პრეზიდენტის ბრძანების დამტკიცება, აქცია მარნეულში და ახალი ამბები კლინიკებიდან

      და აი ისიც, პარლამენტმა ოფიციალურად დაამტკიცა საგანგებო მდგომარეობის გახანგრძლივება. მთელი დღე ამ საკითხებს მიეძღვნა, მოლოდინს, ანგარიშების მოთხოვნას, ერთმანეთის ყვედრებას, სიამაყესა და კრიტიკას პარლამენტში. საბოლოოდ, პარლამენტმა მაინც დააკანონა პრეზიდენტის მიმართვა. არ ვუღალატოთ ახალ ტრადიციებს. ამ დროისთვის, საქართველოში დადასტურებული შემთხვევა - 416, გამოჯანმრთელებული - 107, გარდაცვლილი - 5. მთელი მსოფლიოს კოვიდ სტატისტიკა - დადასტურებული შემთხვევა - 2 609 100, გამოჯანმრთელებული - 714 199, გარდაცვლილი - 182 151.

საქართველოს და მსოფლიოს ამბები / 22 აპრილი, 2020

      კოვიდ-მკურნალობა - ბოჭორიშვილის სახელობის კლინიკას კორონავირუსისგან გამოჯანმრთელებული ორი პაციენტი ტოვებს, რომელთაგან ერთი 2 წლის ბავშვია. მარინა ეზუგბაიას განცხადებით, 3 ახალი შემთხვევა ბოლნისის სასწრაფო დახმარების ექიმებისა და ე.წ. სვანეთის კლასტერს უკავშირდება. საქართველოში კორონავირუსით გარდაცვლილთა რიცხვი 5-მდე გაიზარდა. არჩილ ჯაფარიძე - ლენტეხში ამ ეტაპზე თვითიზოლაციაში არც ერთი ადამიანი აღარ გვყავს, ეპიდემიოლოგების ვარაუდით, დაავადების გადაცემის ჯაჭვი გაწყვეტილია. ლალი ტურძელაძე - თსსუ-ს პირველი საუნივერსიტეტო კლინიკის რეანიმაციულ განყოფილებაში კორონავირუსით ინფიცირებული 8 პაციენტია, აქედან 7 აპარატზე გვყავს. გიორგი ვაშაძე - დანაშაულებრივი სიჯიუტეა, რომ დღემდე ქვეყანაში მასობრივი ტესტირება არ გვაქვს, დანაშაულებრივი სიჯიუტეა, რომ ამის გამო, გვიწევს საგანგებო მდგომარეობისა და კარანტინის გაგრძელება. ადგილობრივი მედიის ინფორმაციით, ე.წ. სამხრეთ ოსეთში სამედიცინო მეთვალყურეობის ქვეშ 36 ადამიანი იმყოფება, 10 პირი კი თვითიზოლაციაშია. ხათუნა ზახაშვილი სამედიცინო სფეროს წარმომადგენლებს - გამოიყენეთ პირადი დაცვის საშუალებები, სტანდარტულად ყველგან და ყოველთვის, ყოველ პაციენტთან ურთიერთობის დროს. მარინა ენდელაძე - დაგვემატა ერთი ინფიცირებული პაციენტი, რომლის მდგომარეობა საშუალო სიმძიმისაა. თსსუ-ს პირველ საუნივერსიტეტო კლინიკაში აცხადებენ, რომ კორონავირუსით გარდაცვლილი პაციენტი 68 წლის მამაკაცია და მას ინფარქტი ჰქონდა გადატანილი. ამირან გამყრელიძე - დღეს ლაბორატორიული კვლევების პიკი გვქონდა, 24 საათში 695 კვლევა ჩატარდა - ხვალიდან ემატება 5 ლაბორატორია. ამირან გამყრელიძე - შესაძლოა, დიდი თავყრილობისას ნიღბის ტარება კარგა ხანს დაგვჭირდეს - მას ახლა „სოციალური ნიღაბი“ დაერქვა. მივმართავ ახალგაზრდა კოლეგებს, ვაფასებ მათ განათლებას, მაგრამ კიდევ არის წლები, რომელიც ექიმობას მოაქვს - საქართველოში ერთ-ერთ ყველაზე ცნობილ ექიმს, თენგიზ ცერცვაძეს ნუ შევეხებით ასე, მას უზარმაზარი დამსახურება აქვს.

