აზერბაიჯანულ-თურქული გაურკვევლობა, ახალი ხუთლარიანი და მერობისთვის ჭიდილი

      ყოველი დღის ბოლოს, მთელი დღის შეფასება და გადაკითხვა კვლავინდებურად გრძელდება და დღევანდელი ნიუსლისტიც არ იყო მცირერიცხოვანი. საქმე ისაა, რომ დღეს რამდენიმე მიმართულებთ ვითარდებოდა მოვლენები. დღის ბოლოს კი ძლიერი მიწისძვრა დაფიქსირდა ჩვენს ქვეყანაში და ყველა ერთიანად შეგვარყია.

საქართველოს და მსოფლიოს ამბები /7 ივნისი, 2017/

      დილიდან დაიწყო აქტიური განხილვები და საუბრები ინტერნეტში. მაგალითად, სიონის ღვთისმშობლის მიძინების სახელობის ტაძრის წინამძღვარმა, პროტოპრესვიტერმა, გიორგი ზვიადაძემ დააანონსა, შესაძლოა პატრიარქი ბრალდებული გიორგი მამალაძის ოჯახს შეხვდეს. მამა გიორგიმ ასევე ისაუბრა იმაზე, „წმინდა სინოდის სხდომის გამართვის საკითხი ჯერჯერობით არ დგას“. სვეტიცხოვლიდან კი პატრიარქმა მრევლს ჯვრის თაყვანისცემის დღესასწაული და ლომისობა მიულოცა.

      ჟურნალისტის ამბები ისეთ პროტესტს იწვევს, რომ ჯერ ვერცერთმა სხვა ამბავმა ვერ გადაფარა - აფგან მუხთარლის ადვოკატი - პრემიერის განცხადება დაზარალებულის ოჯახის მიერ აღიქმება, როგორც მითითება, რომ არც კი ჩატარდეს საგამოძიებო მოქმედებები. არჩილ თალაკვაძე - აფგან მუხთარლის საქმეზე 100-ზე მეტი ადამიანი დაიკითხა და კამერებიდან 30-ზე მეტი ჩანაწერია ამოღებული. ლეილა მუსტაფაევა - პირველ რიგში დაცვის უზრუნველყოფა ჩემი ქალიშვილის უსაფრთხოებიდან გამომდინარე მოვითხოვე. ვიქტორ დოლიძე - დარწმუნებული ვარ, არ დარჩება ზედმეტი კითხვები, რამაც შესაძლებელია საქართველოს ჩრდილი მიაყენოს. თამარ კორძაია აფგან მუხთარლის საქმეზე - დაშვებულ შეცდომაზე ვინმემ პასუხი უნდა აგოს.

