ცეცხლმოკიდებული ბორჯომი, ხანძარი, სტიქია და დახმარება, დანიშნული არჩევნები, გაგზავნილი მოსწავლეები და ამერიკული ნიუსებიც

      ფერისცვალების დღესასწაულის შემდეგ, ბუნებაც იცვლება, მშვიდდება და ნელ-ნელა საშემოდგომო განწყობისთვის ემზადებაო. თან მოჰყვება აგრილება და აფერადება, სიუხვე და ბარაქა, მაგრამ ამჯერად, ფერისცვალების დღესასწაულის შემდეგ - ბუნება აგრილდა, თუმცა მავანი არ ისვენებს და ცეცხლი მოჰკიდებია საქართველოს ერთ-ერთ ულამაზეს კუთხეს - ბორჯომს და აგერ უკვე 3 დღეა იწვის.

საქართველოს და მსოფლიოს ამბები /22 აგვისტო, 2017/

      დღის თავარი თემა სწორედ ბორჯომის ხანძარია, რომელმაც უკვე 12 ჰექტარი ტყე შეიწირა (სატყეო სააგენტოს უფროსის განცხადებით). ხანძრის ჩაქრობას ხელს უშლის ძლიერი ქარი. ჯერ კიდევ გუშინ, ალიევმა საქართველოში ხანძრის ჩასაქრობად ვერტმფრენი გამოგზავნა. გუშინ, თეთრ კვამლსაც ხედავდნენ, რაც აჩენდა ვარაუდებს - ხანძარი ქრებაო, მაგრამ ამაოდ. გარდა 500-მდე სახანძროსი, საქმეში მოხალისეებიც ჩაერთნენ - საგანგებო შტაბი მიმართავს მოქალაქეებს, თავი შეიკავონ თვითნებური გადაწყვეტილებებისაგან და ნუ შეუქმნიან დამატებით პრობლემას მეხანძრეებს და მაშველებს. მთელი მთავრობა ჩავიდა ბორჯომში. გიორგი კვირიკაშვილი - ყველაფერს გავაკეთებთ, რომ დავიცვათ ჩვენი მოსახლეობა, ამისთვის შესაბამისი ძალები გაგვაჩნია. საგანგებო შტაბის სხდომაზე პრემიერმა შესაბამისი უწყებებისაგან ხანძრის სალიკვიდაციოდ ჩასატარებელი ღონისძიებების შესახებ ინფორმაცია მოისმინა. პრემიერ-მინისტრის განცხადებით, სოფელ დაბის მოსახლეობის ევაკუაცია საჭირო არ არის და ასევე, არანაირ საჭიროებას არ წაროადგენს, ბორჯომის ხეობაში ხანძრის ჩასაქრობად მოხალისეების მობილიზება. ტყე იწვის, თუმცა პრემიერი ამბობს - პანიკის საფუძველი არ არსებობს. ნუგეშად სინოპტიკოსებიც დაემატნენ - სინოპტიკოსების პროგნოზით, ბორჯომში დღეს ქარის სიჩქარე შემცირდება. ძალიან მნიშვნელოვანია პრევენციული სამუშაოები ტყის ხანძრების წინააღმდეგ – ირაკლი მაჭარაშვილი. დახმარება თურქეთიდანაც მოდის - 2 ვერტმფრენი და ერთი თვითმფრინავი. ასევე, დღეს - პრემიერი: რუსულმა მხარემ დახმარებისთვის მზადყოფნა გამოთქვა, მაგრამ არ გახდა საჭირო. ბორჯომში, არჯევანის ტყიდან ხანძრის მიმართულებით თროთის მთამდე დამატებით სამ კილომეტრიანი გზა გაიჭრა. მინდია ჯანელიძე - მობილიზებულია დამატებითი რესურსები, თუ საჭირო გახდება მათი გამოყენება, გამოვიყენებთ. მინდია ჯანელიძე - ხელისუფლების რეაგირება დაგვიანებული არ ყოფილა. მინდა ვთხოვო მოხალისეებს, დამოუკიდებელი ღონისძიებები არ განახორციელონ, თავიანთი დახმარება შესთავაზონ შტაბს. გიორგი მარგველაშვილი - დღეს ჩვენ გაერთიანებულები ვართ, რომ ეს უბედურება ავიცილოთ. კიდევ ერთი იუმორისტი გამოჩნდა ჰორიზონტზე - ვახტანგ გომელაური - მეზობელი ქვეყნებიდან და სტრატეგიული პარტნიორებიდან მაქსიმალურად გვეხმარებიან, კანადიდან რომ ვითხოვოთ დახმარება, ვიდრე ჩამოვლენ, შეიძლება დაიწვას ნახევარი საქართველო. ლევან დავითაშვილის ინფორმაციით, ხანძრის სალიკვიდაციო სამუშაოებში დახმარების თხოვნით ქართულმა მხარემ მეზობელი სახელმწიფოების გარდა ევროკავშირსაც მიმართა. ვახტანგ გომელაური - მსგავს სტიქიურ უბედურებებთან გამკლავების პრობლემა ყველა ქვეყანაში დგას. ენერგეტიკის სამინისტრო - ხანძრის ზონაში მცხოვრები მოსახლეობის გაზმომარაგებას საფრთხე არ ემუქრება. ბაკურიანის მთის მართვის დეპარტამენტი ბორჯომის ხეობაში ხანძრის ლოკალიზებაში მონაწილეობს. ბორჯომის ხეობაში, სტიქიის ზონაში, სასწრაფო დახმარების ეკიპაჟები და რეანომობილია მობილიზებული. ბორჯომში ხანძრის სალიკვიდაციო სამუშაოებში რეგიონული განვითარებისა და ინფრასტრუქტურის სამინისტროს ათეულობით მძიმე ტექნიკა ჩაერთო. „მთის კურორტების განვითარების კომპანია“ - დაბა ბაკურიანს არანაირი საფრთხე არ ემუქრება. ტყე იწვის მიწის ქვემოდან - ნინო ჩხობაძე - ტყის ხანძარს თავისი სპეციფიკა აქვს, ის მიწისქვეშა ხანძრითაც ხასიათდება, მისი ჩაქრობა მარტივი არ არის. საქართველოს დასახმარებლად ეკიპაჟებს სომხეთიც უგზავნის. ბორჯომში გახსნილ საგანგებო შტაბთან სოფელ დაბას მცხოვრებლების ნაწილი მივიდა, რომელთა ინფორმაციითაც, ხანძარი „დასახლებულ პუნქტთან ახლოს ჩამოვიდა“. გავრცელებული ინფორმაციით, ბორჯომში ხანძრის ახალი კერა გაჩნდა. სოფელ დაბასთან, დასახლებულ ტერიტორიაზე ხანძრის შესაკავებლად 5 სახანძრო ბრიგადაა მობილიზებული. მთლიანობაში - ამ დროისთვის, 3 ვერტმფრენი, 400-მდე მეხანძრე-მაშველი, 100-ზე მეტი ტყის მცველი, შსს-ს განსაკუთრებულ დავალებათა დეპარტამენტის 500 თანამშრომელი და ათეულობით მძიმე ტექნიკა ებრძვის ხანძარს. ველოდებით ევროკავშირის დახამრებასაც.

      ავანაზღაუროთ აუნაზღაურებელი - ნოდარ ხადური - გვსურს შემოგთავაზოთ ინიციატივა - თუნდაც ერთი ხის დარგვის და მოვლის ვალდებულება ავიღოთ. საზოგადოებრივი მოძრაობა „სახალხო თვითმმართველობა“ სოციალურ პროექტს „დარგე ერთი მცენარე მაინც დღესვე“ იწყებს.