      დამტკიცებული საგანგებო მდგომარეობა - პარლამენტმა ქვეყანაში საგანგებო მდგომარეობის 22 მაისამდე გაგრძელების გადაწყვეტილება დაამტკიცა. საგანგებო მდგომარეობის გაუქმების შემდეგ, კარანტინის ან იზოლაციის წესის დარღვევისთვის ჯარიმა ფიზიკური პირებისთვის 3 ათასი ლარის ნაცვლად, 2 ათასი ლარი იქნება. „ლელოს“ წევრი საბა ბუაძე - საგანგებო მდგომარეობის გახანგრძლივება კიდევ უფრო ზრდის კორუფციის რისკებს. რაჭა-ლეჩხუმსა და ქვემო სვანეთში სახელმწიფო რწმუნებული - ჩვენი რეალობიდან გამომდინარე, საგაზაფხულო სამუშაოებისთვის მსუბუქი ავტომანქანებით გადაადგილების შეზღუდვა არ მოხსნილა. ოთარ კახიძე - შეზღუდვები, რაც აუცილებელია სოციალური დისტანცირებისთვის, ლეგიტიმურია, მაგრამ ამას პაკეტში ახლავს ბევრი სხვა შეზღუდვა, რაც გაუმართლებელია. გიგა ბოკერია - პასუხი არაფერზე არ გვაქვს და ამ ვითარებაში საგანგებო მდგომარეობის გაგრძელებას მხარს არ დავუჭერთ. რომან გოცირიძე უმრავლესობას - საგანგებო მდგომარეობის გაგრძელების შესახებ დოკუმენტს მხარს არ დავუჭერთ და პასუხისმგებლობას თქვენ გაკისრებთ. გიგი წერეთელი - საგანგებო მდგომარეობის გაგრძელება და არაფრის კორექტირება, არ იქნება სწორი - პარლამენტია ის ადგილი, სადაც ამ ყველაფერს უნდა განვიხილავდეთ, პრემიერიც აქ უნდა იყოს. პლენარულ სხდომას, სადაც საგანგებო მდგომარეობის ვადის გახანგრძლივებაზე გადაწყვეტილებას კენჭი უნდა ეყაროს, პრეზიდენტი დაესწრო. არჩილ თალაკვაძე - საუბარი, რომ ცოტა შემთხვევების დროს გვჭირდება საგანგებო მდგომარეობა და დღეს, როცა გავრცელების პიკს ველოდებით, აღარ არის საჭირო - არ არის ლოგიკური. სალომე ზურაბიშვილი - თვითკმაყოფილებას არ უნდა მივეცეთ - მოდუნება არ შეიძლება, პირიქით, ყველამ ვიცით, რომ დაწყებული შიდა გავრცელება სიტუაციის დამძიმებას გამოიწვევს. დღეს პოპულიზმისა და ცრუ დაპირებების დრო არ არის - შეზღუდვების ნაადრევ მოხსნას შეეძლო გამოეწვია უდროო და დიდი საფრთხეები, კერძოდ, მეორადი აფეთქება. საჰაერო მიმოსვლაზე შეზღუდვები 22 მაისის ჩათვლით გახანგრძლივდა. ალექსანდრე მოწერელია - ავტომობილებით გადაადგილების შეზღუდვის პერიოდში სოფლად მცხოვრებ მოქალაქეებს რწმუნებულები და მაჟორიტარები მოემსახურებიან. ხვალიდან ზუგდიდის აგრარულ ბაზარში არსებული სასურსათო მაღაზიები, ასევე რძის პროდუქტების და ხორცის სექცია ფუნქციონირებას შეძლებს.

