ხუთქალაქა საქართველო, კალაძე მერად, კონსტიტუცია და მუხთარლი

      ახალი კვირის დასაწყისი, მძიმე სამუშაოს და ბევრ სიახლეს გულისხმობს, თუმცა ზაფხულის მოსვლასთან ერთად, სამუშაო პროცესიც უფრო ზანტი ხდება. მესამე კვირას ვიწყებთ #qwellynews-ებით და ტრადიციულად, დღესაც:

საქართველოს და მსოფლიოს ამბები /5 ივნისი, 2017/

      სიცხე ვახსენეთ და დღეს სინოპტიკოსები 30 გრადუს დახრუკვას გვპირდებოდნენ - 5-8 ივნისს საქართველოში ჰაერის ტემპერატურა 30 გრადუსს გადააჭარბებს.

      როგორც ხდება ხოლმე, პატრიარქის ლოცვა-კურთხევები ინტერნეტში ელვის სისწრაფით ვრცელდება: გუშინდელი წირვის ქადაგებიდან - ილია მეორე - ჩვენ როცა გვიჭირდა, ვლოცულობდით “მოწყალებისა კარი განგვიღენ”, ახლაც გეძლევათ ლოცვა-კურთხევა, დღეში რამდენიმეჯერ ვთხოვოთ დახმარება ღვთისმშობელს.

      როგორც ჩანს, აზერბაიჯანელი ჟურნალისტის ამბავი მარტივად არ ჩაიფარცხება - სერგო რატიანი - აფგან მუხთარლის საქმე არის სამარცხვინო საქმე, რომელიც საქართველოს ხელისუფლებას დაემართა. არჩილ თალაკვაძე - მტკიცედ მჯერა, რომ საქართველოს ხელისუფლება აფგან მუხთარლის ინციდენტში არანაირი სახით არ იყო ჩართული. აფგან მუხთარლის ქართველი ადვოკატმა საქმის გამოძიების მოთხოვნით დღეს პროკურატურას მიმართა. მარიამ ჯაში - აფგან მუხთარლის საქმის დროულად და ეფექტურად გამოძიება პირველ რიგში საქართველოს ხელისუფლების ინტერესებშია. ფედერიკა მოგერინის ოფისი - აზერბაიჯანის მოქალაქეების გატაცება და უკანონოდ დაკავება, სწრაფ, სიღრმისეულ და გამჭვირვალე გამოძიებას მოითხოვს. ალექსანდრე ჯეჯელავა - აზერბაიჯანელი ჟურნალისტის საქმეს დეტალებში არ ვიცნობ, თუმცა ვიცი, რომ შსს და პროკურატურა მაქსიმალურად კონცენტრირებული არიან. ნატა ძველიშვილი - ევროკავშირის ელჩი იზიარებს ჩვენს შეშფოთებას აფგან მუხთარლის საქმესთან დაკავშირებით. ადვოკატი - საქართველო აფგან მუხთარლის დაბრუნებას ვერ მოითხოვს. აფგან მუხთარლის ადვოკატებმა მთავარი პროკურატურის მიერ საქმის გამოძიების მოთხოვნით ირაკლი შოთაძეს მიმართეს. აზერბაიჯანელი ჟურნალისტის მეუღლე - საქართველოს მოქალაქეობა აფგანს უფრო სჭირდება, ვიდრე მე, მე საქართველოში დარჩენას ვაპირებ, რათა თვალყური მივადევნო ჩემი მეუღლის საქმეს. აფგან მუხთარლის ადვოკატს ბაქოს იზოლატორში დაკავებული ჟურნალისტის მონახულების უფლება არ მისცეს. იან კელი აფგან მუხთარლის საქმეზე - ჩვენ ახლო კონტაქტში ვართ მთავრობასთან, ის საკითხის სერიოზულობას აცნობიერებს. აფგან მუხთარლის მეუღლესა და შვილს დაცვა დაენიშნა.

