ინტერვიუირება შეფასების ერთ-ერთი ფორმაა და ის გამოიყენება კლიენტის პრობლემის ანალიზისა და ეფექტური ჩარევის სტრატეგიის დაგეგმვისათვის. ინტერვიუირება აუცილებელი, მოქნილი და მრავალმხრივი საკვლევი საშუალებაა. შეფასების მეთოდებიდან ის ყველაზე ხშირად გამოიყენება. ინტერვიუირების დროს ერთგავრი თერაპიული ურთიერთობის დასაწყისს აქვს ადგილი. მაშინ როცა ინტერვიუერი ინფორმაციას აგროვებს, მკურნალობის გეგმის მონახაზი და პრიორიტეტების დალაგება თავისთავად უნდა ხდებოდეს.
არსებობს სხვადასხვა სახის ინტერვიუ, მაგრამ აქცენტს გავაკეთებთ ქცევითი შეფასების ინტერვიუზე, რომლის ფუნქციაც ორგვარია:
ზემოთ ნახსენები კომპონენტები ძალიან მნიშვნელოვანია. პოზიტიური თერაპიული ურთიერთობის დამყარების შემთხვევაში მეტია იმის შანსი, რომ კლიენტი წარმატებით ითანამშრომლებს პროფესიონალთან შეფასების და ჩარევის დროს. პრობლემის შესახებ სპეციფიკური ინფორმაციის
შეკრების შემდეგ კი ინტერვიუერს შეუძლია გააკეთოს პრობლემის ფუნქციონალური ანალიზი, რის შემდეგაც სწორად შეარჩიოს და ეფექტურად დაგეგმოს ჩარევა.
ინტერვიუერის ვერბალური ან არავერბალური ქცევა დიდ გავლენას ახდენს კლიენტის ქცევაზე და პირიქით. ქვემოთ საუბარი იქნება ინტერვიუერის რამოდენიმე ქცევაზე, რომელიც სავარაუდოდ ფორმირებას უკეთებს ინტერვიუში მონაწილისა და ინტერვიუს ჩამტარებლის ურთიერთობას.
იმის ყურადღებით მოსმენა, რასაც კლიენტი გვეუბნება, წარმატებული ინტერვიუირების ერთ-ერთი საფუძველია. გულისხმიერი მოსმენა კლიენტს უბიძგებს უფრო მეტად გახსნილი და მიზანმიმართული საუბრისაკენ. თუ ინტერვიუერი ყურადღებით არ ისმენს კლიენტის ნათქვამს, დიდია ალბათობა იმისა, რომ საუბარი აცდება თემას და იქნება არაპროდუქტული. რისი გათვალისწინება გვჭირდება ყურადღებით მოსმენისას?
თვალით კონტაქტის სწორად განხორციელება ძალიან მარტივ პრინციპს მოიაზრებს: თუ შენ გინდა ადამიანს ესაუბრო, უყურე მას. თვალით კონტაქტი არის მიმართული მზერა კლიენტის სახის მიმართულებით, რომელიც ბუნებირივია და არ გულისხმობს მიშტერებას. მიშტერება მიუღებელია ინტერვიუერისთვის, ისევე როგორც არარეკომენდირებულია კლიენტზე თვალის არიდება.
თვალით კონტაქტი კლიენტს მიანიშნებს:
• რამდენად აინტერესებს ან არ აინტერესებს ინტერვიუერს პრობლემა
• რამდენად მობეზრდა ან დაიღალა ინტერვიუერი
პოზა ინტერვიუერის სხეულის ენას გულისხმობს. სწორად შერჩეული პოზის დროს პირდაპირ უყურეთ კლიენტს, თავისუფალად და ოდნავ წინგადახრილი დაჯექით, გქონდეთ მეტყველი სახე (ღიმილი) და მხარდამჭერი ჟესტები (თავის დაქნევა, ხელის გახსნილი მოძრაობა). Pპოზა რაც შეიძლება ნაკლებად დაძაბული ბუნებრივი უნდა იყოს, რაც პრაქტიკაში თანდათანობით მიიღწევა.
საჭიროა შუალედის დაცვა პოზის შერჩევის დროს – თქვენმა დაძაბულობამ შესაძლოა კლიენტიც დაძაბოს. თქვენმა ზედმეტად თავისუფალმა, მოშვებულმა პოზამ კი აფიქრებინოს კლიენტს, რომ მის პრობლემას არასერიოზულად ეკიდებით ან მოგწყინდათ.
