სტრასბურგული გამართლების მოლოდინი, მოედანი ახალი სახელით, შვილმკვდარი მამის გამოძიება, ძიუდოისტები და ვენესუელას ყოყლოჩინობა

      დღევანდელ დღესაც ვერ გავცდით სტრასბურგის ამბავს, რადგან ბოლო დღეების ერთ-ერთი ყველაზე მნიშვნელოვანი ნიუსია და მოლოდინი საქართველოს გამართლებისა, თორემ მთელი ლეგენდები წყალში ჩაგვეყრება თუ დამნაშავედ გვცნეს. სხვა ამბავი იყო ძიუდოისტების განახლებული პროტესტი, ასევე ამერიკული თანამეგობრობა და ვარდების მოედნის ახალი სახელი (რომელსაც, ჯერ კიდევ რესპუბლიკის მოედნად იხსენიებს ხალხი).

საქართველოს და მსოფლიოს ამბები / 23 მაისი, 2018 /

      აგვისტოს ომი სტრასბურგში - სტრასბურგის სასამართლოში დღეს აგვისტოს ომის საქმეზე საბოლოო მოსმენა გაიმართა. ირაკლი კობახიძე - მთავრობამ ყველაფერი გააკეთა, რომ სტრასბურგის სასამართლოში რუსეთის წინააღმდეგ დაწყებული საქმე ჩვენი ქვეყნისთვის წარმატებული იყოს. ეკა ბესელია სტრასბურგის სასამართლოში სარჩელზე "საქართველო რუსეთის წინააღმდეგ" ობიექტურ და სამართლიან გადაწყვეტილებას ელოდება. გია ვოლსკის აზრით, სტრასბურგის სასამართლოში აგვისტოს ომის საქმეზე, ქართული მხარის მიერ მტკიცებულებების თავმოყრა რეალურად 2013 წლიდან დაიწყო. სოფო კილაძე - ვფიქრობ, სტრასბურგში კიდევ ერთხელ უნდა დადასტურდეს, რომ საქართველოს ნაწილი არის ოკუპირებული რუსეთის მიერ და დაირღვა ჩვენი მოქალაქეების უფლებები. მიხეილ ჯანელიძე - რუსეთის ფედერაციის მიერ უპატივცემულობა წარმოადგენს კონფლიქტის მოგვარების ძირითად დაბრკოლებას. გიორგი კანდელაკი - მნიშვნელოვანია, რომ სტრასბურგის გადაწყვეტილების შემდეგ მთავრობამ აღსრულებაზე ყურადღება არ მოადუნოს. ნონა წოწორია - სტრასბურგის სასამართლო დიდი გამოწვევის წინაშეა იმიტომ, რომ საქმე ძალიან კომპლექსური და რთულია. სოფიო კილაძე - სტრასბურგის სასამართლოს აქვს ძალიან მაღალი ნდობა და დიდი იმედი მაქვს, რომ სასამართლო ობიექტურ გადაწყვეტილებას მიიღებს. ზურაბ ჭიაბერაშვილი - ერთადერთი, რამაც სტრასბურგში შეიძლება ჩვენი სიმართლე დააზიანოს, დღევანდელი ხელისუფლების მიერ გაკეთებული განცხადებებია. სოზარ სუბარი - შეუძლებელია სტრასბურგის სასამართლომ მიიღოს რამე სხვა გადაწყვეტილება, თუ არა ადამიანის უფლებების დარღვევის აღიარება და აგრესორის გამტყუნება. თამარ ხულორდავა - 2008 წლის აგვისტოს ომის დროს და შემდგომ საქართველოს მოქალაქეებისადმი ჩადენილი ადამიანის უფლებების დარღვევები სწორედ რუსეთის პასუხისმგებლობაა. გია ვოლსკი - ოპონენტების მხრიდან ხინჯების ძებნა ამ პროცესში იმდენად თვალსაჩინოა, ხანდახან მიჩნდება განცდა, რომ არც გაუხარდებათ თუ სტრასბურგმა ჩვენს სასარგებლოდ მიიღო გადაწყვეტილება. ქართული მხარის ადვოკატი ადამიანის უფლებათა ევროპულ სასამართლოში - რუსეთმა, ევროსაბჭოს წევრმა ქვეყანამ, სამარცხვინო ქმედება ჩაიდინა. აკაკი ბობოხიძე - თუ სტრასბურგის სასამართლოში საქართველო დამარცხდება, ეს იქნება მხოლოდ ხელისუფლების მარცხი. სერგი კაპანაძე - ევროსასამართლოს მიერ საქართველოსთვის დადებითი გადაწყვეტილების გამოცხადების შემთხვევაში, ხელისუფლებას აღსრულებასთან დაკავშირებით დამატებით მუშაობა მოუწევს. სტრასბურგის სასამართლოში საქართველოს სახელმწიფოს ადვოკატი - რუსეთი საჯაროდ და დახურულ ფორმატში ლობირებს იმას, რომ სასამართლომ გადაწყვეტილება მოსკოვის სასარგებლოდ მიიღოს. ქეთევან ციხელაშვილი - სტრასბურგის სასამართლოში წარდგენილი გვაქვს მყარი მტკიცებულებები, რომ ევროპული კონვენციის არაერთი მუხლი დარღვეულია. რუსეთის იუსტიციის სამინისტრო - ევროპულ სასამართლოში საქართველოს მიერ წარდგენილი მტკიცებულებების უმეტესობა სუსტია - ისინი მონტაჟისა და ფალსიფიცირების ნიშნებს შეიცავენ.

