ინფორმაცია

მსოფლიო ისტორია

მსოფლიო ისტორია

ჯგუფი შექმნილია იმისთვის რომ ერთმანეთს გავუზიაროთ ისტორიაში მომხდარი მნიშვნელოვანი ფაქტები და ვისაუბროთ ზოგადად ისტორიაზე

საიტი: http://qwelly.com
ადგილი: მეცნიერება
წევრები: 152
უკანასკნელი აქტიურობა: ივლ. 5

ისტორია

ფორუმი

შალონ-სიურ-მარნი

ავტორი Kakha, ივლ. 5. 0 გამოხმაურება

შალონ-სიურ-მარნი. ჩვ.წ.აღ-ით 451 ატილა ჰუნის დამარცხება თავისი სამხედრო კარიერის განმავლობაში ატილა ჰუნი მხოლოდ ერთხელ, შალონ-სიურ-მარნში დამარცხდა და ეგონა, იქვე მოკვდებოდა. პოლიტიკურად შორსმჭვრეტელმა რომაელმა მხედართმთავარმა, ფლავიუს ეციუსმა ის დაინდო, მაგრამ მალე ჰუნები როგორც სამხედრო ძალა, ისტორიის კუთვნილებად იქცნენ...ატილა ჰუნმა, 434-449 წლებს შორის პერიოდში, აღმოსავლეთ იმპერიაზე წარმატებული თავდასხმების სერია განახორციელა. მან ალყაში მოაქცია კონსტანტინოპოლი, აიძულა იმპერატორი თეოდოსიუს II, მისთვის ხარკი გადაეხადა და ტერიტორიაც დაეთმო. მერე მზერა იმ დროს უკვე დასუსტებულ – დასავლეთ ევროპაზე გადაიტანა, რისი საბაბიც იმპერატორ ვალენტინიანის დის, ჰონორიას მიერ გამოგზავნილი ბეჭედი გახდა. ჰონორიას სასიყვარულო ურთიერთობა ჰქონდა თავის მოურავთან, რომელიც სიკვდილით დასაჯეს. ორსულად მყოფმა, ჰუნების მეფეს ბეჭედი გაუგზავნა და დახმარება სთხოვა. ატილამ ბეჭედი დაქორწინების შემოთავაზებად მიიღო და მზითვის სახით დასავლეთის იმპერიის ნახევარი მოითხოვა.451 წლის გაზაფხულზე, ფრანკებთან და ვანდალებთან კავშირის შეკვრის შემდეგ, ატილა დასავლეთ ევროპის შუაგულში შეიჭრა. აპრილში, 300000-დან 700000-მდე მეომრით აიღო მეცი, იავარჰყო რაიმსი, მაინცი, სტრასბურგი, კიოლნი, ვორმსი და ტრიერი. გადმოცემის თანახმად, პარიზი წმ. ჟენევიევის წყალობით გადაურჩა, რომელიც შემდგომ, ამ ქალაქის მფარველ წმინდანად გამოაცხადეს.ატილა ორლეანის მისადგომებთან შეაჩერეს. ალყაშემორტყმულ ქალაქს მიუახლოვდა რომაელთა არმია ფლავიუს ეციუსის სარდლობით; მასთან ერთად, ვესტგოთების მეფე, თეოდორიკ I იყო. პირველად ატილამ მოწინააღმდეგეზე თავდასხმების ტაქტიკას უღალატა და შალონ-სიურ-მარნის ველზე ბრძოლის გამართვა გადაწყვიტა. მოსწორებულ, გაშლილ ველზე მტერთან შებმა, ნაცადი მხედრობის წყალობით, ატილას ხელს აძლევდა.გადმოცემით, ორლეანიდან უკან დახევისას ქრისტიანი განდეგილი ატილას მიუახლოვდა და უთხრა: «შენ ხარ ღვთის რისხვა, ქრისტიანთა დასასჯელად მოვლენილი». ამ სიტყვებმა ატილას გონება დაუბინდა და მეტსახელადაც კი აიღო – მას შემდეგ თავს Flagellum Dei-ს («ღვთის რისხვას») უწოდებდა.რომაელი ეციუსის ლაშქარში ქრისტიანული შენაერთები მართლაც იყვნენ.…გაგრძელება

