ერთი საჩოთირო და საკამათო აზრით მაქვს გონება გატანჯული და გამოვუშვებ, ეგებ თქვენც რამე მსგავსზე გეფიქროთ და სიტყვა შემაწიოთ.

bloog, folk, georgia, literature, poetry, qwelly, singers, song, welcome_to_georgia, ამპარტავანი_ხელოვანები, ამპარტავნება, ბარათაშვილი, გალაკტიონი, დღიური, კრიტიკა, ლიტერატურა, მწერლობა, პოეზია, საქართველო, ტერენტი, ქართველი_პოეტები, ქველი, შემოქმედება, ჭილაძე

      ხელოვანთა შორის, ყველაზე ამპარტავანნი რომლები არიან?

      აქვე, ჩვენს/თქვენს ყოველდღიურობაში მიმოავლეთ თვალი. ჩემი დაკვირვებით ასეთები არიან პოეტები (შიგადაშიგ მწერლებიც) და მომღერლები. შეიძლება დროის ძალიან ვიწრო მონაკვეთში ვიჭყიტები, და სივრცეც საქართველოს ჰორიზონტებს არ სცდება, მაგრამ არ მგონია სხვა ეპოქაში სხვაგვარად ყოფილიყო (სივრცეს კვლავ ვერ გავცდები მცირედმცოდნეობის გამო).

      დავიწყოთ პოეტებით.

      ერთხელ იყო შემთხვევა, ლექსი მომეჯღაპვნინა. რა თქმა უნდა როგორც ყველა ნარცისი, მეც აღფრთოვანებით ვკითხულობდი მეგობრებში, სოციალურ ქსელებში ვაპიარებდი. მერე ერთ ფილოლოგ ქალბატონს წაუკითხავს სადღაც ბლოგზე, მომწერა - აბა ესა და ეს წინადადება სხვა სიტყვებით დაწერეო. 3 დღე გავიდა და მე ვერაფერი მოვიფიქრე ჩასანაცვლებელი - აიღე "მოხუცი და ზღვა" და ლიტერატურის კითხვა დაიწყეო. დიდი ხნის ამბავს გიყვებით. სიზარმაცემ აქაც თავისი გაიტანა, არც მე წამიკითხავს ჰემინგუეი და შერცხვენილი პირით ვერც იმ ქალბატონთან გავბედე ელექტრონული გაბაასების გაგრძელება. ასე დამთავრდა ჩემი პოეტობა. მაგრამ მახსოვს პირველი განცდა - ჩემი დაწერილი მოთხრობა მოეწონა და შენიშვნა არ მოუცია, ლექსი კი დამიწუნა და მოთხრობის წაკითხვა დამავალა, უცნაურია. განა ლექსების კითხვა არ უნდა დაევალებინა?

      ჰოდა, ამ ახალ პოეტებს რომ ვუყურებ, ასე მგონია მხოლოდ პოეზიას კითხულობენ (საწყის ეტაპზე - გალაკტიონს, ტერენტის, ჰა ჰა ბარათაშვილს, ოთარ ჭილაძეს) და მომდევნო ეტაპზე, როცა რომელიმე პოეზიის საღამოზე 2 ლექსს წაიკითხავენ, თავიანთი ლექსების გარდა აღარაფერს კითხულობენ. შემდეგი საფეხურია საკუთარი ვიდეოების ჩაწერა, საკუთარი მისავათებული, დანაზებული ხმით ტკბობა (ერთი პოეტი გოგონა მიდგას თვალწინ როცა ამას ვწერ), ან ზედმეტად ვაჟკაცური შეძახილით და რა თქმა უნდა მსმენელი აუდიტორიით, რომელიც მინიმუმ რამდენიმე ასეულ ადამიანს მაინც ითვლის. გაგიკვირდებად და დიახ, სწორად წაიკითხეთ - ასეულს. მაგრამ რაა გასაკვირი. ბალღობაში ლექსის თქმას 20-30 კაციან სუფრაზე 2 წუთიანი ტაშისკვრა მოჰყვებოდა და ახლა თუ ლექსს დაწერ და მერე წაიკითხავ კიდეც შინდლერის სიის მუსიკის ფონზე, ასობით ლაიქერ-გამზიარებელ-კომენტატორი ტექსტით - "შეუდარებელი ხარ", რომ გყავდეს, რაა გასაკვირი.