      ამერიკა და საქართველო, ხელჩამორთმევაზე - საქართველოსა და აშშ-ის ეკონომიკის მინისტრების დონეზე პირველი შეხვედრა გაიმართა. დიმიტრი ქუმსიშვილი და უილბურ როსი აშშ-ის დამატებითი სავაჭრო მისიების გამართვაზე. კონგრესმენი როსკამი გიორგი კვირიკაშვილს - ჩვენ განსაკუთრებულად ვაფასებთ თქვენს ლიდერობას, მმართველობასა და მიღწეულ შედეგებს. დიმიტრი ქუმსიშვილმა უილბურ როსს საქართველოში კომერციის ოფისის რეგიონული წარმომადგენლობის გახსნა შესთავაზა. დიმიტრი ქუმსიშვილმა უილბურ როსთან შეხვედრაზე საქართველოზე გამავალი სატრანზიტო დერეფნის განვითარების საკითხი დააყენა. სავალუტო ფონდის მმართველი დირექტორის მოადგილე - საქართველოს ძალიან კარგი შედეგები აქვს ეკონომიკური ზრდისა და რეფორმების მიმართულებით. ლინდსი გრემი - საქართველო არის ერთადერთი ქვეყანა რუსეთის სამეზობლოში, რომელიც მკაფიოდ დასავლური პოლიტიკის გამტარებელია და ამავდროულად, ამას ახორციელებს უაღრესად გონივრულად და რაციონალურად. დიმიტრი ქუმსიშვილი - საერთაშორისო სავალუტო ფონდი საკრედიტო-საგარანტიო ფონდის შექმნის მიმართულებით ჩვენთან ერთად იმუშავებს. სენატორები - აშშ-ის საკანონმდებლო ორგანოს დღის წესრიგში საქართველოს მნიშვნელოვანი ადგილი უკავია. გიორგი კვირიკაშვილი - ჩვენი კულტურა ევროპულია ამერიკული ელფერით, ჩვენი მსოფლმხედველობა დასავლური და ტრანსატლანტიკურია. პრემიერი - ჩვენ ბევრს ვითვისებთ და ბევრს ვუზიარებთ ჩვენ გარშემო მყოფთ, მაგრამ ამავე დროს, ვინარჩუნებთ ჩვენს ქართულ და დასავლურ უნიკალურობასაც. გიორგი კვირიკაშვილი - ამერიკასთან სტრატეგიული პარტნიორობა საქართველოსთვის დიდი პატივია.