      პრეზიდენტის გვერდშიდგომა - სალომე ზურაბიშვილი - არ შეიძლება, ექიმების და მთელი ჯანდაცვის პერსონალის თავდაუდებელი ბრძოლის მიუხედავად, მათ მიმართ შეურაცხმყოფელი განცხადებები ისმოდეს, ეს ჩვენ არ გვეკადრება. პრეზიდენტი კორონავირუსით გარდაცვლილთა ოჯახებს უსამძიმრებს.

      არააკადემიური წელი - გენადი მარგველაშვილი - განათლების კომიტეტი აკადემიური წლის გამოცხადებას ეწინააღმდეგება.

      სროლა ყინწვისში - ყინწვისის მონასტერში სასულიერო პირებს შორის დაპირისპირება მოხდა. „რუსთავი 2“-ის ინფორმაციით, ყინწვისის მამათა მონასტრის ტერიტორიაზე კრიმინალური ფაქტი მოხდა, რა დროსაც, ყინწვისის მამათა მონასტრის წინამძღვარმა მამა დავითმა, სავარაუდოდ ცეცხლსასროლი იარაღით დაჭრა ყინწვისის კეთილგონიერი ავაზაკის სახელობის ახალი მონასტრის წინამძღვარი, არქიმანდრიტი საბა ჟღენტი. ტელეკომპანიის ინფორმაციით, შემთხვევას რუის-ურბნისის მიტროპოლიტი მეუფე იობიც შეესწრო. თუმცა, დაპირისპირების შესახებ გავრცელებულ ინფორმაციას, მეუფე იობის წარმომადგენელი სიცრუეს უწოდებს. მხედავთ, როგორ ვარ და რა მდგომარეობაში ვარ, დაუჭრელი და ცოცხალი ვარ, მადლობა ღმერთს. დღეს ჩავატარეთ მსახურება", - განაცხადა სასულიერო პირმა "ტვ პირველის" ეთერში.

      დამრღვევები - ბოლო 24 საათში საგანგებო მდგომარეობის რეჟიმის დარღვევის 102 ფაქტი გამოვლინდა. სამართალდამცველებმა მგზავრთა გადაყვანისა და ავტომობილით გადაადგილების წესის დარღვევის ფაქტზე კიდევ 36 პირი დააჯარიმეს. ირმა ინაშვილი საგანგებო მდგომარეობის პირობების დარღვევის გამო, 3000 ლარით დაჯარიმებული მოქალაქეებისთვის ჯარიმის ჩამოწერის ინიციატივით გამოდის.

      იდეა - კახა კალაძე, დაწესებული რეგულაციების გაუქმების შემდეგ, შაბათ-კვირას მსუბუქი ავტომობილით გადაადგილების აკრძალვის ინიციატივით გამოდის.

      აქცია მარნეულში - მარნეულში, აქციაზე, გუბერნატორსა და “ევროპული საქართველოს” წევრს შორის დაპირისპირება მოხდა. გიგა ბოკერია მარნეულში აქციაზე - „ევროპული საქართველოს“ წარმომადგენლები ცდილობენ, ეს ხალხი დაამშვიდონ. მარაგების მართვის შტაბის უფროსის ინფორმაციით, მარნეულში, აქციის მონაწილეებთან შეხვედრაზე გადაწყდა, რომ ისინი პროტესტს აღარ გააგრძელებენ. „ლელო საქართველოსთვის“ - სრულიად ვიზიარებთ საპროტესტო აქციის მონაწილეების გზავნილს, რომ ხელისუფლებამ გაცილებით უფრო მეტი უნდა გააკეთოს ქვემო ქართლში მოყვანილი პროდუქციისთვის რეალიზაციის უზრუნველსაყოფად. გიორგი კახიანი მარნეულში გამართულ აქციაზე - ეს არის მავნებლობა, პროვოკაცია და საბოტაჟი ქვეყნის წინააღმდეგ.

