კინემატოგრაფიისთვის, ისევე როგორც, ლიტერატურისთვის დამახასიათებელია ერთი მნიშნელოვანი რამ, ისინი საშუალებას გვაძლევენ ვიმოგზაუროთ წარმოსახვით სამყაროში, რომელიც მიუხედავად არსებული და ავტორის მიერ შემოთავაზებული იდეისა, თითოეული ადამიანის მიერ ინდივიდუალურად არის აღქმული და წარმოდგენილი. უმეტესწილად, ფილმებში და ნაწარმოებებში მთავარი იდეოლოგია ბოროტისა და კეთილის დაპირისპირებაში მდგომარეობს. ბედნიერი დასასრული კი ფანტასტიური ჯანრისთვის დამახასითებელი ერთ-ერთი კომპონენტია. კონკრეტული მაგალითების განხილვით შეგვიძლია ვიმსჯელოთ იმის შესახებ, არის თუ არა შესაძლებელი ჩვეულებრივი ცხოვრების რიტმს მიჩვეული ადამიანი უეცრად არაჩვეულებრივ წარმოსახვით სამყაროში აღმოჩნდეს. ფილმი "მატრიცა" კლასიკური სამეცნიერო ფანტასტიკაა, რომლის ყურების დროსაც შეუძლებელია ყურადღების მიღმა დაგრჩეს რჩეულობის იდეა. მატრიცა განმრტებულია, როგორც ხელოვნურად შექმნილი სამყარო, რომლის მიზანი ადამიანთა მოდგმის სისტემატიზირებაა. ხალხი ამ სისტემის ნაწილია და ზოგიერთი მზად არის ის იარაღით დაიცვას. ვფიქრობ, ფილმი მთლიანად არის დაპირისპირება ურთიერთსაპირისპირო სამყაროთა შორის. ერთის მხრივ, ეს არის რეალობა და ფანტაზია, მეორე მხრივ კი რელიგია და ფილოსოფია. ფილმი "ნარნიას ქრონიკები" ბავშვობაში თურმე მინახავს, თუმცა მეორედ ნახვის შთაბეჭდილება სრულიად განსახვავებული აღმოჩნდა. თუ პატარაობაში თავს ლუსის პერსონაჟთან ვაიგივებდი და მსურდა მეც მოვხვედრილიყავი მსგავს სამყაროში, სადაც ცხოველები ლაპარაკობენ, ახლანდელი ხედვა სრულიად განსხვავებულია. ფილმი ჩემს წარმოდგენაში დაპირისპირებაა კეთილისა და ბოროტის, ლომისა და დედოფლის სახით, რომელიც სიკეთის გამარჯვებით სრულდება. რაც შეეხება, ვიქტორ პელევინის "განდგომილი და ექვსთითა", მხოლოდ მას შემდეგ მივხვდი რომ მთავარი პერსონაჟები ქათმები იყვნენ და არა ადამინები, როდესაც მოთხრობაში წამოჭრილია საკითხი წონასთან, შებრაწვასთან, ფრთებთან და ნისკარტთან დაკავშირებით. განსხვავებულობა და თავისუფლების იდეა წინა პლანზეა წამოწეული აქაც,მათ შეძლეს გაფრენა და გაემართნენ მბრწყინავი წრისაკენ. ასევე ის ფაქტი, რომ მოსწავლე და მასწავლებელი თავიანთი დარიგებებით ბრბოს გადარჩენას ცდილობენ, მოთხრობას რელიგიურ დატვირთვას აძლევს.

      მოკლედ რომ ვთქვათ, სამივე მათგანი ერთი მნიშვნელოვანი თემატიკით არის გაჯერებული და ეს არის წინასწარმეტყველება - რომ ერთ დღესაც მოვა მხსნელი, რომელიც გადაარჩენს სამყაროს და დაამარცხებს ბოროტებას. ამ შემთხევაში მხსნელი წარმოდგენილია ნეოს, ლუსისა და ექვსთითასა და განდეგილის სახით.