შემაშფოთებელი კოვიდსტატისტიკა, წვიმა და წყალდიდობები, არჩევნები და ევროპული დარიგებები

      ძლიერმა წვიმებმა მთელი საქართველო შეაწუხა და დღის მთავარ ამბად იქცა. სინოპტიკოსები კი ამბობენ, რომ მსავსი ამინდი 29 ივლისის დილამდე შენარჩუნდებაო. დღის მთავარი იყო კოვიდის უამრავი ახალი შემხვევადი და ახალი რეგულაციების მოლოდინი, ასევე აცრებსა და ვაქცინაციაზე მსურველთა რაოდენობები და აქტიურობა. დღეს ასევე ევროპის საბჭოს საპარლამენტო ასამბლეის პრეზიდენტიც მეინსტრიმული აღმოჩნდა მედიაში. ვალუტის კურსი - 1 აშშ დოლარი - 3.0892 ლარია.

საქართველოს და მსოფლიოს ამბები | 27 ივლისი, 2021

qwellynews, სიახლეები, ნიუსები, ამბები

      #კოვიდსაქართველო - საქართველოში კორონავირუსის 3666 ახალი შემთხვევა დადასტურდა, 17 ადამიანი გარდაიცვალა. ამირან გამყრელიძე - ყველა პარამეტრი, ინციდენტობა, დადებითობის მაჩვენებელი, სამწუხაროდ, გაუარესებულია. აუცილებელი იქნება საზღვრებზე დამატებითი კონტროლი, რომ ნაკლებად შემოვიდეს საეჭვო, ინფიცირებული პირი. ამ ეტაპზე, საკოორდინაციო საბჭო მკაცრ „ლოკდაუნს“ არ განიხილავს, განიხილავს იმ რეკომენდაციების მაქსიმალურად აღსრულებას, რაც დაწესებულია. გუშინ, 24 საათის განმავლობაში 13 800 ადამიანი აიცრა, დღეისთვის კი ვაქცინაცია 14 300 ადამიანს ჩაუტარდება. ქვეყანაში „დელტა +“-ით ინფიცირების ორი შემთხვევა დადასტურდა, შემთხვევების 40-50 % უკვე „დელტაზე“ მოდის. იმის ნაცვლად, რომ წავიდეთ ქორწილში და სხვა სუფრაზე, წავიდეთ და ავიცრათ - უნდა გავითავისოთ, რომ ცეცხლს ვეთამაშებით. საქართველოში კოვიდგადატანილ მოქალაქეებსაც ორჯერადი ვაქცინაცია უნდა ჩაუტარდეთ. საავადმყოფოებში გაჩერდა ე.წ. გეგმური სერვისები და კლინიკები გადაუდებელ დახმარებაზე გადადიან - საწოლფონდის რესურსი რთულად, თუმცა ჯერჯერობით გვაქვს. ტურიზმის ადმინისტრაციას კორონავირუსით ინფიცირებული ბავშვებისა და მოზრდილების იზოლაციისთვის დამატებითი სივრცეების მობილიზაცია დაევალათ. პაატა იმნაძე - „ფაიზერით“ ორსულების აცრა შესაძლებელია, „სინოფარმითა“ და სინოვაკით“ კი ჯერჯერობით არა. ბიზნესი ცუდ დღეში აღმოჩნდება, თუ არ დაიცავენ რეკომენდაციებს და არ აცრიან პერსონალს, რადგან სხვადასხვა ქვეყნიდან უკვე მოდის ინფორმაცია აქედან წასულ დაინფიცირებულ ტურისტებზე. საქართველოში უკვე იყო ერთი პრეცედენტი, როცა 12 წლის ბავშვი აიცრა, რადგან მას შესაბამისი ჩვენება ჰქონდა. ანტივაქსერებზე საშიში ის ადამიანები არიან, ვინც ვაქცინებს ერთმანეთისგან არჩევენ. სერგო ჩიხლაძე - არ შეიძლება მოძველბიჭო და მოხულიგნო პაატა იმნაძე გამოდიოდეს სპიკერად, ყველა მისი განცხადება არის უბრალოდ ხულიგნობა. თამარ გაბუნია - მობილიზებულია 6000-მდე საწოლი, თუმცა დაგეგმილია საწოლფონდის გაზრდა, სულ მცირე 7000-მდე. ივანე ჩხაიძე - არსად გაქრება კორონავირუსი - პანდემია არ დამთავრდება. ბიძინა კულუმბეგოვი - რაც დღეს ქვეყანაში ხდება, ძალიან საყურადღებოა და რაც მეორე ტალღისგან განგვასხვავებს, გაგვიჩნდა დაცვის სერიოზული ფარი, ესაა ვაქცინაცია - დანაშაულის ტოლფასია, რომ ადამიანმა არ გამოიყენოს. მთავრობის ადმინისტრაცია - მასობრივი ვაქცინაციის ცენტრები მიმდინარე კვირის ბოლომდე მომზადდება, გატარდება ღონისძიებები არსებული საწოლფონდის განტვირთვისა და დამატებითი საწოლების მობილიზების კუთხით. ვაქცინაციის პორტალზე „ფაიზერის“ ვაქცინის ყველა ჯავშანი შეივსო, თუმცა ამირან გამყრელიძის ინფორმაციით, ვაქცინის დოზები ერთი კვირის განმავლობაში დაემატება.

