ჩემი და Timens group-ის ისტორია კვლავ გრძელდება, მაგრამ ოდნავ სხვაგვარად. მინდა ჩვენი სამომავლო გეგმები გაგიმხილოთ და ის, რაც გუშინ მოხდა. ახლა უკვე ახალ ამპლუაში წარვსდგები თქვენს წინაშე – სცენარისტის ამპლუაში.

ჯერ კიდევ სამი დღის წინ გავიგე, რომ ირაკლი დონაძე (რეჟისორი) აპირებდა საშინელებათა ფილმის გადაღებას და მე მინდოდა დავხმარებოდი, რომელიც სიამოვნებით მიიღო. ერთი იდეა შევთავაზე, რომელზეც ბევრი არც მიფიქრია მაშინვე მომივიდა თავში, უბრალოდ ცოტა არეულად მივწერე, რაც გასაკვირი არცაა კარგად ვერ გაიგო. მთავარი კი მოეწონა და მთხოვა, რომ სცენარი დამეწერა თუ შევძლებდი. დავჯექი და დავწერე, 1 საათი დამჭირდა მხოლოდ, მეტი არა და შემდეგ ირაკლის გავუგზავნე, დაველოდე რა განაჩენს გამოუტანდა სცენარს. მითხრა, რომ ეს ძალიან კარგი მოთხრობა იყო და შემეძლო აქ დამედო, ან სხვა მიზნით გამომეყენებინა, გამაფრთხილა, რომ ბევრი რამ ჩაემატება შეიცვლება მაგრამ აზრი მაინც იგივე დარჩებაო. ამის მიუხედავად მე დავთანხმდი, რადგან უკვე წარმოდგენილი მქონდა რა მაგარი ფილმი გამოვიდოდა თუ ამას ირაკლი დონაძე გადაიღებდა. შეიძლება ჯერ დამწყები რეჟისორია, მაგრამ საკმაოდ კარგად იღებს, პროფესიონალური კადრებია და ამაში გუშინ კიდევ უფრო დავრწმუნდი, როცა უფრო ახლოს გავიცანი თავად ის და ვაკვირდებოდი ფილმის გადაღებას.

ცდად ღირდა. ხომ იცით ახალბედას უმართლებს ყოველთვისო და ისე გამოვიდა, რომ კარგად დამიწერია თურმე და ეს შეფასება ვერ უარვყოფ და ძალიან მესიამოვნა, თან ცოტა გადაჭარბებულადაც მეჩვენა მაგრამ….

შემდეგ დავიძინე და ირაკლი კი დამპირდა დილას სცენარს მზად დაგახვედრებო. მართლაც, როცა ფეისზე შევედი გამოგზავნილი დამხვდა. თვალი, რომ გადავავლე მართლაც ბევრი რამ იყო შეცვლილი, ჩემი ნაწერი ვერ ვიცანი მაგრამ მეორედ წაკითხვის შემდეგ მივხვდი რატომაც შეცვალა. კინო ცოტა განსხვავებული უნდა იყოს მოთხრობასთან შედარებით და იმედი მაქვს მერე დავამუღამებ და პირდაპირ სცენარებსაც დავწერ. მე და ირაკლი თანამშრომლობას არ ვწყვეტთ… საბოლოო ჯამში სცენარი მომეწონა, ბევრი რამ არის ჩადებული, რასაც მაყურებლისთვის განგებ ვტოვებ და არ ვამბობ. საინტერესო მონაკვეთებია, კარგი კადრები და იდეა საოცარი. ეს არ არის მარტო საშინელებათა ფილმი, ეს ფილმი უფრო ბევრ რამეზე დაგაფიქრებთ და ასეთი რამ ჯერ ქართველებს არ გადაუღიათ, ყოველშემთხვევაში მე არ ვიცი ამის მსგავსი ფილმი. ვერ შეგპირდებით, რომ ამ ფილმის ყურებისას იხალისებთ, ან დაჯდებით და მთელი ფილმის მანძეილზე მხოლოდ ისიამოვნებთ. ისიამოვნებთ, მაგრამ სხვანაირი გაგებით. ეს ფილმი არ იქნება ისეთ ადამიანებზე გათვლილი, რომლებიც საშინელებათა ჟანრს ვერ იტანენ და ძალიან სუსტი გული აქვთ. საქართველოში მათ გარდა ისედაც საკმაოდ ბევრი მოყვარულია ამ ჟანრის და იმედი მაქვს მოგეწონებათ და “ისიამოვნებთ”…

