qwelly, qwelly post, blog, letter, tkivilgamayuchebeli poezia, poezia, poetry, analgesic poetry, ქველი, ტკივილგამაყუჩებელი პოეზია, პოეზია

ტკივილგამაყუჩებელი პოეზია

"სიმართლე გითხრა ეს წამლები სულს მიხუთავს და გულის არითმია უფრო მიმწვავდება...

სითეთრე მაბრმავებს და სუნი ყნოსვის უნარს მიქვეითებს...

საკანს ჰგავს აქაურობა, ნამდვილ საკანს. ათასობით წამლის ყურება მომისაჯეს! მე ხომ ისედაც ვიცი, რომ არცერთი არაა წამალი მე რომ მჭირდება... ერთ-ერთს ტკივილგამაყუჩებელი დაარქვეს, მეც ვიცი და თითოეულმა აქ შემომსვლელმა იცის ისეთი ტკივილები, ეს რომ ვერ აყუჩებს, არადა, როგორ მიზიდავს ეს სახელი - ტკივილგამაყუჩებელი...

კარგი, დანარჩენს მერე გეტყვი, უკვე დაღამდა და იცი...

ღამე და სიკვდილი მარადიულ იდუმალებად მესახება. დღეს კი ისეთი ღამეა, მენანება... მენანება, რომ სოფლის შუაგულში ბალახზე არ ვწევარ და არ ვუყურებ ვარსკვლავთა ბადეს, იმედის ნაპერწკლებივით რომ ციმციმებენ ზეცის საზღვარზე... ალბათ რამდენი ლექსი იბადება ასეთ ღამეში...

საოცარია პოეზია, საოცარია ადამიანი...

რომ არ გამეგო ადამიანი, რომ ღვთის ხატია, შემოქმედების ძალა დამანახებდა ამას... როგორ სწყურია პოეტს ლექსი შექმნას და მერე როგორ ხარობს ამაზე... ხარობს, რომ შემოქმედია თვითონაც, გულანთებული გადაიკითხავს ახალდაბადებულ, ჯერ წაუკითხავ, მტირალა სტრიქონებს და საკუთარ არსში გრძნობს ქრისტეს სიდიადეს... ასეა მხატვარი, მწერალი, ყველა ხელოვანი და ყველა ადამიანი.. (მე არ მინახავს ადამიანი ვისაც რაიმეს შექმნა არ შეუძლია) მაგრამ რა ვქნა, პოეზიას გამოვყოფდი მაინც...

ვერ გამიგია რა ძალაა მასში ასეთი, ან იქნებ მე რომ მიყვარს ამიტომ მგონია... არ ვიცი, მაგრამ პოეზიაა მიწა, ზეცა, წყალი, ჟანგბადი, დედამიწა, მზე, მთვარე, ვარსკვლავები, კოსმოსი, უჰაერობა, ჰაერი და გაფრენა!!!!

ჰო, მეც ვწერ ხოლმე...

მერე რა, რომ გიჟს არ მეძახიან, მეც ძალით ჩამაცვეს თეთრი ხალათი და გავაფრინე ☺"

P.S. ავტორის ნებართვის გარეშე გამოვაქვეყნე ეს წერილი.

ვფიქრობ, ფიქრისთვის თქვენც გამოგადგებათ.

ნახვა: 934

ტეგები: Qwelly, არითმია, ბლოგი, დღიური, წამალი

Kakha: იანვარი 30, 2015||8:49pm

ეს გულის არითმიასაც არეგულირებს ჰო? :D და კატარაქტას თუ შველის? :D

khatuna zitanishvili: იანვარი 30, 2015||9:45pm

ნამდვილად შველის))) 

