მეცნიერება იღბლის წინააღმდეგ


       იმ დროს კონექტიკუტში, - წამოიწყო პატ. მისტერ კ-მ, - კანონი ძალიან მკაცრად კრძალავდა იმას, რასაც „იღბლის თამაშები ქვია“. იმ დღესაც ლამის მთელ დუჟინ ბიჭს ჩაავლეს, „შვიდიანს“, აი, „ძველ მარხილსაც“ რომ ეძახიან, იმას თამაშობდნენ, ფულზე. ჰოდა, სასამართლოში სარჩელიც შევიდა მაგათ წინააღმდეგ. დამცველად ჯიმ სტარჯისი უნდა გამოსულიყო, როცა საქმე საქმეზე მიდგებოდა, რა თქმა უნდა. რაც მეტად სწავლობდა ამ შემთხვევას, ეცნობოდა ჩვენებებს, სტარჯისი მით უფრო აშკარად ხვდებოდა, ამ საქმეს უეჭველად წავაგებო. აი, ეგეთი იყო მტკივნეული სიმართლე. აბა, თუ ბიჭი იყავი, გვერდი აგევლო. ის ბიჭები ნამდვილად აზარტულ თამაშს თამაშობდნენ და ფულსაც ჩამოდიოდნენ ბლომად. ხალხმაც კი სტარჯისის მხარე დაიჭირა, ამბობდნენ, ეჰ, რა წარმატებული კარიერა წაიხდინა ამისთანა გახმაურებული საქმის გულისთვის, განაჩენს ხომ მაინც მის წინააღმდეგ გამოიტანენო.
        მაგრამ ერთი-ორი თეთრად გათენებული ღამის მერე სტარჯისს შთაგონება ეწვია და აღტაცებული გადმოფრინდა ლოგინიდან. იფიქრა, გამოსავალი ვიპოვნეო. მეორე დღეს თავის კლიენტებს და რამდენიმე მეგობარს კარგა ხანს ეჩურჩულა და მერე სასამართლომ საქმის გარჩევა რომ დაიწყო, აღიარა, კიო, „შვიდიანსაც“ თამაშობდნენ, ფულსაც ჩამოდიოდნენ, მაგრამო, ამას რომ იძახდა, თვალი არ დაუხამხამებია, თავი შეგვიძლია იმით გავიმართლოთ, რომ „შვიდიანი“ აზარტული თამაში არ არისო! ცხოვრებაში გამობრძმედილ მსმენელებს ყურებამდე შემოეხათ პირები. მოსამართლესაც კი გაეღიმა. სტარჯისს კი ისევ ისეთი ძველებურად სერიოზული სახე ჰქონდა, იფიქრებდით, ეს რა პირქუში კაცი ყოფილაო. პროკურორმა იფიქრა, დავცინებ, ეგ რა პოზიცია აგირჩევიაო, მაგრამ კოვზი ნაცარში ჩაუვარდა. მოსამართლემაც დინჯად, მოსამართლეს რომ შეეფერება ისე, გაიოხუნჯა, მაგრამ სტარჯისს წარბი არ შეუხრია. საქმე უკან-უკან წავიდა. მოსამართლესაც აევსო მოთმინების ფიალა და გამოაცხადა, ვიხუმრეთ და გვეყოფაო. ჯიმ სტარჯისმა კიდევ, აბა, ხუმრობა რა საკადრისია, ვიღაც-ვიღაცების ხუშტურებზე ვერ ვივლი, სანამ არ დამტკიცდება, რომ „შვიდიანში“ გამარჯვება იღბლის საქმეა, ჩემი კლიენტები არ უნდა დაისაჯონო. მოსამართლემ და პროკურორმა, მაგაზე იოლი რა არიო და მაშინვე დიაკვნებს გამოუძახეს, ჯობს, პიტერს, ბერკს, ჯონსონსა და სკოლის მასწავლებლებს ვირტსა და მიგლსს, ჩვენება მოგვეცითო. იმათაც ერთსულოვნად და დიდი გზნებით უარყვეს სტარჯისის იურიდიული კალამბური, გამოაცხადეს, „ძველი მარხილი“ იღბლის თამაშიაო.
- ახლა რაღას იტყვით? - ჰკითხა მოსამართლემ.
- რას ვიტყვი და ეგ მეცნიერული თამაშია, - არ დაუთმო სტარჯისმა, - და დაგიმტკიცებთ კიდეც მაგას! ყველა მიხვდა, რაც ჰქონდა ჩაფიქრებული.
სტარჯისი ადგა და აუარებელი მოწმე გამოიძახა, იმათაც ზღვა საბუთი მოიტანეს იმის დასამტკიცებლად, „ძველი მარხილი“, რას ლაპარაკობთ, მეცნიერული თამაშიაო. თითქოს ამაზე იოლი სხვა რომელი საქმე უნდა ყოფილიყო, მაგრამ სინამდვილეში მეტი რომ არ შეიძლება, ისეთი ჩახლართული გამოდგა. მოსამართლემ ცოტა ხანს იქექა თავი და მერე თქვა, მასე განაჩენს ვერ გამოვიტან, რამდენი კაციც ერთი მხარის დასაცავად მისცემს ჩვენებას, მეორესაც იმდენი კაცი დაუჭერს მხარსო. და ისიც დაუმატა, ამ საქმეს რომ ნათელი მოვფინოთ, მზად ვარ, მისტერ სტარჯისს თუ რამე წინადადება აქვს, გავითვალისწინოო.
