ვიტყოდი პატარა ქვეყანა ვართთქო, მაგრამ როგორმე ამ პატარა ქვეყნის კომპლექსსაც ხომ უნდა დავაღწიოთ თავი? თან ეგეც არ იყოს, რაღა პატარა, შე დალოცვილო, მსოფლიოს 230-მდე ქვეყანაში 120-ე ადგილი გიკავია და ვისთან მიმართებაში იპატარავებ თავს? ცოტანი ვართო, და ალბათ ამიტომ ვერ ვპოულობთ შესაფერის ხალხსო, რომ თქვათ, იგივე სიაში, მოსახლეობის მიხედვით 130-ე ადგილზე ვართ და კოვზი ნაცარში ჩაგივარდებათ. მოკლედ, საწუწუნოდ ეს თემა არ გამოდგება. აბა, რატომ არაფერი გვეშველა? ალბათ იმიტომ, რომ შეკითხვა არასწორად ისმის.
ვის გამო უნდა გვეშველოს?!
ვუსმენ, ვუყურებ, ვუკვირდები ამ აქციებს და ერთი რამ მაფიქრებს - არავინ ჩანს ისეთი, წარსული მოსადავებელი რომ არ უპოვონ. „ეს კაცი, ზონდერიაო“; „ის ბიჭი, აქციის წამყვანად რომ მოგვევლინა, ვიღაცის ფლაერების დამტარებელი იყოო“; „პოლიტიკური აქცია არ არისო, თუმცა მთავრობა უნდა გადადგეს და სისტემა უნდა დაინგრესო“; იმას ეს აქვს ნაკეთებიო; ამას აქ რა უნდაო და ა.შ. და ა.შ. აქ მთავარი შეპასუხებაა ხოლმე - ისეთი არავინ მოინახა, რომ სიტყვა ეთქმოდეს?! - გაგიკვირდებათ და არავინ! (ალბათ). ის კი არ მესმის, რატომ უკვირს ამ ხალხს, რომ პოლიტიკოსები ქულებს იწერენ? არ იყვნენ პოლიტიკოსები ფერად აქციაზე და ისიც მალე დაიშალა. ახლა მოვიდნენ, ხომ ხედავთ, უკვე რამდენიმე დღეა გრძელდება, მაგრამ მაინც უკმაყოფილება - პოლიტიკური პროცესიაო. თუმცა ეს არაა პოსტის მთავარი თემა...
ერთი აქცია არ ეყოფოდა, ახლა ნაწილებად დაიწყეს აქციების გამართვა - ახალგაზრდა გოგონა გამოვიდა და ჩვენ, აპოლიტიკური სტუდენტები ცალკე გავალთო (სუს-ის აგენტად მონათლეს - ალბათ, წარსულში ვერაფერი უპოვეს); მეორე მხარეს, მმკ გამოდგა, ჩვენ ცალკე დავდგებით და შვილმკვდარ მამას თანავუგრძნობთ, მაგრამ იქ მდგომ პოლიტიკურად მოტივირებულებს გავემიჯნებითო (ნეტავ ამ ხალხს ესმოდეს, რომ აპოლიტიკური აქცია რუსთაველზე, ფენტეზის სფეროა). მმკ-ს თავისი ძალმომრეობა და ძალადობა შეახსენს. მარშიც აპირებდა აქციას და ისინიც იმავე მკლავმაგართა და მუშტმომარჯვებულთა, მჩაგვრელთა და ბნელა სიებს შეურივნეს.
საპასუხოდ, მთავრობამ ექვსი თვე ვერ გამოვიძიეთ, მაგრამ ახლა გამოვიძიებთო (ეტყობა შერლოკი ჩამოჰყავთ) და პროკურორიც გადადგა - მერე, მთავრობასაც მიადგნენ, სირცხვილი თქვენი ამ ნაცებს რომ ალაპარაკებთ კიდევ და ხმის ამოღებას აბედინებთო.
