ახალი პროექტი თბილისის მერიას!

რამდენიმე კვირის წინ ხმამაღლადაც გავახმიანე ჩემი ერთი პროექტი, რომელიც ეხება თბილისის (და არა მხოლოდ) საზოგადოებრივი ტრანსპორტის, კონკრეტულად მიკროავტობუსების განახლება-რეკონსტრუქცია-გაუმჯობესებას. რამდენიმე, ფრიად საჭირო საზაფხულო მოწყობილობით აღჭურვას.

ალბათ უკვე ყველამ იცის თუ რა არის ეს:

დიახ, ეს გახლავთ ცეცხლის საწინააღმდეგო რადარ-წყალშხაპუნა (Fire Sprinkler ჰქვია თავის ენაზე). საკმარისია მის სიახლოვეს ან მასთან დაკავშირებული დეტექტორის სიახლოვეს დაგროვდეს დიდი რაოდენობით კვამლი, ან ძალიან მოიმატოს ტემპერატურამ, რომ თქვენი ოფისის სახურავიდან შესანიშნავი სანახაობის ჟუჟუნა წვიმა წამოვა, იმის მიუხედავად, რომ შეიძლება გარეთ თაკარა მზე იყოს!

სწორედ ეს მოწყობილობა გვჭირდებ ჩვენ საზოგადოებრივ ტრანსპორტში, ოღონდ ცოტა განსხვავებული დეტექტორით და განსხვავებული ჭავლით.

საჭირო მასალა:

  • დეტექტორები (იმდენივე რამდენი სავარძელიც არის და + დამატებითი, მარშრუტკის შუა ნაწილში ჩასამონტაჟებელი)
  • შედარებით მკვრივი ცელოფნის ზეწრები
  • ასევე მკვრივი ცელოფნის პირბადე-ქუდები
  • წყალში შერეული თხევადი საპონი არასასიამოვნო და მძაფრი სურნელით

როგორც მიხვდით ვაპირებ მარშრუტკებში წვიმა მოვიყვანო, მაგრამ ყველა როდი იმსახურებს ამ დასველებას, ამიტომ ყველა დეტალი გავწერე ცალ-ცალკე.

დეტექტორში ჩამონტაჟებულ სქემა-პროგრამაში გაწერილი იქნება ოფლის სურნელის ყველა ის შესაძლო ვარიანტი, დაწყებული ცხოველის ოფლისგან, დასრულებული ბავშვის ოფლით, რომელიც შეიძლება მარშრუტკაში მოიპოვებოდეს. საგანგებოდ ამ დეტექტორისთვის გამოკვლეული იქნება თბილისის შიდა საუბნო მარშრუტკების 50_მდე ხაზი და ასევე "თბილისი-სხვა ქალაქი" რეისების ხაზები. როდესაც სხვა ქალაქების რემონტაბელური მიკროავტობუსების მომარაგება მოხდება, იქაურ სპეციფიურ სურნელებსაც ავტომატურად დავამატებთ კატალოგს. ეს პირველი დეტალი.

შემდეგ...

თითოეული სავარძელი უნდა აღიჭურვოს ოდნავ მკვრივი ცელოფნის დამცავი "ზეწრებით" რომლებიც ჩამონტაჟებული იქნება სავარძლის მარცხენა გვერდით მხარეს და მისი გამოწევა შესაძლებელი იქნება მხოლოდ წვიმიანობის პერიოდში, გამოვა მარცხენა გვერდიდან და ჩაჯდება მარჯვენა გვერდში, სპეციალურ ბუდეში, ღვედის პრინციპის მსგავსად. ასევე წვიმიანობის დაწყებამდე რამდენიმე წამით ადრე, როდესაც დეტექტორი ავტომატურად განაცხადებს რომ ირთვება "მგზავრების დაბანის რეჟიმი", თვითმფრინავში ავარიული მდგომარეობისას სასუნთქი ჟანგბად მიწოდების მსგავსად, სავარძლის ზედა თაროდან ჩამოცვივდება ცელოფნისვე თავ-პირ დასაფარებლები.

