სკოლაში მათემატიკას კარგად ვსწავლობდი.
მეუბნებოდნენ, A წერტილიდან უმოკლესი მანძილი B წერტილამდე ტოლია, B წერტილიდან A წერტილამდე უმოკლესი მანძილისო.
® მარი კიური

      ის ჟურალისტი ხომ გახსოვთ, „სერჩის“ ცოდნას რომ გვამადლიდა? ჰოდა, რომ „დასერჩოთ“ მცხეთა, გუგლისავე აღწერილობაში ამოიკითხავთ - მცხეთა თბილისიდან დაშორებულია 20 კილომეტრით. ახლა, მანძილი დროში გადავიყვანოთ და ჩვენი წინაპრები როგორც ზომავდნენ, ისე გავზომოთ. სტანდარტულად, დაშვებული, 80 კმ/ს სიჩქარით რომ იმოძრაოთ, გამოვა რომ მცხეთა თბილისიდან დაშორებულია 15 წუთის სავალზე. იმ სულმნათმა გურამ დოჩანაშვილმა კი თქვა, მათემატიკა არ არის ზუსტი მეცნიერებაო, მაგრამ ასე ძალიან არაზუსტიც თუ იქნებოდა, არ მეგონა. მცხეთა შეიძლება მართლაც 15 წუთის სავალზეა თბილისიდან, მაგრამ თბილისი მცხეთიდან 15 წუთის სავალზე ნამდვილად არ არის. ამაში დამეთანხმება ყველა ის მცხეთელი, რომელიც საკუთარი ტრანსპორტით არ გადაადგილდება და საზოგადოებრივი ტრანსპორტით სარგებლობს. საზოგადოებრივი - როგორი თვალ-ყურსაცემი სიტყვაა, ვინმე რომ მართლა ფიქრობდეს საზოგადოებაზე.

      ახლა განვმარტოთ რას ვგულისხმობ არაზუსტ მათემატიკაში. თუ თქვენ სამსახურში უნდა იყოთ დილის ათ საათზე და მუშაობთ თუნდაც დიღმის მასივში, როგორ ფიქრობთ, რომელ საათზე უნდა გახვიდეთ სახლიდან? 09:45 ? 09:30 ? ან იქნება 9 საათზე მაინც? არა - თქვენ სახლიდან უნდა გახვიდეთ 9-ის ნახევარზე. სწორედ საათნახევარია საჭირო იმისთვის, რომ თქვენ მიაღწიოთ სამსახურში. რატომ?

  1. მარშრუტკა დადის 30 წუთში ერთხელ;
  2. თქვენ ცხოვრობთ მცხეთის შესასვლელში და რთულია პირველივე მოსულ მარშრუტკაში ადგილი იპოვოთ;
  3. ჩვენი მძღოლები მასივში ვერ გიჩერებენ, ამიტომ ყოველ დილით ფეხით გიწევთ გაიაროთ 600 მეტრი (ფიზ. ფორმაზე ზრუნვისთვის მადლობა. ისე, რა გახდა ამ 10 კინკილა მარშრუტკისთვის საპატრულო სისტემაში საშვების აღება, რომ მასივში მგზავრი თავისუფლად ჩავიდეს?)

      ეს განტოლების ის უცნობი მნიშვნელობებია, რომლებიც ამოხსნაში აუცილებლად უნდა გავითვალისწინოთ.

----------

      მცხეთის სატრანსპორტო პრობლემაზე ვწერ 2010 წლიდან (შეგიძლიათ იხ. ჩემი ბლოგი), ანუ მას შემდეგ რაც სტუდენტი გავხდი, მაგრამ როგორც ერთი ძველი ნათქვამია - ძაღლი ყეფს, ქარავანი მიდის.

      შარშან არჩევნების წელი იყო და იმედიანად ვიყავი, მაგრამ ამაოდ. წელსაც არის არჩევნები, ამჯერად თვითმმართველობის, მაგრამ მაინც არ უჩანს პირი ამ პრობლემის მოგვარებას. ახლა განათების „ბოძები“ უფრო მნიშვნელოვანია და ის პარკი, ძლივს რომ დამთარდა.

