პოეზია უპირველეს ყოვლისა
იყო ღამე...
ღამის სიჩუმე ახშობდა ყურებს,
გარეთ გრიგალი ბუნებას ურევს.
ჩემს გულისცემას დაეტყო თოვა,
"თვალი დახუჭე" - ჩამესმის - "მოვა"!
მეც ვხუჩავ თვალებს...
ირგვლივ წყვდიადი, სიბნელე მკრთალი
აქაურ სამყოფს ვეღარ გრძნობს თვალი.
ფოთლები სცვივა გარინდულ ხეებს,
ღვინოს მოვპარავ გაბზარულ ქვევრებს.
დავლევ სამშობლოს ფიალით, თასით,
ტყეც ისევ მღერის მგელთა ყრუ დასით.
ცაზე ღრუბლები გვამცნობენ ავს,
უცხო ქვეყანას, დედა შვილს კლავს.
ნუთუ არ მოვა დრო დამშვიდების,
როცა იქნება სიცოცხლე ტრფობის.
ნუთუ არ მოვა ქვეყნად გრძნობები,
მომჭარბდა ეს ცრუ დაპირებები.
თვალები ისევ დახუჭულია,
მუზა არ მოდის, გაბუტულია.
ახალი ფიქრი მიაწვა წინას,
ნუთუ ქართველთა ქვეყანას სძინავს?!
და თუ არა! მაშ, სადაა მუზა?
რატომ დაკარგეს ვნებებმა ღუზა.
მაინც სად არის იგი აქამდე?
ნუთუ არ მოვა გათენებამდე!?
მოდი! გეძახი ათას წელს აქეთ,
არ მინდა ცვარი შენი ტანისა.
არ მინდა ფული, ძალაუფლება,
სხვისი დაჩაგვრის არ მომცეთ ნება.
არ მინდა ბავშვი მეძახდეს ბაბუს,
თუ არ დავადებ სიავეს ტაბუს!
სიმშვიდე მინდა! მე მინდა მუზა,
წამების გემმაც ჩაუშვას ღუზა!
აი, ეს მინდა მე მთელი გულით!
სიყვარულისთვის ავივსო შურით!
თვალები ისევ დახუჭულია...
ჩემი გონება არეულია,
მხოლოდ სიზმარში არის იმედი...
გადაგვირჩება ქართველთ სვე-ბედი...
თვალები ისევ დახუჭულია...
მუზა არ მოვა, გაყინულია!
ტეგები: Qwelly, ლაშა_ჩილინდრიშვილი, ლექსი, პოეზია, ქველი
გამოხმაურებები!
-
Permalink ლაშა :
-
"საქებარია საქმე შემდეგი:
შევიცნოთ ნიჭი გამოსადეგი.ვინაც მცირედზე სათნო იჩინა,
დიდის მმართველად ის დაინიშნა." ჰოდა არაა ჩემი ნიჭი ლექსების წერა და რატომ ვწერო? :) :) :)იმედია ჩემი მოკრძალებული პოეზია ბიძგი იქნება ბევრად უკეთესი ლექსების დაწერისა... პოეტები კი არ გვაკლია სამების საღვთისმეტყველოში... :)
-
-
Permalink Rati Inashvili :
-
ეს ჩემი ბოლო დაწერილი, შეიძლება ვერ გაიგოთ მაგრამ მაინც
* * *
დაბლა ნუ ხარ, უფრო მაღლა ამო სულო,
გაათეთრე მუქი ფერის ემოცია.
დღეს გონებავ, ქვესკნელიდან ამოსულო,
შენს მეტოქეს სითამამე შემოსია.
გავილაშქრე როცა მარცხი მყავდა სტუმრად,
არ მეძინა, სიყვარულის გამო ვთვლემდი.
ღვინისათვის ალადასტურს არ დავწურავ,
კიდევ ერთხელ ოცნებებით გამოვთვრები.
აღელდა ცა, ნისლები რომ დაძენძილა,
მთის წვერზეა დამალული შავი ბედი.
მზად ვიყავი ჩემი თავი გამეწირა,
მხოლოდ ზეცად ასვლის ბილეთს ავიღებდი.
მაგრამ გულმა მაიძულა გაჩერება,
ცოცხალს მტოვებს ყველა სული, ყველა ძალა.
გადამღალა სიცოცხლეზე არჩევნებმა,
თუ იქნება დღე გასული, ღამე წავალ.
რ. ინაშვილი 30.04.2012 -
-
-
ჯერ ადრე რატი...
არ გაჩერდე, გაჩერება არ შეიძლება...