      ვიდრე ქველინიუსი არ იწერებოდა, სხვა რა ხდებოდა ამ დღეები და დღეს - თამაზ მეჭიაურის განცხადებით, თიანეთის გამგებლის თანამდებობაზე კენჭისყრას აპირებს.

      საბოლოოდ, პრეზიდენტმა დაადგინა - ადგილობრივი თვითმმართველობის არჩევნები 21 ოქტომბერს გაიმართება. ორი თვეღაა იქამდე და გააქტიურება არ აკლიათ კანდიდატებს, ამიტომ ეს თემა, დღის წესრიგს არ ტოვებს, მითუმეტეს, რომ უკვე ოფიციალურად საქართველოში წინასაარჩევნო კამპანია დაიწყო. სახელმწიფო და ადგილობრივი თვითმმართველობის ბიუჯეტის დაფინანსებით ორგანიზებულ ღონისძიებებზე წინასაარჩევნო აგიტაციის გაწევა იკრძალება. ძალაში შევიდა აკრძალვები, რომელიც წინასაარჩევნო პერიოდში ადმინისტრაციული რესურსის, თანამდებობრივი და სამსახურეობრივი მდგომარეობის გამოყენებასთან დაკავშირებით მოქმედებს. წინასაარჩევნო კამპანიის დაწყების დღიდან საარჩევნო რეგულაციების ქვეშ მედიასაშუალებებიც ექცევა. თბილისის მერობის კანდიდატი კახა კუკავა არალეგალური იმიგრაციის საკითხზეც იმუშავებს. იუმორით სახელგანთქმული აქტივისტი პოლიტიკაში ერთვება - ქუთაისში ბურჯანაძისა და კუკავას გუნდის მერობის კანდიდატი გოგი წულაია იქნება.

      ეკონომიკა და მისი მომიჯნავე თემები, ერთ მცირე ბლოკში - ახალი ეკონომიკური მემორანდუმი საქართველოსა და ჩინეთის განსუს პროვინციას შორის გაფორმდა. პირდაპირი უცხოური ინვესტიციების 0.1%-იანი ზრდა გვაქვს. საქსტატი: 2017 წლის იანვარ-ივლისში საქართველოდან ექსპორტი 28,9 პროცენტით გაიზარდა. სტატისტიკა, ყოველთვის საინტერესო კი არ არის - შენობა-ნაგებობებში საშუალო წლიური თბოდანაკარგები კედლებიდან 48%-ს,ხოლო იატაკიდან 13%-ს შეადგენს. თხილის ბიზნესი: მოსავლის მნიშვნელოვანი ნაწილი განადგურებულია.

      რაღაც უცნაური ამბავიც - „სპუტნიკი“ - თბილისის 166-ე საჯარო სკოლის ექვსი მოსწავლე რუსული ენის გასაუმჯობესებლად ყირიმში, „არტეკის“ საბავშვო ცენტრში გაემგზავრა. მიხეილ სააკაშვილი - ოლიგარქ ივანიშვილის რეჟიმი ქართველ ბავშვებს ოკუპირებულ ყირიმში აგზავნის რუსული პროპაგანდის გასახარად. განათლების სამინისტრო - სამწუხაროა, რომ სკოლის ადმინისტრაციამ ან ერთმა მასწავლებელმა გაუთვითცნობიერებელი გადაწყვეტილება მიიღო, რის გამოც მოსწავლეები ყირიმში მოხვდნენ. თბილისის 166-ე საჯარო სკოლა - „სპუტნიკის“ მიერ გავრცელებული ინფორმაცია სიმართლეს არ შეესაბამება. ალექსანდრე ჯეჯელავა მოსწავლეების ყირიმში გამგზავრებაზე - დაისჯება ყველა, ვისი პასუხისმგებლობაც გამოიკვეთება ასეთ წინდაუხედავ გადაწყვეტილებაში. ალექსანდრე ჯეჯელავას განცხადებით, ყირიმში ქართველი მოსწავლეების გამგზავრების საკითხი განათლების სამინისტროსთან შეთანხმებული არ იყო.