საპატრიარქომ განაცხადა ჩვენ მხარს ვერ დავუჭერთ უმართავი პროცესების განვითარებას, მაგრამ ხელისუფლებამ აუცილებლად უნდა გაითვალისწინოს ის რეალობა, რომ ხალხს მეტი თანადგომა სჭირდებაო და ხალხმაც მათი განცხადება გაიგო, როგორც აქციისგან გამიჯვნა და მეტიმეტად ხმამაღლა და გამყინავად იკივლა - სადაა საპატრიარქო?! რამდენიმე მღვდელი კი მივიდა აქციაზე და ვინ იცის, იქნებ სჯობდა არც მისულიყვნენ, რადგან მათ წარსულსა და აწმყოშიც ბევრი რამ არის თითის გასაშვერი და არც ეს დააკლეს.
ჟურნალისტებმა, ჩვენ ცალე სახელმწიფო ვართ, ვერავინ შეგვეხებაო და როგორც გვინდა, რასაც გვინდა და სადაც გვინდა ისე გავაშუქებთ და გაჩვენებთო, დავჭირთ-შევკერავთ და რეალობა ის იქნება, რასაც ჩვენს ეკრანებზე დაინახვთო. ჰოო... ამათზე ხალხის ხმა არ გამიგია, მაგრამ ერთმანეთს კი ლანძღავენ - ჯიბის ტელევიზია და მთავრობის რუპორი ☺ (რაღაც ასეთებს ეძახიან ერთმანეთს).
ვიცი, რომ არეულ-დარეული წასაკითხია, მაგრამ რა ვქნა, თუ ასე აირია ეს ქვეყანა, თავის და ბოლოს გარკვევა გვიჭირს. წლების მერე, როცა ამ პოსტს თემის დავიწყებულზე წაიკითხავენ, მინდა იცოდეთ - ეს აქცია ეხება ორი მოზარდის მკვლელობას - 2017 წლის პირველ დეკემბერს მომხდარს და 2018 წლის 1 ივნისამდე გამოუძიებელს, უფრო სწორედ დამნაშავეებ დაუსჯელს. აქციის მთავარი გმირია სამართლის აღსრულების უიმედობით სასოწარკვეთილი შვილმკვდარი ერთ-ერთი მამა. დღეს, ჯერ კიდევ აქციები იმართება რუსთაველზე, ქაშუეთის წინ. დღეს მთავარი გმირი იძახის, პროკურორის ან მთავრობის გადაყენება რად მინდა, რა რევოლუცია ხალხო, ეგ რაში მჭირდება, მინდა დამნაშავეები დაისაჯონო, მაგრამ მის გვერდით ისმის მთავრობის კაპიტულაციის, გადადგომის და სხვა მოთხოვნები...
მამებმა შვილები მიწას მიაბარეს.
ერთმა მამამ თქვა - „მკვდარს თავიდან ვერ მომკლავენო“.
ბიჭები საფლავში წვანან.
* * *
მკვდრებს მიანდე თავიანთი მკვდრების დამარხვა (მთ. 8. 22);
ეს წუთისოფელი უთავბოლო და უთანასწოროა. ამქვეყნად ყოველი კაცი ცოდოა. ვინც მოკვდა, თავისთავს მოუკვდა. (აკაკი ბაქრაძე, „საქმით მეტყველი სული“);
ამერიკა ვერ შედგებოდა დიდი ქვეყანა, ლინჩის წესის გარეშე. ეს ახლა ჩანს სიველურედ, თორემ მაშინ თავისი როლი შეასრულა, გარდამავალი საფეხური იყო სახელმწიფოებრიობის და სამართლიანობისთვის ბრძოლაში. ჩვენშიც დადგა ლინჩის წესის შემოღების დრო. პრემიების და დანამატების მყლაპავები სხვანაირად ჭკუას ვერ ისწავლიან. დრო იკარგება, ქვეყანა თავზე გვენგრევა
ლინჩის წესით გასამართლებას არ აპროტესტებდნენ 2007 წლის 7 ნოემბერს? ან ან 2011 წლის 26 მაისს? )) საინტერესო შემოთავაზება გაქვთ. როგორ ფიქრობთ, ვინ უნდა იყოს დამსჯელთა (ვიტყოდი, მკვლელთა) ჯგუფში?