      ამჟამინდელი და შემდეგი პრეზიდენტი?! - ირაკლი კობახიძე - დარწმუნებული ვარ, ჩვენი შემდეგი პრეზიდენტი აუცილებლად იქნება ინტელექტუალი, შესაბამისი ერუდიციით, განათლებით და მაღალი კულტურით. ირაკლი კობახიძე - ოთხჯერ მეტი ხარჯი ნიშნავს იმას, რომ როდესაც პრეზიდენტი საუბრობს ცარიელ მაცივარზე, ეს არის, რეალურად, ნიანგის ცრემლები და მარტივი პოპულიზმი. გიორგი მარგველაშვილი - მნიშვნელოვანია, მომავალი თაობა აქტიურად ფიქრობდეს ქვეყნის მომავალზე.

      ნარკოტიკები - ირაკლი კობახიძე - მმართველ გუნდში ნარკოპოლიტიკაზე პოზიციების დაახლოებას მნიშვნელოვნად შეუწყო ხელი იმან, რომ დისკუსია ბიძინა ივანიშვილის მიერ წარიმართებოდა.

      ფრესკების დაზიანება ჩვენს დროში - დავით გარეჯის სამონასტრო კომპლექსის ტერიტორიაზე უნიკალური ფრესკები დააზიანეს.

      ბრწყინვალე ოლიმპიელები - საქართველოს პრეზიდენტმა 23 ოლიმპიური ჩემპიონი რწყინვალების საპრეზიდენტო ორდენით დააჯილდოვა.

      გადარქმეული მოედანი - “ვარდების რევოლუციის მოედნისთვის” სახელის გადარქმევის საკითხი დღეს თბილისის საკრებულოს სიმბოლიკისა და სახელდების კომისიამ ხელახლა განიხილა. საკრებულოს სახელდებისა და სიმბოლიკის კომისიამ „ვარდების მოედნისთვის“ პირველი რესპუბლიკის სახელის მინიჭების საკითხს დადებითი რეკომენდაცია მისცა. გოკა გაბაშვილი „ვარდების მოედნისთვის“ სახელის შეცვლაზე - გამოსვლა ისეთი ინიციატივით, რომელიც შეურაცხყოფას აყენებს ასიათასობით ადამიანს, დაუშვებელია. ირაკლი ზარქუა - „ვარდების რევოლუცია“ თავისი მნიშვნელობით ერთ–ერთი გარდამტეხი იყო, მაგრამ უნდა ერქვას თუ არა ეს სახელი მთავარ მოედანს, თაობებმა უნდა შეაფასონ და არა პოლიტიკურმა პარტიამ.

      ხორავას მკვლელობა და გამომძიებელი მამა - ხორავას ქუჩაზე მოკლული მოზარდის მამა დღეს, "ღია პლატფორმაში" შემავალი პარტიების წარმომადგენლებს შეხვდა. ზაზა სარალიძე - საპროტესტო აქციებსაც ვგეგმავთ და მაქსიმალურად მივიყვანთ ჭეშმარიტებამდე ამ მარაზმს. ზაზა სარალიძე - პროკურატურა ცდილობს ჩემ დისკრედიტაციას, იქიდან გამომდინარე, რომ დიდ წინააღმდეგობას ვუწევ. ზაზა სარალიძე - 2 დეკემბერს ჩემს შვილთან ერთად მოვკვდი და მკვდარი მეორედ არ კვდება. ადამიანის უფლებათა ცენტრი - მოვუწოდებთ პროკურატურას, ხორავას ქუჩაზე მოკლული ახალგაზრდების საქმეზე ახალი ფაქტები შეისწავლოს.

      გაჩეხილი ბუნება - გორში, ატენის ხეობაში ხე-ტყის უკანონოდ მოპოვებისა და ტრანსპორტირების ფაქტი გამოავლინეს.

