მაგნეტიზმი, ოპტიკა, ატომის ფიზიკა

წინასიტყვაობა

     წინამდებარე სახელმძღვანელო განკუთვნილია ტექნიკური უნივერსიტეტის საინჟინრო სპეციალობის სტუდენტებისათვის. იგი წარმოადგენს ზოგადი ფიზიკის კურსის ორტომეულის მეორე ტომს და შეიცავს მაგნეტიზმის, ოპტიკისა და ატომის ფიზიკის სასწავლო პროგრამით გათვალისწინებულ საკითხებს.
       სახელმძღვანელოს დონე და სტუქტურა ისეთია, რომ სტუდენტს გაუად- ვილდეს მასზე დამოუკიდებლად მუშაობა. კურსში მოცემულია კლასიკური და თანამედროვე ფიზიკის მხოლოდ არსებითი საკითხები იმ მოცულობით, რომ სტუდენტს გამოუმუშავდეს დამოუკიდებლად აზროვნების საჭირო ჩვევა. რიგ შემთხვევებში სტუდენტებს ვთავაზობთ ზოგიერთი საკითხის დამოუკიდებლად გადაწყვეტას, რასაც, ჩვენი ვარაუდით, ბევრი მათგანი ინტერესით შეხვდება.
       წიგნში ფართოდაა გამოყენებული პეტიტის ტექსტი და სქოლიო _ სტუდენტებისათვის, რომლებიც მოისურვებენ ამა თუ იმ საკითხში უფრო ღრმად ჩაწვდომას და დამატებითი ინფორმაციის მიღებას.
       ავტორები გულწრფელ მადლობას უძღვნიან წიგნის რეცენზენტებს, ფ.მ.მ. დოქტორებს, თბილისის სახელმწიფო უნივერსიტეტის ზუსტ და საბუნების- მეტყველო მეცნიერებათა ფაკულტეტის პროფესორს ა. ბიბილაშვილს და საქართველოს ტექნიკური უნივერსიტეტის ფიზიკის დეპარტამენტის სრულ პროფესორს კ.ცხაკაიას სასარგებლო რჩევებისათვის, აგრეთვე აკადემიურ დოქტორს, ქალბატონ ლ. ჩახვაშვილს ხელნაწერის გაფორმებაში გაწეული დახმა- რებისათვის.
       საქმიანი შენიშვნები, რომლებიც ხელს შეუწყობს წიგნის შემდგომ გაუმჯობესებას, ავტორების მიერ მადლიერებით იქნება მიღებული.

ფიზიკა მეორე ტომი 1

ფიზიკა მეორე ტომი 2