      პატიმარი პირომანი - ბაჩო ქათამაძეს, რომელმაც მიხეილ სააკაშვილის საპრეზიდენტო ბიბლიოთეკას ცეცხლი წაუკიდა, პატიმრობა შეეფარდა.

      ფულის ლოდინი - ფინანსთა მინისტრის მოადგილის ინფორმაციით, საქართველო მსოფლიო ბანკისგან 45 მლნ ევროს ოდენობის სესხს, მაქსიმუმ მაისში მიიღებს.

      მსჯავრი - ვაჟა-ფშაველას გამზირზე ქალის მკვლელობისთვის დაკავებულ პოლიციელს პატიმრობა შეეფარდა.

საზღვარგარეთულები:

      #WorldWideCovid19: სომხეთში ბოლო 24 საათის მანძილზე კორონავირუსის 72 ახალი შემთხვევა გამოვლინდა. აშშ-ის მისურის შტატი ჩინეთს უჩივის. რუსეთში კორონავირუსით ინფიცირებულთა რაოდენობა 57999-მდე გაიზარდა. ესპანეთი მკაცრი შეზღუდვების მოხსნას მაისის მეორე ნახევრიდან დაიწყებს. ესპანეთში კორონავირუსით ბოლო 24 საათის მანძილზე 435 ადამიანი დაიღუპა. აშშ-ის დაავადებათა კონტროლის ცენტრების ხელმძღვანელი - კორონავირუსის მეორე ტალღა, შესაძლოა, კიდევ უფრო გამანადგურებელი იყოს. ჯანდაცვის მსოფლიო ორგანიზაციის ხელმძღვანელი - არ შევცდეთ, წინ გრძელი გზა გვაქვს, ეს ვირუსი ჩვენთან დიდხანს იქნება. საფრანგეთში, ბოლო დღე-ღამეში კორონავირუსით 544 ადამიანი გარდაიცვალა.

      ხუმარა - ვლადიმერ ზელენსკიმ მიხეილ სააკაშვილს უკრაინის ვიცე-პრემიერის პოსტი შესთავაზა.

      ტრამპნიუსი - დონალდ ტრამპმა, საზღვაო ძალებს ირანული სამხედრო გემების განადგურების ბრძანება მისცა, თუ ისინი მათ საფრთხეს შეუქმნიან. მე კიმ ჩენ ინთან ძალიან კარგი ურთიერთობა მაქვს და იმედი მაქვს, კარგად არის

      ხანძარი - ერთ კვირაში უკრაინაში ხანძრებს 45 ადამიანი ემხვერპლა - ხანძრით გამოწვეული ზარალი 44 მლნ დოლარს უდრის.

      ირანის წინსვლა - ირანმა ორბიტაზე პირველი სამხედრო თანამგზავრი გაუშვა.

წყაროები: ქართული ინტერნეტ საინფორმაციო პორტალები

◄ წინა ამბები მომდევნო ამბები ►

ნახვა: 38

ტეგები: qwellynews, ამბები, აპრილი, ბლოგი, ნიუსები, სიახლეები

Kakha: აპრილი 22, 2020||11:38pm

ზელენსკი ისეთ უბედურებაშია, მიშას კიარა შევარდნაძესაც დანიშნავდა, მისი რეიტინგი სულ ეცემა (( 

vako: აპრილი 23, 2020||5:31am
ამ ირანს რატო აბედინებენ ამდენს არ ვიცი
ამ კორონასი დწ ციფრების კიდე ვიღას ჯერა
Kakha: აპრილი 23, 2020||10:36am

ირანმა და თურქეთმა ჩინეთს უკვე კარგად გაასწრეს ვირუსის გავრცელებაში, რიგში დგას რუსეთი და ბრაზილია 