      გაფიცვის უუფლებობა - ომბუდსმენი - სასამართლოს გადაწყვეტილება, რომლითაც მეტროს მემანქანეებს გაფიცვის უფლება შეეზღუდათ, საშიში პრეცედენტია.

      მერია, ქალაქი, ტენდერი, ტრანსპორტი და სხვა საქალაქო ნიუსები - დავით მესხიშვილი - ეჭვი მაქვს, რომ მერიის მიერ ტენდერის მოთხოვნები ისე იყო შედგენილი, როგორი ავტობუსებიც უბრალოდ წარმოებაში არ არის და რაღაც სხვა გეგმა აქვთ. კახა კალაძე - ამ ეტაპზე არ არის არანაირი შესაძლებლობა, რომ მეტროს მემანქანეების ხელფასები, რომელიც 1400-დან 2000 ლარამდე მერყეობს, 45%-ით გავზარდოთ - ეს გამორიცხულია. კახა კალაძე - მერია საზოგადოებრივ ტრანსპორტში გადახდის ერთიანი სისტემის დანერგვაზე მუშაობს.

      ძიუდოისტები პროტესტი - ძიუდოისტები მთავრობის ადმინისტრაციასთან საპროტესტო აქციის გამართვას გეგმავენ. შოთა ხაბარელი - სპორტსმენების არგუმენტები არის იმის საფუძველი, რომ ძიუდოს ფედერაციის პრეზიდენტი გადადგეს. დავით ქევხიშვილი - ეს უკვე ზღვარგადასული საქციელია, რომელიც არანაირად ჯდება ძიუდოს ინტერესებში. ძიუდოს ფედერაციის ვიცე-პრეზიდენტი ცეზარ ჩოჩელი - სპორტსმენებს ვთავაზობ ყველა პრობლემის მოგვარებას, თუმცა, ისინი ქევხიშვილის გადადგომას მოითხოვენ. ძიუდოისტი ზებედა რეხვიაშვილი - ცეზარ ჩოჩელთან რამდენიმე დღის წინ გვქონდა შეხვედრა, იყო რაღაც შემოთავაზებები, თუმცა ისინი განხილვადაც არ ღირდა.

      ჩეხური მხარდაჭერა - ჩეხეთის პარლამენტის სენატის ვიცე-პრეზიდენტი - მხარს ვუჭერთ საქართველოს ძალისხმევას გახდეს ევროკავშირისა და ნატო-ს წევრი.

      ბასიანი გაიხსნა - შსს - კლუბ „ბასიანისთვის“ ლუქის მოხსნის პროცედურა მიმდინარეობდა. „ბასიანის" დამფუძნებლები ტატო გეთია და ზვიად გელბახიანი კლუბში შეუშვეს. კახა კალაძე - მივესალმები იმას, რომ კლუბი "ბასიანი" ჩვეულ რეჟიმში გააგრძელებს მუშაობას, საფრთხის წინაშე არასდროს მდგარა ის, რომ კლუბი დაიხურებოდა. "ბასიანის" დამფუძნებლების ინფორმაციით, პირველადი დათვალიერების შედეგად, კლუბში დაზიანებული არაფერი არ არის.

      აუდიტის სამსახურის ანგარიშის თანახმად, ქვეყანაში ჰაერის დაბინძურების 71% ავტოსატრანსპორტო საშუალებებზე მოდის.

საზღვარგარეთულები:

      მკარი ვენესუელა - ვენესუელას პრეზიდენტი ქვეყნიდან აშშ-ს მაღალი რანგის დიპლომატებს აძევებს. ევროკავშირი ვენესუელას წინააღმდეგ სანქციების დაწესების შესაძლებლობას განიხილავს. მარია ზახაროვა - მოსკოვი ვენესუელასთვის სანქციების დაწესებას ეწინააღმდეგება. დიდი შვიდეულისა და ევროკავშირის ლიდერები ვენესუელაში ჩატარებული საპრეზიდენტო არჩევნების შედეგებს არ ცნობენ.