საოცარია დროში მოგზაურთა ავტორის ასეთი ველური მიდგომა (( რატომ ამერიკის სიველურე გავიმეოროთ ? (სხვთშორის ამერიკელებმა ის მოინანიეს) - მოდით ეგვიპტელების სიველურეზე ავიღოთ გეზი ანდა რომის იმპერიის მაინც ( ეხლა ვინმე დავწვათ - და 500 წლის შემდეგ ვთქვათ რომ შეგვეშალა)
საერთოდ ადმისთრაციისგან მოვითხოვდი ვერიფიქაციას - ავტორი კი გვიდევს თავის ნაწარმოებებს თუ ვიღაც სხვა მიეტმასნა მის ინტელექტუალურ საკუთრებას !
ლაშა ყველაზე ღადაობა შოთაძის გადადგომა იყო და მერე ბიძოს შეფასება თურმე რაოდენ ღირსებული და მაღალი ზნეობით აღსავსე ადამიანი ყოფილა მთავარი პროკურორი არადა წიხლი ამოარტყეს თვითონ დაახვევინეს :DDDD ჰაჰა ვინმეს ჯერა რო ეგ თითონ გადადგა? ალბათ მარტო ბაღის ბავშვებს
კომენტარი
Welcome to
Qwelly
გამოაქვეყნა taoaxue_მ.
თარიღი: აპრილი 19, 2024.
საათი: 6:00am
0 კომენტარი
0 მოწონება
A Seamless Living World: Throne and Liberty boasts a seamless and dynamic world, where environments and even dungeons adapt and change based on weather conditions and surrounding surroundings. This dynamic environment adds a layer of immersion and unpredictability to exploration and gameplay, constantly keeping players on their toes.
Immersive Narrative: The game's narrative weaves an intricate tapestry connecting the past, present, and future. While details remain scarce, this unique…
გაგრძელება
გამოაქვეყნა taoaxue_მ.
თარიღი: აპრილი 18, 2024.
საათი: 6:30am
0 კომენტარი
0 მოწონება
Spotting Extraction Points: Extraction points are marked by Blue Headstones that emerge from the ground. Listen for the telltale sound of rumbling rocks, signaling the proximity of an extraction point.
Activating the Portal: Approach the Blue Headstone and interact with it by pressing the "F" key on your keyboard. This will open a blue portal, your ticket to safety.
Entering the Portal: Once the portal is active, step into it to initiate the extraction process. Keep an eye out…
გაგრძელება
გამოაქვეყნა millan Myra_მ.
თარიღი: აპრილი 13, 2024.
საათი: 10:00am
0 კომენტარი
0 მოწონება
In the realm of gaming, the allure of microtransactions often beckons players of promises of rare loot, powerful weapons, and legendary mounts. But are these investments truly worth the cost? Today, we embark on a journey into the world of Night Crows, a popular online game, to unravel the mysteries behind its microtransaction system.
Meet Nathan Pay, a seasoned gamer and host of the Blan Crypto channel. With a passion for exploring the depths of virtual economies, Nathan dives…
გაგრძელება
გამოაქვეყნა millan Myra_მ.
თარიღი: აპრილი 10, 2024.
საათი: 11:00am
0 კომენტარი
0 მოწონება
In the blink of an eye, the procedure changed into the following: mine ores make smelt of ore to forge bronze daggers chicken execution, then sell the rest to the greedy clerk at the shop, and use the cash to buy tools. And on and so forth it goes on. As of now I've consumed all the energy drinks available I have available . I've never had to fight this intensely in my entire life to get rid of chickens. I took another bottle of red bull, knowing it…
გაგრძელება© 2024 George. •
თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!
Qwelly_ზე რეგისტრაცია