      ევროპული დარიგებები - ევროპის საბჭოს საპარლამენტო ასამბლეის პრეზიდენტი - ჩემი პირველი გზავნილია, ეცადოთ არ გახადოთ პოლიტიკა პერსონალიზებული - შეამცირეთ პოლარიზება, ეცადეთ გააკეთოთ საქმე, რომელიც სჭირდება ხალხს. რიკ დემსი - შეწყვიტეთ თამაში და აამოქმედეთ მიშელის შეთანხმება პრაქტიკაში. დიახ, თუ თქვენ ატარებთ რეფორმებს, ყოველთვის საჭიროა ვენეციის კომისიის მოსაზრება. საქართველოში რაც მოხდა მედიასთან მიმართებაში, უკიდურესად მიუღებელი და სამწუხაროა. კახა კუჭავამ დაგვიდასტურა, რომ ევროსაბჭოს წევრი ქვეყნების პარლამენტის თავმჯდომარეთა კონფერენციის ერთ-ერთი მთავარი სპიკერი იქნება. ოქტომბერში არჩევნები გაქვთ - როგორც მესმის, ეს იქნება ადგილობრივი არჩევნები, მაგრამ ეროვნული რეფერენდუმის მსგავსი, ასეთი რამ არსად მინახავს. პოლარიზაცია უნდა შემცირდეს, თქვენ ვერასოდეს გამართავთ ღირსეულ დიალოგს და ვერ ვიპოვოთ გამოსავალს, თუ მხოლოდ ემოციებით ვისაუბრებთ.