      ბოიკოტი რუსეთ - Human Rights Watch მსოფლიო ლიდერებს მოუწოდებს, მოსკოვში ფეხბურთის მსოფლიო ჩემპიონატის გახსნის მატჩს ბოიკოტი გამოუცხადონ.

      ირანის პრობლემა - ირანის საგარეო საქმეთა მინისტრმა ირანთან დაკავშირებით აშშ-ს სახელმწიფო მდივნის განცხადებას „ცრუ და მოძველებულ პოლიტიკურ მიდგომებზე დამყარებული“ უწოდა.

      ჯანდაბა ევროკავშირს - ისრაელის ინფრასტრუქტურისა და ენერგეტიკის მინისტრი - ჯანდაბაში წასულა ევროკავშირი.

      პოზიტიური თანამშრომლობა - სომხეთის პრეზიდენტი - სომხეთსა და საქართველოს შორის ურთიერთობები პოზიტიურია, ჩვენ თანამშრომლობის დიდი პოტენციალი გვაქვს.

წყაროები: ქართული ინტერნეტ საინფორმაციო პორტალები

◄ წინადღის ამბები მომდევნო დღე ►

ნახვა: 191

ტეგები: qwellynews, ბლოგი, მაისი, ნიუსები, სიახლეები

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

აქტიური თავმჯდომარე, პირომანი მოზარდის საქმე და სხვ.

გამოაქვეყნა Giorgi_მ.
თარიღი: მარტი 28, 2024.
საათი: 11:35pm 0 კომენტარი

ევროპულ მუნდიალზე საქართველოს ეროვნული ნაკრების საგზურის მიღების შემდეგ, ქვეყანა ნელ-ნელა გამოერკვია სიხარულის ემოციიდან და როგორც იქნა ცხოვრება ძველ კალაპოტს დაუბრუნდა. ჯერ კიდევ პენალტების, გოლების, ემოციების, ჟივილ-ხივლის პერიოდია, მაგრამ დღის ამბები, ასე თუ ისე მოგროვდა ნიუს-მწერლებში. აქტიური იყო შალვა პაპუაშვილის მრავალმხრივი კომენტარები და ინტერვიუები, მათ შორის საკონსტიტუციო ცვლილებებზე და სასამართლო…

გაგრძელება

Dive In to the Beat: An Introduction to Hearing Rap Audio

გამოაქვეყნა EFTcheat_მ.
თარიღი: მარტი 28, 2024.
საათი: 4:30am 0 კომენტარი







Rap tunes, with its infectious beats, poetic lyrics, and charming storytelling, happens to be a dominant pressure within the audio business and a cultural phenomenon throughout the world. From its humble beginnings from the streets of New York City to its latest standing as a worldwide genre influencing vogue, language, and social actions, rap has progressed into a diverse and dynamic art type embraced by hundreds of thousands. For anyone who is new to rap or seeking to…

გაგრძელება

Study Recombinant Protein Creation

გამოაქვეყნა EFTcheat_მ.
თარიღი: მარტი 27, 2024.
საათი: 12:00am 0 კომენტარი







Proteins tend to be the workhorse molecules that generate nearly each Organic program. Using the escalating recognition of the purpose of proteins in numerous investigate and production things to do, basically isolating them from their natural host cells are unable to meet the escalating need of the market. Chemical synthesis can be not a practical option for this endeavor a result of the size and complexity of proteins. As a substitute, the developments manufactured…

გაგრძელება

Gradient Media in Biomedical Investigate

გამოაქვეყნა EFTcheat_მ.
თარიღი: მარტი 26, 2024.
საათი: 11:30pm 0 კომენტარი







In the realm of biomedical study, the quest for precise separation and isolation methods has led scientists to explore revolutionary solutions. Among these, Axis-Protect Density Gradient Media stands out to be a formidable Device, revolutionizing the best way we isolate cells, organelles, and particles in various applications starting from medical diagnostics to standard analysis.



Density gradient centrifugation has extended been a cornerstone system in Organic…

გაგრძელება

Qwelly World

free counters