ჰო მართალ - კარგი ლექსია არც ლექსის წერაში გაჩერდე... :)
Rati Inashvili said:ეს ჩემი ბოლო დაწერილი, შეიძლება ვერ გაიგოთ მაგრამ მაინც
* * *
დაბლა ნუ ხარ, უფრო მაღლა ამო სულო,
გაათეთრე მუქი ფერის ემოცია.
დღეს გონებავ, ქვესკნელიდან ამოსულო,
შენს მეტოქეს სითამამე შემოს... -
-
-
ნუ რადგან შენ ასე აფასებ... :D :D :D :D :D :D
სწორედ მაგიტომ დაიწერა რომ აქაურებს მიეცეთ სტიმული - "ეს არ არის კარგი ლექსი და უკეთესი უნდა ვწეროთ"... :)
კახა ძიგოშვილი said:ლაშა ამ ლექსს მე ვაფასებ როგორც ყველა პოეტის გამოწვევად :)) :D
ძაან მაგარია :))))
დაველოდები შემდეგს
-
-
Permalink mziko khutsishvili :
-
ძალიან ლამაზი და მარტალი ლექსიააა,მაგრად მომეწონა!!!!!!!!
-
-
-
კარგი ვარ, მაგრამ...
მეუბნებიან: კარგი ხარ, მაგრამ...
მერე ვიგრძენი უსასოება.
ვგრძნობ თითქოს მართალს სურს ჩემი ჩაგვრა,
თითქოს გამთელავს მკაცრი დროება.
ადამიანი ადამიანობს?
თუ მარიონეტს ემსგავსა ყველა...
მინდა სიცრუემ გადამიაროს,
და მტრისაგანაც ვითხოვო შველა.
თუ მოველოდი ოცნების მიზეზს,
მერე ნანატრი რომ ამეხდინა.
ახლა შორიდან სიკვდილი მიმზერს,
ჩემს ოცნებებზე მე ამეტირა.
როცა "კარგობა" მქონდა სტატუსად
მაშინ დავმარცხდი ათასჯერ მწარედ.
რომ მომეჩვენა წლები აფსუსად,
რომ მომეჩვენა კამათი მწვავედ,
მაშინ სურვილებს ვაჯობე, დავწვი,
მაშინ მოვუღე კონფლიქტებს ბოლო,
მაშინ დავლიე პირველად ყანწით,
ღვინის მაგივრად წარსული მხოლოდ.
თურმე ამხდარა რაც იყო ფლიდი,
თურმე მომავალს ჯერ არ ეძინა.
ბედნიერებად რას აღარ ვთვლიდი,
ჩემს ოცნებებზე მე გამეცინა.
მეუბნებიან: კარგი ხარ, მაგრამ...
მერე ვიგრძენი აზრის ცვალება.
მეგობრობისთვის დამკარით მაგრად,
ღირს ამისთვისაც გარდაცვალება.
დღს კიდევ მითხრეს: კარგი ხარ, მაგრამ...
მერე ვიგრძენი აზრის ცვალება.
სიყვარულისთვის თუ ბოძზე მაკრავთ,
არ გამოგივათ ჩემი წვალება.
21/05/2012
რ.ინაშვილი -
-
-
* * *
წადი, გაგიშვებ,
თუმცა არც მყავდი გულში პატიმრად,
შემომრჩენია დავიწყების კიდევ უნარი.
შენც მაპატიე მკაცრმა დროებამ თუ მაპატია,
ისევ ვიცოცხლებ,
თუ მარტოობა იქნა მკურნალი.
სხვა გქონდა ფიქრი,
ალბათ მაშინაც სხვა უნდა გეთქვა,
მე კი პასუხად მიმიღია შენი დუმილი.
შენ ანგელოზი გაფრენილი რომ უნდა გერქვას,
მე დაბრუნების მცდელობისა დამრჩა სურვილი
22.05.2012 -
-
Permalink markozashvili :
-
კარგები ხართ ბიჩებო გააგრძელეთ წერა რა იცით რა ხდება : ) რატი შენი მეორე ლექსი მაგრად მომეწონა კარგიააააააა :): ): )
-
-
-
რომელი, კარგი რომ ვარ? ))
-
-
-
შენდობის დღე
მომიტევეთ, თუმც არა ვარ ღირსი ამის,
სიმსუბუქეს ვეღარ იგრძნობს ჩემი გული.
დღეს დრო გაქრა, ყველა სიტყვა ფიცი არის,
ოცნება და ფიქრი ძალზედ შებინდული.