      კონსტიტუცია ხომ ვერა და ვერ მოვიწონეთ და ვერ მივიღეთ. საკონსტიტუციო ცვლილებებით, თუკი დეპუტატი სესიის მიმდინარეობისას სხდომების ნახევარზე მეტს გააცდენს, პარლამენტის გადაწყვეტილებით უფლებამოსილება შეუწყდება. და ამ თემაზე, ტრადიციულად, კვლავ აქტიურია პარლამენტის თავმჯდომარე - ირაკლი კობახიძე და მის განცხადებებს გთავაზობთ: „იმისათვის, რომ თავიდან ავიცილოთ ავტოკრატიის ჩამოყალიბების საფრთხე, მნიშვნელოვანია პროპორციულ საარჩევნო სისტემაზე გადასვლა. საბედნიეროდ, ბიზნესზე ზეწოლის კუთხით მძიმე პრაქტიკა საქართველოში დასრულებულია. თუკი პროპორციულ საარჩევნო სისტემაზე გადასვლის საკითხი ჩავარდება, არ ვიცი, გადავდგები. კონსტიტუციური კანონი გადაღეჭილია“. სხვა გამომსვლელები და ნიუსებიც კონსტიტუციის თემიდან - პარტიების ფინანსური აუდიტი, შესაძლოა, აუდიტის სამსახურმა აღარ განახორციელოს. კონსტიტუციის საკითხთან ახლოს - ირაკლი კოვზანაძე - 94-ე მუხლის კონსტიტუციაში არსებობით ინვესტორები მშვიდად არიან. თავმჯდომარეს არ წყალობენ ექსპერტები - გია ხუხაშვილი - ირაკლი კობახიძის, ამ ახალგაზრდა, მოუმწიფარი ადამიანის გადაწყვეტილებები აზიანებს სახელმწიფოს. სერგი კაპანაძე - საკონსტიტუციო ცვლილებების თავდაცვის და უსაფრთხოების თავი ისე შეიმუშავეს, რომ საქართველოში ამ თემებზე მომუშავე არც ერთი ადამიანი ჩართული არ იყო. კახა ოქრიაშვილი - თუ ფარმაცევტულ კომპანიებს კლინიკებისა და სადაზღვევო კომპანიების მართვის უფლება აღარ ექნებათ, ჩვენ დავუბრუნებთ მთავრობას საავადმყოფოს და მათ დაგვიბრუნონ ჩვენი ფული. კონსტიტუციის პროექტიდან „სხვა შეიარაღებული ძალების“ შესახებ ჩანაწერი ამოღებული იქნება. დავით რაქვიაშვილი - შემოთავაზებული საკონსტიტუციო ცვლილებებით ეროვნული უსაფრთხოების სისტემა ირღვევა. „თავისუფალი დემოკრატები“ და „რესპუბლიკელები“ საკონსტიტუციო ცვლილებების საპარლამენტო განხილვების შეჩერებას მოითხოვენ. თამარ კორძაია აუდიტის სამსახურისთვის ფუნქციების შემცირების შესახებ ინიციატივას „ალოგიკურს“ და „დაუსაბუთებელს“ უწოდებს. საომარი, ბუნებრივი კატასტროფის და ეპიდემიის დროს სამხედრო ძალების გამოყენებაზე პარლამენტის თანხმობა საჭირო არ იქნება.

      აქვე თავმჯდომარის განცხადება მერობის კანდიდატზე - ირაკლი კობახიძე - ჩვენს კანდიდატს ვერანაირი კონკურენტი ვერ ეყოლება. ვიქტორ დოლიძე - კახა კალაძე ძალიან ძლიერი კანდიდატია და მე მგონი, ამასთან დაკავშირებით არავინ ვდაობთ. ყოფილ ფეხბურთელს ნაციონალურმა მოძრაობამ ჟურნალისტი დაუპირისპირა - ზაალ უდუმაშვილი ადასტურებს, რომ "ნაციონალური მოძრაობისგან" თბილისის მერის თანამდებობაზე კენჭისყრის შეთავაზება მიიღო. არჩილ თალაკვაძე - კახა კალაძე ჩვენი გუნდის ფორვარდია (ამას არ ახსოვს რომ კალაძე მცველად თამაშობდა და ფორვარები როგორც წესი თავმდამსხმელები არიან).

      ამას გარდა, უდუმაშვილი დირექტორის მოადგილეა და რ2-ის შესახებაც იძლევა ინტერვიუებს - ზაალ უდუმაშვილი - ”რუსთავი 2”-ში რეორგანიზაცია დაწყებულია, რაც გულისხმობს, რომ მიმდინარეობს ფინანსების მობილიზება და ოპტიმიზაცია.

      ვისაც არ ახსოვს, ვეტყვი, რომ დემირელის სკოლის ერთ-ერთი ხელმძღვანელი დაკავებულია და სასამართლო სასამართოზე იმართება. ცხადია, ყველა აცნობიერებს რომ ეს თურქეთის პრეზიდენტის პირდაპირი მოთხოვნა და მისი სურვილის შესრულებაა, თუმცა სასამრთლო მაინც ავტონომიურობს. სოსო ბარათაშვილი - მუსტაფა ემრე ჩაბუქის საქართველოდან ექსტრადირება ამ ეტაპზე ვერ მოხდება. დღესვე მთავრობის ადმინისტრაციასთან მუსტაფა ემრე ჩაბუქის მხარდასაჭერად აქცია გაიმართა და აქციის მონაწილეებმა სიმბოლურად ბორკილები დაიდეს. სოზარ სუბარი - სანამ დემირელის კოლეჯის მენეჯერისთვის ლტოლვილის სტატუსის მინიჭების საკითხის განხილვა მიმდინარეობს, ექსტრადირება ვერ მოხდება. ანა ნაცვლიშვილი - მუსტაფა ჩაბუქისათვის საექსტრადაციო პატიმრობის შეფარდებისას პროკურატურის პოზიცია დაუსაბუთებელი იყო. სოსო ბარათაშვილი იმედოვნებს, რომ მუსტაფა ემრე ჩაბუქისა და მისი ოჯახისთვის ლტოლვილის სტატუსის მინიჭების პროცედურა დადებითად დასრულდება.