ტეგები: Qwelly, ბრძოლები, ისტორია

რობერტ ბოილი

ავტორი Kakha, ივნ. 29. 0 გამოხმაურება

რობერტ ბოილი (1627–1691) ბოილის კანონი: თანაბარ ტემპერატურაზე წნევა არის მოცულობის პირდაპირპროპორციული.ქრონოლოგიარობერტ ბოილმა ეტონის კოლეჯში ოთხწლიანი სწავლის შემდეგ, 1638 წელს სწავლა ჟენევაში განაგრძო. 1644 წელს დასახლდა საკუთარ მამულში, დორსეტში, რათა კვლევები ეწარმოებინა. 1654 წელს გადავიდა ოქსფორდში, სადაც შეხვდა და დაუმეგობრდა რობერტ ჰუკს. 1659 წელს ბოილმა და ჰუკმა ვაკუუმთან დაკავშირებული ექსპერიმენტები ჩაატარეს. 1662 წელს მეცნიერმა ჩამოაყალიბა თავისი ცნობილი ქიმიური კანონი – ბოილის კანონი.ბოილი დაიბადა მდიდარი კაცის ოჯახში მეთოთხმეტე შვილად ირლანდიაში, რომელიც მაშინ დიდ ბრიტანეთს ეკუთვნოდა. არისტოკრატიული განათლების მისაღებად მან ყველანაირი პრივილეგია გამოიყენა. ეტონში სწავლის შემდეგ კერძო განათლება მიიღო. 1639-დან 1644 წლამდე სწავლა ევროპაში გააგრძელა, საბოლოოდ კი ინგლისში, მემკვიდრეობით მიღებულ დორსეტის მამულში დაბრუნდა, სადაც შეძლო თავი აერიდებინა სამოქალაქო ომის ყველაზე ცუდი შედეგებისთვის, და მეცნიერულ მუშაობას შეუდგა. ოქსფორდში გადასვლისას ფილოსოფოს ჯონ ლოკთან და არქიტექტორ ქრისტოფერ რენთან ერთად ჩამოაყალიბა ექსპერიმენტული ფილოსოფიის კლუბი. აგრეთვე შეხვდა რობერტ ჰუკს, რომელიც მისი ასისტენტი გახდა და მათ შორის ნაყოფიერი თანამშრომლობა დაიწყო. თავისი ცნობილი აღმოჩენებიც სწორედ მასთან ერთად გააკეთა.ბოილის კანონიაღმოჩენების მთავარი ნაწილი იყო ბოილის კანონი (ასევე დამოუკიდებლად აღმოჩენილი ფრანგი მეცნიერის ედმ მარიოტის მიერ), რომელმაც დაამყარა პირდაპირი კავშირი ჰაერის წნევასა და გაზის მოცულობას შორის. იგი იყენებდა ვერცხლისწყალს იმისთვის, რომ J-ის მაგვარ საექსპერიმენტო მილში ჰაერი შეეყვანა.ეს შესაძლებლობას აძლევდა ჰაერის მოცულობაზე ვერცხლისწყლის დამატებით გამოწვეულ ეფექტს დაჰკვირვებოდა. მან აღმოაჩინა, რომ თუ ვერცხლისწყლის რაოდენობას (ანუ წნევას) გააორმაგებდა, ჰაერის მოცულობა ნახევრდებოდა, ხოლო გასამმაგების შედეგად, მესამედი ხდებოდა და ა. შ. კანონი ასკვნიდა, რომ თანაბარ ტემპერატურაზე წნევა და მოცულობა პირდაპირპროპორციულია.ვაკუუმის ტუმბოეს ექსპერიმენტი იყო კულმინაცია სხვა ექსპერიმენტების სერიებისა, რომლებიც მოიცავდა ჰაერს და მასზე არსებულ ეფექტს. ეს…გაგრძელება

ტეგები: ისტორია, მეცნიერები, აღმოჩენები, Qwelly

ჩან ჰენგი

ავტორი Kakha, ივნ. 24. 0 გამოხმაურება

ჩან ჰენგი (78-139)მან გამოიგონა მსოფლიოში პირველი სეისმოგრაფი, რომელსაც დაარქვა «დი დონგ ი» – «დედამიწის მოძრაობის ინსტრუმენტი».ქრონოლოგიაჩან ჰენგი დაიბადა 78 წელს ნან-იანგში, ჩინეთში. 123 წელს კალენდრის კორექტირება მოახდინა და ის სეზონებთან შესაბამისობაში მოიყვანა. 132 წელს გამოიგონა სეისმოგრაფი მიწისძვრების გასაზომად. 138 წელს მისმა მოწყობილობამ დააფიქსირა მიწისძვრა 500 კმ-ის დაშორებით.დასავლურ მეცნიერებას ხშირად მიეკუთვნება გამოგონებები, რომლებიც სხვა კულტურებში დიდი ხნით ადრე იყო აღმოჩენილი. ეს შეიძლება გამოწვეული იყო სანდო ჩანაწერების არქონით, პრობლემით, მიეგნოთ პიროვნებისთვის ან ჯგუფისთვის, ხშირად კი უბრალოდ – იგნორირებით. ამას არავითარი გამართლება არ აქვს, რადგან ჩან ჰენგის მიღწევები, მისი ნაშრომები კარგად იყო შენახული და მხოლოდ 1700 წლის შემდეგ ევროპელმა მეცნიერებმა იგივე «აღმოაჩინეს».სამყაროს შესწავლაჩანი, აღმოსავლეთ ჩინეთის ჰანის დინასტიის მეცნიერი, მრავალმხრივი დისციპლინარული ცოდნის მატარებელი პიროვნება იყო. ეს მეცნიერებებია: ასტრონომია, მათემატიკა და ლიტერატურა. მაგრამ მისი ძირითადი მიღწევა გეოგრაფიაში განხორციელდა.ჩინეთში ხშირი იყო მიწისძვრა. როგორც იმპერიის ისტორიკოსი, ის სპეციალური დავალებით გაგზავნეს ბიძგების დროისა და ადგილმდებარეობის ჩასაწერად. ჩანს სჯეროდა – მიუხედავად საყოველთაო ცრურწმენისა, რომ მიწისძვრა იყო განრისხებული ღმერთების სასჯელი, საჭირო იყო მეცნიერული მიდგომა, რათა დაფიქსირებულიყო რყევები და დინასტიას შესძლებოდა დროულად მომზადებულიყო მისთვის და მიეღო წინასწარი ზომები შედეგების აღმოსაფხვრელად. ამ მიზნით მან გამოიგონა სეისმოგრაფი, რომელსაც დაარქვა «დი დონგ ი» – «დედამიწის მოძრაობის ინსტრუმენტი».დედამიწის მოძრაობის ინსტრუმენტისეისმოგრაფი დიდი იყო, ორი მეტრის დიამეტრის, ბრინჯაოსგან დამზადებული. რვა წვრილი სპილენძის ღერო მიმაგრებული ჰქონდა ცენტრალურ ლივერს (მარტივი მოწყობილობის ხელის ტუმბო.) ერთ ბოლოში და შესაბამისი რაოდენობის დრაკონის თავებს – მეორე ბოლოში. ეს თავები კომპასის რვა მიმართულებით იყო დაყენებული (ჩრდილოეთი, ჩრდილო-აღმოსავლეთი, აღმოსავლეთი და ა.შ.) და თითოეულის პირში სპილენძის ბურთები იყო მოთავსებული. მათ ქვეშ სპილენძის…გაგრძელება