ვოკალიზაცია მოიაზრებს ცვლილებებს ხმის ტემბრში, სიძლიერეში და მეტყველების სიჩქარეში.
თითოეული ეს ნიუანსი განსაზღვრავს იმას, თუ როგორ მიეწოდა ინფორმაცია. ამის მიხედვით შეიძლება ვიმსჯელოთ ინტერვიუერის ინტერესეზე ან უინტერესობაზე, შფოთვაზე ან სიბრაზეზე, მიმღებლობაზე ან მიუღებლობაზე კლიენტის მიმართ. საშუალო მაჩვენებლები ტემბრშიც, სიძლიერეშიც და სიჩქარეშიც ყველაზე ოპტიმალურია, თუმცა მნიშვნელოვანია ზოგჯერ მათი ცვლა, რათა მონოტონურ მეტყველებასთან არ გვქონდეს საქმე.
"კლიენტის კვალდაკვალ გულისხმობს " კლიენტის მიერ წამოწყებული თემატიკის მიყოლას და ბოლომდე გავლას. ინტერვიუერი უნდა ცდილობდეს ყურადღებით უსმინოს და ამოწუროს ის საკითხი, რაზეც კლიენტი მოცემულ მომენტში საუბრობს. არ ღირს სხვა საკითზე გადახტომა ან ახალი საკითხის წამოჭრა მანამ, სანამ ერთი საკითხი ბოლომდე არ ამოიწურება.
პრაფრაზი ნიშნავს კლიენტის ნათქვამის შინაარსის რეფრაზირებას. პარაფრაზის დროს ყურადღება ექცევა ნათქვამის კოგნიტურ(აზრობრივ) და არა აფექტურ(ემოციურ) შინაარსს. კლიენტის მიერ ნათქვამი საკვანძო იდეები ინტერვიუერმა თავისი სიტყვებით უნდა გამოხატოს, მაგრამ ისეთი ფორმით, რომ წინადადების გრამატიკული სტრუქტურა იგივე რჩებოდეს. მაგ. თუ კლიენტის კომენტარი კითხვითი ფორმისაა, თქვენი პარაფრაზიც კითხვითი უნდა იყოს. სწორი პარაფრაზირება კლიენტის სიტყვების თუთიყუშივით გამეორებას არ ნიშნავს.
რეფლექსია კლიენტის განცდების, ნათქვამის აფექტური ნაწილის რეფრაზირებას გულისხმობს. რეფლექსია პარაფრაზისგან განსხვავდება იმით, რომ ნათქვამის ემოციურ მხარეზე აკეთებს აქცენტს. ღეფლექსიით ინტერვიუერი კლიენტს ეუბნება, რომ ესმის მისი განცდების და უბიძგებს სხვა განცდებზე სასაუბროდ.
სუმირება ორი ან მეტი პარაფრაზის ან რეფლექსიის ჯამია. სუმირება გამოიყენება კლიენტის ნათქვამის სხვადასხვა ელემენტის დასაკავშირებლად, ძირითადი თემების გამოსაყოფად, შეხვედრის მიმართულების მისაცემად. კარგი შეჯამება მოკლეა, ორგანიზებულია და მიმართულია იმ ძირითად თემატიკაზე, რასაც კლიენტი საუბრისას შეეხო.
მხარდაჭერა არსებობს ვერბალური და არავერბალური. ის ამცნობს კლიენტს, რომ შენ უსმენ მას და გსურს რომ განაგრძოს საუბარი.
მხარდაჭერის ერთ-ერთი ფორმაა ,როცა იმეორებთ კლიენტის ნათქვამიდან ერთ-ორ მნიშვნელოვან სიტყვას. სხვა ფორმაა ისეთი ისტყვები, როგორებიცაა: მესმის თქვენი, გასაგებია, დიახ, განაგრძეთ, აჰა, და, შემდეგ.
რავერბალურ მხარდაჭერას მიეკუთვნება თავის დაქნევა, ხელებით ჟესტიკულაცია.
