უილ სმიტი შესანიშნავი მსახიობია, მისი ფილმები ძალიან მომწონს. ისეთი ტიპია დრამატულ სიტუაციაშიც, რომ გაგეცინება. ჩარლი ჩაპლინს ან რომელიმე სხვა კომიკოსს არ შევადარებ, რადგან ეს ადამიანი სრულიად განსხვავებული ტიპაჟია და ჩემი აზრით ძალიან მაგრად ასრულებს თავის როლს ყველა ფილმში. განსაკუთრებით კი ის ფილმი მიყვარს, რომელზეც ახლა უნდა ვისაუბრო - მე, რობოტი.

     მე, რობოტის რეჟისორი ალექს პროიასია წიგნის წაკითხვის შემდეგ უფრო დავაფასე ეს რეჟისორი, მისი ხედვა და ფანტაზია. მაგარი რეჟისორი აღმოჩნდა, რომელმაც უფრო საინტერესო და კარგი საყურებელი გახადა ფილმი. აქამდე წიგნი არ მქონდა წაკითხული, კინო კი ძალიან მიყვარდა. იმდენჯერ მქონდა ნანახი სულ ზეპირად მახსოვდა ყველა დეტალი ყველა სიუჟეტი და პერსონაჟის სახელები. ვისაც ფილმი გინახავთ, ვის დაავიწყდება დეტექტივი სპუნის გამოძიებები და ფიქრები იმის შესახებ, რომ რობოტსაც კი შეუძლია დაარღვიოს კანონები და ჩაიდინოს დანაშაული, ანუ მოკლად კაცი, ან გაძარცვოს. თავიდან ხომ ყველას სასაცილოდაც არ ჰყოფნის ის ფაქტი, რომ მას სჯერა რობოტებს არ უნდა ენდო და ეძებს მთელი თავისი კარიერის განმავლობაში დამნაშავე რობოტს. ფილმში ის იპოვის კიდეც რობოტს, რომელიც არ რეაგირებს ადამიანის ბრძანებაზე და არ იცავს არცერთ კანონს რობოტიქსიდან.

     1. რობოტებს არ შეუძლიათ რამე დაუშავონ ადამიანებს.

     2. რობოტი უნდა დაემორჩილოს ადამიანის ყველა ბრძანებას, თუ ეს არ ეწინააღმდეგება პირველ კანონს.

     3. რობოტს შეუძლია თავი დაიცვას თუ ეს არ ეწინააღმდეგება პირველ და მეორე კანონებს.

     წიგნი საერთოდ არ გავს ფილმს, სულ მცირე დეტალითაც კი. მხოლოდ სამი კანონი წერია დასაწყისში და ფილმის სიუჟეტისგან ძალიან განსხვავდება. წიგნში ვხვდებით ჟურნალისტს, რომელიც უკვე დაბერებული რობოტფსიქოლოგისაგან იღებს ინტერვიუს. აინტერესებს ყველაფერი რაც მისი მუშაობის დროს გადახდა "იუ ეს რობოტიკსს". წიგნში ამაოდ ვეძებდი დეტექტივ სპუნს, რომელიც ეცდებოდა გამოეძიებინა რობოტის ჩადენილი დანაშაული. ამაოდ ვეძებდი, თუმცა მთლიანობაში წიგნით მაინც ვისიამოვნე. ბევრი მახალისა, ბევრი რამ მასწავლა და ბევრად დამაინტერესა.

     მიუხედავად იმისა, რომ ნამდვილად ეტყობა მეცნიერის დაწერილია და პირდაპირ საუბრობს ისეთი ტერმინებით, რაც ბევრისთვის გაუგებარია მაინც ძალიან კარგად იკითხებოდა. თავიდან ისე დავიწყე, ძალიან პესიმისტურად განვეწყვე, როცა ტერმინები წავიკითხე. ვიფიქრე ამის გაგრძელება არ ღირდა, რადგან მაინც ვერ გავიგებდი, თუმცა ვერ მოვწყდი. საინტერესოა ძალიან და რობოტფსიქოლოგი აღწერს თავის კარიერაში მომხდარ უცნაურობებს. ყვება დონოვანსა და პაუელზე, რომელსაც რამდენიმეჯერ არ გაუმართლათ და კინაღამ ჩაუვარდათ საქმე რობოტის გაუმართაობის გამო კოსმოსში. იმაზე მეცინებოდა, როცა რობოტი ადამიანებს მიმართავს, რომ მე უფალმა შემქმნა და არა თქვენ, მე უფლის მოციქული ვარ და მხოლოდ მას ვემორჩილებიო.

     წიგნის კითხვის დროს ასეთი რობოტები მქონდა წარმოდგენილი გონებაში და ისე მივსდევდი სიუჟეტს, მაგრამ ნომრებით სულ არ იყვნენ ერთმანეთის მსგავსნი. ნს-2, დვ-2, ქიუთი და ა.შ.

     რობოტფსიქოლოგი ასევე იმ ამბავსაც ჰყვება, როგორ მოუვიდათ შეცდომა რობოტის აწყობის დროს და რობოტმა ადამიანის ფიქრების წაკითხვა დაიწყო. ეს უჩვეულო მოვლენა იყო და ძალიან საინტერესოც, კითხულობდა აზრებს, მაგრამ ადამიანს არ ეუბნებოდა იმას, რაც შეიძლებოდა სიმართლე ყოფილიყო. მასში კანონები მკაცრად იყო ჩადებული და მხოლოდ იმას იძახდა, რისი მოსმენაც მას სურდა.

