კაჯა პუნარი. უმშვენიერეს პატარა სახლში ვცხოვრობ, რომლის ყოველ მხარეს არაჩვეულებრივი თვალსაწიერია. ჩემ წინ ჯაბალ ბალუმი, იგივე კასიუსის მთა[1] არის აღმართული. კიპროსს გავცქერი და მის მიღმა განფენილი „მარადიული ნათებით“ ვტკბები. როცა ჩვენ უკუნი ღამით ვართ გარემოცულნი, კვიპროსში დღეა. „მარადიული ნათების“ ფენომენი ადრიანემაც[2] იხილა და ივლიანე განდგომილმაც[3]. დანარჩენი სამი მხრიდან სახლი მომცრო ბორცვებს, კლდეებს, მინდვრებსა და ტყეებს გადაჰყურებს. თავად ობოლთა თავშესაფარი პატარა სამთავროს ჰგავს, სადაც ბავშვები კიდევაც მუშაობენ და საქმესაც განაგებენ. ყოველ ბავშვს რაღაც ევალება. ერთმა ღორებს უნდა მიხედოს, მეორემ - ვენახს, მესამე - სახელოსნოს. თითოეულ ბავშვს საქმე აქვს მიჩენილი უნარისა და ვითარების გათვალისწინებით.
ბავშვები ამგვარად პასუხისმგებლობას ეჩვევიან და თავდაჯერებულობას იძენენ. იმასაც სწავლობენ, რომ გადაწყვეტილებები თავად უნდა მიიღონ. ეს აღზრდის ძალიან მნიშვნელოვანი ელემენტებია.
აქაურობის მცირე ნაწილი გერმანელთა აღმოსავლურ წარმომადგენლობას ეკუთვნის, უდიდესი ნაწილი კი ქესაბელი[4] სომხებისგან აქვთ დაქირავებული. თუმცაღა წარმომადგენლობას ამ ქონების შესყიდვის უფლება აქვს. შენობები ქვეყნის ყველაზე იაფ ადგილას, სომხური მამულშია.
დღეს კვირაა. მიუხედავად იმისა, რომ აქ გრიგორიანი სომხების საკმაოდ დიდი თემი ცხოვრობს - ას ადამიანზე მეტი - რომელთა შორის ბევრი ბავშვია, მათ მღვდელი არ ჰყავთ. ბატონი კავუკდიანი ქადაგებებს თავად კითხულობს. მთხოვეს, რომ დღეს ბავშვებისთვის მოკლე სიტყვით მიმართა. გუშინდელი მოგზაურობის შემდეგ ცოტა დაღლილი ვიყავი, თანაც გამიძნელდებოდა იმ ბავშვებისთვის მიმემართა, ვისაც არ ვიცნობდი, მაგრამ დავთანხმდი. დირექტორის სახლში მოკლე ლოცვას ბატონი და ქალბატონი დემნიცები[5], ბატონი შნაიდერი[6], ალეპოდან სტუმრად ჩამოსული ინგლისელი ქალბატონი და ბატონ კავუკდიანის ორი უმშვენიერესი ქალიშვილი შემოუერთდნენ. ლოცვის შემდეგ, სახარების იგავებით შთაგონებული გავეშურეთ საკლასო ოთახისკენ, სადაც ბავშვები მელოდნენ. მათ წინაშე ანაფორით შემოსილი და გუშინდელი სახიფათო მოგზაურობის შთაბეჭდილებით აღვსილნი ვიდექი და კეთილი სამარიტელის ამბავს ვუამბობდი. ის გზა გავიხსენე, რომელზეც იესო ორი ათასი წლის წინ ლაპარაკობდა: „მიდიოდა ერთი კაცი იერუსალიმიდან იერიქონში და ყაჩაღებს ჩაუვარდა ხელში“[7]. დასკვნით ნაწილში ჩვენი თანამედროვე კეთილი სამარიტელის, ჩვენი ქველმოქმედი დირექტორის - იოჰანე ლიფსიუსის დავხატე.
საღამოს ხანს ობოლთა თავშესაფრის ბაღში, უზარმაზარ კლდეებს შორის, ერთ წყაროსთან ახლოს, რომელიც პირდაპირ მიწიდან მოედინებოდა, პატარა პურობა გვქონდა. ბავშვების სომხურად მღეროდნენ და ცეკვავდნენ. ზოგი ბედუინად იყო გადაცემული; ისეთივე ტანსაცმელი ეცვათ, როგორიც მე დამასკოში სუვენირებად ვიყიდე. დასასრულ, ინგლისელმა ქალბატონმა ბავშვებს თითო პეშვი კარამელი ჩამოურიგა და მშვენიერი კვირა დღე დასრულდა.
