კონტრტერორისტული სპეცოპერაცია - შედეგები და განცხადებები, პრეზიდენტის არჩევანი, ომბუდსმენის მოვალეობანი და გირგვლიანის საქმე

      მთელი დღე განსაზღვრა და მეინსტრიმული აღმოჩნდა ტერორიზმში ეჭვმიტანილი პირების დაკავების საქმე. რამდენიმე ცამყვანი ტელევიზია პირდაპირ ეთერშიც გადმოსცემდა აღნიშნულ პრეცესს, ზოგიერთი დაგვიანებით და ა.შ. თუმცა, მთელი დღე მხოლოდ ეს ისმოდა, ამიტომ ჩვენს ყოველდღიურ ამბებშიც მნიშვნელოვან ბლოკი დაეთმობა.

საქართველოს და მსოფლიოს ამბები / 22 ნოემბერი, 2017/

      ჯერ კიდევ გუშინ ღამით ვრცელდებოდა ინფორმაცია, რომ თბილისში, ისანში, გაბრიელ სალოსის ქუჩაზე მიმდინარეობდა სპეცოპერაცია. მაშინ ალბათ არავინ იფიქრებდა, რომ სპეცოპერაცია დასრულდება 20 საათის შემდეგ და ბოლო დროის ერთ-ერთი ყველაზე მასშტბური და ხმაურიანი ამბავი გამოვიდოდა. შეჯამებული სახით წარმოგიდგენთ ინფორმაციას, რომელიც სახელმწიფო უსაფრთხოების სამსახურმა გაავრცელა: სპეცოპერაციის შედეგად, გარდაიცვალა ერთი სპეცრაზმელი და დაჭრილია სახელმწიფო უსაფრთხოების სამსახურის ორი თანამშრომელი; დაჭრილია შსს-ს განსაკუთრებულ დავალებათა დეპარტამენტის ორი თანამშრომელი; დაკავებულია დანაშაულებრივი ჯგუფის ერთი პირი, ხოლო სამი ლიკვიდირებულია; წინასწარი ინფორმაციით, დანაშაულებრივი ჯგუფის წევრები არ იყვნენ საქართველოს მოქალაქეები; დანაშაულებრივი ჯგუფის წვერებს კონტრტერორისტული დეპარტამენტი ბოლო რამდენიმე კვირა აკვირდებოდა; ჯგუფის წევრების სრული იდენტიფიკაციის მიზნით, მიმდინარეობს შესაბამისი ღონისძიებები დანაშაულებრივი კავშირების დადგენის მიზნით; სპეცოპერაციის დაწყების დროს, პირებმა, რომელთა დაკავების ოპერაციაც მიმდინარეობდა სპეცრაზმელებს ცეცხლი გაუხსნეს; სპეცოპრაციის დროს დაზიანდა მიმდებარე ბინები, რომელთა ზარალის ანაზღაურებაც, ასევე დააანონსა სუსმა. თბილისის მერიამ კი დროებითი სახლების საჭიროების მქონე ოჯახებს შესთავაზა დახმარება და ბინები, მათ შეუძლია ისნის გამგეობას ან თბილისის მერიას მიმართონ. ასევე, დაზუსტებული ინფორმაციით სპეცოპერაციის დროს მშვიდობიანი მოქალაქეები არ დაშავებულან; სპეცოპერაციის გამო, უსაფრთხოების მიზნით, სამგორის რაიონში მდებარე სამ საბავშვო ბაღში და მიმდებარე საჯარო სკოლაში სასწავლო პროცესი შეჩერებული იყო;

