გრიგოლ ჩხიკვაძე • Grigol Chkhikvadze

გრიგოლ ჩხიკვაძე, Grigol Chkhikvadze, changing, chant, chanters, folk, galoba, georgian chant, qwelly, ბიოგრაფია, ბიოგრაფიები, გალობა, მგალობლები, ფოლკლორი, ფონდი ქართული გალობა, ქართული გალობა, ქართული ფოლკლორი, ქველი, Tbilisi, თბილისი

     

      ცნობილი მუსიკალური მოღვაწის ზაქარია ჩხიკვაძის ვაჟი დაიბადა თბილისში. თვრამეტი წლისამ ქართული გიმნაზია დაასრულა, ხოლო თბილისის კონსერვატორია - 1927 წელს. შემდეგ მიავლინეს ლენინგრადის კონსერვატორიაში, რომელიც თეორია-კომპოზიციის განხრით დაამთავრა 1932 წელს. 1935 წელს იქვე დაასრულა საკავშირო მეცნიერებათა აკადემიის ანთროპოლოგიისა და ეთნოგრაფიის ინსტიტუტის ასპირანტურა ფოლკლორის სპეციალობით.

      ძნელია ერთგვერდიან მიმოხილვაში მიახლოებით მაინც აღიწეროს ნაყოფიერად მოღვაწე პროფესორის მიერ ჩატარებული მუშაობა. გამოვყოთ მთავარი პერიოდები მისი საქმიანობისა.

      1918-1930 წლებში თბილისის საშუალო სკოლებში სიმღერის მასწავლებლად და გუნდების ხელმძღვანელად, ხოლო მუსიკალურ ტექნიკუმში თეორიული საგნების პედაგოგად მუშაობდა. იყო საზოგადოება «შევარდენის» გუნდის ლოტბარი, ახალგაზრდა მუსიკოსთა საზოგადოების ორკესტრის წევრი (უკრავდა ჯერ ვიოლინოზე, შემდეგ - ალტზე), II მუსიკალური ტექნიკუმის დირექტორი და კონსერვატორიის პედაგოგი.

      იმუშავა ლენინგრადის რადიოსა და კლუბებში მუსიკალურ გამფორმებლად; ეთნოგრაფიულ საზოგადოებაში ჩამოყალიბებული ქართული გუნდის ხელმძღვანელად (კონცერტებს მართავდა) და ბოშათა ანსამბლის ლოტბარად (1932 წელს საბჭოთა კავშირი შემოიარა).

      იყო საქართველოს რადიოს მუსიკალურ გადაცემათა ფოლკლორის განყოფილების გამგე. 1935-1939 წლებში, პარალელურად, კონსერვატორიის პრორექტორი, შემდეგ, 1948 წლამდე, კომპოზიტორთა კავშირის პასუხისმგებელი მდივანი, მცირე ხნით - ქართული ხალხური შემოქმედების სახლის ფონოლაბორატორიისა და საექსპედიციო განყოფილების გამგე, 1941-1945 წლებში - თეატრალური ინსტიტუტის პედაგოგი, 1946 წლიდან - კონსერვატორიის პროფესორი და მუსიკალური ფოლკლორის კაბინეტის მეცნიერ-ხელმძღვანელი. 1953-1960 წლებში მეცნიერებათა აკადემიის ეთნოგრაფიის განყოფილების ფოლკლორის სექციის ხელმძღვანელია.

      მისი შემოქმედებითი მუშაობა მრავალმხრივია; შექმნა «შევარდენთა ჰიმნი», «შევარდენთა მარში», მუსიკა 8 თავისუფალი ვარჯიშისათვის. ახალგაზრდობის პერიოდშივე შექმნა ორ, სამ, ოთხმოქმედებიანი საბავშვო ოპერები. რომანსების, გუნდების, კამერული მუსიკის, საბავშვო სიმღერების ავტორია. მრავლად აქვს დამუშავებული ხალხური მუსიკა.

      დიდად პროდუქტიულია მისი სამეცნიერო მუშაობაც. ცნობილია მისი ყოველმხრივ გამართული «მუსიკის ელემეტარული თეორია», რომელიც ზედიზედ რამდენჯერმე გამოიცა; სამჯერ (1940-1956 წლებში) გამოიცა კომპოზიტორების ბიოგრაფიები. მისი მეცნიერული ნაშრომების ჩამონათვალს ერთი კარგა მოზრდილი ბროშურაც არ ეყოფა. მრავალი მისი ნაშრომი გამოიცა საზღვარგარეთ.

      მოვლილი აქვს საქართველოს მთა-ბარი; მისი ხელმძღვანელობით სხვადასხვა წლებში მეცნიერულმა ექსპედიციამ 1500-ზე მეტი სიმღერა-საგალობელი ჩაიწერა. ამის გარდა, მრავალი ნათარგმნი მუსიკლაური განძი შესძინა ქართული მუსიკის საუნჯეს.