      ლევან ბოძაშვილი - უშიშროების საბჭოდან წამოსვლა ჩემს ელჩად დანიშვნას არ უკავშირდება. ისევ ლევანი, პროცესი, რომელიც პრეზიდენტის ადმინისტრაციის მხრიდან საკონსტიტუციო ცვლილებებთან დაკავშირებით წარიმართა, ჩემთვის გაუგებარი იყო.

      იანოშ ჰერმანი - საქართველოსა და ევროკავშირს შორის საჭიროა სამართლებრივი დაახლოება. დაახლოების თემაზევე - ვიქტორ დოლიძე - ასოცირების შეთანხმების პარალელურად, დიდ მნიშვნელობას ვანიჭებთ სამართლებრივად საქართველოს ევროკავშირთან დაახლოებას.

      ირაკლი სესიაშვილი - უშიშროების საბჭოს თემაზე პოლიტიკური სპეკულაციები სცილდება რეალობას, ეს საბჭო არის მხოლოდ სათათბირო ორგანო და მეტი არაფერი.

      სახალხო დამცველმა „საზოგადოებრივი მაუწყებლის“ მხრიდან ლ.მ.-ს მიმართ პროფესიული კავშირის წევრობის ნიშნით პირდაპირი დისკრიმინაცია დაადგინა. „საზოგადოებრივი მაუწყებლიდან“ გათავისუფლებული ლაშა მესხი სახალხო დამცველის რეკომენდაციას დადებითად აფასებს.

      გიორგი ბადაშვილი მთავარი პროკურორის მოადგილედ დაინიშნა. ოთარ კახიძე - გიორგი ბადაშვილის პროკურატურაში გადანაცვლება უკეთესობისკენ არ ცვლის სიტუაციას.

თითოხაზიანი ამბები

      წინსვლა მგზავრებს - საზოგადოებრივ ტრანსპორტში სამგზავრო ბარათების გარდა, სხვადასხვა ბანკის პლასტიკური ბარათების გამოყენებაც იქნება შესაძლებელი.

      ფინანსთა სამინისტროს სახაზინო ვალდებულებების აუქციონზე 50 000 000 ლარის ღირებულების ფასიანი ქაღალდები გაიყიდა.

      დიმიტრი ქუმსიშვილი - ჩვენ ვართ ქვეყანა, რომელიც უნდა გახდეს ტრანზიტული და ლოგისტიკური ჰაბი.

      ჩაქვში „ნაციონალური მოძრაობის" წევრები ელგუჯა ბაგრატიონი და რევაზ ხარაზი დააკავეს.

      განახლებული 5 ლარის ნომინალის ბანკნოტები მიმოქცევაში 1-ელი სექტემბრიდან გამოვა.

      გარემოს დაცვის სამინისტრო - პარიზის შეთანხმება საქართველოსთვის ძალაშია.

საზღვარგარეთული ამბები:

      ირანის პარლამენტში სროლის ხმა ისმის, რამდენიმე ადამიანი მძევლადაა აყვანილი. ირანის პარლამენტის გარდა, უცნობმა პირებმა ცეცხლი იმამ რუხოლა მუსავი ხომეინის მავზოლეუმშიც გახსნეს. თეირანში, იმამ ხომეინის მავზოლეუმზე ერთ-ერთმა თავდამსხმელმა თავი აიფეთქა. ირანის პარლამენტში მომხდარი თავდასხმის შედეგად, ერთი ადამიანი დაიღუპა და რვა დაშავდა. თუმცა, ეს რიცხვი დღის განმავლობაში იცვლებოდა - ირანის პარლამენტზე თავდასხმის შედეგად შვიდი ადამიანი დაიღუპა. ირანის პარლამენტზე თავდასხმის ერთ-ერთმა მონაწილემ თავი აიფეთქა.

      პარიზში პოლიციელზე თავდამსხმელი ყვიროდა „ეს სირიისთვის“. პარიზელი თავდამსხმელის განცხადებით, ის „ისლამური სახელმწიფოს“ ხალიფატის ჯარისკაცია.