      რაც შეეხება სხვადასხვა პოლიტიკოსების თუ ჯგუფების განცხადებებს, რომელიც პერიოდულად ჩნდებოდა გუშინ ღამიდან მოყოლებული - სუს_ი - პირებმა, რომელთა დაკავების ოპერაციაც მიმდინარეობს, სპეცდანაყოფის მიმართულებით ცეცხლი გახსნეს. კორპუსიდან, სადაც სუს-ი სპეცოპერაციას ატარებს, მოსახლეობა გამოჰყავთ. სპეცოპერაციის ადგილზე აფეთქებების ხმა ისმის. სპეცოპერაციის ადგილზე, სპეცრაზმის დამატებითი ძალები შევიდა. სპეცოპერაციის ადგილზე სასწრაფო დახმარების ერთი მანქანა შევიდა. სპეცოპერაციის გამო, 97-ე საჯარო სკოლაში სასწავლო პროცესი დღეს არ გაიმართება. სპეცოპერაციის ადგილზე რამდენიმე კორპუსის შესასვლელი ბლოკირებულია, სამართალდამცავები, სავარაუდოდ, ორი პირის აყვანას ცდილობენ. სასწრაფოს ინფორმაციით, სპეცოპერაციის ადგილზე მათი დახმარება არავის დაჭირვებია. სპეცოპერაციის ადგილზე სროლისა და ძლიერი აფეთქებების ხმა ისმის, ამოდის კვამლი. სპეცოპერაციის მიმდებარე ტერიტორიაზე მცხოვრები მოსახლეობის ნაწილი კორპუსებიდან მათ გაყვანასაც ითხოვს. არაოფიციალური ინფორმაციით, გაბრიელ სალოსის ქუჩაზე სპეცოპერაცია ტერორიზმში ბრალდებულების წინააღმდეგ მიმდინარეობს. სპეცოპერაციის ადგილზე რამდენიმე ერთეული სასწრაფო-სამედიცინო დახმარების მანქანა შევიდა. ადგილობრივები სპეცოპერაციისას განხორციელებული სროლისა და აფეთქებების ამსახველ ვიდეომასალას ავრცელებენ. სპეცოპერაციის ადგილზე სროლისა და აფეთქებების შედეგად რამდენიმე ბინაში ცეცხლი გაჩნდა. ერთ-ერთი თვითმხილველის ინფორმაციით, ტერორიზმში ეჭვმიტანილი პირები სავარაუდოდ ხელყუმბარებს ისროდნენ. ბექა ნაცვლიშვილი - სპეცოპერაციის ადგილზე მცხოვრებ მოსახლეობას ამ ეტაპზე საფრთხე არ ემუქრება. სახალხო დამცველი - აუცილებელია ასეთი სპეცოპერაციის დაგეგმისას გაითვალისწინონ პირველ რიგში იქ მცხოვრები ადამიანების უფლებები. სპეცოპერაციისას განხორციელებული სროლისა და აფეთქებების შედეგად ერთი სპეცრაზმელი დაიჭრა. მოსახლეობა სპეცოპერაციის ტერიტორიას პოლიციის დახმარებით ტოვებს. სპეცოპერაციისას დაჭრილი პირების რაოდენობისა და მათი ჯანმრთელობის მდგომარეობის შესახებ ოფიციალური კომენტარები არ კეთდება. სპეცოპერაციის ადგილზე სამართალდამცველებმა სპეცტექნიკა შეიყვანეს. სპეცოპერაციის ადგილზე სამართალდამცველების დამატებითი ძალების მობილიზება ხდება. გია ვოლსკი - სპეცოპერაციის ადგილზე ძალოვანი სტრუქტურები ინტენსიურად მუშაობენ, მათ საქმიანობას მხარდაჭერა სჭირდება. სპეცოპერაციის ადგილზე, სპეცრაზმის დამატებითი ძალები შეიყვანეს. სუს-ი - სპეცოპერაციის შედეგად 1 ადამიანია დაკავებული, მიმდინარეობს მუშაობა სხვა პირების დასაკავებლად. სუს-ი არ ადასტურებს ინფორმაციას, რომ პირებს, რომელთა ასაყვანად სპეცოპერაცია მიმდინარეობს, სავარაუდოდ, მძევლები ჰყავთ აყვანილი. სუს-ი მოსახლეობას მოუწოდებს, თავი შეიკავოს იმ ტერიტორიაზე გადაადგილებისგან, სადაც სპეცოპერაცია მიმდინარეობს. იან კელი სპეცოპერაციის შესახებ - ყველაზე მეტად, რაც ჩვენ გვაღელვებს, ეს არის მოსახლეობის უსაფრთხოება. ტერორიზმში ეჭვმიტანილი პირების ასაყვანად სამართალდაცველებმა კორპუსზე შტურმი დაიწყეს. ზურაბ ალავიძე - სპეცოპერაცია მიმდინარეობს და შესაბამისი სამსახურები გააკეთებენ კომენტარს. გიგა ბოკერია - ხელისუფლებისგან ველით ინფორმაციას, რასთან გვაქვს საქმე. სოზარ სუბარი - ყველაფერი კეთდება, რათა სპეცოპერაცია დამთავრდეს ისე, რომ არც ერთი მოქალაქე არ დაზიანდეს. არსებული ინფორმაციით, დუისის პოლიციაში იმ პირს კითხავენ, ვისი სახლიც ტერორიზმში ეჭვმიტანილ პირებს ჰქონდათ დაქირავებული. ნიკა რურუა - არ შეიძლება ოპერაცია ამდენი ხანი გრძელდებოდეს, ერთი ბინის ნეიტრალიზაციას 2 საათზე მეტი არ უნდა სჭირდებოდეს. სპეცოპერაციის ადგილზე სროლის ხმა პერიოდულად ისმის, კორპუსიდან კვლავ კვამლი გამოდის. კობა ნარჩემაშვილი - ძალიან მძიმე სანახავია, რომ სპეცოპერაცია პირდაპირ ეთერში მიდის. მამუკა არეშიძე - სპეცოპერაციის დაწყებისას მოულოდნელობის ეფექტი არ იყო, ამიტომ ბინაში მყოფები შესაბამისად მოემზადნენ. ზაზა ფირალიშვილი სპეცოპერაციაზე - აუცილებელია იმ ქვეყნების გამოცდილების გაზიარება, რომლებსაც ტერორიზმთან ბრძოლის გამოცდილება აქვს. არაოფიციალური ინფორმაციით, ბლოკირებულ ბინაში მყოფი ტერორიზმში ეჭვმიტანილები, სავარაუდოდ, ISIS-ის ჩეჩენი მებრძოლები არიან. ხატია დეკანოიძე - ბევრი კითხვა არსებობს სპეცოპერაციაზე, რატომ მივიდა შს მინისტრი მხოლოდ 22 საათის შემდეგ ადგილზე, რატომ არ დაამშვიდა პრემიერმა მოსახლეობა? კორპუსში, სადაც სპეცოპერაცია მიმდინარეობდა, ხანძარი ფაქტობრივად ლიკვიდირებულია. სპეცოპერაციის ფარგლებში დაკავებულია პირი, რომელმაც ტერორიზმში სავარაუდო ეჭვმიტანილებს თბილისში ბინა დააქირავებინა. თბილისის მერი სპეცოპერაციის ადგილიდან გაყვანილ მოსახლეობას მოუწოდებს, თავშესაფრის საჭიროების შემთხვევაში, ისნის გამგეობას დაუკავშირდეს. სპეცოპერაციის შედეგად დაღუპულია ერთი და დაჭრილია 4 სამართალდამცველი. სპეცოპერაციის შედეგად დაკავებულია დანაშაულებრივი ჯგუფის 1 წევრი და ლიკვიდირებულია - 3. სუს-ი - არსებული ინფორმაციით, დანაშაულებრივი ჯგუფის წევრები საქართველოს მოქალაქეები არ იყვნენ. გიორგი კვირიკაშვილი - არ აქვს მნიშვნელობა, ეჭვმიტანილები რომელი ქვეყნის მოქალაქეები არიან, მათ ეროვნებას და მოქალაქეობრივ კუთვნილებას ხაზი არ უნდა გავუსვათ.