ტეგები: Qwelly, მეცნიერები, აღმოჩენები, ჩინეთი

იოჰან კეპლერი

ავტორი Kakha, მაისი 31. 0 გამოხმაურება

იოჰან კე პლერი (1571–1630)ერთ დღეს კეპლერმა «ახალი სხივი დაინახა» და აღმოაჩინა, რომ პლანეტების ორბიტები ელიფსს წარმოადგენს.ქრონოლოგია1600 წელს კეპლერი პრაღაში, საიმპერიო მათემატიკოს ტიჰო ბრაჰესთან მუშაობდა. 1601 წელს, ბრაჰეს გარდაცვალების შემდეგ, კეპლერმა მისი ადგილი დაიკავა. 1609 წელს მან გამოსცა «Astronomia Nova», სადაც შედიოდა მისი ორი კანონი პლანეტების მოძრაობის შესახებ. 1611 წელს გამოსცა «Dioptrics», რომელიც გეომეტრიული ოპტიკის დარგში პირველ ნაშრომადითვლება. 1619 წელს გამოაქვეყნა «Harmonices Mundi» – «მსოფლიოს ჰარმონია». ის შეიცავს პლანეტური მოძრაობის მესამე კანონს.გერმანელი მათემატიკოსი იოჰან კეპლერი არ არის კოპერნიკის მსგავსად ცნობილი. სწორედ ეს არის ძირითადი მიზეზი იმისა, რომ საბოლოოდ, პოლონელი ასტრონომის თეორიები ფართოდ იქნა მიღებული. კოპერნიკის მზის სისტემის ჰელიოცენტრული მოდელის თეორია ანუ იდეა მზის გარშემო პლანეტების მოძრაობის შესახებ განავითარა კეპლერმა, რომელმაც წარმოადგინა არითმეტიკული და დაკვირვებითი მტკიცებულება ამ იდეის დასამკვიდრებლად.ტიჰო ბრაჰეკეპლერი, საკუთარი წარმატებით, ვალდებულია XVI საუკუნის მეორე ნახევრის გამოჩენილი დანიელი ასტრონომის ტიჰო ბრაჰესგან. ბრაჰემ შენიშნა კეპლერის პოტენციალი მას შემდეგ, რაც წაიკითხა მისი ჩანაწერები, ტიუბინგენის უნივერსიტეტში სწავლისას. როდესაც კეპლერი იძულებული გახადეს, დაეტოვებინა მათემატიკის ლექტორის პოსტი გრაცში, ავსტრიაში, ბრაჰემ მიიწვია იგი თავის ასისტენტად პრაღაში, წმინდა რომის იმპერატორის, რუდოლფ II-ისპატრონაჟით. კეპლერმა პოსტი დაიკავა 1600 წელს და დაამყარა პროდუქტიული, თუმცა წინააღმდეგობრივი ურთიერთობა ბრაჰესთან. მათი კამათის ერთ-ერთი მიზეზი ის იყო, რომ ბრაჰე სრულიად უარყოფდა კოპერნიკის მოსაზრებას სამყაროს შესახებ, რომელსაც კეპლერი მხურვალედ ემხრობოდა. დანიელმა მეცნიერმა ჩამოაყალიბა პლანეტების მოძრაობის საკუთარი, საკმაოდ ბუნდოვანი ალტერნატიული ხედვა, რაც არასდროს უღიარებიათ. მიუხედავად იმისა, რომ შემდგომში ისტორიამ დაამტკიცა ბრაჰეს არასწორი დებულება, მისი მნიშვნელობა, როგორც ზოგადად ასტრონომიის და ცის შესანიშნავი დამკვირვებლისა, რომელიც აწარმოებდა უმაღლესი დონის ჩანაწერებს, კეპლერისთვის მნიშვნელოვანი იყო.…გაგრძელება