----------

      2016 წლის აგვისტოში, ამერიკელი ხალხის მხარდაჭერით აშშ-ის საერთაშორისო განვითარების სააგენტოს მიერ მომზადდა პუბლიკაცია „ქალაქ მცხეთის ენერგეტიკის მდგრადი განვითარების სამოქმედო გეგმა“. დოკუმენტში, 26-ე გვერდზე ვკითხულობთ:

      „ამჟამად ქ. მცხეთის ტერიტორიაზე ყოველდღიურად დადის 6 შიდა საქალაქო და 6 თბილისი-მცხეთის მიკროავტობუსი. თითო მიკროავტობუსი ქ. მცხეთის ტერიტორიაზე დღეში გადის საშუალოდ 80 კმ-ს. ქ. მცხეთის ხელმძღვანელობა 2020 წლისათვის გეგმავს ქალაქში ეკოლოგიურად უფრო სუფთა და კომფორტული ავტობუსებით არსებული მიკროავტობუსების ჩანაცვლებას და 14 მიკროავტობუსის ნაცვლად ქალაქში ივლის 6 ცალი 33 ადგილიანი ავტობუსი. ამ ავტობუსებისათვის საწვავად განიხილება ორი ალტერნატიული ვარიანტი (გაზი და ელექტროენერგია). ემისიების შემცირება დათვლილია ორივე საწვავისათვის. ერთი ავტობუსის მიერ საწვავის მოხმარება გაზის ავტობუსების შემთხვევაში გათვალისწინებულია 20 მ3/100კმ-ზე, ხოლო ელექტროავტობუსების შემთხვევაში 100 კვტ.სთ/100კმ-ზე. ქალაქის ტერიტორიაზე მკაცრი პარკირების პოლიტიკის გატარების შემთხვევაში ეს მუნიციპალური ტრანსპორტი ასევე შეამცირებს კერძო მანქანების მოძრაობას სავარაუდოდ 10%-ით. ამ ღონისძიებას ქალაქის მუნიციპალიტეტი გეგმავს 2020 წლისათვის, მაგრამ შესაძლებელია ვერ მოესწროს, რადგან უფრო პრიორიტეტული ღონისძიება მდინარე არაგვზე ხიდის გაკეთებაა, რაც საკმაოდ დიდ ხარჯებს მოითხოვს.“

      ერთი ვიდეო უნდა გაჩვენოთ, რომელიც 2017 წლის თვითმმართველობის არჩევნებისთვის მიძღვნილი გადაცემათა ციკლიდან არის ამოჭრილი. როდესაც მცხეთის მერობისთვის კანდიდატების დებატები მოეწყო საზოგადოებრივი მაუწყებლის პირდაპირ ეთერში, მცხეთის პრობლემებზე რამდენიმე პატარა სიუჟეტი მომზადდა - ერთ სიუჟეტში სხვადასხვა საკითხებზე ამახვილებდნენ ყურადღებას მცხეთელები (ჩაბნელებული ქუჩები, ქუჩების მოუწესრიგებლობა, სასმელი და სარწყავი წყლის პრობლემა სოფლებში, ძაღლები, გასართობების არ არსებობა, ტრანსპორტი), დანარჩენი სამი სიუჟეტი კი ცალ-ცალკე მიეძღნვა მსხვილ საკითხებს - მორატორიუმი, სოფ. ძეგვის სასმელი წყალი და რა თქმა უნდა სატრანსპორტო პრობლემა.

      ჩემი ბლოგისთვის საინტერესო ეს უკანასკნელია, ამიტომ გთავაზობთ, მაშინ მერობის კანდიდატის და შემდეგ ხალხის არჩეული მერის პასუხს ამ პრობლემის მოგვარების თაობაზე.

----------

      რა იქნება შემდეგ?

      გენერალური გეგმა!

