21 ივნისს (ძვ. სტ. 8 ივნისს) ქრისტეს ეკლესია იხსენებს წმინდა მოწამე თევდორე მღვდელს

თევდორე მღვდელი, წმინდათა ცხოვრება, თვენი, ივნისი, ქველი, qwelly, june

     მოწამე თევდორე ცხოვრობდა მეჩვიდმეტე საუკუნეში.ამ დროს ირან ოსმალეთის ომი იყო, მეჩვიდმეტე საუკუნის დასაწყისში ოსმალეთმა იძალა სპარსეთზე, წაართვა ქალაქი ბაღდადი, შემდგომ მიიტაცა სამცხე-საათაბაგო და იმავე წლის ივნისში ახალციხიდან შემოესია საქართველოს. ამ დროს საქართველოში მეფობდა ახალგაზრდა მეფე წმიდა ლუარსაბ II ის მცირე ამალით ცხირეთის ციხეში, თავის საზაფხულო რეზიდენციაში იმყოფებოდა. ოსმალებმა, რომლებმაც მეფის სამყოფელი იცოდნენ, გადაწყვიტეს უმოკლესი გზით შეჭრილიყვნენ შიდა ქართლში, ცხირეთის ციხეს თავს დასხმოდნენ, შეეპყროთ ლუარსაბი და ამ გზით მთელი საქართველო დაემორჩილებინათ.

     ოსმალეთი სწრაფად მოადგა საქართველოს და ქალაქ მანგლისის ახლოს გაჩერდა. მანგლისის ღვთისმშობლის ეკლესია დარბევას სასწაულებრივად გადაურჩა. ისტორიკოსი წერს: „ესევითარმა ღრუბელმა ზრქელმა და ნისლმა დაფარა იგი, ვიდრეღა პირისპირ მისა ჩავლეს ესოდენმა სიმრავლემან მეომართამან და ეკლესია იგი სოფლითურთ ვერ იხილეს“. წმიდა ლუარსაბმა არაფერი იცოდა თავდასხმის შესახებ, მტერს კი ცხირეთამდე სულ ხუთიოდე საათის სავალი რჩებოდა. მანგლისიდან მეფის საზაფხულო რეზიდენციამდე რამდენიმე გზა მიდიოდა. ოსმალებს ვერ გადაეწყვიტათ, რომელ გზას დასდგომოდნენ. მანგლისის ახლოს, სოფელ კველთაში, თათრებმა შეიპყრეს ქართველი მღვდელი, „სახელად თევდორე, პატიოსანი და მოშიში ღვთისა და ერთგული მეფისა თვისისა“. მღვდელი ეკლესიას კეტავდა, სხვებთან ერთად ტყეში გაქცევა ვერ მოესწრო, რადგან ეკლესიის განძეულობა გადამალა მტრის ხელყოფისგან. მამა თევდორეს ოსმალებმა მეგზურობის გაწევა მოსთხოვეს, წინააღმდეგ შემთხვევაში მას წამებით სიკვდილი ელოდა. „ხოლო მან, ნეტარმან ხუცესმან, აღირჩია სიკვდილი, ვიდრე განცემა მეფისა და გაწირვა საქართველოჲსა“. მღვდელმა ლაშქარი გზას ააცდინა და ცხირეთს დააშორა. დასავლეთით მიმავალი ოსმალთა ჯარი ფიქრობდა, საცაა ჩრდილოეთით გავუხვევთ და მეფეს იდუმალ დავადგებითო თავს. უგზოზე დიდი ხნის სიარულის მერე, როცა „გზასა ძნელთა და იწროთა და კლდოვანთა და სხვათა მათსა ცხენნი მრავალნი და კაცნი შთაცვივნეს კლდეთა და კაპანთა და მოსწყდეს“, ოსმალები მიხვდნენ, რომ მოტყუვდნენ. „იხილეს რა თავნი თვისნი ესრე მოცთომილნი და შეიწრებულნი, კაცთა მათ სახელოვანთა შეიპყრეს ხუცესი იგი და თავი წარკვეთეს“.

     თევდორეს თავდადებას შედეგი მოყვა, მეფე ლუარსაბმა ციხეში გამაგრება შეძლო და ლაშქარი შეკრიბა, რითიც შეძლო მუსრი გაევლო მარბიელთათვის

◄ გუშინ | დღეს | ხვალ ►

ტეგები: 21 ივნისი, June, Qwellyland, თვენი, ივნისი, ქველი

ნახვა: 699

გამოხმაურებები!