მადლობა მინდა გადავუხადო იმისთვის, რომ მომისმინა და მოეწონა იდეა, სწორედ ამიტომ არის რომ გვინდა გავაგრძელოთ თანამშრომლობა და ვიმედოვნებთ წარმატებული იქნება ეს ყველაფერი. ნამდვილად არ ველოდი მისგან ამ იდეის მოწონებას, არ ვიცი რატომ მაგრამ გამიკვირდა კიდეც, რომ მითხრა ისეთი მოთხრობაა რომ წავიკითხე და წარმოვიდგინე შემეშინდაო…

გადაღებები 18 აგვისტოს, გუშინ დავიწყეთ და პირველი კადრები მზადაა უკვე, რის საფუძველზეც შემიძლია ვთქვა, რომ ფილმი მართლაც ძალიან საინტერესო გამოვა. ეს არ იქნება სრულმეტრაჟიანი ფილმი, მთელი საათ-ნახევარი ვერ გადავიღებთ პირდაპირ, რადგან ასე თავიდანვე სრულს ვერ “მივვარდებოდით”, როგორც მწერალი არ წერს თავიდანვე დიდტანიან წიგნს, ისეა ესეც და უფრო კარგად გავიგე, რადგან უცნობი ავტორის წიგნს ყველა არ წაიკითხავს, უცნობი რეჟისორის ფილმს საათ-ნახევარი არავინ დაუჯდება. ეს ფილმი იქნება 15-20 წუთიანი და გპირდებით, რომ მოულოდნელობებით სავსე. ყურება მოსაბეზრებელი ნამდვილად არ იქნება, რადგან ეს ცხოვრებისეული ფილმიცაა, მიუხედავად იმისა, რომ ზოგი რამ დაუჯერებელია ბევრს ეს გაკვეთილადაც გამოადგება.


ირაკლი დონაძის აივანზე


მე და ნიკა ნადარეიშვილი

გადაღებებზე სანამ დავიწყებდე ლაპარაკს გეტყვით, რომ ძლივს მივაგენი მიცკევიჩს. მთელი ორი საათი ვიარე, რომ მივსულიყავი დანიშნულების ადგილას. შეიძლება სასაცილოცაა, შეიძლება კი არა არის, მაგრამ იმ ქუჩაზე პირველად ვიყავი და დაილოცოს GPS და SAMSUNG GALAXY. ახლა ისინი უფრო დავაფასე და შემიყვარდა, რადგან მართლაც ძალიან დამეხმარნენ მიგნებაში.

გადაღებები იყო ძალიან საინტერესო, ასევე სახალისოც. “სასიამოვნო” გარემო იყო. ის რომ ყველა ერთი რამით იყო დაკავებული, შემოქმედებით ადამიანებს ვაფასებ ყოველთვის და დავაფასებ კიდეც, მათ ძალიან კარგად გავუგე და ამიტომ მათთან ყოფნა მესიამოვნა ნამდვილად. მათთან ურთიერთობა, გართობა და ყველაფერი. სახლში უკვე ძალიან გვიან დავბრუნდი. მსახიობებს, რომ ეშლებათ და დუბლს ახლიდან იღებენ ეგ იყო ძალზე სასაცილო მე კი ვიყავი კადრს მიღმა და ვხალისობდი.


მარიამ გიგუაშვილი


ირაკლი დონაძე


ნიკა ნადარეიშვილი

მინდა ასევე ეს ფილმი დავაანონსო, ამ პოსტის მიზანი სწორედ ეს იყო და მაპატიეთ თუ ძალიან გამიგრძელდა საუბარი. ფილმი გამოვა სექტემბრის ბოლოსკენ, მანამდე კი Trailer გამოვა და დაიდება ირაკლი დონაძის Myvideo-ს არხზე. გამოიწერეთ ყველამ და დაელოდეთ სიახლეებს.

ფილმის გამოსვლის ზუსტი თარიღი ჯერ უცნობია, ამასაც შეგატყობინებთ, როცა გაირკვევა. მადლობა ყურადღებისთვის და მადლობა Timens Group-ს. მთავარ როლში ნიკა ნადარეიშვილი. ფილმში ასევე მონაწილეობენ ირაკლი დონაძე და მარიამ გიგუაშვილი. ეს ჩემი და ირაკლი დონაძის პირველი ერთობლივი ნამუშევარი იქნება... ♥

იმედია მოგეწონებათ!

