შუაღამიანი მიყვარს, სრული სიჩუმე და ფრთაგაშლილი, უსამანო ფიქრი. ოთარის გზაზე მიმავალი ერთი კაცივით, ფიქრების ჭაში ჩაყურყუმალება და თევზივით გულში ფიქრის დაგუბება. დროც დროა და შაბათის - ყველაზე ფიქრიანი, კვირის ზიარების მოლოდინში თვისთა ცოდვათა მორევში გადასაშვები და დამაფიქრველნი. ამ საღამოსაც ჩამითრია ამ მორევმა და სახარებისეული შენდობის ეპიზოდმა, ჯერ მოყვასის წინ რომ უნდა დაეგო, ითხოვო შენდობა და შემდეგ შესწირო მსხვერპლი უზენაესს, სხვა ფიქრთა ნაკადულში გადამისროლა და სანამ ჩემი შესავლის, თანწყობილ და ქვეწყობილ წინადადებათა ზღვაში დაგახრჩეთ, იმას დავუბრუნდები, რამაც წერა დამაწყებინა. :) 

   "პირველითგან იყო სიტყვა." ნამდვილად! მაგრამ ამჯერად ყველას მშობელ ღმერთზე საუბარს არ ვაპირებ. მე უმრავლესობა ჩვენგანის პირველი სიტყვა მინდა გავიხსენო. ჩემი "პირველი სიტყვა" საუკუნენახევრის და ცოტა უფრო მეტი ხნის წინ, სწორედ ამ დღეს მოევლინა სამყაროს, ერთ გონიერ, ძალიან გულჩვილ და თავმდაბალ ადამიანად. მიჭირს ემოციების გარეშე ლაპარაკი, სულ გავურბი ბანალურ-შაბლონურ სტატუსებს და პოსტებს და იმის იმედით, რომ ამ წერილის ადრესატი ამას ვერასდროს ნახავს, თავდამშვიდებული ვიწყებ წერას.

   "-ვის არ უყვარს დედა?!."; "ნუ გეშინია დედა!"; "-დედის დაწვეთებულ ცრემლზე ია ამოდისო." და მაინც, ქართულ პროზასა თუ პოეზიაში მიმობნეული დედებიდან, დედაჩემი ვერცერთს მივამსგავსე. ჩემი სუბიექტურობიდან გამომდინარე, ის ერთადერთი და განუმეორებელია, ყველაზე კარგი, შეიძლება იმიტომაც, რომ პერსონაჟთაგან განსხვავებით ძალიან ნამდვილია და თუ საქმეს დასჭირდა რკინის ქალამნებსაც ჩაიცვამს და ხელმწიფემდეც ივლის სამართლის ძიებაში, ოთარაანთ ქვრივისაა არ იყოს და თუ უძღებმა შვილებმა, ჩვენდაუნებურად, დაუფიქრებლობით და მოუფრთხილებლობით გული ვატკინეთ, თავსაფრიანი დედაკაცის მსგავსად გულში ჩაიკლავს, ერთ საყვედურს არ წამოიცდენს და უთქმელად და უჩინრად შეიძლება მოკვდეს კიდეც, მაგრამ ამას არას დიდებით არ შეიმჩნევს და სანაცვლოდ კვლავაც ულევ სიყვარულსა და სითბოს გვთავაზობს.

   ამ სინანულის ღამესაც, გარე-გარე შეცოდებებს, რომ გადავავლე თვალი და ცრემლითა მწარითა აღვხოცე უსჯულოებანი ჩემნი, უფრო კი ვეცადე, თორემ აღხოვცამდე კვლავაც ბევრი დამრჩა, უცებ გამახსენდა ჩვენზე ფიქრით და დარდით, კიდევ ერთი წლით დაბერებული დედაჩემი. ბოლო შეხვედრისას საყვედურებით რომ ავავსე, რატომ შენს თავს არ მიხედავ და რით ვეღარ გაიგე რომ პატარები აღარ ვართ-მეთქი, მან ჩვეული სევდიან-ღიმილიანი სიმშვიდით მითხრა, რომ ღმერთი მეც მომცემს შვილებს და მერე მივხვდები ყველაფერს... რადგანაც დედა აქ არ არის, რომ მის წინ დავეგო და შენდობა ვითხოვო, ცოდვა გამხელილი ჯობია  და აი გავამხილე კიდეც.