      ვთმობთ და ვერც ვთმობთ ამ თვითმმართველ ქალაქებს - 7 ქალაქის გაუქმების საკითხზე პარლამენტში დღეს, არასამთავრობოებთან შეხვედრა გაიმართა. თვითმმართველი ქალაქების საკითხზე ირაკლი კობახიძე და ზურაბ ალავიძე არასამთავრობოებს ხვდებიან. ირაკლი კობახიძე - 3 წლის წინ, მე პირადად თვითმმართველი ერთეულების დაყოფის წინააღმდეგი ვიყავი. ზურაბ ალავიძე - მოსახლეობამ დეცენტრალიზაციის სიკეთეები რომ იგრძნოს, საჭიროა ადგილზე უკეთესი მმართველობა. ზვიად დევდარიანი - ძალიან სუსტია არგუმენტაცია, რომელიც მმართველ გუნდს მოაქვს ზოგიერთი თვითმმართველი ქალაქისთვის სტატუსის გაუქმების საკითხზე. ლაშა დამენია - ადგილობრივი თვითმმართველობის ე.წ. რეფორმას მოსახლეობისთვის გაუარესება მოაქვს. ირაკლი კობახიძე - არგუმენტი, რომ გაერთიანების შემთხვევაში ქალაქები დასუსტდება, სოციალურ-ეკონომიკურ დასაბუთებას აბსოლუტურად მოკლებულია. „საერთაშორისო გამჭვირვალობა - საქართველო“ - არგუმენტები, რითაც ხელისუფლება ამართლებს თვითმმართველობების გაუქმებას, მიუღებელია. ზვიად დევდარიანი - თვითმმართველი ქალაქების სტატუსების გაუქმება აუცილებლად აისახება ადგილობრივი დემოკრატიის ხარისხზე. რომ შევაჯეროთ ეს თემა - ახალი პროექტით, თვითმმართველი ქალაქის სტატუსი მხოლოდ თბილისს, რუსთავს, ქუთაისს, ფოთს და ბათუმს ექნება.

      განათლების მინისტრს, ვიცეპრემიერობა რომ შეუთავსეს, ბევრ რამეზე უწევს პასუხის გაცემა, მაგალითად - ალექსანდრე ჯეჯელავა - გიორგი ბადაშვილის მიერ თანამდებობის დატოვება დაკავშირებულია ფინანსური პოლიციის პირდაპირი ამოცანების შესრულება-არ შესრულებასთან. ფინანსთა სამინისტროს საგამოძიებო სამსახურის უფროსის გიორგი ბადაშვილის სხვა თანამდებობაზე გადასვლის საკითხზე განცხადება დღეს გაკეთდა. ერთდროს მრჩეველი და ანალიტიკოსი - გია ხუხაშვილი - ინტერეს ჯგუფებს შორის დაწყებულია დომინირებისთვის ბრძოლა, თუმცა პრობლემას ჩოხელი-ბადაშვილის გათავისუფლებით არ მოევლება. ნიკა რურუა ბადაშვილის გათავისუფლებაზე - „ერთი ბარტყის გადმოგდება“ მახინჯ, კორუმპირებულ სისტემას ვერ შეცვლის. ალექსანდრე ჯეჯელავა გიორგი ბადაშვილზე - სავარაუდოდ, უკეთესს სთავაზობენ ან არ სთავაზობენ. ეკა ბესელიას ინფორმაციით, გიორგი ბადაშვილი ძალოვანი უწყების სისტემაში გააგრძელებს საქმიანობას. სოსო ცისკარიშვილი - საგამოძიებო სამსახურში საკადრო ცვლილებები ოთარ ფარცხალაძესთან დაკავშირებული კადრების გადამალვის მცდელობას ჰგავს. მთავარ პროკურატურაში გიორგი ბადაშვილის ირაკლი შოთაძის მოადგილედ შესაძლო დანიშვნის თაობაზე ინფორმაციას არ ფლობენ.

      ნაციონალებმა, გასათავისუფლებელთა სიებს, განათლების მინისტრიც შეჰმატეს - „ნაციონალური მოძრაობა“ პრემიერს გიორგი მღებრიშვილის, ვახტანგ გომელაურისა და ალექსანდრე ჯეჯელავას თანამდებობიდან გათავისუფლებისკენ მოუწოდებს.

      თუმცა, ჯეჯელავა კვლავ ვიცე-პრემიერობს და ოცნების გუნდის სახელით საუბრობს - ალექსანდრე ჯეჯელავა - ჩვენი გუნდისთვის კახა კალაძე თბილისის მერობისთვის ერთ-ერთი საუკეთესო კანდიდატია. მერობაზე კვლავ კობახიძეს ეკითხებიან და სულ ამას პასუხობს ეს კაცი - ირაკლი კობახიძის ინფორმაციით, თბილისის მერობის კანდიდატთან დაკავშირებით გადაწვეტილების მიღება უახლოეს მომავალში მოხდება. ზურაბ ალავიძე - კახა კალაძე თბილისის მერობის უალტერნატივო კანდიდატია. გია ვოლსკი - თბილისის მერად კახა კალაძის წარდგენასთან დაკავშირებით გუნდში პოზიტიური განწყობაა. კიდევ ერთი ლაიქი კალაძეს - დიმიტრი ხუნდაძე - თბილისის მერობის კანდიდატად კახა კალაძის წარდგენას, გუნდის უდიდესი უმრავლესობა პოზიტიურად შეხვდა.