ტეგები: აღმოჩენები, მეცნიერები, Qwelly

გუტენბერგი

ავტორი Kakha, მაისი 24. 0 გამოხმაურება

იოჰან გუტენბერგი (1400–1468) აღმოჩენა, რომელიც მეცნიერების ისტორიაში თავისი გავლენით ციფრული სისტემის შემოღებას უტოლდება.ქრონოლოგია1420 წელს გუტენბერგი გადავიდა გერმანული მაინციდან ფრანგულ სტრასბურგში. 1450 წელს იგი დაბრუნდა მაინცში და ააწყო საბეჭდი პრესი მოძრავი შრიფტით. 1450-1456 წლებში დაბეჭდა მთელი რიგი წიგნებისა, კალენდარი და პაპის ინდულგენციები. 1456 წელს მან დაბეჭდა ცნობილი 42-ხაზიანი ბიბლია. 1456 წელსვე გახდა მაინცის არქიეპისკოპოსის კარის დიდებული.იოჰან გუტენბერგი დაიბადა და ცხოვრების უდიდესი ნაწილი გერმანულ ქალაქ მაინცში გაატარა. მისი ოჯახის წინაპრები ჭედვასა და ლითონის დამუშავებას მისდევდნენ, რაც მისთვის იდეალური საფუძველი გახდა, გრავირებისა და ოქრომჭედლობის სფეროში ემუშავა. ამუნარებმა საშუალება მისცა, დაემზადებინა პირველი ინდივიდუალური ლითონის ყალიბი, მატრიცა, რაც ბეჭდვაში მისი მიღწევების საფუძვლად იქცა. თუმცა, ხელნაკეთი საბეჭდი ბლოკების დამზადების, ხის ფირფიტებზე «მყარი» ტექსტების ამოკვეთის, საღებავის მეშვეობით ასლების გამრავლების შრომატევადი პროცესი გერმანელ გამომგონებლამდე დიდი ხნით ადრეც იყო ცნობილი პრაქტიკაში.მოძრავი შრიფტიგუტენბერგის იდეა მდგომარეობდა ლითონის ასოების დამზადებასა და მათ დროებით ჩარჩოში მოთავსებაში, საიდანაც ისინი მოიხსნებოდა, როდესაც ტექსტი ერთ მთლიან გვერდზე მოთავსდებოდა და შესაძლებელი იქნებოდა მისი გამოყენება სხვა გვერდების დასაბეჭდად. ამ ხერხთან შედარებით, მანამდე ასოები ნელა იჭრებოდა და ერთჯერადად გამოიყენებოდა, ხოლო ლითონის ასოებით აგებული ხის ფირფიტებით თეორიულად, უამრავი გვერდი შეიძლებოდა დაბეჭდილიყო იმ სიჩქარით, რაც მანამდე ტრაფარეტის დამზადებას სჭირდებოდა. ამ გამოგონებამ რევოლუცია მოახდინა ბეჭდური სიტყვის გავრცელებაში. ითვლება, რომ გუტენბერგმა 1430-იანი წლების მიწურულს, სტრასბურგში ცხოვრებისას დაიწყო ექსპერიმენტები ლითონის ასოების ჩამოსხმაში. სავარაუდოდ, 1444-სა და 1448 წლებს შორის მან საბოლოოდ სრულყო მოძრავი საბეჭდი პრესი. ცნობილია, რომ ამისთვის ნათესავისგან ისესხა ფული და 1448 წელს დაბრუნდა მაინცში, რათა დაეფინანსებინა საკუთარი საბეჭდი ბიზნესი. გამოგონება შედგებოდა გადაკეთებული, ღვინის საწური პრესისგან, რომლის ქვედა…გაგრძელება