თევდორე მღვდელი, ერთი პატარა ლექსით შეგვაყვარეს სკოლაში: 

თრიალეთის ტყეში,

როცა დღეა მშვიდი,

– თევდორეე! თევდორეე!...

ტირის ერთი ჩიტი.

განა მართლა ჩიტუნაა,

სული არის სამოთხისა,

– სულო, სულო, სულეთიდან

რა განგებამ გამოგხიზნა.

RSS

ღონისძიებები

ბლოგ პოსტები

შარლ მიშელის ტრიუმფი და მელიას უგირავნობა თუ ამნისტია

გამოაქვეყნა Giorgi_მ.
თარიღი: აპრილი 20, 2021.
საათი: 11:04pm 1 კომენტარი

      უკვე მეორე დღეა რაც შეთანხმება მოხდა, დოკუმენტეს ხელი მოწერა და ქვეყანამ ამოისუნთქაო, გვინდოდა გვეთქვა. ხელმოწერის მეორე დღე პირველზე არანაკლებ ხმაურიანი იყო. მთელი დღე დოკუმენტის გარშემო დატრიალდა და ამას დაემატა ხელმოწერილით გახარებული ევროკავშირის პრეზიდენტის შარლ მიშელის ვიზიტი. სპეციალურად მისთვის დღეს პარლამენტში შეკრებაც კი მოეწყო. კოვიდპანდემია საქართველოში ასეთია - დადასტურებული შემთხვევა - 297728, ბოლო დღე-ღამეში - 1792,…

გაგრძელება

ხელმოწერის დღე!

გამოაქვეყნა Giorgi_მ.
თარიღი: აპრილი 19, 2021.
საათი: 11:00pm 1 კომენტარი

      მაშინ როდესაც ქუჩაში გააადგილება აკრძალულია, ქართულმა პოლიტიკურმა სამყარომ ისტორიული გადაწყვეტილება მიიღო - ისტოირულს ამბობენ, თორემ რეალურად, მოკინკლავე პარტიებმა ხელი მოაწერეს დამეგობრების დოკუმენტს. ოპოზიციური პარტიების ნაწილი პარლამენტში შევა. დღის ბოლოს, ხელმოწერის შემდეგ შარლ მიშელმა მოგვილოცა და ხვალ ჩამოვალო. გარეთ კი წვიმის ანონსებია - 23 აპრილამდე წვიმა, ძლიერი ქარი და სეტყვაა მოსალოდნელი. კოვიდპანდემია საქართველოში ასეთია -…

გაგრძელება

მანიპულაცია სამეფო კარის პორტრეტებით

გამოაქვეყნა Tamila Moshiashvili_მ.
თარიღი: აპრილი 18, 2021.
საათი: 10:04pm 0 კომენტარი

      აპლიკაციების ეპოქაში ცხოვრობთ. განსაკუთრებული სიმრავლე მაინც ფოტოგრაფიასა და ფოტომანიპულაციაში შეინიშნება - იმდენი გაჯეტი და აპლიკაციაა შექმნილი, რომ ძნელია გაიგო რომელი ფოტოა რეალური და ნამდვილი და რომელი გაყალბებული. ადრე თუ ფოტომასალა რამეს ნიშნავდა და დოკუმენტად გამოდგებოდა, ახლა ასე მყარი არგუმენტი აღარ არსებობს. უმრავლესობა მაინც გასართობად იყენებს ამ აპლიკაციებს და დღევანდელი ჩვენი ბლოგიც, სწორედ ამ შინაარსისაა. როგორც ცნობილი გახდა,…

გაგრძელება

შესარიგებელი ხელმოწერა, საქ. ბანკი მძევლად და უნდობლობა

გამოაქვეყნა Giorgi_მ.
თარიღი: აპრილი 16, 2021.
საათი: 11:00pm 1 კომენტარი

      დენიელსონს ტყუილად არ უწერია - მთავრობამ ხელი მოაწერა და დღის მთავარ ამბად იქცა, თუმცა ოპოზიციას უხარია, მაინც აქციებს აანონსებს. ამინდი უახლოეს დღეებში ხანმოკლე წვიმასა და ელჭექს გვპირდება. ჰესის მოწონებას გვპირდება მინისტრი და ავლაბარში ტერორიზმი გააქტიურდა. პანდემია არ დასრულებულა - კოვიდპანდემია საქართველოში ასეთია - დადასტურებული შემთხვევა - 293321, ბოლო დღე-ღამეში - 1077, გამოჯანმრთელებული - 279831, ბოლო დღე-ღამეში - 442, გარდაცვლილი -…

გაგრძელება

Qwelly World

free counters