შეკითხვა არის კითხვითი ფორმის ფრაზა, რომელიც გამოიყენება ინფორმაციის მისაღებად.შეკითხვა შეიძლება გამოყენებულ იქნას ზოგადი ან დეტალური, სპეციფიკური ინფორმაციის მისაღებად. არსებობს შეკითხვების ორი სახე: ღია ტიპის შეკითხვა და დახურული ტიპის შეკითხვა.
ღია ტიპის შეკითხვა იწყება სიტყვებით: რა, ვინ, როგორ, როდის, სად, რომელი. ღია ტიპის შეკითხვას აუცილებლად სრული პასუხი სჭირდება, მოითხოვს დისკუსიას და ვერ უპასუხებ "კი" ან "არა"-ს. ამ ტიპის შეკითხვის დასმის შემდეგ კლიენტს შეგვიძლია ვთხოვოთ – მომიყევით ამის შესახებ, ამიღწერეთ , ამიხსენით. ღია ტიპის შეკითხვებით მუშაობა ეფექტურია ინტერვიუირების დასაწყისში, მაშინ როცა მაქსიმალური ინფორმაცია გვჭირდება კლიენტისგან.
დახურული ტიპის შეკითხვა შეიძლება დაგჭირდეთ მაშინ, როცა გინდათ გაიგოთ კონკრეტული ფაქტის შესახებ ან გაინტერესებთ კონკრეტული ინფორმაცია. ამ ტიპის შეკითხვებზე პასუხი შეიძლება იყოს ძალიან მოკლე, კი ან არა. დახურული შეკითხვები გამოიყენება სპეციფიური ინფორმაციის მოსაპოვებლად და ინტერვიუს ფოკუსის დასავიწროვებლად.
დაკონკრეტება არის მოკლე, მიმართული შეკითხვა იმისათვის, რომ კლიენტმა მოგვაწოდოს ზუსტი ინფორმაცია კონკრეტული და სპეციფიკური დეტალის შესახებ. იგი გამოიყენება კლიენტის ნათქვამში "ჩავარდნების" შესავსებად. ანუ იმის გასაგებად, რაც კლიენტს არ უთქვამს და ჩვენ გუინდა რომ მოვისმინოთ. დაკონკრეტება იძლევა იმის საშუალებას, რომ ინტერვიუერმა არ დაამატოს საკუთარი აზრები, ინტერპრეტაციები კლიენტის ნათქვამს. დაკონკრეტების მეშვეობით ვრწმუნდებით, რომ კლიენტის პრობლემის აღწერა იმდენად სრულყოფილია, რომ ინტერვიუერს ესმის პრობლემა მთლიანად და მისი კონტექსტი.
დაზუსტება შედგება შეკითხვებისაგან, რომლესაც ხშირად შემდეგი ფორმა აქვს: "თქვენ ამბობთ რომ...", "ესე იგი თქვენ იგულისხმეთ ..." რასაც შემდეგ მოყვება კლიენტის უკვე ნათქვამის გამეორება ან რეფრაზირება. დაზუსტება გვაძლევს იმის საშუალებას, რომ ჩვენ ხელმეორედ დავრწმუნდეთ კლიენტის ნათქვამის სიზუსტეში. დაკონკრეტებისაგან განსხვავებით, დაზუსტების შემთხვევაში ჩვენ დაინტერესებული ვართ არა იმის გაგებით, რაც კლიენტს არ უთქვამს. ამ შემთხვევაში ჩვენ ვამოწმებთ რამდენად სწორად გავიგეთ ის, რაც გვითხრეს.
ინფორმირება გულისხმობს კლიენტისათვის ობიექტუერი ინფორმაციის მიწოდებას ადამიანებზე, აქტივობებზე, პროცედურებზე. ინფორმირებით შეიძლება დაეხმაროთ კლიენტს, მოახდინოს სავარაუდო ალტერნატივების აღმოჩენა. როცა ინფორმირებას ახორციელებთ სასურველია თქვენი რეპლიკა იყოს გასაგები, პირდაპირ მიმართული და კონკრეტული. მნიშვნელოვანია იმის აღნიშვნა, რომ ინფორმირება განსხვავდება რჩევისაგან. რჩევის მიცემისას ხდება გარკვეული გამოსავლის შეთავაზება ან იმ ქმედებათა ჩამონათვალის მიწოდება, რაც გამოსავლამდე მიგვიყვანს. ინფორმირების დროს უნდა მივაწოდოთ ადამიანს ადექვატური, სანდო ინფორმაცია რაიმე საკითხთან ან სიტუაციასთან დაკავშირებით. ამ დროს არ ხდება იმაზე საუბარი თუ როგორ უნდა მოიქცეს ის(ანუ არ ვაძლევთ რჩევას). გადაწყვეტილებას იმის შესახებ, თუ როგორ მოიქცევა, კლიენტი თვითონ მიიღებს ან არ მიიღებს.