      როგორც იქნა, განათლების მინისტრს, თავის სფეროდანაც დაუსვეს შეკითხვა და მან უპასუხა - ალექსანდრე ჯეჯელავა - ჩვენ გვინდა, რომ სასკოლო ექსკურსიებმა გასვლითი გაკვეთილის ფორმა მიიღოს.

      ამ ბლოკში სულ ირაკლი და მისი პარლამენტი - პარლამენტი საკონტიტუციო პროექტის განხილვებს იწყებს. ირაკლი კობახიძე - კონსტიტუციის პროექტი სახალხო განხილვების შედეგებისა და ვენეციის კომისიის რეკომენდაციების გათვალისწინებით, გადაისინჯება. ისევ თავმჯდომარე, რომელიც ადასტურებს, რომ ე.წ. გადაუნაწილებელ მანდატებთან“ დაკავშირებით “ზედა ჭერის“ განსაზღვრის საკითხი განიხილება. ირაკლი კობახიძე - პროპორციულ საარჩევნო სისტემაზე გადასვლასთან დაკავშირებით უმრავლესობის შიგნით არის სერიოზული წინააღმდეგობა. ირაკლი კობახიძე - პრეზიდენტის გეგმა საკონსტიტუციო რეფორმის წინააღმდეგ შედგა - არა წარმატებულად, მაგრამ მაინც განხორციელდა. ირაკლი კობახიძე გადასახადებთან დაკავშირებით რეფერენდუმის ჩატარების საკონსტიტუციო ნორმის შეცვლას არ გამორიცხავს. ირაკლი კობახიძის განცხადებით, სასოფლო-სამეურნეო მიწების საკითხთან დაკავშირებით საკონსტიტუციო პროექტში ცვლილებები შევა. სამხედრო სავალდებულო სამსახური საქართველოს კონსტიტუციით აღარ იქნება განსაზღვრული.

      სულ რომ ირაკლი კობახიძე არ ვალაპაროთ, გიორგი აბაშიშვილსაც მოვუსმინოთ - დადასტურდა, რომ საკონსტიტუციო კომისიის სულისკვეთება იყო ანგარიშსწორება ერთ კონკრეტულ პოლიტიკოსზე - პრეზიდენტ მარგველაშვილზე. და მერე ისევ კობახიძემ უპასუხა - ირაკლი კობახიძე - პრეზიდენტის და მისი ადმინისტრაციის წარმომადგენლების განცხადებებზე კომენტარებს აღარ გავაკეთებ.

      იუსტიციის საბჭოს შესახებ ვწერდით გასულ კვირასიც, ახლა კი გეტყვით, რომ იუსტიციის უმაღლესი საბჭო დღეს რამდენიმე სასამართლოს თავმჯდომარეს აირჩევს. მაგრამ საიას იუსტიციის უმაღლესი საბჭოს მიერ სასამართლოების თავმჯდომარეების არჩევის საკითხთან დაკავშირებით კითხვები აქვს. იუსტიციის უმაღლესმა საბჭომ 11 რაიონში სასამართლოს თავმჯდომარეები დანიშნა.

      გუშინდელი ამბების გაგრძელება: თავდაცვის სამინისტრო - ავღანეთში „მტკიცე მხარდაჭერის“ სამშვიდობო მისიაში მონაწილე ქართული კონტინგენტის რაოდენობის შემცირება არ იგეგმება. იან კელი - საქართველოს მთავრობიდან არ მომისმენია, რომ ისინი აპირებდნენ ავღანეთში კონტინგენტის შემცირებას.

      ამდენი ვწერე კალაძეზე და ამჟამინდელი მერის ამბავს არ იკითხავთ? - დავით ნარმანია - ძალიან საინტერესო გადაწყვეტილებებს ველოდებით, მათ შორის ჩემთან დაკავშირებით.

