სკვერში ზის ქალი;

      ჩამქრალი თვალები... მზერა ღრმა, გამჭოლი, შორსმიმავალი, მაგრამ... თუ ცოტა უფრო მივუახლოვდებით და დავუკვირდებით შევხვდებით გამოხედვას უტყვს, ცივს, გულქვას და უიმედოს. და ასე გაჰყურებს სივრცეს.

      ის მე მეცნობა. ერთად ვსწავლობდით, კურსელები ვართ.

      მახსოვს მისი მეუღლე... ადრე გათხოვდა, მახსოვს მათი თაფლობის თვის პერიოდი.

      ათი წელი გავიდა მას მერე; თითქოს გასულ კვირას მოხდაო. . . მახსოვს ბედნიერი, მომღიმარი, ქმარზე, ოჯახზე მოსაუბრე…

      კეკლუცობდა, ნაზი ღიმილი დაჰფენოდა, ხან თვალებს მინაბავდა, ხან კისკისებდა.

      გაწითლდა, როდესაც პირველად მოაკითხა ქმარმა ლექციების დასრულებისას.

      მორცხვად გაგვაცნო, მერე შარფი შემოიხვია, თითქოს აჩქარებული გულისცემა უნდა ჩაახშოსო, ხელმკლავი გაუყარა და გზას გაუყვნენ. . . შინ მიმავალ გზას, ცხოვრების გზას. . .

      . . . გავიდა დრო. ის გზაც თვალს მიეფარა, პირდაპირ სვლით, ხვეულებით, აჩქარებით, შეფერხებით და ბოლოს ჩიხით.

      ჩიხი კეტავს ყველაფერს, აჩერებს მოძრაობას, კრავს, ანელებს ნაბიჯს, აქრობს ნაპერწკალს...

      ახლა ნაპერწკალიც არ ბჟუტავს მის თვალში.

      სკვერი ცენტრშია. გარშემო ხალხი. . . მიდი - მოდიან, ზოგი ისვენებს, ვინ ნაყინს მიირთმევს, ვიღაც ბავშვს ეთამაშება, სხვები დამდგარან და საათზე იყურებიან.

      მხოლოდ ის ზის უმოძრაო, გაყინული მზერით. . .

      იქნებ ვერც მეცნო, ისე ამევლო გვერდი, რომ არა ერთი ამბავი: დილით შემთხვევით შეხვედრილმა თანაკურსელმა ვითომ სხვათა შორის მითხრა მასზე, თურმე ქმარმა მიატოვაო; გახსოვს რომ გაგვაცნო? რა ბედნიერი იყო საწყალი. . . არადა რატომ? კარგი გოგოა, კარგი მეუღლე იყო, როგორც ვიცი, თან ეგენი ხომ სიყვარულით დაქორწინდნენ. . .

      და მალე, საღამოხანს მე იგი ვნახე; რა დამთხვევაა??

      ოჰ, ეს აუტანელი შემთხვევითობა; როგორ დაგვცინის ხანდახან, თითქოს ბოროტი ღიმილით თვალსაც გვიკრავს და გაივლის, გაიქცევა, გვიტოვებს რა სურათს. . .

      აქ შევჩერდები.

      ვერ ვივიწყებ კურსელი გოგონას თვალებს. ვერ მივიდოდი, ვერ გამოვეცნაურებოდი, უხერხულია, ვერ ვკითხავდი და ვერ ვუთანაგრძნობდი. . .

      და იქნებ ისევ აუტანელმა შემთხვევითობამ თქვას თავისი სიტყვა. იქნებ ისევ მან დაანთოს ოდესღაც ჩამქრალი ნაპერწკალი და მოგიზგიზე ალად გადააქციოს. . .

      მას მივანდობ ნუგეშს და მეგობრულ სიტყვას. . .