      პრეზიდენტის ბლოკი - ჯერ კიდევ გუშინ საღამოს, გიორგი მარგველაშვილმა განაცხადა, რომ პრეზიდენტის პოსტზე ხელმეორედ კენჭისყრას არ გამორიცხავს. გიორგი მარგველაშვილი - მორჩილ პრეზიდენტს ოფისსაც გაუთბობენ და პრობლემებსაც არ შეუქმნიან. იორგი მარგველაშვილს მიაჩნია, რომ სამინისტროების თემატურად გაერთიანება მინისტრთა კაბინეტის მუშაობას უფრო ეფექტურს გახდის. გიორგი მარგველაშვილი - უჩა ნანუაშვილი არ მოეწონათ, რადგან ხელისუფლება გააკრიტიკა, შემდეგ მედია არ მოგეწონება, მერე - მოქალაქე. გიორგი მარგველაშვილი - ნინო გვენეტაძე აცხადებს, რომ ის ზეწოლის მსხვერპლია და მე ეს ძალიან მადარდებს და მაღელვებს. დღეს ვანო მერაბიშვილის შეწყალების საფუძველი არ მაქვს. ერთადერთი ადამიანი, ვინც მაშინ პოლიტიკურად გვერდზე დამიდგა, იყო ივანიშვილი. ავლაბრის რეზიდენციაში შესვლა იყო პოლიტიკური პოზიცია და არა ის, რომ მე სხვაგან წასასვლელი არ მქონდა.

