ ცნობაა. ადვოკატი - მოწმე, რომელიც გიორგი გიორგანაშვილს ხელს ადებს ნარკოტიკული საშუალების მისთვის გადაცემაში, იტყუება. პროკურორი - მოწმემ დეტალურად მოყვა, როგორ შეხვდა გიორგი გიორგანაშვილს და როგორ გადასცა ნარკოტიკული საშუალება.

      უშედეგო ჟენევა და ნატოს გავლით ევროპისკენ - საგარეო უწყება - ჟენევის მოლაპარაკებებზე რუსეთისა და საოკუპაციო რეჟიმების წარმომადგენლების დესტრუქციის გამო, ლტოლვილთა დაბრუნების საკითხის განხილვა ვერ მოხერხდა. აფხაზეთის დე ფაქტო საგარეო საქმეთა მინისტრის მოადგილე - ჟენევის მოლაპარაკებებზე საქართველოს სამხედრო პოტენციალის გაძლიერების გამო შეშფოთება გამოვთქვით. პროვოკაციის რუსული გააზრება - რუსეთის საგარეო უწყება - ნატო-ს გენერალური მდივნისა და აშშ-ს სახელმწიფო მდივნის განცხადებები საქართველოს ნატო-ში გაწევრიანების მხარდაჭერაზე პროვოკაციულია. ირაკლი კობახიძე - თუ კარასინს და რუსეთის წარმომადგენლებს უნდათ, რომ ჩვენი საკვანძო ეროვნული ინტერესები დავთმოთ, ეს არ მოხდება. იენს სტოლტენბერგი - საქართველო წინ მიიწევს და ეფექტიანად იყენებს ყველა მექანიზმს ინტეგრაციის გზაზე, რაც მას ნატო-ს წევრობასთან აახლოებს. სალომე ზურაბიშვილი - როგორც მომავალი პრეზიდენტი, ველოდები, რომ შეიცვალოს რუსეთისგან მტრული დამოკიდებულება საქართველოს მიმართ და ოკუპირებული ტერიტორიების მიმართ. გრიგორი კარასინი - იმედი გვქონდა, რომ საპრეზიდენტო არჩევნების შემდეგ თბილისის მტრული რიტორიკა შეიცვლებოდა, თუმცა ეს მოლოდინი არ გამართლდა.

      ზრდასრული პიროტექნიკა - კანონპროექტს, რომლითაც პიროტექნიკის 18 წლამდე პირებისთვის მიყიდვა იკრძალება და ადმინისტრაციული წესით დასჯადი ხდება, დაჩქარებული წესით განიხილავენ. პიროტექნიკის გაყიდვის და გამოყენების რეგულაციები შესაძლოა, კიდევ უფრო გამკაცრდეს.

      შსს პარლამენტში - სერგი კაპანაძე - შს მინისტრის პარლამენტში მოსვლას ველოდებით, სადაც ხორავას ქუჩაზე მომხდარი მკვლელობის შესახებ დადგენილებაზე ვისაუბრებთ. ცრუ ჩვენების მიცემის ბრალდებით დაკავებული არასრულწლოვნის საქმეზე 51-ე სკოლის დირექტორი, სასწავლო ნაწილი და მოსწავლეები დაიკითხებიან.

      ჩაშლილი შეწყალება - ნინო ლომჯარია - შეწყალების კომისიის სხდომები ამ კვირაში იყო ჩანიშნული, მაგრამ, ალბათ არ შედგა იმის გამო, რომ პრეზიდენტი აღარ გეგმავს მორიგ შეწყალებას. ირაკლი კობახიძე - არ შეიძლება საქართველოს პრეზიდენტი იყოს ასჯერ უფრო „მოწყალე“, ვიდრე აშშ-ს ან რომელიმე ევროპული ქვეყნის პრეზიდენტი.

      საგარეო ვაჭრობა - იანვარ-ნოემბერში საქართველოში საგარეო სავაჭრო ბრუნვამ 11 324.7 მლნ დოლარი შეადგინა.

      პრეზიდენტის შეფასებები - გიორგი მარგველაშვილი - არ შეიძლება 6 წელიწადი შენი ამომრჩეველი გყავდეს შანტაჟის მდგომარეობაში. მიხეილ სააკაშვილი - მარგველაშვილი შევიდა იმ სასახლეში, რომელიც მე ავაშენე, დადიოდა იმ კონფერენციებზე, სადაც საქართველოს გზა მე გავუკაფე, მან კი მოქალაქეობა ჩამომართვა. ირაკლი კობახიძე - მარგველაშვილს ეწურება უფლებამოსილების ვადა და ცდილობს „კუდი მოიქნიოს“ - ეს არ არის ღირსეული საქციელი. გიორგი მარგველაშვილი - პირველად კავკასიის ისტორიაში დაისვა კითხვა, რომ სომხეთი უფრო დემოკრატიის მატარებელია, ვიდრე საქართველო. რამაზ საყვარელიძე - მარგველაშვილი დამოუკიდებლობის დასამტკიცებლად ხშირად კანონებს ვეტოს ადებდა, ამ ბავშვურობამ, მის მიმართ სერიოზული დამოკიდებულება გააქრო. გიორგი მარგველაშვილი - ადმინისტრაციის თანამშრომლების მიმართ გამოდის ინკვიზიციური აქტი - ასეთი შეურაცხყოფა თავში არ მოსვლია არც შევარდნაძეს, არც სააკაშვილს, არც მე.