      ვახსენე და ბარემ - სააკაშვილის ადვოკატის თქმით, ფარული ჩანაწერის ნამდვილობას საერთაშორისო ექსპერტები შეამოწმებენ.

      რკინიგზელები არ ნებდებიან კუჭს - „საქართველოს რკინიგზის“ წინ შიმშილობის აქციაში უკვე 20 ადამიანი მონაწილეობს.

      მეგრელებმა გადაწტვიტეს რეკორდი დაამყარონ - ჩხოროწყუში გიგანტური ზომის ელარჯის მომზადება იგეგმება.

      წავიკითხოთ ვეფხისტყაოსანიო, პირველი არხი ყოველ სარეკლამო ტიხარში ამბობს, მაგრამ პრეზიდენტმა, გადაწყვიტა კონსტიტუცია წაგვაკითხოს - გიორგი აბაშიშვილთან ერთად ცხინვალიდან დევნილმა ახალგაზრდებმა კონსტიტუციის ვიდეო-ჩანაწერი გააკეთეს. პრეზიდენტი - თუ არ შეიცვლება სულისკვეთება, რომ „ჩვენ გვაქვს პულტები“ და „ჩვენ ყველაზე ჭკვიანები ვართ“, ვერ მივიღებთ კონსტიტუციას.

      დევნილებმა სახლები დაიმტკიცეს - რიმა ბერაძის შუამდგომლობის საფუძველზე, დევნილებს და სოციალურად დაუცველებს საცხოვრებელი სახლები დაუკანონდათ.

      საქმიანი ხალხი - „ახალი საქართველო“ ინიციატივით გამოდის, მოსკოვის გამზირს სახელი გადაერქვას და მას საქართველოს გამზირი ეწოდოს.

      სააკაშვილში ხომ არ ვაპირებთ გაცვლას? - უკრაინის მოქალაქის, ირინა სავიცკაიას წარმომადგენლები საქართველოს ხელისუფლებას სთხოვენ, მისი უკრაინაში ექსტრადიცია არ დაუშვას.

საზღვარგარეთულები:

      ტრამპი სხვების შეცდომებზეც სწავლობს - დონალდ ტრამპი - ავღანეთში ვერ გავიმეორებთ იგივე შეცდომას, რაც ჩვენმა ლიდერებმა ერაყში დაუშვეს. ჟან-კლოდ იუნკერი - ევროკავშირს არ შეუძლია თავდაცვის კუთხით აშშ-ს იმედი ჰქონდეს. აშშ მზად არის მხარი დაუჭიროს ავღანეთის მთავრობასა და „თალიბანს“ შორის მოლაპარაკებას წინასწარი პირობების გარეშე. ვერ გავიგე, აბა დღეებს რატომ ითვლის - გვირილაა ?! - აშშ-ს თავდაცვის მდივანი - „ისლამური სახელმწიფოს“ დღეები დათვლილია, თუმცა მის განადგურებაზე საუბარი ნაადრევია.

      კახურად უპასუხეს ამერიკას - „თალიბანის“ წარმომადგენელი - ომის გაგრძელების ნაცვლად, ამერიკელებს ურჩევნიათ ავღანეთიდან თავიანთი ჯარისკაცების გაყვანაზე იფიქრონ.

      ხანძარია რუსეთშიც - ქალაქ როსტოვში ხანძრის შედეგად 100-ზე მეტი შენობა დაიწვა.

      მიხეილ სააკაშვილი - ყურადღებას არ მივაქცევდი ოლეგ ლიაშკოს ისტერიულ განცხადებას, მაგრამ კარგად მახსოვს, რომ მოქალაქეობა მისი მიმართვის შემდეგ ჩამომართვეს.