      საშინელება: ავტომაგისტრალის შიდა ქართლის მონაკვეთზე გუშინ საღამოს მომხდარი სამი ავტოსაგზაო შემთხვევის შედეგად ოთხი ადამიანი დაიღუპა, მათ შორის 8 თვის ორსული.

      ისევ პროტესტი და ისევ ნაციონალებისგან - „ნაციონალური მოძრაობა“ ქუთაისში, ბუხაიძის ქუჩაზე კაფე-ბარის მშენებლობას აპროტესტებს.

თითოწინადადებინი სიახლეები:

      იუვენტუსმა კი წააგო, მაგრამ ჩვენ მოვიგებთ - ვლადიმირ ვაისი - ჩვენი მიზანი მოლდოვასთან მატჩში სამი ქულის მოპოვებაა, სხვა ნებისმიერი შედეგი მიუღებელი იქნება.

      იანვარ-მაისში საქართველოდან 41 ქვეყანაში ექსპორტირებულია 24,75 მლნ ბოთლი ღვინო, რაც 64%-ით აღემატება გასული წლის ანალოგიურ მონაცემებს.

      იზევ ზრდა გვაქვს - „საქსტატი“ - ბიზნეს სექტორის ბრუნვის მოცულობა პირველ კვარტალში 19,1%-ით გაიზარდა და 15,2 მილიარდი ლარი შეადგინა.

      სახალხო დამცველმა მთავრობას კერძო და საჯარო სექტორში დასაქმებულ შშმ პირებს შორის დისკრიმინაციის აღმოფხვრისკენ მოუწოდა.

      გიორგი მღებრიშვილი შსს-ს მიერ სხვადასხვა ქვეყანაში წარგზავნილ პოლიციის 12 ატაშეს შეხვდა და საგანგებო თათბირი გამართა.

      დემირელის კოლეჯის მასწავლებლები და მოსწავლეების მშობლები მუსტაფა ჩაბუქის საქმეზე ხელისუფლებას მიმართავენ.

      თამარ თედლიაშვილი შიდა ქართლის საჯარო სამსახურებში თანამშრომლების პოლიტიკური ნიშნით დევნაზე საუბრობს.

      ბიძინა ივანიშვილის ბიზნესცენტრთან „ბავშვთა სამყაროში“ ხანძრის შედეგად დაზარალებულებმა აქცია გამართეს.

      სახელმწიფო შესყიდვების სააგენტო საჯარო სკოლების შესყიდვების სპეციალისტების გადამზადებას იწყებს.

      მაია მიმინოშვილი - არსებობს ბევრი ფაქტორი, რომელიც მოსწავლის მიღწევებზე გავლენას ახდენს.

      საგარეჯოში, მდინარე ანთოკის ადიდების შედეგად, შენობების პირველი სართულები დაიტბორა.

საზღვრებსმიღმიდან ამბები:

      ბაჰრეინმა, საუდის არაბეთმა, ეგვიპტემ და არაბთა გაერთიანებულმა საამიროებმა ყატართან დიპლომატიური ურთიერთობები გაწყვიტეს, რაზეც პასუხიც მიიღეს - ყატარი ოთხი არაბული სახელმწიფოს გადაწყვეტილებას დიპლომატიური ურთიერთობების გაწყვეტის შესახებ, გაუმართლებლად მიიჩნევს.

      ლონდონს ტერაქტები ვერ შეაშინებს, რადგან დღეს ტერეზა მეიმ განაცხადა - მოვიდა დრო ვთქვათ - კმარა!, - ამის შესახებ დიდი ბრიტანეთის პრემიერ მინისტრმა, მთავრობის საგანგებო კომიტეტის, COBRA-ს, სხდომის დასრულების შემდეგ დაუნინგ სტრიტზე სიტყვით გამოსვლისას განაცხადა. ტერაქტების ამბავს გავყვეთ: ლონდონის ტერაქტზე 12 ეჭვმიტანილი დააკავეს. იქიდან სხვა ნიუსიც, ლონდონის ტერაქტის განხორციელებაში ეჭვმიტანილები ლიკვიდირებულები არიან. აქვე გეტყვით, რომ ლონდონში დაღუპულთა და დაშავებულთა შორის საქართველოს მოქალაქეები არ არიან. ამერიკის მარჯვენა ინგლისს - დონალდ ტრამპი - აშშ ყველაფერს გააკეთებს, რათა ლონდონში მომხდარ ტერაქტში დამნაშავეებს პასუხი აგებინოს.