დეტექტორი, რომელიც ჩამონტაჟებული იქნება სავარძელშივე, უზრუნველყოფს რომ ჰაერის არაჰიგიენურად დამაბინძურებელ პირს, არ მიეწოდოს არც თავ-პირდასაფარი ცელოფანი და არც "ზეწარმა" იმუშაოს მის სავარძელზე, ის "დასაბანი" ობიექტია.

უშუალოდ საპნიანი წლის ჩამოსხმის ადგილს, ეს იქნება თითოეული სავარძლის ზედა მხარეს, იქ სადაც წესით თბილისის საზოგადოებრივი ტრანსპორტის მძღოლთა იშვიათი მოწყალებით ცივი ქარი მაქშუტუნებელი ღრუ მდებარეობს და მის გვერდით ყოვლად გამოუყენებელი ნათურები. სწორედ ეს ნათურები გაუქმდება და მათ ნაცვლად დამონტაჟდება "საპონ-სასხავი" (თარო უფრო გაგანიერდება, რადგან ორივე სავარძელი კარგად დაფაროს და დაბანოს მგზავრი).

აღსანიშნავია ის ფაქტიც, რომ თავად სავარძლები იქნება მალშრობადი ზედაპირით, ან ხის ნოხით შემოლამაზებული ან რამე მსგავსით. ამ დეტალებს კიდევ დავაზუსტებთ.

პრობლემა რომელზეც ჯერ კიდევ ვმუშაობთ, არის ფეხზემ მდგომთა დაცვა "მყრალი თხევადი საპნისგან".

ვფიქრობ, როდესაც თაროების სიგანე მოიმატებს, უბრალოდ ფეხზედგომა შეუძლებელი იქნება თბილისის მიკროავტობუსებში, ამიტომ ეს პრობლემაც მოგვარებულად მიმაჩნია, თუ არადა შესაძლოა რამდენიმე გამწოვი დამაგრდეს ჭერზე, რადგან თუკი ფეხზემდგომი პირი აბინძურებს გარემოს, მისი დაბანა კი არ მოხდეს, არამედ ამ ჰაერის მომენტალურად გაწოვა. იქაც დამაგრდება რამდენიმე დეტექტორი, დაახლოებით 4-5 და იმ ადგილას, სადაც მაღალი მგრძნობელობა შეიმჩნევა დაუბანლობისა, ავტომატურად ჩაირთვება ძლიერი ჰაერ-გამწოვი.

ასევე ვმუშაობ ავტობუსებში ამ პრობლემასთან ბრძოლის კუთხით და უახლოეს მომავალში გაგაცნობთ შედეგებს.

ერთად ვიზრუნოთ ჯანსაღ სუნთქვაზე!

ნახვა: 1130

ტეგები: Qwelly, qwellyblog, აბანო, ბლოგი, დაბანა, თბილისი

salome: ივლისი 24, 2014||10:36pm

კარგი პროექტია, იმსახურებს დამტკიცებას ;) 

პ.ს. ძაან ბევრიი ვიცინე :D :D :D

ლაშა: ივლისი 24, 2014||10:51pm

ბალუკა სიცილი კარგია, მთავარია საქმეს წაადგეს :D ჰოოო, ვაპირე საქ-პატენტში მივიტანო :D

მარიამი: ივლისი 24, 2014||11:45pm

:D 

ლაშა: ივლისი 25, 2014||1:37am

ეჰ ჩემო კახა, მომხრეებიც არ იქნებიან ბევრნი, თორემ განხორციელებად ვინ ჩივის :D 

თა _ მო: ივლისი 25, 2014||2:50pm

მაცადე, მოვიდე მთავრობაში :D :D

ლაშა: ივლისი 25, 2014||2:55pm

ჩემი ხმა შენ თამო! :D

P.S. თლა ქვეყნის მთავრობაში აპირებ მოსვლას თუ ქალაქის? :D

თა _ მო: ივლისი 25, 2014||3:03pm

ლაშა ჯერ ქალაქსაც ვიკმარებ :D :D

ლაშა: ივლისი 25, 2014||3:05pm

მაშ ჩაგეძიები - რომელ ქალაქს? :D :)) 