ჩვენ კიდევ გავაგრძელებთ ერთად მუშაობას თუ ეს ნამუშევარი გაამართლებს…

ნახვა: 377

ტეგები: Qwelly, TimensGroup, blog, movie, ბლოგი, გეგმები, გიორგი_ლოგუა, დღიური, ირაკლი_დონაძე, სამომავლო_გეგმები, მეტი...საშინელებათა_ფილმი, სცენარი, ფილმზე_მუშაობა, წყაულა

თათია: აგვისტო 25, 2014||6:13pm

ლოგუა ველით ამ ფილმს

გიორგი ლოგუა: აგვისტო 26, 2014||9:00pm

აუცილებლად იქნება ^_^ <3 მადლობა თათია :*

ლაშა: ოქტომბერი 3, 2014||9:02am

Trail_ერს ჩვენს ვიდეოთეკაშიც ველით :)) იმედია უკვე მზად არის :))

გიორგი ლოგუა: ოქტომბერი 15, 2014||4:13pm

თრეილერი კი მზად არის <3 მაივიდეოზეა ატვირთული. სრული ფილმი კი ხვალ დაიდება :*

ლაშა: დეკემბერი 28, 2015||11:31am

წყაულას შემდეგ კიდევ გადაიღეთ რამე? 

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

ექსტრადირების ამბავი, კოკაინი და მიყურადება

გამოაქვეყნა Giorgi_მ.
თარიღი: სექტემბერი 17, 2021.
საათი: 11:26pm 0 კომენტარი

      ნელ-ნელა იწყება კოვიდის მეხუთე ტალღაზე საუბარი და შესამზადებლად ვაქცინაციის წახალისება. დღის მთავარ ამბებში კვლავ საარჩევნო „სისუფთავეა“, ასევე ფარული ჩანაწერები ნელ-ნელა გამომზეურება მტყუან-მართლის გარკვევის პარალელურად. მეგის ქარდავას ექსტრადაცია განხორცილდება. ვალუტის კურსი - 1 აშშ დოლარი - 3.1129 ლარია.

საქართველოს და მსოფლიოს ამბები | 17 სექტემბერი, 2021…

qwellynews, სიახლეები, ნიუსები, ამბები, სექტემბერი

გაგრძელება

სახელმწიფო უსაფრთხოების სამსახური და პროტესტები საარჩევნოდ

გამოაქვეყნა Giorgi_მ.
თარიღი: სექტემბერი 16, 2021.
საათი: 11:30pm 0 კომენტარი

      როგორც ჩანს დაანონსებული წვიმები მხოლოდ ქობულეთს აუხდა მძიმედ - ძლიერმა წვიმამ სახლები დაიტბორა, რამდენიმე სოფელში კი მეწყრული პროცესები განვითარდა. ქვეყანაში ისევ მოსმენების ამბავია აქტუალური და კვლავ სუს მიმართ ისმის კითხვები და პროტსტები. ცხადია, ყველაფერი არჩევნებს უკავშირდება და მის გარშემო ტრიალებს. ვალუტის კურსი - 1 აშშ დოლარი - 3.1141 ლარია.

საქართველოს და მსოფლიოს ამბები | 16…

გაგრძელება

საარჩევნო ტრადიცია - მოსმენები, მიყურადებები და ჩანაწერების გამომზეურება, მერე კომენტარები

გამოაქვეყნა Giorgi_მ.
თარიღი: სექტემბერი 15, 2021.
საათი: 10:30pm 1 კომენტარი

      გამოდარებას არ შეგარგებენ რა, ხვალ და ზეგ წვიმა და ძლიერი ქარი გველოდებაო. დღეს კი მეინსტრიმული აღმოჩნდა ჩვენი საარჩევნო ტრადიცია - ფარული მიყურადების, მოსმენოების, ჩანაწერების მოულოდნელი გამომზეურება და სკანდალ-სკანდალ ნიუსები. დღის მთავარი თემა სწორედ ეს იყო. მეორე მთავარი ამბავია მოახლოებული არჩევნები. ვალუტის კურსი - 1 აშშ დოლარი - 3.1129 ლარია.

საქართველოს და მსოფლიოს ამბები | 15…

გაგრძელება

ჩანაწერები საპატრიარქოზე და არჩევნები ნარკოტესტებზე

გამოაქვეყნა Giorgi_მ.
თარიღი: სექტემბერი 13, 2021.
საათი: 11:00pm 0 კომენტარი

      არჩევნების მთავარი ამბავი ნარკოტესტი და ბანერებია. კანდიდატების დაფიპირისპირება ვირტუალურ რეალობაში გადადის. ახლოვდება არჩევნები და ყველა თემა მის გარშემო აქტუალურდება. დღეიდან საზოგადოებრივი ტრანსპორტის მოძრაობა აღდგა და კოვიდიც გააქტუალურდა. ტრანსპორტი კი ამუშავდა, მაგრამ როგორც კალაძე ამბობს - არც ერთი საზოგადოებრივი ტრანსპორტი არ დაიძვრება, თუ მგზავრი პირბადის გარეშე იქნება. დღის ახალი სკანდალი - ხელისუფლება საპატრიარქოს უსმენს, უმაღლესი…

გაგრძელება

Qwelly World

free counters