პირველადი მიღებისას მნიშვნელოვანია გაცნობა. ამ დროს ვესალმებით კლიენტს მიღებული მისალმების ფორმით, წარვუდგენთ ჩვენს თავს - იმისათვის რომ კლიენტმა იცოდეს როგორ მოგმართოთ. სასურველია საკუთრი სტატუსის, პოზიციის და ჩინის დასახელება.
მისალმების შემდეგ თქვენ მიუძღვებით კლინტს იმ სივრცეში, სადაც შეფასებით ინტერვიუს ექნება ადგილი. გარემოს რტრუქტურირება ნიშნავს: კარის დახურვას (და არა ჩაკეტვას), ამით კლიენტს ვუქმნით მყუდრო გარემოს; კლიენტისთვის დასაჯდომი ადგილის მინიშნებას; საკუთარ ადგილზე სახით კლიენტისკენ მოთავსებას.
"ყინულის გალღობა" საჭიროა იმისთვის, რომ ინტერვიუზე ახლადმოსულ ადამიანს მოეხსნას დაძაბულობა. ამ დროს ინტერვიუერი ზოგჯერ იყენებს ზოგად სოციალურ ფრაზებს, მაგრამ არ ავიწყდება, რომ ძირითადი ფოკუსი კლიენტის პრობლემაა. ასეთი ფრაზა შეიძლება იყოს: "როგორ ხართ დღეს?", "ადვილად მომაგენით?". აღსანიშნავია, რომ "ყინულის გალხობის" მთავარი მიზანი პრობლემაზა კონცენტრირებაა, შესაბამისად ადგილი უნდა ჰქონდეს იმ ინფორმაციის მოკლე შეჯამებას, რაც უკვე იცით კლიენტის შესახებ.
კონტექსტის მიწოდებისას კლინეტს ვეუბნებით თუ რა მოხდება ინტერვიუს მანძილზე, რამდენი ხანი გაგრძელდება ის, და ვეუბნებით ინფორმაციის კონფიდენციალობის თაობაზე. მოკლედ უნდა ავხსნათ ის, თუ პროცედურულად როგორ მიდის ინტერვიუ - დასმული იქნება შეკითხვები, შეკითხვები შეიძლება ზოგჯერ ძალიან დეტალურ ინფორმაციას ითხოვდეს და ეს საჭიროა პრობლემის კარგად გაანალიზებისათვის, პარალელურად ჩავიწერ ინფორმაციას, რადგან მისი აღდგენის საშუალება მქონდეს. კონფიდენციალობა გულისხმობს, რომ არავის ეცოდინება კლიენტის და მისი მკურნალობის პროცესის შესახებ. გამონაკლიესბია შემთხვევები, როცა კლიენტის ჯანმრთელობას ან სიცოცხლეს შეიძლება საფრთხე ემუქრებოდეს, ან პროფესიული სუპერვიზია (ამ დროს ნებას ვიღებთ კლიენტისგან). ვეკითხებით კლიენტს აქვს თუ არა რაიმე შეკითხვები და ვამცნობთ, რომ შეკითხვის დასმა შეუძლია ნებისმიერ დროს.
ინტერვიუს დამთავრებამდე 5 წუთით ადრე ინტერვიუერმა უნდა უთხრას კლიენტს, რომ ინტერვიუ მთავრდება. ინტერვიუერმა უნდა გააკეთოს შეხვედრის მოკლე შეჯამება, რომლის დროსაც კლიენტი ჩართული უნდა იყოს დაზუსტებების თვალსაზრისით. ბოლოს უნდა ვკითხოთ რესპოდენტს ხომ არა აქვს რაიმე შეკითხვები.
