სამუშაო დღის ბოლოს, სახლში დაღლილი რომ გადაწყვეტთ გაიგოთ რა ხდება ქვეყანაში, ცხადია, ყველაფერი ერთ პოსტში უკეთესი წასაკითხია - ჩემი თავისთვის ხომ არ შევაგროვებ მხოლოდ ნიუსებს, თან მნიშვნელოვნად აგრილდა და სიომაც იმატა, ამიტომ აგვისტოს განზოგების მთავარია ამბები:

საქართველოს და მსოფლიოს ამბები /15 აგვისტო, 2017/

      გუშინდელი სკანდალის მთავარი გმირი გამოჩნდა და კომენტარებიც გააკეთა - გიორგი მღებრიშვილი - ეს არის „ფე-ეს-ბე“ -სა და ”ნაციონალური მოძრაობის” მიერ აგორებული ანტიპიარი, რომელიც ხელისუფლების დასუსტებას ისახავს მიზნად. გიორგი მღებრიშვილი - მინდა გითხრათ, რომ დარდიც არ მაქვს. რუსი „პრანკერი“ ამბობს, რომ გიორგი მღებრიშვილთან ვაიბერ მიმოწერაც ჰქონდა. ვიქტორ დოლიძე Страна.ua-ს გავრცელებულ აუდიოჩანაწერზე - გიორგი მღებრიშვილმა ძალიან ნათლად განაცხადა, რასთან გვაქვს საქმე. ნინო ბურჯანაძე Страна.ua-ს გავრცელებულ აუდიოჩანაწერზე - ჩანაწერის ავთენტურობა თუ დამტკიცდა, შს მინისტრი კი არა, პრემიერიც უნდა გადაჰყვეს ამ ამბავს. გუშინ, სააკშვილის ადვოკატმა, ექსპერტიზა გვინდაო - პროკურატურაში არ აკეთებენ კომენტარს, მიხეილ სააკაშვილის ადვოკატის მიერ უწყებაში შეტანილი განცხადების საფუძველზე დაიწყება თუ არა გამოძიება. მიხეილ სააკაშვილი - მე უკრაინაში დავბრუნდები, მუდმივი საცხოვრებელი ადგილი სხვაგან არსად მაქვს, ჩემი ყველა ნივთიც კი უკრაინაშია.

      რკინიგზელების პროტესტი - რკინიგზელები დღეიდან რკინიგზის დეპარტამენტის წინ შიმშილობით პროტესტს იწყებენ. რკინიგზის დეპარტამენტთან მოშიმშილეების მიერ კარვის გაშლას სამართალდამცავებთან მცირე შელაპარაკება მოჰყვა. რკინიგზის დეპარტამენტთან მოშიმშილეთა აქციას სახალხო დამცველის წარმომადგენელი აკვირდებოდა. რკინიგზელთა ახალი პროფკავშირების თავმჯდომარე ირწმუნება, რომ რკინიგზის დეპარტამენტის თანამშრომლებს საბუთებზე ხელი მოტყუებით მოაწერინეს.

      უბარიერო სისტემა ერთდღიანი ნიუსი არ აღმოჩნდა - პაატა დავითაია - უბარიერო სისტემის ცალკე განხილვა ნიშნავს იმას, რომ შედეგის მომტანი არ იქნება. გია ხუხაშვილი უბარიერო სისტემაზე - „ქართულ ოცნებასთან“ ამ ტიპის გარიგებაზე წასვლას არავის ვურჩევდი. გიორგი ვაშაძე უბარიერო სისტემის ცალკე განხილვის აუცილებლობას ვერ ხედავს. მმართველი გუნდი ოპოზიციურ პარტიებს საკონსტიტუციო ცვლილებების საკითხზე მიმდინარე კვირაში შეკრებას სთავაზობს. რა უთხრათ და როგორ ვუთხრათო, ალბათ?! - ოპოზიციასთან შეხვედრის გამოცხადებამდე, ”ქართული ოცნების” დეპუტატები დღეს შიდა კონსულტაციებს გამართავენ. "ნაციონალური მოძრაობა" "ქართული ოცნების" მიერ შეთავაზებულ შეხვედრაში მონაწილეობას მიიღებს. „ევროპული საქართველო“ საკონსტიტუციო ცვლილებების გარშემო მსჯელობის განახლების მზადყოფნას გამოთქვამს.

      გუშინდელმა სტიქიამაც გადაიარა - დარიალის ხეობაში საავტომობილო მოძრაობა აღდგენილია და საბაჟო გამშვებმა პუნქტმა "ყაზბეგმა" მუშაობა განაახლა. გარემოს ეროვნული სააგენტო - დარიალის ხეობაში ამჟამად სრული სიმშვიდეა, რაიმე სპეციალური რეჟიმის შემოღება არ იგეგმება.

      რამდენიმე მარგველაშვილური ფრაზა ცალკე ბლოკად უნდა წარმოვადგინო - გიორგი მარგველაშვილი - კარგი იქნება, ქართული მიწა მოსახლეობას აჭმევდეს და ასმევდეს და მერე მოვიფიქროთ მისი განკარგვა. პრეზიდენტმა სტუდენტებსა და უფროსკლასელებს პროექტი “წაიკითხე კონსტიტუცია მთელ საქართველოსთან ერთად” გააცნო. გიორგი მარგველაშვილი - მნიშვნელოვანია მოქალაქეებმა გაითავისონ, რომ ისინი ქირაობენ ხელისუფლებებს. გიორგი მარგველაშვილი Страна.ua-ს მიერ გავრცელებულ აუდიოჩანაწერზე - საზოგადოებამ უნდა შეძლოს და ამგვარ ინფორმაციას არ უნდა ჩაუღრმავდეს. გიორგი მარგველაშვილი - ორი მოსმენით მოსესაც კი არ მიუღია ათი მცნება, რითაც ვცხოვრობთ დღემდე.