      მსოფლიო მასშტაბით სრულიად უნიკალური ის აქცია ხომ გახსოვთ, ხელისუფლებამ რომ დაქირავებულ კომპანიას მოუწყო მცხეთის ცენტრში? აი, მაგ აქციის მიზეზ - გენერალურ გეგმაში, სატრანსპორტო პრობლემის მოგვარებისთვის გვთავაზობენ არაერთ მიმართულებას - სარკინიგზო, ვიწროლიანდაგიანი ელექტროტრანსპორტის, გარე საავტომობილო გზების სისტემას. გენ. გეგმაში გაწერილია შიდა გადაადგილებისთვის არაერთი საშუალებაც - საბაგიროები, წყლის ტრანსპორტი და ა.შ. და ა.შ. ახალგაზრდებთან შეხვედრისას და გეგმის განხილვისას, ისიც გვითხრეს, რომ მცხეთასა და თბილისს ერთიანი სატრანსპორტო სისტემა ექნება.

      იქამდე კი ისევ იმ „კომპეტენტური“ ადამიანების მოლოდინში უნდა ვიყოთ ამჟამინდელი მერი რომ ამყარებდა იმედებს და მისი შემცვლელიც რომ დაიქირავებს.

----------

      ამ პოსტის გამოხმაურებაც ძველებური იქნება - ძაღლი ყეფს, ქარავანი მიდის. ქარავანმა მაინც ჩამოიაროს დილაობით...

ნახვა: 423

ტეგები: Qwelly, არჩევნები, ბლოგი, გენ.გეგმა, მცხეთა, ტრანსპორტი

George: მაისი 31, 2021||12:11pm

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

Exactly What are Chilly Cranking Amps (CCA)? All You Need To Know

გამოაქვეყნა EFTcheat_მ.
თარიღი: მარტი 19, 2024.
საათი: 8:55am 0 კომენტარი







Cold Cranking Amps (CCA) is usually a evaluate of how effectively an auto battery can get started the motor in chilly temperature, generally beneath freezing. When it’s cold, batteries need to have to offer additional ability to start the vehicle. For normal temperatures, there’s A further ranking termed Cranking Amps (CA). Traditional batteries often have each CA and CCA numbers written on them.



Global requirements, set by corporations like SAE, JIS, and DIN, Guantee…

გაგრძელება

The statistics shared in the infographic

გამოაქვეყნა taoaxue_მ.
თარიღი: მარტი 19, 2024.
საათი: 6:15am 0 კომენტარი

The statistics shared in the infographic offer valuable insights into the focus and features of Throne and Liberty, providing players with a glimpse of what they can expect from the final release. From epic boss battles to intense PvP showdowns, the game promises to Throne and Liberty Lucent deliver an immersive and engaging experience for players around the world.

As development continues and the game edges closer to…

გაგრძელება

A new action arrangement has accustomed

გამოაქვეყნა taoaxue_მ.
თარიღი: მარტი 15, 2024.
საათი: 6:30am 0 კომენტარი

The New Apple PvP arenas are able here, calm with a avant-garde PvP rewards clue with its clandestine rewards, development, and adopted money to New World Gold collect

A new action arrangement has accustomed in MMORPG New World, all concentrated all-around PvP. As promised at the New Apple roadmap, The New Apple PvP arenas and the casting new PvP rewards tune, which offers accurate rewards for accustomed out a block of participant-on-participant brawling.

The new Amphitheatre…

გაგრძელება

Path of Exile: Best Skills, Ranked

გამოაქვეყნა taoaxue_მ.
თარიღი: მარტი 14, 2024.
საათი: 5:00am 0 კომენტარი

Bow characters are often one of the worst league-starter builders in Path of Exile because of gearing issues and too little life threatening on the ideal side of their passive tree.The gearing issue isn't a concern with Hazardous Rain. Provided that you own a bow with some sort of madness or toxin damage scaling, Toxic Rain becomes one of the best Bow abilities in the sport. Launching toxic arrows into the sky, this skill releases spores on effect that deal substantial chaos harm over time.…

გაგრძელება

Qwelly World

free counters