თა _ მო: ივლისი 25, 2014||3:09pm

ლაშა  შენი აზრით? :D დედაქალაქია საჩემო :d

ლაშა: ივლისი 25, 2014||10:20pm

თა _ მო თუ წლევანდელ მერობის კანდიდატებს გავითვალისწინებთ, შურღაია რითია ნაკლები ვითომ :D 

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

ომის გმირების და ომის „ბრალდებების“ დღე

გამოაქვეყნა Giorgi_მ.
თარიღი: აგვისტო 8, 2022.
საათი: 11:08pm 0 კომენტარი

      ტრადიციად ქცეული კითხვის დღე - 08.08.08 - ვინ დაიწყო ომი? და დაუსრულებელი ბრალდებები ერთმანეთის რუსეთუმეობაზე, ასეთია აგვისტოს პირველი დღეების პოლიტიკური ცხოვრება საქართველოში. დღესაც 08.08.22-ში, კვლავ გმირების საფლავები შეამკეს, დაგმეს ოკუპაცია და პარალელურად ქსენოფობიაც, ასევე განიხილებოდა ცესკოს თავმჯდომარეობის კანდიდატები. დღეს 1 აშშ დოლარის ოფიციალური ღირებულება 2.7141 ლარია.…

გაგრძელება

ბრენდებით უკმაყოფილება

გამოაქვეყნა Muxia_მ.
თარიღი: აგვისტო 2, 2022.
საათი: 10:00am 0 კომენტარი



The Shattered League is running from today through March 3. If you've been wanting to get back into Old School RuneScape, this might be the right time to take the plunge. If you're planning on jumping into let us know your reasons below!

Runescape And Outriders aren't two games that people consider in tandem so the sight of a Runescape player address r/Outriders may be a shock. This led to an interesting discussion and post between fans of both games. The whole thing boils down…

გაგრძელება

კოსმოსური ემბლემები

გამოაქვეყნა Tamila Moshiashvili_მ.
თარიღი: ივლისი 31, 2022.
საათი: 11:25pm 0 კომენტარი

      მას შემდეგ რაც, ჯეიმს ვებმა სამყარო ახალი თვალით გვაჩვენა, რა გასაკვირია რომ გაიზარდა მისი პოპულარობა მარკეტინგულ სამყაროშიც. ჯერ კიდევ გაფრენის წინ დამზადდა მოვლენის აღმნიშვნელი პატჩი (ჩვენებურად ალბათ უფრო ემბლემა, იარლიყი, სიმბოლო, რომელიც როგორც წესი ამოქარგულია გარკვეულ მატერიაზე და შემდეგ მაგრდება ტანისამოსზე ან სპეც ტანსაცმელზე. შეიძლება ბეიჯიც ეწოდოს და ა.შ.). ტიმ განიონის (Tim Gagnon) ემბლემებს თითქმის ყველა კოსმოსური მიღწევა ახსოვთ…

გაგრძელება

აღდგა, ვითარცა ერთადერთი

გამოაქვეყნა Nfkjasfas_მ.
თარიღი: ივლისი 29, 2022.
საათი: 10:00am 0 კომენტარი

The show is likely to follow the plot of the games fairly close, however, it could contain new features that contain flashbacks and characters that were mentioned, but were not featured on the screen. The show isn't set with a exact release date, however it is expected to launch sometime in 2023.

According to reports, the series may still filming, though it's likely to be close to wrapping the photography as of the moment.Twisted Metal will also be getting a small-screen debut and is…

გაგრძელება

Qwelly World

free counters