არ ემჩნევა სინანული ცას და მიწას,
არ ჩერდება, გამალებით ოხრავს გული.
მინდა ცეცხლმა სიძულვილი გადამიწვას
და სამოთხის ბაღი ვნახო, მოხატული...
აღარ მინდა შავი ჰქონდეს ფერი ზეცას...
და მიწაზე მესეოდნენ ჯალათები.
მეც შემინდეთ აპატიეთ თუკი მეძავს,
წინ გედგათ და ხელს ძმის მკვლელსაც არ ადებდით.
სხვაც თუ არ გთხოვთ ვერ მიწოდებთ მეც კი ლაჩარს,
პატიების თხოვნას კი არ ვერიდები.
მეც შემინდეთ არ ემდურით თუკი ყაჩაღს,
გესმოდათ და ხმას ვერავინ ვერ იღებდით...
დღეს ფხიზელს მსურს შეგევედროთ, არ ვარ მთვრალი,
საბრალო ვარ ცოდვით ღამეს რომ ვითენებ.
აღარა მაქვს არაფერი დასამალი,
არ ვარ ღირსი, მაინცა გთხოვთ- მომიტევეთ!
26/02/2012 -
-
-
რატი მადლობა ძალიან დიდი... მგონი უსამართლობაა ჩემს გახსნი ფორუმს პასუხობდე ასეთი კარგი ლექსებით...
ვიფიქრე აჯობებს შენი ფორუმი გააკეთო, პირადად შენი პოეზიის... ძალიან ლამაზად წერ... წარმატებები...
Rati Inashvili said:შენდობის დღე
მომიტევეთ, თუმც არა ვარ ღირსი ამის,
სიმსუბუქეს ვეღარ იგრძნობს ჩემი გული.
დღეს დრო გაქრა, ყველა სიტყვა ფიცი არის,
ოცნება და ფიქრი ძალზედ შებინ -
-
-
მადლობა ლაშა, ვიფიქრებ მაგაზე, თუმცა ზედმეტად გაპიარებად მიმაჩნია
-
Welcome to
Qwelly
ღონისძიებები
ბლოგ პოსტები
Diablo 4 that had seperate trees for Passive Skills and Active Skills
გამოაქვეყნა Ludwighench_მ.
თარიღი: იანვარი 18, 2025.
საათი: 6:20am
0 კომენტარი
0 მოწონება
"What we would like to prevent, completely, was in Diablo 4 Gold at which there were these Legendaries - mostly leftover from vanilla - that didn't have any additional Legendary affixes. It can be something that's more useful to builds such as Stone of Jordan across all classes, or even something specific. "That's an example that changes an extremely particular agility, and we can see it getting a build-specific piece for the Barbarian…
გაგრძელებაMMOEXP-RuneScape/OSRS stands out as one of the few MMORPGs in the space
გამოაქვეყნა millan Myra_მ.
თარიღი: იანვარი 18, 2025.
საათი: 5:33am
0 კომენტარი
0 მოწონება
One of the most significant issues that plagues MMORPGs as well as Live-service games is the equipment becomes less valuable as time passes when you quit playing. It's not hard to understand why game developers have such systems, as games are designed to OSRS gold get you to continuing to play every expansion in order to prevent you from feeling like you're missing out. However, it could result in burnout. RuneScape guarantees that you will not…
Your Final Information To your Seamless Shifting Expertise
გამოაქვეყნა EFTcheat_მ.
თარიღი: იანვარი 17, 2025.
საათი: 12:30am
0 კომენტარი
0 მოწონება
Going to a different residence or Business office may be an remarkable new chapter, though the logistics of packing, transporting, and unpacking can truly feel too much to handle. That’s in which Calgary movers come in. With Qualified movers by your side, it is possible to deal with settling into your new space although they cope with the heavy lifting. Right here’s a information to help you choose the greatest Calgary movers for your sleek and problem-cost-free…
The Guy With A Gun In A Knife Fight
გამოაქვეყნა millan Myra_მ.
თარიღი: იანვარი 11, 2025.
საათი: 5:00am
0 კომენტარი
0 მოწონება
It's obvious at a glance the difference between a veteran and newbie Wizard player in-game, as one will maintain trying to land the best Fireball and nothing else at the same time as the alternative sneaks up with Invisibility, receives a sneaky hit with Chain Lightning, creates distance with Haste, and then makes use of Magic Missile to save you each person from getting close.
A lot of people are calling the Ranger the strongest class in the sport, and whilst this is a…
Qwelly World
© 2025 George.
•