      ამასწინად ხომ გამოვაქვეყნე ნოდარ დუმბაძის პარნასი - ვინ წაიკითხა თორემ კი, იმაზე უკეთ მე ვეღარაფერს ვიტყვი. მოყირჭებამდე არიან ამოსულნი ჩვენი პოეტები. მგონი მართლა სჯერათ რომ პოეტები არიან და რასაც უნდა, როგორც უნდა, სადაც უნდა ისე წერენ და მერე ამბობენ - ხელოვანს თავისუფლება სჭირდებაო.

      აბა მომღერლებზე რა გითხრათ, როცა მეც თავად სადღაც რაღაც მიმღერია და ტაშის ხმა არ მომისმენია, განაწყენებულს ჩამილაპარაკია - უფ, უმღერე ახლა ამათ. თქვე დალოცვილებო, ყოველი მეორე მომღერალია ამ ქვეყანაში და ვისგან ან რისგან ითხოვთ დაფასებას? მე შენ გეტყვი მომღერლობა ისეთი რეპროდუქციულია რომ მეტი არ შეიძლება, მაგრამ მაინც როცა ჩვენს სადღეგრძელოს ფეხზედგომით მიირთმევენ, ისე გავიბღენძებით, თითქოს სამშობლო დავიხსენით მუხრან ბატონისაგან. თუ სიმღერა ითხოვეს - მე რა, შეკვეთებზე კი არ ვმღერიო, ყელი მეღლებაო, ესაო, ისაო და ყვავს რა ჰქონდა ბუს გაჰქონდაო და ამით მთავრდება ყველაფერი. "ჰამლეტ გონაშვილებივით ვმღერით", მაგრამ იმ დალოცვილივით თავმდაბლობისა არაფერი გვცხია.

      მოცეკვავეებზეც ვაპირებდი კბილის გაკრაჭუნებას, მაგრამ სამომავლოდ იყოს - კარგად დავაკვირდები ჯერ მაგათ.

      აი, რაც შეეხება თავმდაბალ ხელოვანებს, ჩემი დაკვირვებით ასეთები პრინციპში არ არსებობენ, ან თუ არსებობენ მხატვრებში უნდა ვეძებოთ, ოღონდ ისეთებში ჯერ რომ გამოფენა არ ჰქონიათ, თორემ გამოფენის მერე მოგჭამა ჭირი.

      თქვენი შეხედულებაც გამიზიარეთ ერთი-ორი, ზედმეტად ხომ არ ვაბნელებ მდგომარეობას?

ნახვა: 998

ტეგები: Qwelly, ამპარტავნება, ბლოგი, კრიტიკა, პოეზია, პროზა, ქველი, შემოქმედება

ლაშა: ოქტომბერი 15, 2015||9:52pm

დეფი ელიტაა, სად სცალია ჩემი პოსტების საკითხავად. :D აი, ბერეტიანების საზოგადოებას რაც შეეხება, მაგაზე მეტად პეროიანები მაშინებენ :D

BrOliKa: ოქტომბერი 15, 2015||11:57pm
ვაიმე კახა რა კარგად გამაცინე "ბერეტებიან საზოგადოებაზე" :D ეეჰ რას ვიზავთ დიდია ეს ქვეყანა და ყველას თავისი გასჭირვებია :D
თათია: ოქტომბერი 20, 2015||2:56pm

ყველა ლექსის მწერალი პოეტი არ არის. აქ ვცდებით, (ცდებიან) როცა ასეთებს პოეტებს ვეძახით და ვაპოეტებთ

ლაშა: დეკემბერი 25, 2015||10:28pm

მეც მაგას არ ვამბობ, რომ "იყვნენ უბრალო, ნამდვილი, გულწრფელი პოეტებიც", მეც ზუსტად ეგ არ მახარებს და ამავდროუად მადარდებს? :)) მაგრამ აქ მეტწილი ახალთაობაზეა საუბარი ჩემო მარიბუსა, ახალ თაობაზე. 

P.S. რაც შეეხება შენს ამპარტავნებას და შენს პოეზიას, იცი მაგაზე რასაც ვფიქრობ, და რატომ უნდა ვილაპარაკო ის, რასაც არ ვფიქრობ? მატყუარა ვარ? (( 

ლაშა: დეკემბერი 25, 2015||10:54pm

ცოტა საკამათო შედარებაა და მგონი პოეტებთან არ გამოდგება. ახლავე გეტყვი რატომაც. 