      აშშ რუსეთსაც არ ეპუება - ნიკი ჰეილი – აშშ აგრძელებს რუსეთის მიმართ სასანქციო ზეწოლას, ვიდრე სრულად არ შესრულდება მინსკის შეთანხმებები.

      რექს ტილერსონი „კლიმატის შესახებ პარიზის შეთანხმებიდან“ აშშ-ის გამოსვლას გამოეხმაურა.

წყაროები: ქართული ინტერნეტ საინფორმაციო პორტალები

◄ წინადღის ამბები მომდევნო დღე ►

ნახვა: 172

ტეგები: qwellynews, ბლოგი, ივნისი, ნიუსები

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

The second part about the DL shedding boils down

გამოაქვეყნა Megaomgchen_მ.
თარიღი: ივლისი 3, 2020.
საათი: 4:30am 0 კომენტარი

The second part about the DL shedding boils down to each snap basically being a coin flip between OL and DL and we notice those awful pitches more because they technically shouldn't be occurring but they sadly do. It wraps around to Madden 20 coins the bad coding and how OL/DL interactions have not been updated in a couple of years. Even the folks working on Madden nfl have confessed that they do not understand how they work because it's code in addition to legacy code and it is sadly…

გაგრძელება

ფეხბურთელის იდუმალი გარდაცვალება და პრემიერის ვრცელი გამოსვლა პარლამენტში

გამოაქვეყნა Giorgi_მ.
თარიღი: ივნისი 26, 2020.
საათი: 11:05pm 12 კომენტარი

      პრემიერის პარლამენტში მისვლა, ყოველთვის დღის მეისნტრიმული ამბავია და დღესაც ასე იყო - მთელი დღე, ყველა მედიასაშუალება სწორედ პრემიერის გამოსვლის გარშემო საუბრობდა, წერდა და გადმოსცემდა. ამასთანავე, ბოლო დღეების ყველაზე გაურკვეველი და მძიმე საქმე - ახალგაზრდა ფეხბურთელის გარდაცვალების საქმე.

საქართველოს და მსოფლიოს ამბები / 26 ივნისი, 2020

      კოვიდჯორჯია - მარინა ეზუგბაიას განცხადებით, კოვიდ 19-ით…

გაგრძელება

ნამდვილი მეთევზე

გამოაქვეყნა ბექა ხოჯავა_მ.
თარიღი: ივნისი 25, 2020.
საათი: 11:30am 0 კომენტარი

      თევზაობა არ არის ჰობი, ეს ავადმყოფობაა. ნამდვილი მეთევზე იმით იცნობა, როგორ ჰყვება. თუ ექვსგირვანქიანი წვერას აღწერისას ფეხზე წამოდგა, ხელები გაშალა და ოთახის მთელ სიგრძეზე გადახტა, არ ყოფილა ნამდვილი მეთევზე, მაგრამ თუ მღელვარებისგან ხმა უწყდება, ცრემლი სდის და მთელ ტანში ჟრუანტელი უვლის - ჩვენიანია. ნამდვილი მეთევზეები მარტონი არიან თავიანთ ავადმყოფობასთან, როგორც ჩინელები - ოპიუმის ჩიბუხთან. მზისა და ქაშაყის ქერცლიდან არეკლილი სინათლის…

გაგრძელება

არეული ამინდი, არეული ოპოზიცია, არეული ახალგაზრდები და გადარეული კორონა

გამოაქვეყნა Giorgi_მ.
თარიღი: ივნისი 24, 2020.
საათი: 11:00pm 2 კომენტარი

      პრემიერის მადლობით დაიწყო დღე - ამჯერად, მადლობა ლუგარის ლაბორატორიას და მის მკვლევარებს გადაუხადა. დღის მთავარი ამბავი სწორედ ესაა და მასთან ერთად, ცხადია კორონა ვირუსიც. გახმაურებულია ახალგაზრდა ფეხბურთელის გარდაცვალების იდუმალი საქმე, სადაც შესაძლო დანაშაულებებზე მიუთითებენ მოწმეები, ასევე ოპოზიციაში მაჟორიტარების გაყოფის თემა და ლიდერად მოვლენილი რურუა და მის გარშემო ეპისტოლარული ჟანრი. ცხადია, გაბუნიას საქმეც არ მიჩქმალულა. ამინდს რაც…

გაგრძელება

Qwelly World

free counters