საპარლამენტო არჩევნები 2020 დასრულდა. ინტერნეტ უბანი დაიხურა 21:00-ზე. ინტერნეტუბნისთვის უჩვეულოდ დაბალი აქტივობა იყო, თუმცა დარღვევები არ დაფიქსირებულა - არც კოვიდის გამო იყო გარკვეული შეზღდვები, არც კარუსელი დაატრიალა ვინმემ, ვერც სიებით და აგიტაციებით მოვიდოდა ვინმე უბანზე, არც იარაღის ტრიალი - ყველაფერი ყველაზე დემოკრატიულად, გამჭვირვალედ, ადამიანის უფლებების სრული დაცვით და მშვიდობიანად ჩატარდა. რაც შეეხება შედეგებს, ხმები ასე გადანაწილდა:

      ქართული ოცნება - 40%, ნაციონალური მოძრაობა - 21%, პატრიოტთა ალიანსი - 9%, ევროპული საქართველო - 8%, გიორგი ვაშაძე - 5%, ლელომ და გირჩმა - 4-4 პროცენტი მოაგროვეს, ალეკო ელისაშვილმა და ნინო ბურჯანაძემ 2-2 პროცენტი.

      რაც შეეხება დარჩენილ პარტიებს - 1 პროცენტიანი ბარიერი გადალახა სამმა პარტიამ:

• თეთრები;
• ლეიბორისტული პარტია;
• პროგრესული საქართველო. 

      იმედს ვიტოვებთ, რომ მომავალ ტექნოლოგიურ სამყაროში, უფრო მეტი აქტივობა იქნება ჩვენს ინტერნეტ უბანზე.