მისტერ სტარჯისი იმ წუთში წამოდგა ფეხზე.
ჟიურიში ექვსი ისეთი კაცი შეიყვანეთ, ეგ თამაში იღბლის საქმეაო, რომ გაიძახის, ექვსიც ისეთი, მეცნიერებააო, რომ ამტკიცებს. გამოვა იღბალი მეცნიერების წინააღმდეგ, მიეცით მათ სანთლები, ორი შეკვრა კარტი და სათათბირო ოთახში გაუშვით და ვნახოთ ერთი, რა შედეგით დამთავრდება ყველაფერიო. ყოვლად პატიოსანი წინადადება იყო და აღარ უკამათიათ. ოთხი დიაკონი და ორი მასწავლებელი „იღბლის“ მხარდამჭერებად შევიდნენ ჟიურიში, „ძველი მარხილის“ ექვსი გამოუსწორებელი მოთამაშე კიდევ „მეცნიერების“ და სათათბირო ოთახში გავიდნენ.
         ორ საათში დიაკონმა პიტერსმა კაცი გამოაგზავნა მეგობართან, სამი დოლარი მასესხეო (დარბაზი აღელდა). კიდევ ორი საათიც და მასწავლებელმა მიგლსმაც გამოაგზავნა კაცი მეგობართან, პატარა „მაყუთი“ გამოგატანოსო (დარბაზი უფრო აღელდა). გავიდა კიდევ სამი-ოთხი საათი და იმ მეორე მასწავლებელმა და დანარჩენმა დიაკონებმაც იკადრეს კაცის გამოგზავნა მეგობრებთან, გვასესხეთ ერთი-ორი კაპიკიო. სასამართლო დარბაზში თავმოყრილი ხალხი კი იჯდა და იცდიდა პატიოსნად, ამ კუთხეში ამისთანა საოცარ ამბავს თავის დღეში არავინ მოსწრებია, თან ყველა ოჯახის მამა სასიცოცხლოდ იყო დაინტერესებული, ნეტა როგორ განაჩენს გამოიტანენო. ჰოდა, მოკლედ მოვჭრი. გათენებას აღარაფერი უკლდა, ჟიური რომ სათათბირო ოთახიდან გამოვიდა და დიაკონმა ჯობმა, უხუცესი ის იყო, წაიკითხა შემდეგი. განაჩენი: ჩვენ, ჟიურის წევრებმა, საქმეში კენტუკის საზოგადოება ჯონ უილერისა და სხვათა წინააღმდეგ, ყურადღებით განვიხილეთ ჩვენს ხელთ არსებული ყველა საბუთი, რამდენიმე თეორიასაც გავე-ცანით და ერთსულოვნად გადავწყვიტეთ, რომ თამაში, რომელიც ცნობილია „ძველი მარხილისა“ და „შვიდიანის“ სახელით, ნამდვილად მეცნიერული თამაშია და აზარტული. ჩვენ არა ერთხელ გადავამოწმეთ ყველაფერი და აღმოჩნდა, რომ მთელი ღამის განმავლობაში იღბლის საქმეაო, ვინც იძახდა, იმათ ერთხელ არ მისვლიათ კოზირი და ერთი ხელიც არ მოუგიათ, მაშინ როცა მოწინააღმდეგე მხარე ერთსაც და მეორესაც ხშირ-ხშირად ახერხებდა. უფრო მეტიც, ჩვენი განაჩენის მხარდასაჭერად, იმაზეც შეგვიძლია გავამახვილოთ თქვენი ყურადღება, რომ „იღბლის“ ხალხს ცენტი აღარ დარჩათ ჯიბეში, „მეცნიერების“ მომხრეები კიდევ გაკეთდნენ. ჟიურიმ კარგად აწონ-წონა ყველაფერი, „შვიდიანთან“ დაკავშირებით, „იღბლის“ თეორია ზიანის მეტს არავის არაფერს მოუტანს, სამაგიეროდ, ენით გამოუთქმელ ტანჯვას ხომ მიაყენებს და მიაყენებს და არც მის ქისას დააყრის ხეირს. „აი, ასე ჩაიწერა კენტუკის კანონთა კრებულში, „შვიდიანი“ აზარტული კი არა, მეცნიერული თამაშია და ამიტომაც კანონით არ იკრძალებაო“, - მითხრა მისტერ კ-მ, - „განაჩენმა კანონის ძალა შეიძინა და დღემდე მოქმედებს“.