      რეჯეფ თაიფ ერდოღანი - ყატარის როგორც ტერორიზმის მხარდაჭერის წარმოჩენა, სერიოზული ბრალდებაა.

წყაროები: ქართული ინტერნეტ საინფორმაციო პორტალები

◄ წინადღის ამბები მომდევნო დღე ►

ნახვა: 164

ტეგები: qwellynews, ბლოგი, ივნისი, ნიუსები

Maiko: ივნისი 8, 2017||9:56pm

სამეგრელოს წარმომადგენელი უნდა დასვან მერად! :დდ

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

ცესკომ მანდატები დაარიგა, ოპოზიცია მტკიცე უარზეა, მინისტრები აქტიურობენ

გამოაქვეყნა Giorgi_მ.
თარიღი: დეკემბერი 3, 2020.
საათი: 10:44pm 0 კომენტარი

      ნატოში სულ კარგ რამეებს ამბობენ - უნდა დავახლოვდეთო, საქართველო ჩვენთვის მნიშვნელოვანიაო მაგრამ ჯერ ვერ მიგიღებთო. ცესკომ, საბოლოოდ დაადგინა შედეგები და გამარჯვებულ-დამარცხებულებიც ოფიციალურად წარადგინა. საქმე ისაა, რომ ოპოზიცია კვლავაც მტკიცეს დგას თავის უარზე, ხოლო კორონავირუსი ყველა პრობლემის სათავეს წარმოადგენს. სვანები არ გეგონოთ - კოვიდიანები - 147636 დადასტურებული, აქედან გამოჯანმრთელებული - 124568, გარდაცვლილი - 1387, კარანტინში -…

გაგრძელება

ცხოვრება კიდევ უფრო გაძვირდება!

გამოაქვეყნა Giorgi_მ.
თარიღი: დეკემბერი 2, 2020.
საათი: 11:00pm 1 კომენტარი

      ზამთრის სუსხში გაზის ფასი გაეზრდა იურიდიულ პირებს, გარდა პურის მწარმოებლებისა. სავალალო ანონსია. პური არ გაძვირდება აპრილამდე და მერე ვნახოთო. ოპოზიციამ, ვადამდელი არჩევნებია ჩვენი ერთადერთი სასაუბრო თემაო და მეორე მხრივ, პოლიტიკოსების სასამართლო საქმეებს აპროტესტებენ. ვაქცინას ველოდებით ორ-სამ კვირაში, იქამდე კი ვითვლით კოვიდიანებს - 143376 დადასტურებული, აქედან გამოჯანმრთელებული - 121621, გარდაცვლილი - 1342, კარანტინში - 1980. რაც შეეხება…

გაგრძელება

სასესხო დოკუმენტები - შესაძლებლობები და პრობლემები

გამოაქვეყნა EFTcheat_მ.
თარიღი: დეკემბერი 2, 2020.
საათი: 9:00pm 0 კომენტარი

When Notary Signing Agents go to the signing table, they bring countless pages of documents, and borrowers often have questions about them. But there is fine line between what an NSA can and cannot say, and Servicenummer often gets phone calls asking relating to this.

Whilst you may explain loan documents, you are never permitted to make clear how loan documents will affect borrowers. Yet how can you define "explain, " and how do you know when you have crossed the line?

Why…

გაგრძელება

ახალ ოცწლედში შესვლის ბიუჯეტი და კარტოგრაფია სასამართლოში

გამოაქვეყნა Giorgi_მ.
თარიღი: დეკემბერი 1, 2020.
საათი: 11:00pm 0 კომენტარი

      დეკემბერი დადგაო და არაფერიც არ შეიცვალა - ოპოზიცია ისევ ინარჩინებს პრინციპულობას შეუსვლელობაზე, მეათე მოწვევის პარლამენტი კი პირველი სხდომისთვის ემზადება და სავარაუდოდ, 11 დეკემბერს გამართავს. დღის მთავარი ამბავი 2021 წლის ბიუჯეტის განყოფა იყო და კარტოგრაფიაც კვლავ აქტუალურია. კოვიდ-პოპულაცია - 139343 დადასტურებული, აქედან გამოჯანმრთელებული - 117560, გარდაცვლილი - 1303, კარანტინში - 1978. რაც შეეხება დოლარს, მისი ფასი 3.3185…

გაგრძელება

Qwelly World

free counters