      საარჩევნო კანდიდატი - ხატია დეკანოიძე - მაჟორიტარებთან დაკავშირებულ კოორდინაციაში უნდა შემოვიდეს მეტი პარტია - „ლელოს“ პასუხი იქნება უახლოეს დღეებში. ალეკო ელისაშვილი - ჯერჯერობით, ვინც თბილისის მერობის კანდიდატებად არიან წარმოდგენილი, არც ერთს მხარს არ დავუჭერთ. ვახტანგ მეგრელიშვილი - „ოცნება“ და „ნაცმოძრაობა“ ამომრჩევლებში სიძულვილის ინვესტირებას აკეთებს მეორე მხარის მიმართ - ეს ისეთ პიკშია მისული, რომ უმნიშვნელოვანეს საკითხებზეც კი არ ლაპარაკობენ. ირაკლი კობახიძე - პასუხისმგებლობას იმ პლაკატებზე ვერ ავიღებთ, რომელიც ვიღაცამ გამოაკრა - სააკაშვილი, კეზერაშვილი, „ჭუტა", გვარამია და მელაძე სიძულვილის მთავარი გამღვივებლები არიან. ირაკლი კობახიხის ინფორმაციით, მერობის კანდიდატებს მიმდინარე კვირის ბოლომდე წარადგენენ. თუ თბილისის მერის არჩევნებზე ორი კანდიდატურა - კალაძე და მელია იქნებიან, ხმები 70-30-ზე გადანაწილდება. ბადრი ჯაფარიძე - საზოგადოებას არ სჭირდება ყველა პარტია ერთად, რაღაც ხელოვნურ ერთობაში - საზოგადოებას ოპოზიციურ სპექტრში ფართო არჩევანი სჭირდება.

      საშიში წვიმა - ხობის მუნიციპალიტეტში უხვი ნალექის შედეგად ეზოები და ქუჩები დაიტბორა. უხვი ნალექით გამოწვეული პრობლემების გამო, ლენტეხის მუნიციპალიტეტის სოფელ მუწდის მცხოვრებლები დახმარებას ითხოვენ. ბათუმის რესპუბლიკური საავადმყოფოს ახალი კორპუსი ძლიერი წვიმის შედეგად დაიტბორა. ზუგდიდში, უხვი ნალექის გამო, ხე წაიქცა, რომელიც ავტომანქანას დაეცა. სტიქიამ ზუგდიდში პრობლემები შექმნა - მერიის სამსახურები ადგილზე მუშაობენ. რუსთაველის გამზირზე, სადაც ასფალტის საფარი ჩაინგრა, სპეციალური ტექნიკა მუშაობდა. ბათუმში ძლიერი წვიმის შედეგად რამდენიმე ქუჩა დაიტბორა. თბილისის მერის მოადგილის განცხადებით, რუსთაველის მეტროს მიმდებარე ტერიტორიაზე, სადაც ასფალტი ჩავარდა, აღდგენითი სამუშაოები ინტენსიურად მიმდინარეობს. GWP-ის ტექნიკური დირექტორის განცხადებით, რუსთაველის მეტროს მიმდებარე ტერიტორიაზე წყლის მილის დაზიანების გამო, წყალი 5 ათასამდე აბონენტს არ მიეწოდება. მესტიის მერია - ძლიერი წვიმის შედეგად მოვარდნილმა ადიდებულმა მდინარემ სრულად ან ნაწილობრივ გაანადგურა როგორც შიდასასოფლო გზები, ისე ცენტრალური გზის ნაწილი და ელექტროგადამცემი ხაზები. ლენტეხში სტიქიის გამო დაზიანებული გზები ნაწილობრივ აღდგა - ამ დროისთვის 4 სოფელი კვლავ გარემოს მოწყვეტილია.

      გადასახადები - „მთავარი არხის“ ინფორმაციით, ტელეკომპანიის გაყიდვების სახლში საგადასახადო სამსახური შევიდა. ფინანსთა მინისტრი - შემოწმებას არანაირი შეხება არ აქვს "მთავარ არხთან" - თემით სპეკულირება, ქულების დაწერა და საგადასახადო ადმინისტრირების პოლიტიკურ ჭრილში გადატანა, არ არის კარგი.

საზღვარგარეთულები:

      #კოვიდმსოფლიო - სომხეთში კორონავირუსით ინფიცირების 180 ახალი შემთხვევა გამოვლინდა და 7 ადამიანი გარდაიცვალა. Bloomberg - მსოფლიოში ვაქცინების 3.89 მილიარდი დოზა გამოიყენეს, რაც პლანეტის მოსახლეობის 25.4%-ის ორივე დოზით აცრისთვისაა საკმარისი. ურსულა ფონ დერ ლეიენი - ევროკავშირში ზრდასრული მოსახლეობის 70%-მა კორონავირუსის საწინააღმდეგო ვაქცინის მინიმუმ ერთი დოზა მიიღო. რუსეთში კორონავირუსის 23 032 ახალი შემთხვევა დაფიქსირდა და 779 ადამიანი გარდაიცვალა.