      ომბუდსმენის განცხდებებიდან - უჩა ნანუაშვილი - მონიტორინგის კომიტეტის წევრებს ომბუდსმენის ინსტიტუტზე განხორციელებულ შეტევებზე ინფორმაცია მივაწოდე. უჩა ნანუაშვილი - არასერიოზულია, როდესაც იუსტიციის მინისტრი სახალხო დამცველს პოლიტიკურ დებატებში იწვევს. უჩა ნანუაშვილი - სექსუალური და რეპროდუქციული ჯანმრთელობის რეალიზებასთან დაკავშირებით, ქვეყანაში სერიოზული პრობლემებია.

      საზმაუს დაფინანსების საკითხი - ლევან კობერიძე - საზოგადოებრივ მაუწყებელს არსებული დაფინანსება საშუალებას აძლევს, საზოგადოების მოთხოვნა პროფესიონალურ დონეზე დააკმაყოფილოს. რომან კაკულია - ორი მილიონის რა უნდა შესძინოს საზოგადოებრივმა მაუწყებელმა თავის რეიტინგს, რამდენსაც ის დაუნგრევს ამდენ კერძო ტელევიზიას. გიორგი გვიმრაძე - ორი მილიონის სანაცვლოდ 50 მილიონზე უარს ვერ ვიტყვით. ნანა აბურჯანიძე - არასასიამოვნოა ცინიკური დამოკიდებულებით საუბარი ორ მილიონ ლარზე, რომელიც წვრილი მედიასაშუალებებისთვის მნიშვნელოვან შემოსავალს შეიძლება წარმოადგენდეს. ლაშა ტუღუში - საზოგადოებრივი მაუწყებლის ტელევიზიის კეთებით ხელი არ უნდა შევუშალოთ კომერციულ არხებს.

      გირგვლიანის საქმე - დათა ახალაია გირგვლიანის საქმეზე დაკითხვისას - მე შემიძლია მოგაწოდოთ ის ინფორმაცია, რაც სასამართლოს სიმართლის დადგენაში დაეხმარება. დათა ახალაიამ პროკურორის კითხვა - მიაყენა თუ არა სანდრო გირგვლიანს ან სხვა რომელიმე პირს ფიზიკური შერაცხყოფა, უპასუხოდ დატოვა. სოზარ სუბარმა გირგვლიანის საქმეზე სასამართლოს ჩვენება მისცა. დათა ახალაია - უდანაშაულო ვარ, პოლიტიკური მოტივაციით დევნილი, დანაშავე ვარ მხოლოდ იმაში, რომ ძალიან მიყვარს და ერთგული ვარ ჩემი ქვეყნის. პროკურორი - დათა ახალაიამ ვერც ერთ კითხვას ვერ უპასუხა. აკაკი ზოიძე - ის რაც დათა ახალაიას ჭირს, ნერვოლოგიაში შერჩევითი მეხსიერება ჰქვია - ბატონ დათას სამედიცინო შემოწმება სჭირდება.

      ბოღმა არჩევნებში - ლელა ქიტესაშვილი - თამაზ მეჭიაური ვერ გამოდის იმ ბოღმიდან, რაც ზაქარია ქუცნაშვილის მიმართ ამ წლების განმავლობაში ამოძრავებს.

      კიდევ ერთი საჩუქარი საპატრიარქოს - 4.4 ჰა სასოფლო-სამეურნეო დანიშნულების მიწის ნაკვეთი უსასყიდლო უზუფრუქტის ფორმით საპატრიარქოს გადაეცა.

      დაგვეხმარება თუ არა ევროპა - საქართველოსთვის 45 მლნ ევროს ოდენობით დახმარების საკითხი ევროპარლამენტის საერთაშორისო ვაჭრობის კომიტეტმა დღეს განიხილა.

      საპროტესტო ნოტები - საქართველოს ელჩი - უკრაინიდან ქართველების დეპორტაციის თითოეულ შემთხვევაზე იგზავნება საპროტესტო ნოტები. გელა დუმბაძე - სდსს-ს თანამშრომელი, რომელიც სააკაშვილის შვილს იცავდა, უკრაინაში იმის გამო არ შეუშვეს, რომ მან ქვეყანაში შესვლის მოტივი ვერ დაასახელა.

      სად ვიშოვოთ ფული ნარკოპოლიტიკისთვის? - დიმიტრი ხუდაძე - როცა გვინდა, რომ ნარკოდამოკიდებულთა რეაბილიტაციაში 40 მილიონი ჩავდოთ, კი ბატონო, ჩაიდოს, მაგრამ საიდან, რას მოვაკლოთ?