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

ანულირებული ხელშეკრულების ხმაური

გამოაქვეყნა Giorgi_მ.
თარიღი: ივლისი 29, 2021.
საათი: 11:07pm 0 კომენტარი

      ალბათ, არავის გაუკვირდა რომ მთელი დღე მხოლოდ ანულირება და ხელშეკრულების გაუქმება, გადაგდება, კრიტიკა, შეშფოთება და იმედგაცრუება ისმოდა. თუკი ვინმეს ჰკითხეს აზრი ანულირების შესახებ, ყველამ მხოლოდ კრიტიკა წარმოთქვა გარდა ანულირების ავტორებისა - ისინი დარწმუნებით და თავდაჯერებით საუბრობენ საკუთარ ძლიერებასა და გადაწყვეტილების აუცილებლობაში. ვალუტის კურსი - 1 აშშ დოლარი - 3.1197 ლარია.…

გაგრძელება

გაუგებარი ანულირება და ოლიმპიური ოქრო ტოკიოში

გამოაქვეყნა Giorgi_მ.
თარიღი: ივლისი 28, 2021.
საათი: 11:30pm 0 კომენტარი

      კარგი ამბავი გამოჩნდა - ლაშა ბექაური ოლიმპიური ჩემპიონია. ამის პარალელურად, დღეს რომ მშვიდად არ ჩაევლო, მმართველმა გუნდა, ევროპა რომ აწვალა და დოკუმენტი აწერინა, იმ დოკუმენტის ანულირება გამოაცხადა იმიტომ რომ მთავარი ოპოზიციური პარტია ხელს არ აწერსო. დღის ამბავი ცხადია ეს იყო. ვალუტის კურსი - 1 აშშ დოლარი - 3.1052 ლარია.

საქართველოს და მსოფლიოს ამბები | 28 ივლისი,…

გაგრძელება

შემაშფოთებელი კოვიდსტატისტიკა, წვიმა და წყალდიდობები, არჩევნები და ევროპული დარიგებები

გამოაქვეყნა Giorgi_მ.
თარიღი: ივლისი 27, 2021.
საათი: 11:00pm 0 კომენტარი

      ძლიერმა წვიმებმა მთელი საქართველო შეაწუხა და დღის მთავარ ამბად იქცა. სინოპტიკოსები კი ამბობენ, რომ მსავსი ამინდი 29 ივლისის დილამდე შენარჩუნდებაო. დღის მთავარი იყო კოვიდის უამრავი ახალი შემხვევადი და ახალი რეგულაციების მოლოდინი, ასევე აცრებსა და ვაქცინაციაზე მსურველთა რაოდენობები და აქტიურობა. დღეს ასევე ევროპის საბჭოს საპარლამენტო ასამბლეის პრეზიდენტიც მეინსტრიმული აღმოჩნდა მედიაში. ვალუტის კურსი - 1 აშშ დოლარი - 3.0892 ლარია.…

გაგრძელება

ოლიმპიადა ყოველდღიურობაში

გამოაქვეყნა Tamila Moshiashvili_მ.
თარიღი: ივლისი 24, 2021.
საათი: 11:41pm 0 კომენტარი

      როგორი პოლიტიკური დღის წესრიგიც არ უნდა იყოს მსოფლიოში, როგორი პოლიტიზირებულიც არ უნდა იყოს სპორტი, ოლიმპიური თამაშები მაინც ერთ-ერთი ყველაზე მნიშვნელოვანი სპორტული მოვლენაა, რომელსაც მილიონობით ადამიანი ელოდება. შარშანდელი ოლიმპიადა წელს ტარდება, მაგრამ ხალხის გარეშე. იაპონიამ, მხოლოდ დელეგატები და მონაწილეები მიიღო და უმასპინძლა. დღეს არა თავად ოლიმპიურ თამაშებზე, არამედ მის დახვედრაზე ვისაუბრებთ. ტოკიოში, ნაკამეგუროს რაიონში მოღვაწეობს…

გაგრძელება

Qwelly World

free counters