წყაროები: ქართული ინტერნეტ საინფორმაციო პორტალები

◄ წინა ამბები მომდევნო ამბები ►

ნახვა: 96

ტეგები: qwellynews, ამბები, ბლოგი, ივლისი, ნიუსები, სიახლეები

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

შეგულიანების აქცია

გამოაქვეყნა Giorgi_მ.
თარიღი: ოქტომბერი 27, 2021.
საათი: 11:21pm 0 კომენტარი

      როცა აქციაა, ყველაფერი ჩერდებაო ამბობდნენ პოლიტოლოგები ძველ ეგვიპტეში. დღესაც ასე იყო, ქართული ოცნების აქციის გარსემო და მიხეილ სააკაშვილის პატიმრობის ირგვლივ მოიყარა მთელმა მედიამ და იმის იქით სად რა ხდებოდა, არავის არაფერი აინტერესებს. დღე ცივი და მოჟამული იყო, მაგრამ მომავალი დღეები იქნება მზიანიო, ამბობენ სინოპტიკოსები და არჩევნების თბილ გარემოში ჩატარებას გვპირდებიან ცესკოსთან ერთად. ვალუტის კურსი - 1 აშშ დოლარი - 3.1557 ლარია.…

გაგრძელება

როგორ მოვხვდეთ ფანტაზიის ფინალურ ეტაპზე?!

გამოაქვეყნა Selena_მ.
თარიღი: ოქტომბერი 27, 2021.
საათი: 6:00am 0 კომენტარი

A mount is an item that allows players to quickly browse the huge digital world of this type, instead of walking and jogging like an idiot. In its ten-year existence, the stables of rideable creatures and devices in Final Fantasy XIV have expanded to nearly 200 mounts. Unlocking each mount has different requirements, from upgrading to paying actual money.

Players can participate in the game's regular activities to obtain the Final Fantasy XIV mount, in which they can interact with…

გაგრძელება

პროტესტი შიმშილით და შიმშილობის პროტესტი

გამოაქვეყნა Giorgi_მ.
თარიღი: ოქტომბერი 26, 2021.
საათი: 9:30pm 0 კომენტარი

      ქვეყანაში არეულ ამინდებს არეული პოლიტიკური ამბები მოჰყვა. მაგრამ ძირითადი თემა მაინც საარჩევნო სამზადისებია და კოვიდის მომატებული სტატისტიკა. ათასებს ვითვლით ყოველდღიურად იმფიცირებულ ადამიანებში და ნელ-ნელა საუბარი შეზღუდვების აუცილებლობაზე მიდის. წინ არჩევნებია და არჩევნების შემდეგ ვნახოთ რა იქნება. იქამდე, დღის მეორე თემა მოშიმშილე პატიმარი სააკაშვილი და მისი ჯანმრთელობის მდგომარეობაა. რაც შეეხება ეკონომიკას და ვალუტის კურსს - 1 დოლარის…

გაგრძელება

კარდინალები და იაგუარები

გამოაქვეყნა Weiweismart_მ.
თარიღი: ოქტომბერი 26, 2021.
საათი: 5:00am 0 კომენტარი

The Madden series has had mixed reviews in recent years, with critics acquiescing to the long-standing complaints of hardcore fans and casual players. EA has begun to introduce new features and game modes to Madden to emphasize the Madden nfl 22 coins fact that it's an actual videogame and not just a sport simulation. However, the gameplay on the field is still lacking and the fundamental single-player mode which do not include micro-transactions, such as Madden Ultimate Team go mostly not…

გაგრძელება

Qwelly World

free counters