ტეგები: გამომგონებლები, Qwelly, მეცნიერები, ისტორია

სევასტოპოლი

ავტორი Kakha, მაისი 24. 0 გამოხმაურება

სევასტოპოლი  1854-55 – ყირიმის ომის დამაგვირგვინებელი ალყაყირიმის ომით, თურქეთი, ბრიტანეთი და საფრანგეთი შეეცადნენ, სამხრეთში რუსეთის ექსპანსია შეეჩერებინათ. წარმატების გასაღებს რუსეთის შავი ზღვის ფლოტის საკვანძო პორტის – სევასტოპოლის აღება წარმოადგენდა.რუსეთი 1600-ანი წლებიდან მოყოლებული, ოსმალეთის იმპერიის ხარჯზე სამხრეთში საკუთარ სამფლობელოთა გაფართოებას ცდილობდა. ამას თურქეთთან ომების მთელი სერია მოჰყვა. 1853 წელს რუსეთს კვლავ ექსპანსიონისტური მადა გაეხსნა. მეფემ ოსმალეთის იმპერიას მისი ქვეშევრდომი მართლმადიდებელი ქრისტიანების დაცვა მოსთხოვა. მას აგრეთვე კონფლიქტი მოუვიდა საფრანგეთთან, პალესტინის საღვთო მიწაზე რუსეთის მართლმადიდებელი და რომის კათოლიკური ეკლესიების უფლებების საკითხთან დაკავშირებით. ყირიმის ომში კავალერიის შეტევები ჭარბობდა. ნამდვილ ლეგენდად დარჩა «მსუბუქი ბრიგადის» წარუმატებელი იერიში, მაშინ, როდესაც მასზე ბევრად წარმატებული «მძიმე ბრიგადის» იერიში ფაქტობრივად, მივიწყებას მიეცა.1853 წლის ივლისში რუსეთმა მდინარე დუნაის აუზში არსებული, ოსმალეთის იმპერიის პროვინციები დაიპყრო (დღეს რუმინეთის ტერიტორია). ბრიტანელებმა თურქებს დაუჭირესმხარი, რადგან ავღანეთსა და ინდოეთში რუსეთის ექსპანსიას უფრთხოდნენ, ამიტომ ფლოტი კონსტანტინოპოლისკენ დაძრეს (დღევანდელი სტამბოლი). 1853 წლის 4 ოქტომბერს თურქეთმა რუსეთს ომი გამოუცხადა. 1854 წლის 28 მარტს მას ბრიტანეთმა და საფრანგეთმა მიჰბაძეს. რუსებმა დუნაის პროვინციები დატოვეს და იქ ავსტრია შეიჭრა. მაგრამ ამან საქმეს ვეღარ უშველა, რადგან მორიგი ევროპული ომი უკვე გაჩაღებულიყო. ამ ომში ერთ მხარეს თურქეთი, ბრიტანეთი და საფრანგეთი იდგნენ, ხოლო მეორე მხარეს – რუსეთი.1854 წლის 14 სექტემბერს 50000 ბრიტანელი და ფრანგი ჯარისკაცი გადავიდა ყირიმის ნახევარკუნძულზე, რომელიც 1783 წლიდან რუსეთს ეკუთვნოდა. მათი მიზანი რუსეთის შავი ზღვის ფლოტის საკვანძო პორტის – ქალაქ სევასტოპოლის აღება იყო.რუსებმა, ალექსანდრე მენშიკოვის მეთაურობით, მდინარე ალმას სათავესთან მდებარე მაღლობი დაიკავეს და სევასტოპოლისკენ მიმავალი გზა გადაკეტეს. 20 სექტემბერს ბრიტანელებმა და ფრანგებმა, ლორდ რეგლენისა და მარშალ არმან დე სენტ-არნოს სარდლობით, მათზე შეტევა…გაგრძელება

ტეგები: ყირიმი, ომი, ისტორია, Qwelly

ლეპანტო

ავტორი Kakha, მაისი 22. 0 გამოხმაურება

ლეპანტო  1571 – თურქული ფლოტის განადგურებადიდმა საზღვაო შეტაკებამ ლეპანტოსთან დაასამარა ხმელთაშუა ზღვის აღმოსავლეთ აკვატორიიდან ქრისტიანთა ფლოტილიების განდევნის გეგმა, რომელიც თურქეთის სულთან სელიმ II-ს ჰქონდა დასახული.როდესაც ევროპა რეფორმაციისა და მის შედეგად წარმოშობილი რელიგიური ომების შედეგად დასუსტდა, თურქეთის სულთანმა სელიმ II-მ მიზნად დაისახა, კონსტანტინოპოლის დაპყრობა ხმელთაშუა ზღვის აღმოსავლეთ აკვატორიიდან ქრისტიანული ფლოტილიების განდევნით დაეგვირგვინებინა, რაც იტალიაზე გასალაშქრავად და შესაძლოა, თვით რომის დასაპყრობადაც გაუხსნიდა გზას.პირველი ნაბიჯი კვიპროსში შეჭრა იყო, რომელიც მაშინ ვენეციის სამფლობელოს წარმოადგენდა. 1570 წლის 9 სექტემბერს სულთანმა ნიკოზია დაიკავა და შემდეგ ფამაგუსტას შემოეწყო. ვენეციამ დახმარება პაპ პიუს V-ეს სთხოვა, რომელმაც თავის მხრივ, ევროპაში ყველაზე მტკიცე კათოლიკურ ქვეყანას – ესპანეთს მიმართა. ესპანეთის მეფის, ფილიპე II-ის სახელზე გაგზავნილ წერილში ის წერდა: «ჩვენმა მტრებმა, თურქებმა უდიდესი ძალისხმევის შედეგად შექმნეს უპრეცედენტოდ დიდი ფლოტი და არმია, რომელიც ძალზე ანგარიშგასაწევ ძალას წარმოადგენს». მიიჩნეოდა, რომ იმ დროს თურქული ფლოტი უდიდესი იყო მსოფლიოში. ესპანეთისა და სხვა საზღვაო სახელმწიფოების – ვენეციისა და გენუის გაერთიანებული ძალების მოქმედების შედეგად გახდა შესაძლებელი, ძლიერი თურქული საზღვაო ფლოტისთვის გადამწყვეტი დარტყმა მიეყენებინათ.პაპმა და ესპანეთმა ვენეციასა და იტალიურ სახელმწიფო გენუასთან ერთად, «წმინდა ლიგა» (კავშირი) ჩამოაყალიბეს. როგორც ვენეცია, ასევე გენუაც საზღვაო სახელმწიფო იყო და ხმელთაშუა ზღვის აღმოსავლეთ აკვატორიის ჩაკეტვა მისთვის ძალზე წამგებიანი იქნებოდა. ფილიპემ ფლოტის მეთაურად თავისი ნახევარძმა, ავსტრიელი დონ ხუანი დანიშნა. მიუხედავად იმისა, რომ მხოლოდ 25 წლის იყო, დონ ხუანს უკვე მოესწრო ხმელთაშუა ზღვაში მოქმედი მავრი მეკობრეებისა და გრანადაში არაბული წარმოშობის ქრისტიანების – მორისკების წინააღმდეგ ბრძოლისას თავის გამოჩენა. მან შექმნა ფლოტი, რომელიც სელიმისას არაფრით ჩამოუვარდებოდა. ამ ფლოტს სწრაფმავალი სამანძიანი ვენეციური გალერები შეემატა, რომლებიც კარგი შენაძენი აღმოჩნდა. როგორც ნიჩბიანი, ისე…გაგრძელება