     მისი სიუჟეტი არ მოგაწყენთ ნამდვილად, მაგრამ წიგნი მართლაც განსხვავდება ფილმისგან და ამაში თქვენც დარწმუნდებით, როცა წაიკითხავთ. აიზეკ აზიმოვი, რომ შესანიშნავი ფანტასტიკია ამაში ნამდვილად დავრწმუნდი და ერთ სიამოვნებად ღირდა მისი წიგნის წაკითხვა.

     ჯერ არ დამიმთავრებია კითხვა. წიგნს მე, რობოტი ქვია, მაგრამ მასში "მარადისობის აღსასრულიც" შედის და ისიც არანაკლებ საინტერესოა. რომ დავამთავრებ კითხვას აუცილებლად დავწერ მის შემდეგ წიგნზეც. მან გამიფართოვა უფრო ფანტაზია, მომავლის შეგრძნება და მომავალში გადავვარდი რამდენიმე დღის განმავლობაში. მარადისობის აღსასრულით კი მარადიული გავხდი და დროში ხეტიალი დავიწყე. დამიჯერეთ ეს სასიამოვნო შეგრძნებაა, როცა აკვირდები გარედან რა ხდება 432-ე საუკუნეში, ან 50 000-ეში.

აიზეკ აზიმოვი მეცნიერებისა და ფანტასტიკის ჟანრში უდავოდ უძლიერესია. ამის შემდეგ თუ ვიშოვე მის სხვა წიგნსაც წავიკითხავ სიამოვნებით. ♥

ნახვა: 652

ტეგები: Qwelly, ბლოგი, განხილვა, კინომანია, მსახიობი, ფილმი

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

დაკეცილი ქანდაკება ანუ სკულპტურა კუბიკში

გამოაქვეყნა Tamila Moshiashvili_მ.
თარიღი: ოქტომბერი 2, 2022.
საათი: 10:41pm 0 კომენტარი

      სკულპტორები გამიბრაზდნენ, დიდი ხანია ჩვენზე არ დაგიწერიაო, - მომივიდა წერილები. ამიტომ ყველაზე თანამედროვე ამბავი ვიპოვე ინტერნეტში და უნდა გაგიზიაროთ. კლასიკოსები ალბათ ვერც წარმოიდგენდნენ მათ შედევრებს ასეთი ბედი თუ ეწეოდათ, მაგრამ ადამ პარკერ სმიტს (Adam Parker Smith) სხვა გეგმები აქვს. ამ ცნობილმა, თანამედროვე სკულპტორმა, ახალი ხაზის კოლექცია წარადგინა სახელწოდებით „მსხვრევა“ Crush. რომში ნასწავლ-დახელოვნებული…

გაგრძელება

თამაშებით შეცვლილი ცხოვრება

გამოაქვეყნა MacMillanwu_მ.
თარიღი: სექტემბერი 29, 2022.
საათი: 12:00pm 0 კომენტარი

While you're making your way to Lumbridge and begin to explore the town, all of the stage-playing addicts could be your in the future. It's intoxicating. "More than the other games I've played, the avatar is me - it's an amalgamation from the entire that I've accomplished in and is important to us gamers."

A variety of online games attempt to take over your life, but RuneScape is the maximum sincere about it. The magic isn't the quests or stories. If people talk about the…

გაგრძელება

ლუკაშენკოს ხავერდოვანი სეზონი და სამასპინძლო აქციები ლარსთან

გამოაქვეყნა Giorgi_მ.
თარიღი: სექტემბერი 28, 2022.
საათი: 11:30pm 0 კომენტარი

      გუშინ რომ სოხუმის დაცემა გაიხსენეს, დღეს ბელარუსის პრეზიდენტი სწორედ აფხაზეთში ჩავიდა ოფიციალური ვიზიტით და დაარღვია საქართველოს სახელმწიფოს კანონი. აქამდე ჯერ კიდევ მეგობართა სიაში იმყოფებოდა ოფიციალურ დონეზე მაინც. დღეს ასევე აქციები მოეწყო ლარსთან და ხოშტარიას დროამ „მასპინძლობა“ გაუწია რუსეთიდან გამოქცეულებს, რომლებაც რატომღაც დეზერტირებს ეძახიან ანუ ჯობდა ეომათ?! დღის მთავარ ამბებში კვლავ ომბუდსმენიც ფიგურირებს და კალაძის თბილისიც. დღეს…

გაგრძელება

სოხუმის დაცემის დღეს რუსების შემოსვლის აქტუალობა

გამოაქვეყნა Giorgi_მ.
თარიღი: სექტემბერი 27, 2022.
საათი: 11:30pm 0 კომენტარი

      რუსეთში გამოცხადებული სამხედრო მობილიზაცია არის მეინსტრიმული მთავარი თემა საქართველოშიც, რადგან ბოლო დღეებია ვრცელდება კადრები კილომეტრიანი რიგების და საცობების ჩვენს ჩრდილოელ მეზობელ-მტერთან - გამორბიან და გამორბიან ომს განრიდებული რუსები და ახლა აქ მთავარი თემა ისაა, უნდა მივიღოთ თუ საზღვარი ჩავუკეტოთ. დღეს ასევე სოხუმის დაცემის დღეა და როგორც სექტემბრის ყოველ მიწურულს, დღესაც კადრები, მოგონებები, ყვავილები და გახსენებები ისმოდა-იკითხებოდა…

გაგრძელება

Qwelly World

free counters