წიგნიდან: იერიქონის ვარდები, წმინდა გრიგოლ ფერაძე
შენიშვნა: პოსტის სათაური არ შეესაბამება წიგნის ავტორისეულ სათაურს. პოსტის სათაური არის პოსტის ავტორის მიერ თემატურად შერჩეული სათაური
[1] კასიუსის მთა (ბერძნ., არაბ., „ჯაბალ ალ-აკრა“), ადგილობრივი სახელწოდება - ჯაბალ ბალუმი, იალა დაგი - 1759 მეტრის სიმაღლის მთა სამხრეთ-დასავლეთ ანტიოქიაში, ცნობილია დაახლოებით 500 წელს წმინდა ბარლაამის მიერ აგებული მონასტრით. 1960-70-იან წლებში ანტიოქიასა და მის შემოგარენში არსებულ ქართულ ისტორიულ ძეგლებს იკვლევდა და არქეოლოგიურ გათხრებს აწარმოებდა კალიფორნიის უნივერსიტეტის პროფესორი, ქართველი ემიგრანტი ვახტანგ ჯობაძე (1917-2007)
[2] ადრიანე (76-138) - რომის იმპერატორი 117 წლიდან.
[3] ივლიანე განდგომილი (დაახლ. 331-363) - რომის იმპერატორი 361 წლიდან, იმპერატორ კონსტანტინე დიდის (280-337) ბიძაშვილი, რომელიც განუდგა ქრისტიანობას.
[4] ქესაბი - სომხური ქალაქი ჩრდილო-დასავლეთ სირიაში, კასიუსის მთის ძირში.
[5] პოლ გერჰარდ დემნიცი - იოჰანე ლიფსიუსის გერმანული აღმოსავლური მისიის გამომცემლობის თანამშრომელი.
[6] გერჰარდ შნაიდერი - იოჰანე ლიფსიუსის გერმანული აღმოსავლური მისიის თანამშრომელი.
[7] ლუკა 10, 30.
ტეგები: Qwelly, გრიგოლ_ფერაძე, დღიური, იერიქონის_ვარდები, ლიტერატურა
Welcome to
Qwelly
გამოაქვეყნა taoaxue_მ.
თარიღი: მაისი 16, 2024.
საათი: 4:00am
0 კომენტარი
0 მოწონება
The revelation sparked by the dodge roll mechanic transformed my perception of Path of Exile 2. It wasn't just another ARPG; it was a game that rewarded skillful play and tactical thinking. No longer was I merely bashing through enemies with brute force; I was dodging, weaving, and timing my movements with precision.
But the impact of the dodge roll extended beyond combat mechanics. It reshaped the entire gameplay experience, instilling a sense of agency and empowerment. Suddenly,…
გამოაქვეყნა EFTcheat_მ.
თარიღი: მაისი 14, 2024.
საათი: 8:30pm
0 კომენტარი
0 მოწონება
Foods truck catering provides a vibrant and flavorful touch to any event, but with so many solutions obtainable, picking out the suitable one can be a frightening process. Worry not! Here's a comprehensive guidebook to assist you to navigate the globe of foods truck catering and choose the ideal a single in your upcoming occasion.
Assess Your Function Requires
Before diving into the planet of foodstuff vehicles, have a minute to evaluate your…
გამოაქვეყნა taoaxue_მ.
თარიღი: მაისი 7, 2024.
საათი: 6:30am
0 კომენტარი
0 მოწონება
The world of MMORPGs is abuzz with anticipation for the upcoming release of Throne and Liberty, a captivating title from the renowned developer NCSoft. This highly anticipated game boasts a captivating world brimming with dynamic features, promising an immersive and engaging experience for players worldwide.
A World Unveiled: Early Images Offer a Glimpse into Solisium
While details surrounding Throne and Liberty remain under wraps, early images released by NCSoft offer a…
გაგრძელება
გამოაქვეყნა ლაშა_მ.
თარიღი: მაისი 5, 2024.
საათი: 2:00am
0 კომენტარი
2 მოწონება
სრულიად საქართველოს კათოლიკოს-პატრიარქის, მცხეთა-თბილისის მთავარეპისკოპოსისა და ბიჭვინთისა და ცხუმ-აფხაზეთის მიტროპოლიტის, ილია II-ის სააღდგომო ეპისტოლე
საქართველოს წმინდა მართლმადიდებელი ეკლესიის წევრთ, მკვიდრთ ივერიისა და ჩვენი ქვეყნის საზღვრებს გარეთ მცხოვრებ თანამემამულეთ:
„თქვა ... იესომ: მე ვარ აღდგომა და სიცოცხლე, ვინც მე მიწამებს, თუნდაც რომ მოკვდეს,…
© 2024 George. •