ტეგები: Qwelly, ევროპა, თურქეთი, ომები

ვიკსბურგი

ავტორი Kakha, მაისი 21. 0 გამოხმაურება

ვიკსბურგი. 1863 – გარდატეხა აშშ-ის სამოქალაქო ომშისამოკავშირეო ძალებს ვიკსბურგის აღება რომ მოეხერხებინათ, მისისიპის აუზის გაკონტროლებასა და კონფედერაციის ორად გახლეჩას შეძლებდნენ. მაგრამ ჩრდილოეთიდან შეტევა შეუძლებელი აღმოჩნდა, ამიტომ სამოკავშირეო ჯარს მდინარე უნდა გადაელახა და მოწინააღმდეგეს ზურგიდან მისდგომოდა.ამერიკის სამოქალაქო ომში ორივე მხარე – სამოკავშირეო ჯარიცა და კონფედერატების არმიაც ვიკსბურგს (მისისიპის შტატი) როგორც ომში გამარჯვების გასაღებს, ისე განიხილავდა. ვიკსბურგი მდინარის აღმოსავლეთ ნაპირზე მდებარეობს; შუა გზაზე, ჩრდილოეთით – მემფისისგან (ტენესი), ხოლო სამხრეთით – ახალი ორლეანისგან (ლუიზიანა). 1862 წლის გაზაფხულზე ორივე ეს ქალაქი, ფორტ ჰენრისა და ფორტ დონელსონთან ერთად, სამოკავშირეო ჯარმა დაიკავა და შედეგად, კონფედერატების ხელში დარჩენილ ერთადერთ გამაგრებულ ადგილად მდინარეზე ვიკსბურგი დარჩა. ამგვარად, მისი დაცემის შემთხვევაში, მისისიპი მთლიანად სამოკავშირეო ჯარის ხელში აღმოჩნდებოდა და კონფედერაციაც ორ ნაწილად გაიხლიჩებოდა.ამასთან, ვიკსბურგს თავდაცვისთვის საუცხოო მდებარეობა ჰქონდა. ის მაღალ ციცაბო კლდეზე, მდინარის თავზე იყო გაშენებული, ჩრდილოეთ მხრიდან კი მისისიპის დაჭაობებული ტოტები ესაზღვრებოდა. კონფედერატთა არტილერიას კლდიდან, სამოკავშირეო ჯარების გემების დაბომბვა შეეძლო. 1862 წლის მაის-ივნისში მოწინააღმდეგის ჯავშნოსანი ხომალდების შემოტევაც კი მოიგერიეს.ვიკსბურგის ალყის დროს მისი კონფედერატი დამცველები გააფთრებით იბრძოდნენ და მტერს ქალაქში შესვლის ყველა გზას უჭრიდნენ. მაგრამ შიმშილისა და სნეულებათა გავრცელების შედეგად, საბოლოოდ მაინც გატყდნენ. საბრძოლო მასალების გამოლევის შემდეგ კი იძულებული გახდნენ, მოწინააღმდეგეს დანებებოდნენ.1862 წლის ოქტომბრის შუა პერიოდიდან მოყოლებული, გენერალ-მაიორი ულისე ს. გრანტი, მაშინ ტენესის ჯარის სარდალი, ვიკსბურგის აღებას რამდენიმეჯერ შეეცადა. დეკემბერში იერიში ჩრდილოეთ მხრიდან, მდინარის მოსაზღვრე დაჭაობებული ტოტებიდან განახორციელა და დიდი ზარალიც ნახა, ხოლო 1863 წლის თებერვალ-მარტში ვიკსბურგის გარშემო არხის გაჭრასა და ამით მდინარის კალაპოტის შეცვლასაც კი შეეცადა, მაგრამ ამჯერადაც გაწბილდა.საბოლოოდ, გრანტმა…გაგრძელება