ტეგები: Qwelly, იღბალი, მარკ_ტვენი, მეცნიერება, ნოველები, ტვენი

ნახვა: 266

ღონისძიებები

ბლოგ პოსტები

The second part about the DL shedding boils down

გამოაქვეყნა Megaomgchen_მ.
თარიღი: ივლისი 3, 2020.
საათი: 4:30am 0 კომენტარი

The second part about the DL shedding boils down to each snap basically being a coin flip between OL and DL and we notice those awful pitches more because they technically shouldn't be occurring but they sadly do. It wraps around to Madden 20 coins the bad coding and how OL/DL interactions have not been updated in a couple of years. Even the folks working on Madden nfl have confessed that they do not understand how they work because it's code in addition to legacy code and it is sadly…

გაგრძელება

ფეხბურთელის იდუმალი გარდაცვალება და პრემიერის ვრცელი გამოსვლა პარლამენტში

გამოაქვეყნა Giorgi_მ.
თარიღი: ივნისი 26, 2020.
საათი: 11:05pm 12 კომენტარი

      პრემიერის პარლამენტში მისვლა, ყოველთვის დღის მეისნტრიმული ამბავია და დღესაც ასე იყო - მთელი დღე, ყველა მედიასაშუალება სწორედ პრემიერის გამოსვლის გარშემო საუბრობდა, წერდა და გადმოსცემდა. ამასთანავე, ბოლო დღეების ყველაზე გაურკვეველი და მძიმე საქმე - ახალგაზრდა ფეხბურთელის გარდაცვალების საქმე.

საქართველოს და მსოფლიოს ამბები / 26 ივნისი, 2020

      კოვიდჯორჯია - მარინა ეზუგბაიას განცხადებით, კოვიდ 19-ით…

გაგრძელება

ნამდვილი მეთევზე

გამოაქვეყნა ბექა ხოჯავა_მ.
თარიღი: ივნისი 25, 2020.
საათი: 11:30am 0 კომენტარი

      თევზაობა არ არის ჰობი, ეს ავადმყოფობაა. ნამდვილი მეთევზე იმით იცნობა, როგორ ჰყვება. თუ ექვსგირვანქიანი წვერას აღწერისას ფეხზე წამოდგა, ხელები გაშალა და ოთახის მთელ სიგრძეზე გადახტა, არ ყოფილა ნამდვილი მეთევზე, მაგრამ თუ მღელვარებისგან ხმა უწყდება, ცრემლი სდის და მთელ ტანში ჟრუანტელი უვლის - ჩვენიანია. ნამდვილი მეთევზეები მარტონი არიან თავიანთ ავადმყოფობასთან, როგორც ჩინელები - ოპიუმის ჩიბუხთან. მზისა და ქაშაყის ქერცლიდან არეკლილი სინათლის…

გაგრძელება

არეული ამინდი, არეული ოპოზიცია, არეული ახალგაზრდები და გადარეული კორონა

გამოაქვეყნა Giorgi_მ.
თარიღი: ივნისი 24, 2020.
საათი: 11:00pm 2 კომენტარი

      პრემიერის მადლობით დაიწყო დღე - ამჯერად, მადლობა ლუგარის ლაბორატორიას და მის მკვლევარებს გადაუხადა. დღის მთავარი ამბავი სწორედ ესაა და მასთან ერთად, ცხადია კორონა ვირუსიც. გახმაურებულია ახალგაზრდა ფეხბურთელის გარდაცვალების იდუმალი საქმე, სადაც შესაძლო დანაშაულებებზე მიუთითებენ მოწმეები, ასევე ოპოზიციაში მაჟორიტარების გაყოფის თემა და ლიდერად მოვლენილი რურუა და მის გარშემო ეპისტოლარული ჟანრი. ცხადია, გაბუნიას საქმეც არ მიჩქმალულა. ამინდს რაც…

გაგრძელება

Qwelly World

free counters