ლაშა: თებერვალი 1, 2015||8:09pm

კატარაქტას თეთრი ლექსები უნდა Kakha :D :D :D 

ლაშა: თებერვალი 2, 2015||2:01pm

მარიბუს ეგ ლექსი ვინმეს ტკივილს გაუყუჩებს??? :D 

თა _ მო: თებერვალი 3, 2015||3:45pm

რას ამბობ ლაშიკო, ეს ლექსი "გაუღიმილობას" შველის :D ამ წუთას შევამოწმე :D

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

კანონიერების გამოკვლევა, დაპირისპირება დმანისში და ბერობიდან განყენება

გამოაქვეყნა Giorgi_მ.
თარიღი: სექტემბერი 21, 2021.
საათი: 11:16pm 0 კომენტარი

      უპირველესად გილოცავთ ღმრთისმშობლის შობას. დღის მთავარი პოლიტიკური ამბები კი უკავშირდება საარჩევნო დებატებს. დღეს მეინსტრიმში იყო ასევე სისხლიანი ბანერები, დმანისში არეულობა, ფარული ჩანაწერების კანონიერება თუ უკანონობა, მგზავრობა თბილისში და სივერაგე ოკუპაციაში. ვალუტის კურსი - 1 აშშ დოლარი - 3.1163 ლარია.

საქართველოს და მსოფლიოს ამბები | 21 სექტემბერი, 2021…

qwellynews, სიახლეები, ნიუსები, ამბები, სექტემბერი

გაგრძელება

ბილბორდების ბედი, საიას სარჩელი და ფარული საქმის კომისია

გამოაქვეყნა Giorgi_მ.
თარიღი: სექტემბერი 20, 2021.
საათი: 11:00pm 0 კომენტარი

      სანამ არჩევნები არ ჩატარდება, მოგვიწევს ასეთი ამბები ავიტანოთ - ჩანაწერები და მიყურადებები, კომპრომანტების გამოქვეყნება და მერე მათზე კომენტარები, ახალი გამოძიებები და ასე წრეზე სიარული. დღეს ბილბორდების თემაც აქტუალური იყო - ე.წ. სისხლიანი ბილბორდები. ასევე მეგის ქარდავა და საიას სარჩელი. ვალუტის კურსი - 1 აშშ დოლარი - 3.1099 ლარია.

საქართველოს და მსოფლიოს ამბები | 20 სექტემბერი,…

გაგრძელება

თითებზე ასხმული ქალაქები

გამოაქვეყნა Tamila Moshiashvili_მ.
თარიღი: სექტემბერი 19, 2021.
საათი: 10:24pm 1 კომენტარი

      დიდი ხანია ოქრომჭედელი არ ყოფილა ჩვენი ბლოგის სტუმარი. დღეს ოლა შეხტმანი (Ola Shekhtman) უნდა გავიცნოთ. ოლას უყვარს მოგზაურობა და მოგზაურობისას, ამა თუ იმ ქალაქის სუვენირების შეგროვება. ერთხელაც გადაწყვიტა რომ თავად შეექმნა მუდმივი თანამგზავრი სუვენირი. ქალაქში ჩასვლისას, ოლა ფართო პეიზაჟებს აკვირდება, სწავლობს, ხატავს და ერთ სიბრტყეზე გადააქვს. შემდეგ იწყება ყველაზე რთული. თითოეული მისი ბეჭედი ხელით არის დამუშავებული, დახერხილი,…

გაგრძელება

ექსტრადირების ამბავი, კოკაინი და მიყურადება

გამოაქვეყნა Giorgi_მ.
თარიღი: სექტემბერი 17, 2021.
საათი: 11:00pm 1 კომენტარი

      ნელ-ნელა იწყება კოვიდის მეხუთე ტალღაზე საუბარი და შესამზადებლად ვაქცინაციის წახალისება. დღის მთავარ ამბებში კვლავ საარჩევნო „სისუფთავეა“, ასევე ფარული ჩანაწერები ნელ-ნელა გამომზეურება მტყუან-მართლის გარკვევის პარალელურად. მეგის ქარდავას ექსტრადაცია განხორცილდება. ვალუტის კურსი - 1 აშშ დოლარი - 3.1129 ლარია.

საქართველოს და მსოფლიოს ამბები | 17 სექტემბერი, 2021…

qwellynews, სიახლეები, ნიუსები, ამბები, სექტემბერი

გაგრძელება

Qwelly World

free counters