      ანაკლიის პორტი - ანაკლიის პორტის მშენებლობის შემაჯამებელი პრეზენტაცია გაიმართა.

წყაროები: ქართული ინტერნეტ საინფორმაციო პორტალები

◄ წინადღის ამბები მომდევნო დღე ►

ნახვა: 106

ტეგები: qwellynews, ბლოგი, დეკემბერი, ნიუსები, სიახლეები

Kakha: დეკემბერი 15, 2018||7:41pm

ბახალა - ბახუტა - ჩლახუტა, არ მესმის ამის მერე, რატომ გვიკვირს რომ თეატრში და კინოში შედეგებს ვერ ვდებთ :D

P.s. ფსევდონიმს და nickname_ს ირჩევდე და ბახალა აირჩიო?? :D ხალხმა სპეისი, სმიტი, გოლდსტეინი და ბირდი აირჩია.

P.s.s დასკვნა შენგებულად არის გამოტოვებული!

ლაშა: დეკემბერი 15, 2018||10:15pm

ღამურას აღარ სჯობს, ბახალა? ჯერ არ დაყვავებულა, სულ ახალგაზრდაა ))

Kakha: დეკემბერი 16, 2018||11:42am

ღამურას ბევრი რამე სჯობს! ) 

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

ამბები კორონასა და არჩევნებზე

გამოაქვეყნა Giorgi_მ.
თარიღი: სექტემბერი 24, 2020.
საათი: 10:06pm 2 კომენტარი

      ორი მთავარი თემის გარშემო ტრიალებს მედია და სავარაუდოდ, ყოველგვარი წინასწარმეტყველების ნიჭის გარეშეც ცხადია, რომ მომავალშიც ასე გაგრძელდება. ერთი კორონას გაზრდილი შემთხვევები და მკურნალობის შესაძლო შეუძლებლობა და მეორე მხრივ, წინასაარჩევნო გარემო თავისი სრული სისასვსით, თუმცა შედარებით მცირე არეულობით. კორონავირუსის დადასტურებული 4399 შემთხვევაა, მათ შორის გამოჯანმრთელებული - 1705 და გარდაცვლილი - 26. 1 დოლარის ოფიციალური ფასი დღეს 3.2897…

გაგრძელება

რას უნდა ველოდოთ არჩევნების მერე?!

გამოაქვეყნა Giorgi_მ.
თარიღი: სექტემბერი 23, 2020.
საათი: 11:00pm 0 კომენტარი

      რაც უფრო ახლოვდება არჩევნები, მით უფრო მეტი ამბავი ისმის პარტიებიდან. თან, წელს ბევრს აქვს პარლამენტში მოხვედრისა და შესაბამიასდ, ფულის შოვნის შანსი (ან წინარე შანსები მაინც) და შესაბამიად გააქტიურება არ აკლია. კორონავირუსის დადასტურებული 4140 შემთხვევაა, მათ შორის გამოჯანმრთელებული - 1643 და გარდაცვლილი - 25. 1 დოლარის ოფიციალური ფასია 3.2641 ლარი ლარი, რაზეც ეროვნული ბანკი ამბობს რომ, დიდი ალბათობით, დღეს ლარი წონასწორულზე მეტად…

გაგრძელება

ასეული შემთხვევები კორონას სარბიელზე

გამოაქვეყნა Giorgi_მ.
თარიღი: სექტემბერი 22, 2020.
საათი: 11:00pm 0 კომენტარი

      მართალია არჩევნები სულ უფრო ახლოვდება და პარტიებიც მეტ ფულს ხარჯავენ ამომრჩევლებისთვის თავის მოწონებაში, მაგრამ დღის მთავარი ამბავი ასეულობით ახალი შემთხვევაა კორონა ვირუსის ორბიტაზე. კორონამ, თავისი ახალი გააქტიურებითა და განსაკუთრებული აქტივობით შესავალ ნაწილში გადმოინაცვლა, ამ დროისათვის - კორონავირუსის დადასტურებული 3913 შემთხვევაა, მათ შორის გამოჯანმრთელებული - 1574 და გარდაცვლილი - 23. დოლარის გაფრენაც გრძელდება - 1 დოლარის ოფიციალურად…

გაგრძელება

დახატული სახეები რეალური თმებით

გამოაქვეყნა Tamila Moshiashvili_მ.
თარიღი: სექტემბერი 20, 2020.
საათი: 9:07pm 0 კომენტარი

      ამას ხომ მეც მოვიფიქრებდი და გავაკეთებდი?! - ყველაზე ხშირი გაფიქრება, როდესაც რაიმე მსგავსს ვნახულობ - მარტივსა და საინტერესოს. ხელოვანი ტაილერ კლარკი (Tyler Clark) რომელიც აქამდე მხოლოდ მხატვრობით ირჩენდა თავს, ახლა ხატვასთან ერთად მინი დეკორაციების კეთებას შეუდგა. საქმე ისაა, რომ შავი გოგონების პორტრეტების ხატვით გატაცებულს ცოტა უფრო მეტის და დასამახსოვრებლის შექმნა უნდოდა - გადაწყვიტა რეალიზმი შეეძინა საკუთარი ნამუშევრებისთვის.…

გაგრძელება

Qwelly World

free counters