გაერო    

მეორე მსოფლიო ომის დაწყების წინ ერთა ლიგა  ვეღარ ასრულებდა მასზე დაკისრებულ ფუნქციებს. ომის დაწყების შემდეგ გამოიკვეთა აზრი რომ უნდა შექმნილიყო ახალი ეფექტური საერთაშორისო ორგანიზაცია.ჯერ კიდევ 1941 წლის სსრკ-პოლონეთის  ერთობლივ დეკლარაციაში ამგვარი ორგანიზაციის შექმნა პრიორიტეტულად ჩაითვალა.

     წყარო1: ომის დამთავრების შემდეგ,მოკავშირე სახელმწიფოთა ამოცანა იქნება მტკიცე და სამართლიანი მშვიდობის უზრუნველყოფა. ამის მიღწევა შესაძლებელია მხოლოდ საერთაშორისო ურთიერთობათა ახალი ორგანიზაციის შექმნით. გადამწყვეტი უნდა გახდეს პატივისცემა საერტაშორისო სამართლის მიმართ და მისი დაცვა ყველა მოკავშირე სახელმწიფოს კოლექტიური შეიარაღებული ძალებით. ნაწყვეტი 1941 წლის 4 დეკემბრის სსრკ-პოლონეთის ერთობლივი დეკლარაციის მეგობრობისა და ურთიერთობის შესახებ.

     1942 წლის 1 იანვარს ვაშინგტონის დეკლარაციის მიღებით რომელსაც ხელი მოაწერა 26-მა სახელმწიფომ, ხოლო შემდგომში შეუერთდა კიდევ 21 სახელმწიფო, შეიქმნა „გაერთიანებული ერების“ სამხედრო კავშირი. კავშირის წევრი ყველა სახელმწიფო ვალდებულებას იღებდა ებრძოლა „ღერძის ბლოკის“ წინააღმდეგ და არ დაედო მასთან სეპარატისტული ხელშეკრულებები.
   

     1943 წლის 30 ოქტომბერს მოსკოვში სსრკ-ის, აშშ-ის და დიდი ბრიტანეთის მთავრობებმა ხელი მოაწერეს დეკლარაციას საყოველთაო უშიშროების ორგანიზაციის შექმნის შესახებ.

     1944 წლის დეკემბერში  პრეზიდენტმა რუზველტმა  სტალინს მისწერა საიდუმლო წერილი, რომელშიც მიმოიხილავდა  ორგანიზაციაში  ხმის მიცემის სავარაუდო სისტემას.

     1945 წლის იალტის კომფერენციამ დაამტკიცა დუმბარტონ-ოქსის გადაწყვეტილებები.
 51 სახელმწიფოს მიერ დაფუძნებული „გაეროს“ 39 სართულიანი შტაბ-ბინა მდებარეობს  ნიუ-იორკში, კუნძულ მანჰეტენის აღმოსავლეთ  მხარეს. მისი ტერიტორია(7 ჰექტარი მიწა) 2-ე მსოფლიო ომის შემდეგ შეიძინა ამერიკელმა მილიარდერმა როკფელერმა და საჩუქრად გადასცა გაეროს. გაეროს ევროპული  განყოფილების შტაბ-ბინები განთავსებულია ჟენევასა და ვენაში.

      გაეროს მთავარი ორგანოებია : გაეროს გენერალური ასამბლეა, გაეროს უშიშროების საბჭო (5 მუდმივი წევრი ვეტოს უფლებით და 10 წევრი რომელსაც გენერალური ასამბლეა  ირჩევს 2 წლის ვადით)  გაეროს ეკონომიკური და სოციალური საბჭო(54 წევრი, ირჩევს  გენერალური ასამბლეა 3 წლის ვადით) გაეროს სამეურვეო საბჭო. საერთაშორისო სასამართლო (15 მოსამართლე)

 WWW.QWELLY.COM