ტეგები: Qwelly, ამერიკა, ისტორია

ოთხი დიდი აღმოჩენა

ავტორი Kakha, მაისი 20. 0 გამოხმაურება

ოთხი დიდი აღმოჩენაძველი ჩინეთის ოთხ დიდ აღმოჩენათა რიცხვს მიეკუთვნება ქაღალდი, ბეჭდვა, კომპასი და დენთი.ქაღალდი. ქაღალდის გამოგონებამდე ჩინელები ჯერ ბამბუკის მასალაზე წერდნენ, რომელიც ძალიან მოუხერხებელი იყო, შემდგომ კი, საწერ მასალად აბრეშუმს იყენებდნენ, რაც ძალიან ძვირი ჯდებოდა. შეიძლება ითქვას, რომ იაფი მასალის ძებნამ შეუწყო ხელი ქაღალდის გამოგონებას, თუმცა, თავდაპირველად ქაღალდიც აბრეშუმისაგან მზადდებოდა, მოგვიანებით კი, ჩინელებმა დაიწყეს მისი დამზადება მცენარის მერქნისგან, ხშირ შემთხვევაში ეს იყო ბამბუკის რტო. ქაღალდის ადრეული ნიმუშები დამზადებულია I საუკუნეში. მისი დამზადების მეთოდი ჯერ კორეასა და იაპონიაში გავრცელდა, ხოლო შემდეგ, არაბების მეშვეობით, მთელ მსოფლიოში.ბეჭდვა. ბეჭდვის გამოგონება უკავშირდება თანგის დინასტიის პერიოდს. აღსანიშნავია, რომ უძველესი ნიმუში, რომელმაც ჩვენამდე მოაღწია თარიღდება 220 წლით და ეს არის ნაბეჭდი ნაჭრის თარგები. უკვე XI საუკუნეში უბრალო მჭედელმა პი შენმა თიხის მოძრავი შრიფტით ბეჭდვის ხერხს მიაგნო, თუმცა, თიხა მტკიცე არ იყო და ტუშსაც ცუდად იღებდა. შემდეგ პერიოდში ბეჭდვა უფრო განვითარდა და გამოიგონეს ჯერ ხის, ხოლო შემდეგ ბრინჯაოს მოძრავი შრიფტები.წიგნის ბეჭდვის ტექნოლოგია ჩინეთიდან პირველად იაპონიაში გავრცელდა, ხოლო რაც შეეხება ევროპას, წიგნის ბეჭდვა აქ მხოლოდ XIV საუკუნეში დაიწყეს.კომპასი. პირველი ცნობები მაგნიტურობის შესახებ ჩინურ ლიტერატურაში გამოჩნდა ჯერ კიდევ ძვ.წ. IV საუკუნეში. ჩინელებმა პირველებმა აღმოაჩინეს მაგნიტური რკინა, ქვის მიერ რკინის მიზიდვისა და მისი პოლარიზაციის უნარი. ამ მასალას ისინი იყენებდნენ სამყაროს მხარეთა განსასაზღვრად. ასე გაჩნდა ჩინეთში კომპასი. კომპასზე დატანილი იყო როგორც სამყაროს მხარეების აღმნიშვნელი იეროგლიფები, ასევე ზოდიაქოს ნიშნებიც. ჩინეთში IX საუკუნეში მსოფლიოში პირველად შეიქმნა ხელოვნური მაგნეტიტის კომპასის ისარი. ჩინელებმაზღვაოსნობაში კომპასის გამოყენება XI–XII საუკუნეების მიჯნაზე დაიწყეს. XII საუკუნეში არაბებმა ჩინეთიდან გაიტანეს კომპასი, რომელიც სწორედ მათი მეშვეობით გახდა ცნობილი ევროპაში.დენთი. ცდებმა სხვადასხვა რეაქტივებზე, მათ შორის გოგირდსა და გვარჯილაზე, სათავე დაუდო დენთის აღმოჩენას…გაგრძელება

ტეგები: Qwelly, აღმოჩენები, ჩინეთი

აზენკური

ავტორი Kakha, მაისი 20. 0 გამოხმაურება

აზენკური. 1415 – ინგლისური მშვილდის გამარჯვებააზენკურში ინგლისელთა გამარჯვებამ ჰენრი V ეროვნულ გმირად აქცია. მას საფრანგეთის მეფის ქალიშვილს ატანდნენ ცოლად და გამჩენს მისთვის ხანგრძლივი ცხოვრება რომ ერგუნა, როგორც საფრანგეთის, ასევე ინგლისის ტახტზე ასვლას ეღირსებოდა.კრესისთან ინგლისელმა მშვილდოსნებმა ცხენზე ამხედრებული რაინდები აშკარად დაჯაბნეს. აზენკურში მათ ფრანგ ქვეით რაინდებს იმაზე უფრო მეტყველი გაკვეთილი ჩაუტარეს. ინგლისურმა მშვილდმა კვლავ დაადასტურა თავისი უპირატესობა, ამასთანავე, ინგლისელმა ქვეითებმა ისიც გვიჩვენეს, თუ რაოდენ ეფექტიანი შეიძლება იყოს ხმალი და ცული მსუბუქად შეჭურვილი მეომრის ხელში.ჰენრი V, რომელიც 1413 წლის 21 მარტს ინგლისის ტახტზე ავიდა, მის წინააღმდეგ მოწყობილი დიდი აჯანყებისა და მკვლელობის მცდელობის ობიექტად იქცა, მაგრამ ერთსაც და მეორესაც ძალზე სწრაფად გაუმკლავდა. იმისთვის, რომ ინგლისელთა ყურადღება საშინაოპრობლემებიდან სხვა ობიექტზე გადაეტანა, მან საფრანგეთის წინააღმდეგ 100 წლის წინ დამთავრებული ომი განაახლა. ედვარდ III-ისა და შავი პრინცის მიერ წარსულში მოპოვებული ტერიტორიები დაკარგული იყო და ჰენრი აკვიტანიისა და იმ მიწების დაბრუნებას მოითხოვდა, რომლებიც ინგლისს კალეში დადებული 1360 წლის ხელშეკრულებით გადაეცა. 1415 წელს მან საფრანგეთის მეფეს, შარლ VI-ეს მისი ქალიშვილის, ეკატერინე ვალუას ხელი სთხოვა და მზითვის სახით, წარსულში პლანტაგენეტთა სამფლობელო – ნორმანდია და ანჟუ მოითხოვა. შარლისგან უარის მიღების შემდეგ, ჰენრიმ მას ომი გამოუცხადა და უკვე საფრანგეთის ტახტის დაპატრონება დაისახა მიზნად.1415 წლის აგვისტოში ჰენრიმ 11000 ჯარისკაცი გადმოსხა ნორმანდიის ნაპირებზე და მომდევნო თვეს ჰარფლერი აიღო. ამასთან, ამ დროისთვის მან მეომრების თითქმის ნახევარი დაკარგა, ძირითადად – სნეულებების შედეგად. ჰენრიმ ჯარი კალესკენ დაძრა იმ იმედით, რომ იქიდან ინგლისში დაბრუნებას შეძლებდა. მაგრამ მას საფრანგეთის კონსტებლის, შარლ I დ’ალბრეს სარდლობით წამოსულმა ჯარმა გადაუკეტა გზა. თავდაპირველად ინგლისელები თავიდან იცილებდნენ მოწინააღმდეგესთან პირისპირ შეხვედრას, მაგრამ მრავალრიცხოვანმა ფრანგულმა ჯარმა საბოლოოდ ამის შესაძლებლობა მოუსპო.საშინელი ამინდი იყო, ჰენრის…გაგრძელება