ნახვა: 28

ტეგები: Qwelly, ბლოგი, მოთხრობა, ქადაგიძე, შემთხვევითობა

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

პარკიპელაგი - მოტივტივე კუნძულები

გამოაქვეყნა Tamila Moshiashvili_მ.
თარიღი: ნოემბერი 22, 2020.
საათი: 10:52pm 0 კომენტარი

      მთელს მსოფლიოში, უამრავი კუნძულია, რომლის ყიდვაც შეგიძლია და დასახლება, მაგრამ ზოგჯერ გამოუსაგარი და შეუძლებელი ხდება კუნძულზე ცხოვრება. ოცნებების ასასრულებლა კი კოპენჰაგენში ხელოვნური კუნძულები შექმნეს, რომელსაც სადაც გინდა იქ წაიღებ. მოტივტივე კუნძულების პარკი სულ მალე გაიხსნება კოპენჰაგენის ნავსადგურში. დანიურმა კომპანიამ, სტუდიო ფოკსტროტმა (Studio Fokstrot) და ავსტრალიელმა არქიტექტორმა მარშალ ბლეჩერმა (Marshall Blecher) მოიფიქრეს…

გაგრძელება

პოპულარობა ტერორიზმით, მეორე ტური და ელჩობა ოპოზიციაში

გამოაქვეყნა Giorgi_მ.
თარიღი: ნოემბერი 20, 2020.
საათი: 10:57pm 0 კომენტარი

      ერთ კვირაში შემოდგომაც მიილევა. მიწურულს კი თოვლმა გაამშვენა წითელი ფოთლების ფრენა და ნარნარი. კორონასგან მიყენებული ლეტალური ზიანი არ კლებულობს, ინფიცირებულების რაოდენობაც იზრდება. ხვალ ისევ არჩევნებია და ოპოზიცია ისევ უარზეა. ტერორიზმი კი უფრო და უფრო პოპულარული ხდება. ვირუსი სტატისტიკა - 96860 დადასტურებული, აქედან გამოჯანმრთელებული - 77932, გარდაცვლილი - 894, კარანტინში - 2226. დოლარი 3.3073 ლარი ღირს.

საქართველოს და მსოფლიოს…

გაგრძელება

არჩევნები უკორიდოროდ იქნება, დღგ დაბრუნდება და თოვლიც უფრო მოიმატებს

გამოაქვეყნა Giorgi_მ.
თარიღი: ნოემბერი 19, 2020.
საათი: 11:00pm 0 კომენტარი

      პირველი თოვლით დავსაჩუქრდით ნოემბერში - თბილისში უკვე ჩამოთოვა, ჯერ მხოლოდ წავკისსა და წყნეთში, მაგრამ ალბათ მალე რუსთაველზეც მოთოვს. იქამდე კი აქციებით დაიფარება ეს ქუჩა - ამას პროგნოზირებენ ოპოზიციონერები. იცოდით რომ კეთილდღეობით ვცხოვრობთ? - საქართველომ 2020 წლის „კეთილდღეობის ინდექსში“ შეფასების 100%-იანი შკალიდან 61.8% მიიღო და სარეიტინგო პოზიცია 53-ე ადგილზე შეინარჩუნა. ვირუსი სტატისტიკა - 93092 კოვიდ დადასტურებული, აქედან…

გაგრძელება

ოპოზიციისა და პოზიციის დანახული პომპეო

გამოაქვეყნა Giorgi_მ.
თარიღი: ნოემბერი 18, 2020.
საათი: 11:30pm 0 კომენტარი

      ყოველგვარი შესავლის გარეშე - დღის მთავარი ამბავი პომპეოს ვიზიტი იყო და მისი პოზიციურ-ოპოზიციური მხარეები, განაზრებანი, განმარტებანი, განზრახვანი, თარგმანნი და ა.შ. კორონა მატულობს და მატულობს სიცივეც - მომდევნო ორი დღე თოვლჭყაპი და ძლიერი ქარია მოსალოდნელი. ჩინეთი ჩამოვიტოვეთ მსოფლიო კოვიდ სტატისტიკაში - 89395 კოვიდ დადასტურებული, აქედან გამოჯანმრთელებული - 71468, გარდაცვლილი - 815, კარანტინში - 2370. დოლარი 3.2919 ლარი…

გაგრძელება

Qwelly World

free counters