პირველი შეხვედრის ბოლოს შესაძლებელია საშინაო დავალების მიცემა. ინტერვიუირება დროში შეზღუდული პროცესია, ამდენად ყველა იმ ინფორმაციის მიღებარაც გვჭირდება, ერთ შეხვედრაზე შეუძლებელია. ამიტომ საშინაო დავალების მიცემა უპრიანია ინფორმაციის შევსების თვალსაზრისით. საშინაო დავალება შეძლება იყოს ბავშვის პრობლემური ქცევაზე მშობლის დაკვირვება, თვითდაკვირვება, დღიურის წარმოება, რაიმე კითხვარის ან ცხოვრების ისტორიის ფორმის შევსება და ა.შ.
მომავალი შეხვედრის დაგეგმვა კი გულისხმობს მომავალში განსახორციელებელი აქტივობების კლიენტისათვის აღწერას, დროზე შეთანხმებას, დახმარების ფორმების ერთად განხილვას. ამგვარი ინფორმირებულობა ეხმარება კლიენტს განაგრძოს მკურნალობა.
ტეგები: environment, inform, interview, paraphrases, posture, psychology, qwelly, reflection, specification, specifies, მეტი...structuring, summary, support, vocalizations, გარემოს_სტრუქტურირება, დაზუსტება, დაკონკრეტება, ვოკალიზაცია, თვალით_კონტაქტი, ინტერვიუ, ინტერვიუირება, ინტერვიუს_გარემო, ინტერვიუს_შინაარსი, ინფორმირება, კონტექსტის_მიწოდება, მხარდაჭერა, პარაფრაზი, პოზა, რეფლექსია, სუმირება, ფსიქოლოგია, ქველი, ქცევითი_ინტერვიუს_ჩარჩო, ყინულის_გალღობა, შეკითხვის_სახეები, შეჯამება
Welcome to
Qwelly
გამოაქვეყნა taoaxue_მ.
თარიღი: აპრილი 28, 2024.
საათი: 5:30am
0 კომენტარი
0 მოწონება
In phrases of what adventuresome enthusiasts can apprehend aural the affiliated term, the dev acclimatize appear to be afire on statistics, about did accept that a new weapon, the Blunderbuss, is axial the works. Added facts advanced the achievability of mutated expeditions advancing to decrease-degree expeditions. The accession additionally casting the absorption of added small-scale PvP like matchmade arenas or greater adventitious versions of New World Gold sports like Invasions or War,…
გაგრძელება
გამოაქვეყნა EFTcheat_მ.
თარიღი: აპრილი 27, 2024.
საათი: 7:30am
0 კომენტარი
0 მოწონება
Are you a funds-mindful enterprise proprietor hunting To maximise the opportunity within your home? You then’ve come to the ideal place! We know the way important it is to get swift and successful residence progress at Darryl’s Tree Company in Waukesha. Our professional experts are equipped with up-to-day devices and know-how to get ready your land swiftly. Specializing in industrial great deal clearing, we have the expertise to take care of tasks of all measurements.…
გამოაქვეყნა taoaxue_მ.
თარიღი: აპრილი 26, 2024.
საათი: 6:00am
0 კომენტარი
0 მოწონება
If you’ve been amphitheatre New Angel on minimum specs, or at diminutive abutting to it, afresh you’ll allegedly accusation to New World Gold alpha brainwork of advanced your rig. Amazon Adventuresome Studios aloft appear the PC acclimation requirements for the open-world MMORPG’s Affronted Earth accession and they’ve bumped it up by a bit.Meanwhile, Amazon has abandoned a new developer video showcasing the new Blast weapon accustom that will be accession alongside the new Savage Bifurcate…
გაგრძელება
გამოაქვეყნა taoaxue_მ.
თარიღი: აპრილი 25, 2024.
საათი: 5:30am
0 კომენტარი
0 მოწონება
Now that Amirdrassil has been ascetic on Mythic difficulty, Angel of Warcraft admirers accepting absolutely candid the stats for Fyr’alath, the Dream Render–the Emblematic weapon abandoned by Fyrakk. One emphasis at this afire new Angel of Warcraft weapon proves it is one of the best able items in the adventuresome acclimatized now.When Angel of Warcraft ancient adverse Apparatus 10.2, Guardians of the Dream, it teased Fyr’alath, the Dream Render–a new two-handed Emblematic axe abandoned by…
გაგრძელება© 2024 George. •