რა თქმა უნდა მსახიობიც არის კარგი ან ცუდი, მაგრამ შესადარებლად მაინც რთულია, რადგან ჩვენ შეიძლება მოგვწონდეს რამაზ ჩხიკვაძის შესრულებული აზდაკი და არ მოგვწონდეს ნიკო გომელაურის, მაგრამ ნიკომ სრულიად სხვა ტიპის აზდაკი წარმოადგინა სცენაზე და რამაზმა სხვა. ასე მგონია და შეიძლება ვცდები, ცუდ მსახიობს შესრულებული როლების რაოდენობა ნელ-ნელა დახვეწს და თუ კარგ მსახიობად არ აქცევს, თავის ერთ სტილში მაინც მოაქცევს, ერთი ყალიბის მსახიობად მოგვევლინება, მაგალითად, არნოლდ შვარცნეგერი (უნიჭო მსახიობი დიდი კუნთებით, წარმოგიდგენია ცრემლისმღვრელ დრამაში მონაწილეობდეს? ტერმინატორზეც ტირიან, მაგრამ მაგას არ ვთვლი).

აი ჩვენს პოეტებს რაც შეეხება, პესიმისტურადაა საქმე სწორედ იმ მიზეზით, რაც ზემოთ დავწერე. 

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

IGVault Rocket League Trading Guide: Certifications, market, scammed, more

გამოაქვეყნა itemsigv rocket_მ.
თარიღი: აგვისტო 11, 2022.
საათი: 5:41am 0 კომენტარი

We will therefore discuss how you can improve your Rocket League inventory using our tips and tricks in this Rocket League guide. This guide is intended for traders who are just getting started. These aren’t necessarily new players, but rather people who want to get their feet wet in the Rocket League trading world.

Understand the market

If you want to become an expert in the Rocket League market, earn more credits and expand your inventory, you have to understand the nature of…

გაგრძელება

ომის გმირების და ომის „ბრალდებების“ დღე

გამოაქვეყნა Giorgi_მ.
თარიღი: აგვისტო 8, 2022.
საათი: 11:08pm 0 კომენტარი

      ტრადიციად ქცეული კითხვის დღე - 08.08.08 - ვინ დაიწყო ომი? და დაუსრულებელი ბრალდებები ერთმანეთის რუსეთუმეობაზე, ასეთია აგვისტოს პირველი დღეების პოლიტიკური ცხოვრება საქართველოში. დღესაც 08.08.22-ში, კვლავ გმირების საფლავები შეამკეს, დაგმეს ოკუპაცია და პარალელურად ქსენოფობიაც, ასევე განიხილებოდა ცესკოს თავმჯდომარეობის კანდიდატები. დღეს 1 აშშ დოლარის ოფიციალური ღირებულება 2.7141 ლარია.…

გაგრძელება

ბრენდებით უკმაყოფილება

გამოაქვეყნა Muxia_მ.
თარიღი: აგვისტო 2, 2022.
საათი: 10:00am 0 კომენტარი



The Shattered League is running from today through March 3. If you've been wanting to get back into Old School RuneScape, this might be the right time to take the plunge. If you're planning on jumping into let us know your reasons below!

Runescape And Outriders aren't two games that people consider in tandem so the sight of a Runescape player address r/Outriders may be a shock. This led to an interesting discussion and post between fans of both games. The whole thing boils down…

გაგრძელება

კოსმოსური ემბლემები

გამოაქვეყნა Tamila Moshiashvili_მ.
თარიღი: ივლისი 31, 2022.
საათი: 11:25pm 0 კომენტარი

      მას შემდეგ რაც, ჯეიმს ვებმა სამყარო ახალი თვალით გვაჩვენა, რა გასაკვირია რომ გაიზარდა მისი პოპულარობა მარკეტინგულ სამყაროშიც. ჯერ კიდევ გაფრენის წინ დამზადდა მოვლენის აღმნიშვნელი პატჩი (ჩვენებურად ალბათ უფრო ემბლემა, იარლიყი, სიმბოლო, რომელიც როგორც წესი ამოქარგულია გარკვეულ მატერიაზე და შემდეგ მაგრდება ტანისამოსზე ან სპეც ტანსაცმელზე. შეიძლება ბეიჯიც ეწოდოს და ა.შ.). ტიმ განიონის (Tim Gagnon) ემბლემებს თითქმის ყველა კოსმოსური მიღწევა ახსოვთ…

გაგრძელება

Qwelly World

free counters