      დაუღალავ სარედაქციო მუშაობას ეწეოდა. მრავალი წიგნი, მონოგრაფია, მუსიკალური კრებულები გამოიცა მისი რედაქტორობით, დაუღალავი შრომით.

      ავტორია ნაშრომებისა «ქართული მუსიკის ისტორია» (დასაბამიდან XIX საუკუნემდე), «ქართული მუსიკალური ფოლკლორის სახელმძღვანელო» და სხვა.

"ფონდი ქართული გალობა"

ტეგები: Qwelly, ბიოგრაფია, გალობა, თბილისი, ფოლკლორი, ქველი

ნახვა: 198

ღონისძიებები

ბლოგ პოსტები

ამბები კორონასა და არჩევნებზე

გამოაქვეყნა Giorgi_მ.
თარიღი: სექტემბერი 24, 2020.
საათი: 10:06pm 0 კომენტარი

      ორი მთავარი თემის გარშემო ტრიალებს მედია და სავარაუდოდ, ყოველგვარი წინასწარმეტყველების ნიჭის გარეშეც ცხადია, რომ მომავალშიც ასე გაგრძელდება. ერთი კორონას გაზრდილი შემთხვევები და მკურნალობის შესაძლო შეუძლებლობა და მეორე მხრივ, წინასაარჩევნო გარემო თავისი სრული სისასვსით, თუმცა შედარებით მცირე არეულობით. კორონავირუსის დადასტურებული 4399 შემთხვევაა, მათ შორის გამოჯანმრთელებული - 1705 და გარდაცვლილი - 26. 1 დოლარის ოფიციალური ფასი დღეს 3.2897…

გაგრძელება

რას უნდა ველოდოთ არჩევნების მერე?!

გამოაქვეყნა Giorgi_მ.
თარიღი: სექტემბერი 23, 2020.
საათი: 11:00pm 0 კომენტარი

      რაც უფრო ახლოვდება არჩევნები, მით უფრო მეტი ამბავი ისმის პარტიებიდან. თან, წელს ბევრს აქვს პარლამენტში მოხვედრისა და შესაბამიასდ, ფულის შოვნის შანსი (ან წინარე შანსები მაინც) და შესაბამიად გააქტიურება არ აკლია. კორონავირუსის დადასტურებული 4140 შემთხვევაა, მათ შორის გამოჯანმრთელებული - 1643 და გარდაცვლილი - 25. 1 დოლარის ოფიციალური ფასია 3.2641 ლარი ლარი, რაზეც ეროვნული ბანკი ამბობს რომ, დიდი ალბათობით, დღეს ლარი წონასწორულზე მეტად…

გაგრძელება

ასეული შემთხვევები კორონას სარბიელზე

გამოაქვეყნა Giorgi_მ.
თარიღი: სექტემბერი 22, 2020.
საათი: 11:00pm 0 კომენტარი

      მართალია არჩევნები სულ უფრო ახლოვდება და პარტიებიც მეტ ფულს ხარჯავენ ამომრჩევლებისთვის თავის მოწონებაში, მაგრამ დღის მთავარი ამბავი ასეულობით ახალი შემთხვევაა კორონა ვირუსის ორბიტაზე. კორონამ, თავისი ახალი გააქტიურებითა და განსაკუთრებული აქტივობით შესავალ ნაწილში გადმოინაცვლა, ამ დროისათვის - კორონავირუსის დადასტურებული 3913 შემთხვევაა, მათ შორის გამოჯანმრთელებული - 1574 და გარდაცვლილი - 23. დოლარის გაფრენაც გრძელდება - 1 დოლარის ოფიციალურად…

გაგრძელება

დახატული სახეები რეალური თმებით

გამოაქვეყნა Tamila Moshiashvili_მ.
თარიღი: სექტემბერი 20, 2020.
საათი: 9:07pm 0 კომენტარი

      ამას ხომ მეც მოვიფიქრებდი და გავაკეთებდი?! - ყველაზე ხშირი გაფიქრება, როდესაც რაიმე მსგავსს ვნახულობ - მარტივსა და საინტერესოს. ხელოვანი ტაილერ კლარკი (Tyler Clark) რომელიც აქამდე მხოლოდ მხატვრობით ირჩენდა თავს, ახლა ხატვასთან ერთად მინი დეკორაციების კეთებას შეუდგა. საქმე ისაა, რომ შავი გოგონების პორტრეტების ხატვით გატაცებულს ცოტა უფრო მეტის და დასამახსოვრებლის შექმნა უნდოდა - გადაწყვიტა რეალიზმი შეეძინა საკუთარი ნამუშევრებისთვის.…

გაგრძელება

Qwelly World

free counters