   მრავალმეტყველებისთვისაც ვითხოვ შენდობას და ბოლოს კეთილ ნატვრადაც ყველას გისურვებთ, რომ პირველითგან მყოფი სიტყვა იფარავდეს და ეწეოდეს ჩვენს პირველ სიტყვებს, აწ და მარადის, და უკუნითი უკუნისამდე!..

ნახვა: 206

ტეგები: Qwelly, ბლოგი, დედა, სინანული, სიყვარული, ფიქრები, შუაღამიანი

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

რეალობის აღქმა

გამოაქვეყნა Kakha_მ.
თარიღი: ნოემბერი 28, 2021.
საათი: 7:00pm 0 კომენტარი

   რეალობა პირობით მოვლენაა, თან ცვლადი და არც ისე შორს არ იძლევა გახედვის საშუალებას, რაც დღეს მონაპოვარი და განმტკიცებული და სწორი გვგონია ის ხვალ არა, ზეგ უკვე დიდი შეცდომააა, ადამიანის ფსიქიკა ძალიან სენსიტიური მოვლენაა, რაც იმას ნიშნავს მეგობრებო რომ დღეს უცებ რომ ვინმემ გვითხრას 18 წლის უკან მომხდარი ფაქტი რაც ყველას ჰგონია რომ…

გაგრძელება

DR8926-300 Nike Air Max 90 "Green Snakeskin" will be released in 2022

გამოაქვეყნა W Y_მ.
თარიღი: ნოემბერი 27, 2021.
საათი: 6:30am 0 კომენტარი

As the Nike Air Max 90 inches approaches its 32nd anniversary, it has some non-original but eye-catching styles. Recently, Tinker Hatfield's iconic design incorporates green snakeskin panels and pink-style children's exclusive suits. Although the new surface layer retains the model's standard mesh sole, synthetic leather and TPU components, most of its upper also has a scaly covering layer. This detail can pay tribute to the upcoming animal-inspired Nike Sportswear series, as other Air Max…

გაგრძელება

როგორ იღებენ ფინალური ფანტაზია XIV მოთამაშეები Taffeta Cloth?

გამოაქვეყნა Selena_მ.
თარიღი: ნოემბერი 24, 2021.
საათი: 6:30am 0 კომენტარი

Players who have entered the charm of Final Fantasy XIV must have heard of Taffeta Cloth suits, which are known for their attractive appearance. To make this suit, players need Taffeta Cloth, which is specifically for Taffeta Shawl and Loincloth. Any craftsman in Final Fantasy XIV will know that rare crafting materials usually require a lot of polishing. Taffeta Cloth is no exception. Player retainers are the only way to Buy FFXIV Gil.

To obtain Taffeta Cloth, Final Fantasy XIV…

გაგრძელება

აზარტული თამაშების აკრძალვები, სოც. გარემო და დასჯილი პრეზიდენტი

გამოაქვეყნა Giorgi_მ.
თარიღი: ნოემბერი 22, 2021.
საათი: 11:23pm 1 კომენტარი

      როგორც ჩანს თბილი გიორგობა გვექნება და ზამთარსაც, მეტწილად თბილად შევხვდებით. ვნახოთ, როგორ გამართლდება სინოპტიკოსების პროგნოზი. ქვეყანაშიც დათბა და აქციებიც კვლავ ანონსდება. მსჯავრდებული პრეზიდენტი უკეთ არისო და მის სტუდია კვლავ აქტიურია, პრემიერი და მისი ინიციატივები იყო დღეს მეინსტრიმული, განსაკუთრებით აზარტული თამაშები და სოც. დახმარებები. დოლარის ღირებულება - 3.1134 ლარია.…

გაგრძელება

Qwelly World

free counters