      ჩვენს ექსპერტებზე დიდად განსხვავებულ მოსაზრებებს არც ესენი აფრქვევენ - ამერიკელი ექსპერტი - საქართველო უხერხულ მდომარეობაშია, სურს ნატო-ში გაწევრიანება, მაგრამ ალიანსის შიგნით ამ თემაზე კონსენსუსი არ მიღწეულა.

      ჯეჯელავას ინიციატივა, მაინცდამაინც იაფასიანი არ არის, თუმცა გორელები მის მზეს დაიფიცებენ ალბათ - სკოლებში „ვაშლების დარიგების“ კამპანია განათლების სამინისტროს პირველ ეტაპზე 90 ათასი ლარი დაუჯდება.

      ისე ნუ იზამთ, გადაგვიკეტონ გულის კარები - ვიქტორ დოლიძე - კიდევ ერთხელ მინდა ვთხოვო ჩვენს თანამოქალაქეებს, რომ არ დაარღვიონ ევროკავშირში უვიზოდ ყოფნის ვადები და არ მოითხოვონ თავშესაფარი.

      ლონდონში რომ დაგაჯილდოვებენ, ე.ი. ქმნი რაღაც კარგს - ლონდონის მსოფლიო ვისკის კონკურსში ქართულმა ვისკიმ “JIMSHER” ვერცხლის მედლები მოიპოვა.

      კარგი ნიუსი, ღამის 11-ის მერე, არც რესტორნები შეგვაწუხებენ და არც ფოიერვერკები.

სტატისტიკოსნიუსი:

      აგრილდაო და სტატისტიკებიც დაიდო მზის ხამობის შესახებ - ზაფხულის სეზონზე მზისგან დამწვრობის გამო, 87 პაციენტს სტაციონარში მოთავსება, 387-ს კი ამბულატორიული მკურნალობა დასჭირდა.

      ყოველკვირეული სტატისტიკა რომ ნახოთ, სამნიშნაზე ნაკლები არასოდეს არის ეს რიცხვი - ერთი კვირის განმავლობაში, საგადასახადო სამართალდარღვევის 1 049 ფაქტი გამოვლინდა.

      გამოცდები მორჩა და ახლა სტატისტიკებს ითვლიან, შემოდგომაზე წიწილებსაც - აბიტურიენტებს შორის ყველაზე მოთხოვნადი მიმართულებები წელს სამართალმცოდნეობა, ბიზნესი და საერთაშორისო ურთიერთობებია.

საზღვარგარეთულები:

      ომის ხაზზე დადიან თუ ცეცხლს ეთამაშებიან თუ როგორც ჰქვია - აშშ-ის თავდაცვის მდივანი - თუ ჩრდილოეთ კორეა აშშ-ის მიმართულებით ბალისტიკურ რაკეტას გაუშვებს, ამან შეიძლება ომი გამოიწვიოს. კიმ ჩენ ინმა ბრძანება გასცა, სამხედროები ნებისმიერ დროს მზად იყვნენ დარტყმა განახორციელონ. არ ვიცი ტრამპი რას იქადნებოდა, მაგრამ უკვე მეორედ უთხრეს - არ გვეშინიაო - ვენესუელის პრეზიდენტი - აშშ-ს მხრიდან ვენესუელაში არსებულ სიტუაციაში სამხედრო ჩარევის მუქარა ძალიან უხეში შეცდომა იყო. აშშ-სადმი უშიშობის კიდევ ერთი გამოვლინება - იმ შემთხვევაში თუ ვაშინგტონი თეირანს ახალ სანქციებს დაუწესებს, ირანი ბირთვული შეთანხმებიდან გამოსვლით იმუქრება. და კიდევ ერთიც - „თალიბანი“ დონალდ ტრამპს ავღანეთიდან ჯარების გაყვანისკენ მოუწოდებს. გერმანიის საგარეო საქმეთა მინისტრი - მსოფლიო შოკირებულია იმით, თუ რამდენად არაპროგნოზირებადი გახდა აშშ-ის პოლიტიკა.

      ანტიჟურნალისტური განწყობა - რუსული ВГТРК-ს კორესპონდენტი თამარა ნერსესიანი უკრაინიდან გააძევეს. აღნიშნულის შესახებ ტელეარხი „Россия 24“ იუწყება.

      გერმანია ვერ ამოვიდა ვალებიდან - გერმანია მეორე მსოფლიო ომის დროს ტყვედ ჩავარდნილ ყოფილ საბჭოთა ჯარისკაცებს, მათ შორის ქართველ ვეტერანებს 2500 ევროს კომპენსაციას გადაუხდის

      ნეპალში წყალდიდობისა და მეწყერის შედეგად მსხვერპლის რაოდენობა 111-მდე გაიზარდა.

      თურქეთის უსაფრთხოების ძალებმა სტამბოლში „ისლამური სახელმწიფოს“ ტერორისტი დააკავეს.