წყაროები: ქართული ინტერნეტ საინფორმაციო პორტალები

◄ წინადღის ამბები მომდევნო დღე ►

ნახვა: 180

ტეგები: qwellynews, აგვისტო, ბლოგი, ნიუსები

ლაშა: აგვისტო 22, 2017||6:27pm

გიორგი, უკვე მომზადდა ეგ ელარჯი - სიგრძე 14.8 მეტრი, სიგანე 35 სანტიმეტრი, ხოლო საერთო ფართი 5.18 კვ/მ. #qwellynews

ლაშა: აგვისტო 22, 2017||7:59pm

ხანძარია ჟინვალშიც. 1 ჰექტარი უკვე დაიწვაო. ამჯერადაც ტყე. #qwellynews

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

IGVault Rocket League Trading Guide: Certifications, market, scammed, more

გამოაქვეყნა itemsigv rocket_მ.
თარიღი: აგვისტო 11, 2022.
საათი: 5:41am 0 კომენტარი

We will therefore discuss how you can improve your Rocket League inventory using our tips and tricks in this Rocket League guide. This guide is intended for traders who are just getting started. These aren’t necessarily new players, but rather people who want to get their feet wet in the Rocket League trading world.

Understand the market

If you want to become an expert in the Rocket League market, earn more credits and expand your inventory, you have to understand the nature of…

გაგრძელება

ომის გმირების და ომის „ბრალდებების“ დღე

გამოაქვეყნა Giorgi_მ.
თარიღი: აგვისტო 8, 2022.
საათი: 11:08pm 0 კომენტარი

      ტრადიციად ქცეული კითხვის დღე - 08.08.08 - ვინ დაიწყო ომი? და დაუსრულებელი ბრალდებები ერთმანეთის რუსეთუმეობაზე, ასეთია აგვისტოს პირველი დღეების პოლიტიკური ცხოვრება საქართველოში. დღესაც 08.08.22-ში, კვლავ გმირების საფლავები შეამკეს, დაგმეს ოკუპაცია და პარალელურად ქსენოფობიაც, ასევე განიხილებოდა ცესკოს თავმჯდომარეობის კანდიდატები. დღეს 1 აშშ დოლარის ოფიციალური ღირებულება 2.7141 ლარია.…

გაგრძელება

ბრენდებით უკმაყოფილება

გამოაქვეყნა Muxia_მ.
თარიღი: აგვისტო 2, 2022.
საათი: 10:00am 0 კომენტარი



The Shattered League is running from today through March 3. If you've been wanting to get back into Old School RuneScape, this might be the right time to take the plunge. If you're planning on jumping into let us know your reasons below!

Runescape And Outriders aren't two games that people consider in tandem so the sight of a Runescape player address r/Outriders may be a shock. This led to an interesting discussion and post between fans of both games. The whole thing boils down…

გაგრძელება

კოსმოსური ემბლემები

გამოაქვეყნა Tamila Moshiashvili_მ.
თარიღი: ივლისი 31, 2022.
საათი: 11:25pm 0 კომენტარი

      მას შემდეგ რაც, ჯეიმს ვებმა სამყარო ახალი თვალით გვაჩვენა, რა გასაკვირია რომ გაიზარდა მისი პოპულარობა მარკეტინგულ სამყაროშიც. ჯერ კიდევ გაფრენის წინ დამზადდა მოვლენის აღმნიშვნელი პატჩი (ჩვენებურად ალბათ უფრო ემბლემა, იარლიყი, სიმბოლო, რომელიც როგორც წესი ამოქარგულია გარკვეულ მატერიაზე და შემდეგ მაგრდება ტანისამოსზე ან სპეც ტანსაცმელზე. შეიძლება ბეიჯიც ეწოდოს და ა.შ.). ტიმ განიონის (Tim Gagnon) ემბლემებს თითქმის ყველა კოსმოსური მიღწევა ახსოვთ…

გაგრძელება

Qwelly World

free counters