საზღვარგარეთულები:

      ფეხი ითრია, მაგრამ მაინც დაყაბულდა - ზიმბაბვეს პრეზიდენტი რობერტ მუგაბე გადადგა. ზიმბაბვეს ყოფილი პირველი ვიცე-პრეზიდენტი ემერსონ მნანგაგვა პრეზიდენტის პოსტზე ფიცს 24 ნოემბერს დადებს.

      ამერიკულ-რუსული სატელეფონო საუბარი - ვლადიმერ პუტინი დონალდ ტრამპს - ბაშარ ასადი საპრეზიდენტო არჩევნებისთვის მზად არის.

      თურქული დაკავებები - თურქეთის ხელისუფლებამ ფინანსთა სამინისტროს 82 ყოფილი თანამშრომლის დაკავების ორდერები გასცა. რეჯეფ თაიფ ერდოღანი - დასავლეთს ისლამური სამყაროს გახლეჩა სურს.

წყაროები: ქართული ინტერნეტ საინფორმაციო პორტალები

◄ წინადღის ამბები მომდევნო დღე ►

ნახვა: 168

ტეგები: qwellynews, ბლოგი, ნიუსები, ნოემბერი

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

შეგულიანების აქცია

გამოაქვეყნა Giorgi_მ.
თარიღი: ოქტომბერი 27, 2021.
საათი: 11:21pm 0 კომენტარი

      როცა აქციაა, ყველაფერი ჩერდებაო ამბობდნენ პოლიტოლოგები ძველ ეგვიპტეში. დღესაც ასე იყო, ქართული ოცნების აქციის გარსემო და მიხეილ სააკაშვილის პატიმრობის ირგვლივ მოიყარა მთელმა მედიამ და იმის იქით სად რა ხდებოდა, არავის არაფერი აინტერესებს. დღე ცივი და მოჟამული იყო, მაგრამ მომავალი დღეები იქნება მზიანიო, ამბობენ სინოპტიკოსები და არჩევნების თბილ გარემოში ჩატარებას გვპირდებიან ცესკოსთან ერთად. ვალუტის კურსი - 1 აშშ დოლარი - 3.1557 ლარია.…

გაგრძელება

როგორ მოვხვდეთ ფანტაზიის ფინალურ ეტაპზე?!

გამოაქვეყნა Selena_მ.
თარიღი: ოქტომბერი 27, 2021.
საათი: 6:00am 0 კომენტარი

A mount is an item that allows players to quickly browse the huge digital world of this type, instead of walking and jogging like an idiot. In its ten-year existence, the stables of rideable creatures and devices in Final Fantasy XIV have expanded to nearly 200 mounts. Unlocking each mount has different requirements, from upgrading to paying actual money.

Players can participate in the game's regular activities to obtain the Final Fantasy XIV mount, in which they can interact with…

გაგრძელება

პროტესტი შიმშილით და შიმშილობის პროტესტი

გამოაქვეყნა Giorgi_მ.
თარიღი: ოქტომბერი 26, 2021.
საათი: 9:30pm 0 კომენტარი

      ქვეყანაში არეულ ამინდებს არეული პოლიტიკური ამბები მოჰყვა. მაგრამ ძირითადი თემა მაინც საარჩევნო სამზადისებია და კოვიდის მომატებული სტატისტიკა. ათასებს ვითვლით ყოველდღიურად იმფიცირებულ ადამიანებში და ნელ-ნელა საუბარი შეზღუდვების აუცილებლობაზე მიდის. წინ არჩევნებია და არჩევნების შემდეგ ვნახოთ რა იქნება. იქამდე, დღის მეორე თემა მოშიმშილე პატიმარი სააკაშვილი და მისი ჯანმრთელობის მდგომარეობაა. რაც შეეხება ეკონომიკას და ვალუტის კურსს - 1 დოლარის…

გაგრძელება

კარდინალები და იაგუარები

გამოაქვეყნა Weiweismart_მ.
თარიღი: ოქტომბერი 26, 2021.
საათი: 5:00am 0 კომენტარი

The Madden series has had mixed reviews in recent years, with critics acquiescing to the long-standing complaints of hardcore fans and casual players. EA has begun to introduce new features and game modes to Madden to emphasize the Madden nfl 22 coins fact that it's an actual videogame and not just a sport simulation. However, the gameplay on the field is still lacking and the fundamental single-player mode which do not include micro-transactions, such as Madden Ultimate Team go mostly not…

გაგრძელება

Qwelly World

free counters