სტატისტიკური ინფორმაცია მცხეთის თვითმმართველი თემის მერის არჩევნებზე | 21 ოქტომბერი, 2017

      თვითმმართველობის არჩევნები 2017 წლის ერთ-ერთი უმნიშვნელოვანესი პოლიტიკური მოვლენა იყო და წინარე დაპირისპირებების, ალიაქოთის, მრავალი დებატის მიუხედავად, ეს დღეც დადგა. 21 ოქტომბერს ჩატარდა მთელი საქართველოს მასშტაბით თვითმმართველობის არჩევნები და მათ შორის, ქალაქ მცხეთაშიც - მცხეთის მოსახლეობამ აირჩია თვითმმართველი ქალაქის მერი, ასევე მაჟორიტარი საკრებულოს წევრი და პროპორციული სიებიც შეადგინა პარტიებისთვის.

      წინამდებარე სტატისტიკური მონაცემები მხოლოდ მცხეთის მერობის კანდიდატების შედეგებს ასახავს.

      ტრადიციულად, საარჩევნო უბნები გაიხსნა დილის 8 საათზე და დაიხურა საღამოს 8 საათზე; მცხეთაში, ანუ საქართველოს N27 ოლქში სულ 45 უბანზე გაიმართა არჩევნები. ბიულეტენების მიხედვით რეგისტრირებული იყო 44 298 ადამიანი, არჩევნებზე გამოცხადდა მხოლოდ 21 146 ანუ 48%, რითაც მთელი ქვეყნის მასშტაბით დაფიქსირებულ აქტიურობას რამდენიმე პროცენტით აღემატება (იკითხეთ qwellynews).

      მართალია, საზოგადოებრივი მაუწყებლის პირაპირ ეთერში გამართულ დებატებზე მერობის მსურველი მხოლოდ 4 კანდიდატი წარსდგა მაყურებელთა წინაშე, მაგრამ ბიულეტენში იყო 8 კანდიდატი:

  • N2 ჯოყოლა ჩეგიანი - „ევროპული საქართველო“;
  • N5 სევდია უგრეხელიძე - „ნაციონალური მოძრაობა“;
  • N8 გოჩა სოყურაშვილი - „პატრიოტთა ალიანსი“;
  • N10 გიორგი სარდლიშვილი;
  • N18 ხათუნა ფართლაძე;
  • N23 ნოდარ მეცხვარიშვილი;
  • N27 თათია ჭკუასელი;
  • N41 გიორგი კაპანაძე - „ქართული ოცნება“

      არჩევნებში, ძალიან დიდი სხვაობით გაიმარჯვა ქართული ოცნების კანდიდატმა გიორგი (გოგიტა) კაპანაძემ. მან ხმების 62% მოაგროვა.

      მხოლოდ ერთადერთ, მე-18 უბანზე წააგო პატრიოტთა ალიანსის კანდიდატ, გოჩა სოყურაშვილთან 15 ხმით. ყველა სხვა უბანზე გიორგი კაპანაძემ აიღო ხმების უმრავლესობა.

      ზოგადად ხმები ასე გადანაწილდა:

      რაც შეეხება თავად ოქმებს, ხშირია ელემენტარული არითმეტიკული შეცდომები - მიღებული ხმების და გაბათილებული ბიულეტენების რაოდენობის ჯამი არ ემთხვევა ოქმში დაფიქსირებულ უბანზე მოსულ ამომრჩეველთა რაოდენობას. ამ მხრივ მნიშვნელოვან სხვაობებს ვხვდებით შემდეგ უბნებზე:

  • N2 - 10 ხმა;
  • N8 - 8 ხმა;
  • N12 - 24 ხმა;

      დანარჩენ შემთხვევაში სხვაობა არის მინიმალური 1, 2 ან 3 ხმის ოდენობით. მთლიანობაში, ამომრჩეველთა ფიქსირებული რაოდენობა არის 21 146, ხოლო ბიულეტენების დათვლის შედეგად დაჯამებული არის 21 263, ანუ სხვაობაა 117 ხმა. საინტერესოა ის ფაქტიც, რომ ბათილი ბიულეტენების საკმად დიდ ოდენობა დაფიქსირდა - 986 ხმა/ბიულეტენი იქნა ბათილად მიჩნეული.

      როგორც ცესკოს ოფიციალურ საინფორმაციო ნიუსიდან ვკითხულობთ, მთლიანობაში, N27 ოლქში, მცხეთაში არჩევნებმა მშვიდ გარემოში ჩაიარა.

დეტალური ინფორმაცია იხილეთ მიმაგრებულ EXCEL დოკუმენტში.

მომზადებულია results.cec.gov.ge-ზე გამოქვეყნებული ოქმების მიხედვით.

არჩევნების საბოლოო შედეგებით, მცხეთის მერი გახდა გიორგი (გოგიტა) კაპანაძე.