ტეგები: Qwelly, ბრძოლა, ისტორია

კომენტარების დაფა

ლაშა: აპრილი 28, 2012||10:36pm

ძალიან კარგი ჯგუფია... მომწონს IDEA... :) :) :)

MI: აპრილი 24, 2014||4:52pm

 ისტორიული ჩანართები არ გამოქვეყნდება? (ჩვეულებრივი წევრის დაწერილი :) )

Kakha: აპრილი 30, 2014||11:46am

Elene  რა თქმა უნდა შესაძლებელია ჩანაწერის გამოქვეყნება :))

besik: მაისი 13, 2014||7:27am
Didebuli potoebi.:))))
Kakha: აპრილი 27, 2015||2:36pm

ფოტოები დიდებულია, და სტატიებიც მათ დიდებაზეა ))

gvantsa: ოქტომბერი 13, 2015||6:38pm

ukacravaddd shegidzliat mitxratt sad unda movidzio vrceli inpormacia bibliiss sheqmnis shesaxeb

sandrika: ოქტომბერი 26, 2016||12:55pm

ეგვიპტელები თავიანთ დროშებზე კანაფს ეროვნული უბედურების სიმბოლოდ გამოსახავდნენ.

სად მოვიძიო ეს დროშა,იქნებ ვინმემ იცით და დამეხმაროთ.

კომენტარი

თქვენ უნდა გახდეთ მსოფლიო ისტორია_ს წევრი რომ შეძლოთ კომენტარის გაკეთება!

 

წევრები (150)

 
 
 

ღონისძიებები

ბლოგ პოსტები

ვისი ფული და ვისი სახელი?!

გამოაქვეყნა Giorgi_მ.
თარიღი: ივლისი 22, 2019.
საათი: 11:21pm 0 კომენტარი

      როცა საქმე მედიას ეხება, თითქოს დანარჩენი მედიასაშალებები პირს კრავენ და მხოლოდ ერთსა და იმავე თემას აშუქებენ მეტისმეტი გაშლილობით. ცხადია, რუსთავი ორის ამბავი და ამჯერად მესაკუთრეების ისტორიები…

გაგრძელება

სათამაშო დიდები

გამოაქვეყნა Tamila Moshiashvili_მ.
თარიღი: ივლისი 21, 2019.
საათი: 11:09pm 1 კომენტარი

      ისტორიული თოჯინების სერია საკმაოდ ძველი მოფიქრებაა, ჯერ კიდევ ბარბების გამოჩენამდე არსებობდა ცნობილი პერსონების გასათამაშოების მცდელობები. ჩვენ დღევანდელ გმირს, დიტო ვონს (Dito Von)…

გაგრძელება

ილუზიური არქიტექტურა

გამოაქვეყნა Tamila Moshiashvili_მ.
თარიღი: ივლისი 20, 2019.
საათი: 4:00pm 0 კომენტარი

      მაშინ როდესაც ძალიან ბევრს ფიქრობენ ქალაქის იერსახეზე, ადგენენ რეგულაციებს, გენ-გეგმებს, გასცემებ ნებართვებს ან აჩერებენ მშენებლობებს, თუმცა ერთიანი ხაზი მაინც არ გვაქვს მოფიქრებული, ვფიქრობ,…

გაგრძელება

ყველა თავის წილს ითხოვს, IRI იკვლევს და მოსამართლეები სანთლით საძებარნი არიან

გამოაქვეყნა Giorgi_მ.
თარიღი: ივლისი 19, 2019.
საათი: 11:30pm 0 კომენტარი

      რა თმა უნდა, არ შეცვლილა ახალი ამბების მეინსტრიმი - რუსთავი ორი დღის ყველაზე პოპულარული და მედიაყურადღებიანი ობიექტია. მართალია ევროსასამართლო თავისი გადაწყვეტილება მიიღო, მაგრამ ახალი…

გაგრძელება

Qwelly World

free counters