დაიბადა 1973 წლის 8 თებერვალს ქ. მცხეთაში; 1991 წელს დაამთავრა ქ. მცხეთის N1 საშუალო სკოლა; 1995 წელს - ქ. გორის სახელმწიფო სასწავლო უნივერსიტეტი ფინანსებისა და კრედიტების სპეციალობით; 19911992 წლებში მუშაობდა ქ. მცხეთის საგაასახადო ინსექციაში; 1992 წლიდან დაკავებულია ბიზნესით. ფლობს თურქულ და რუსულ ენებს.

ტეგები: Qwelly, არჩევნები, გამოკითხვები, თვითმმართველობის_არჩევნები

ნახვა: 235

ღონისძიებები

ბლოგ პოსტები

იზორიების საქმე, შეწყვეტილი გამოძიება და პრეზიდენტი ევროპის წინაშე

გამოაქვეყნა Giorgi_მ.
თარიღი: იანვარი 28, 2020.
საათი: 6:55pm 0 კომენტარი

      იანვარი დასასრულისკენ მიდის და ქვეყანა საგაზაფხულო სამზადის იწყებს - ამინდში წვიმებმა თოვლის მოლოდინი ჩაანაცვლა და ყინვაც უბრალოდ დაბალ ტემპერატურად გადაკეთდა. ქვეყანაში და მთავარი ამბავი მეგრულია - იზოროების სატელევიზიოდ გახმაურებული საქმე დღის პირველი თემაა, მეორე კი პრეზიდენტის ევროპული გამოსვლა და კრიტიკული კითხვები კოლეგებისა და თუ დეპუტატებისგან. მაჩალიკაშვილების გამოძიებაც შეწყდა. ცხადია ბოლო დღეების მთავარ თემად რჩება ჩინური ვირუსი,…

გაგრძელება

კორონავირუსი მსოფლიო მასშტაბებით და ევროსაბჭოს ქართული განხილვა

გამოაქვეყნა Giorgi_მ.
თარიღი: იანვარი 27, 2020.
საათი: 11:00pm 4 კომენტარი

      იანვრის ვირუსებმა შიდა ზამთრის ციება აღმოსავლეთიდან მოიტანეს და სიცივის ნაცვლად, ცხოველების ჭამისგან აკიდებული სასიკვდილო შხამი გაავრცელეს მსოფლიოში. ამიტომ ჩინური კორონავირუსის ამბავი დიდი ხანია გასცდა რომელიმე ქვეყნის შიდა პრობლემას. საქართველოშიც ერტ-ერთი ყველაზე აქტუალური აბავი სწორედ ამ თემას უკავშირდება, დღის მეორე თემა ამერიკასა და ევროპაში ქართული სახელმწიფოს იმიჯი და პრობლემების მათეული ხედვა-შეფასება-განხილვა…

გაგრძელება

ყინვის მოლოდინი, პოლიტიკური ტემპერატურა საკრებულოში, სასამართლოსა და ომბუდსმენთან

გამოაქვეყნა Giorgi_მ.
თარიღი: იანვარი 24, 2020.
საათი: 11:30pm 5 კომენტარი

      იანვარში ზამთარმა კუდი იმდენად მოიქნია, რამდენადაც საშინელი ყინვა, ქარი და სიცივე გაუჯდა ძვალ-რბილს, თოვლი და წყაპი არ გვაქვს. სინოპტიკოსების ინფორმაციით, 25-27 იანვარს ყინვაა მოსალოდნელი, მაღალმთაში კი ტემპერატურა -20 გრადუსამდე დაეცემაო. ტემპერატურამ ძალიან აიწია ბარში - მაღალი ტემპერატურის თემები - მაღალი ჩინის ოჯახის წევრობა, მოზარდების ზრდასრული დანაშაული, ნაცემი დეპუტატი, ძვირი რეკლამა და კონგრესმენების ახალი…

გაგრძელება

კონგრესმენის კრიტიკა, ჩინური ვირუსი და ხორავას ქუჩაზე დაპირისპირებულები

გამოაქვეყნა Giorgi_მ.
თარიღი: იანვარი 23, 2020.
საათი: 11:30pm 5 კომენტარი

      ჩვენი სწრაფვა დასავლეთისკენ იმდენად დიდია, რომ საკმარისია რომელიმე კონგრესმენმა 535_დან, რამე დაწერს ჩვენზე, მთელი დღის მეინსტრიმი სწორედ კონგრესმენის წერილს ეძღვნება - ასე იყო დღესაც, როდესაც კონგრესმენისგან კრიტიკული წერილი დავიმსახურეთ ბევრი სხვადასხვა მიმართულებით. დღის ამბებში აქტიურად დაბრუნდა სარალიძე-კალანდიების ამბები, ასევე, ავსტრალიიდან უკვე ჩინეთში გადავიდა მსოფლიო ყურადღება და ამჯერად ახლადგამოჩეკილი ვირუსის…

გაგრძელება

Qwelly World

free counters